| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. собаагад̇т̇зраг̇аат̇ааван̣н̣анаа
4. Sopākattheragāthāvaṇṇanā
д̣̇исваа баасаад̣̇ачааяааяанд̇иаад̣̇игаа ааяасмад̇о собаагад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о б̣раахман̣аанам̣ виж̇ж̇аасиббзсу нибпад̇д̇им̣ г̇ад̇о гаамзсу аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа згасмим̣ баб̣б̣ад̇з вихарад̇и. сад̇т̇аа аасаннамаран̣ам̣ д̇ам̣ н̃ад̇ваа д̇асса санд̇игам̣ аг̇амааси. со бхаг̇аванд̇ам̣ д̣̇исваа басаннажид̇д̇о ул̣аарам̣ бийд̇исоманассам̣ бавзд̣̇знд̇о бубпамаяам̣ аасанам̣ бан̃н̃абзд̇ваа ад̣̇ааси. сад̇т̇аа д̇ад̇т̇а нисийд̣̇ид̇ваа, анижжад̇аабадисам̣яуд̇д̇ам̣ д̇хаммим̣ гат̇ам̣ гат̇зд̇ваа д̇асса бассанд̇ассзва аагаасзна аг̇амааси. со буб̣б̣з г̇ахид̇ам̣ нижжаг̇г̇аахам̣ бахааяа анижжасан̃н̃ам̣ хад̣̇аяз табзд̇ваа, гаалан̇гад̇ваа, д̣̇звалогз уббаж̇ид̇ваа, абараабарам̣ д̣̇звамануссзсу сам̣саранд̇о, имасмим̣ б̣уд̣̇д̇хуббаад̣̇з рааж̇аг̇ахз собаагаяонияам̣ ниб̣б̣ад̇д̇и. со ж̇аад̇иааг̇ад̇зна собаагод̇и наамзна бан̃н̃ааяи. гзжи бана ‘‘ваан̣иж̇агулз ниб̣б̣ад̇д̇о, ‘собааго’д̇и бана наамамад̇д̇а’’нд̇и вад̣̇анд̇и. д̇ам̣ абад̣̇аанабаал̣ияаа вируж̇жхад̇и ‘‘бажчимз бхавз самбад̇д̇з, собаагаяонубааг̇ами’’нд̇и важанад̇о.
Disvāpāsādachāyāyantiādikā āyasmato sopākattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto siddhatthassa bhagavato kāle brāhmaṇakule nibbattitvā viññutaṃ patto brāhmaṇānaṃ vijjāsippesu nipphattiṃ gato kāmesu ādīnavaṃ disvā gharāvāsaṃ pahāya tāpasapabbajjaṃ pabbajitvā ekasmiṃ pabbate viharati. Satthā āsannamaraṇaṃ taṃ ñatvā tassa santikaṃ agamāsi. So bhagavantaṃ disvā pasannacitto uḷāraṃ pītisomanassaṃ pavedento pupphamayaṃ āsanaṃ paññapetvā adāsi. Satthā tattha nisīditvā, aniccatāpaṭisaṃyuttaṃ dhammiṃ kathaṃ kathetvā tassa passantasseva ākāsena agamāsi. So pubbe gahitaṃ niccaggāhaṃ pahāya aniccasaññaṃ hadaye ṭhapetvā, kālaṅkatvā, devaloke uppajitvā, aparāparaṃ devamanussesu saṃsaranto, imasmiṃ buddhuppāde rājagahe sopākayoniyaṃ nibbatti. So jātiāgatena sopākoti nāmena paññāyi. Keci pana ‘‘vāṇijakule nibbatto, ‘sopāko’ti pana nāmamatta’’nti vadanti. Taṃ apadānapāḷiyā virujjhati ‘‘pacchime bhave sampatte, sopākayonupāgami’’nti vacanato.
д̇асса жад̇умаасаж̇аад̇асса бид̇аа гааламагааси, жуул̣абид̇аа босзси. ануггамзна сад̇д̇авассиго ж̇аад̇о. згад̣̇ивасам̣ жуул̣абид̇аа ‘‘ад̇д̇ано буд̇д̇зна галахам̣ гарод̇ий’’д̇и гуж̇жхид̇ваа, д̇ам̣ сусаанам̣ нзд̇ваа, д̣̇вз хад̇т̇з раж̇ж̇уяаа згад̇о б̣анд̇хид̇ваа, д̇ааяа зва раж̇ж̇уяаа мад̇амануссасса сарийрз г̇аал̣хам̣ б̣анд̇хид̇ваа г̇ад̇о ‘‘син̇г̇аалаад̣̇аяо каад̣̇анд̇уу’’д̇и. бажчимабхавигад̇ааяа д̣̇аарагасса бун̃н̃апалзна саяам̣ маарзд̇ум̣ на висахи, син̇г̇аалаад̣̇аяоби на абхибхавим̣су. д̣̇аараго ад̣дхарад̇д̇асамаяз звам̣ виббалабад̇и –
Tassa catumāsajātassa pitā kālamakāsi, cūḷapitā posesi. Anukkamena sattavassiko jāto. Ekadivasaṃ cūḷapitā ‘‘attano puttena kalahaṃ karotī’’ti kujjhitvā, taṃ susānaṃ netvā, dve hatthe rajjuyā ekato bandhitvā, tāya eva rajjuyā matamanussassa sarīre gāḷhaṃ bandhitvā gato ‘‘siṅgālādayo khādantū’’ti. Pacchimabhavikatāya dārakassa puññaphalena sayaṃ māretuṃ na visahi, siṅgālādayopi na abhibhaviṃsu. Dārako aḍḍharattasamaye evaṃ vippalapati –
‘‘гаа г̇ад̇и мз аг̇ад̇исса, го ваа б̣анд̇ху аб̣анд̇хуно;
‘‘Kā gati me agatissa, ko vā bandhu abandhuno;
сусаанамаж̇жхз б̣анд̇хасса, го мз абхаяад̣̇ааяаго’’д̇и.
Susānamajjhe bandhassa, ko me abhayadāyako’’ti.
сад̇т̇аа д̇ааяа взлааяа взнзяяаб̣анд̇хавз ологзнд̇о д̣̇аарагасса хад̣̇аяаб̣бханд̇арз баж̇ж̇аланд̇ам̣ арахад̇д̇уубаниссаяам̣ д̣̇исваа обхаасам̣ парид̇ваа сад̇им̣ ж̇анзд̇ваа звамааха –
Satthā tāya velāya veneyyabandhave olokento dārakassa hadayabbhantare pajjalantaṃ arahattūpanissayaṃ disvā obhāsaṃ pharitvā satiṃ janetvā evamāha –
‘‘зхи собаага маа бхааяи, ологассу д̇ат̇ааг̇ад̇ам̣;
‘‘Ehi sopāka mā bhāyi, olokassu tathāgataṃ;
ахам̣ д̇ам̣ д̇аараяиссаами, раахумукзва жанд̣̇има’’нд̇и.
Ahaṃ taṃ tārayissāmi, rāhumukheva candima’’nti.
д̣̇аараго б̣уд̣̇д̇хаанубхаавзна чиннаб̣анд̇хано г̇аат̇аабарияосаанз сод̇аабанно худ̇ваа г̇анд̇хагудисаммукз адтааси. д̇асса маад̇аа буд̇д̇ам̣ абассанд̇ий жуул̣абид̇арам̣ бужчид̇ваа д̇знасса бавад̇д̇ияаа агат̇ид̇ааяа д̇ад̇т̇а д̇ад̇т̇а г̇анд̇ваа вижинанд̇ий ‘‘б̣уд̣̇д̇хаа гира ад̇ийд̇аанааг̇ад̇абажжуббаннам̣ ж̇аананд̇и, яам̣нуунаахам̣ бхаг̇аванд̇ам̣ убасан̇гамид̇ваа мама буд̇д̇асса бавад̇д̇им̣ ж̇аанзяяа’’нд̇и сад̇т̇у санд̇игам̣ аг̇амааси. сад̇т̇аа, ид̣̇д̇хияаа д̇ам̣ бадижчаад̣̇зд̇ваа, ‘‘бханд̇з, мама буд̇д̇ам̣ на бассаами, абижа бхаг̇аваа д̇асса бавад̇д̇им̣ ж̇аанаад̇ий’’д̇и д̇ааяа будто –
Dārako buddhānubhāvena chinnabandhano gāthāpariyosāne sotāpanno hutvā gandhakuṭisammukhe aṭṭhāsi. Tassa mātā puttaṃ apassantī cūḷapitaraṃ pucchitvā tenassa pavattiyā akathitāya tattha tattha gantvā vicinantī ‘‘buddhā kira atītānāgatapaccuppannaṃ jānanti, yaṃnūnāhaṃ bhagavantaṃ upasaṅkamitvā mama puttassa pavattiṃ jāneyya’’nti satthu santikaṃ agamāsi. Satthā, iddhiyā taṃ paṭicchādetvā, ‘‘bhante, mama puttaṃ na passāmi, apica bhagavā tassa pavattiṃ jānātī’’ti tāya puṭṭho –
‘‘на санд̇и буд̇д̇аа д̇аан̣ааяа, на бид̇аа нааби б̣анд̇хаваа;
‘‘Na santi puttā tāṇāya, na pitā nāpi bandhavā;
анд̇агзнаад̇хибаннасса, над̇т̇и н̃аад̇ийсу д̇аан̣ад̇аа’’д̇и. (д̇ха. ба. 288) –
Antakenādhipannassa, natthi ñātīsu tāṇatā’’ti. (dha. pa. 288) –
д̇хаммам̣ гат̇зси. д̇ам̣ суд̇ваа саа сод̇аабаннаа ахоси. д̣̇аараго арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.2.112-123) –
Dhammaṃ kathesi. Taṃ sutvā sā sotāpannā ahosi. Dārako arahattaṃ pāpuṇi. Tena vuttaṃ apadāne (apa. thera 1.2.112-123) –
‘‘баб̣бхаарам̣ сод̇хаяанд̇асса, вибинз баб̣б̣ад̇уд̇д̇амз;
‘‘Pabbhāraṃ sodhayantassa, vipine pabbatuttame;
сид̣̇д̇хад̇т̇о наама бхаг̇аваа, ааг̇ажчи мама санд̇игам̣.
Siddhattho nāma bhagavā, āgacchi mama santikaṃ.
‘‘б̣уд̣̇д̇хам̣ убаг̇ад̇ам̣ д̣̇исваа, логаж̇здтасса д̇аад̣̇ино;
‘‘Buddhaṃ upagataṃ disvā, lokajeṭṭhassa tādino;
сант̇арам̣ сант̇арид̇ваана, бубпаасанамад̣̇аасахам̣.
Santharaṃ santharitvāna, pupphāsanamadāsahaṃ.
‘‘бубпаасанз нисийд̣̇ид̇ваа, сид̣̇д̇хад̇т̇о логанааяаго;
‘‘Pupphāsane nisīditvā, siddhattho lokanāyako;
маман̃жа г̇ад̇иман̃н̃ааяа, анижжад̇амуд̣̇аахари.
Mamañca gatimaññāya, aniccatamudāhari.
‘‘анижжаа вад̇а сан̇каараа, уббаад̣̇аваяад̇хаммино;
‘‘Aniccā vata saṅkhārā, uppādavayadhammino;
уббаж̇ж̇ид̇ваа нируж̇жханд̇и, д̇зсам̣ вуубасамо суко.
Uppajjitvā nirujjhanti, tesaṃ vūpasamo sukho.
‘‘ид̣̇ам̣ вад̇ваана саб̣б̣ан̃н̃уу, логаж̇здто нараасабхо;
‘‘Idaṃ vatvāna sabbaññū, lokajeṭṭho narāsabho;
набхам̣ аб̣бхуг̇г̇амий вийро, хам̣сарааж̇аава амб̣арз.
Nabhaṃ abbhuggamī vīro, haṃsarājāva ambare.
‘‘сагам̣ д̣̇идтим̣ ж̇ахид̇ваана, бхааваяаанижжасан̃н̃ахам̣;
‘‘Sakaṃ diṭṭhiṃ jahitvāna, bhāvayāniccasaññahaṃ;
згаахам̣ бхааваяид̇ваана, д̇ад̇т̇а гаалам̣ гад̇о ахам̣.
Ekāhaṃ bhāvayitvāna, tattha kālaṃ kato ahaṃ.
‘‘д̣̇вз самбад̇д̇ий анубход̇ваа, суггамуулзна жод̣̇ид̇о;
‘‘Dve sampattī anubhotvā, sukkamūlena codito;
бажчимз бхавз самбад̇д̇з, сабаагаяонубааг̇амим̣.
Pacchime bhave sampatte, sapākayonupāgamiṃ.
‘‘аг̇аараа абхинигкамма, баб̣б̣аж̇им̣ анаг̇аарияам̣;
‘‘Agārā abhinikkhamma, pabbajiṃ anagāriyaṃ;
ж̇аад̇ияаа сад̇д̇авассохам̣, арахад̇д̇амабаабун̣им̣.
Jātiyā sattavassohaṃ, arahattamapāpuṇiṃ.
‘‘аарад̣̇д̇хавийрияо бахид̇ад̇д̇о, сийлзсу сусамаахид̇о;
‘‘Āraddhavīriyo pahitatto, sīlesu susamāhito;
д̇осзд̇ваана махаанааг̇ам̣, алад̇т̇ам̣ убасамбад̣̇ам̣.
Tosetvāna mahānāgaṃ, alatthaṃ upasampadaṃ.
‘‘жад̇уннавуд̇ид̇о габбз, яам̣ гаммамагарим̣ д̇ад̣̇аа;
‘‘Catunnavutito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, бубпад̣̇аанассид̣̇ам̣ палам̣.
Duggatiṃ nābhijānāmi, pupphadānassidaṃ phalaṃ.
‘‘жад̇уннавуд̇ид̇о габбз, яам̣ сан̃н̃ам̣ бхааваяим̣ д̇ад̣̇аа;
‘‘Catunnavutito kappe, yaṃ saññaṃ bhāvayiṃ tadā;
д̇ам̣ сан̃н̃ам̣ бхааваяанд̇асса, бад̇д̇о мз аасавагкаяо.
Taṃ saññaṃ bhāvayantassa, patto me āsavakkhayo.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
ат̇а бхаг̇аваа ид̣̇д̇хим̣ бадисам̣хари. сааби буд̇д̇ам̣ д̣̇исваа хадтад̇удто д̇асса кийн̣аасавабхаавам̣ суд̇ваа баб̣б̣ааж̇зд̇ваа г̇ад̇аа. со сад̇т̇аарам̣ г̇анд̇хагудижчааяааяам̣ жан̇гаманд̇ам̣ убасан̇гамид̇ваа, ванд̣̇ид̇ваа анужан̇гами. д̇асса бхаг̇аваа убасамбад̣̇ам̣ ануж̇аанид̇угаамо ‘‘згам̣ наама ги’’нд̇иаад̣̇инаа д̣̇аса бан̃хз бужчи. соби сад̇т̇у ад̇хиббааяам̣ г̇ан̣ханд̇о саб̣б̣ан̃н̃уд̇ан̃н̃аан̣зна сам̣санд̣̇знд̇о ‘‘саб̣б̣з сад̇д̇аа аахаарадтид̇игаа’’д̇иаад̣̇инаа (ку. баа. 4.1) д̇з бан̃хз виссаж̇ж̇зси. д̇знзва д̇з гумаарабан̃хаа наама ж̇аад̇аа. сад̇т̇аа д̇асса бан̃хаб̣яаагаран̣зна аараад̇хид̇ажид̇д̇о убасамбад̣̇ам̣ ануж̇аани. д̇зна саа бан̃хаб̣яаагаран̣уубасамбад̣̇аа наама ж̇аад̇аа. д̇ассимам̣ ад̇д̇ано бавад̇д̇им̣ багаасзд̇ваа т̇зро ан̃н̃ам̣ б̣яаагаронд̇о –
Atha bhagavā iddhiṃ paṭisaṃhari. Sāpi puttaṃ disvā haṭṭhatuṭṭho tassa khīṇāsavabhāvaṃ sutvā pabbājetvā gatā. So satthāraṃ gandhakuṭicchāyāyaṃ caṅkamantaṃ upasaṅkamitvā, vanditvā anucaṅkami. Tassa bhagavā upasampadaṃ anujānitukāmo ‘‘ekaṃ nāma ki’’ntiādinā dasa pañhe pucchi. Sopi satthu adhippāyaṃ gaṇhanto sabbaññutaññāṇena saṃsandento ‘‘sabbe sattā āhāraṭṭhitikā’’tiādinā (khu. pā. 4.1) te pañhe vissajjesi. Teneva te kumārapañhā nāma jātā. Satthā tassa pañhabyākaraṇena ārādhitacitto upasampadaṃ anujāni. Tena sā pañhabyākaraṇūpasampadā nāma jātā. Tassimaṃ attano pavattiṃ pakāsetvā thero aññaṃ byākaronto –
480.
480.
‘‘д̣̇исваа баасаад̣̇ачааяааяам̣, жан̇гаманд̇ам̣ наруд̇д̇амам̣;
‘‘Disvā pāsādachāyāyaṃ, caṅkamantaṃ naruttamaṃ;
д̇ад̇т̇а нам̣ убасан̇гамма, ванд̣̇иссам̣ бурисуд̇д̇амам̣.
Tattha naṃ upasaṅkamma, vandissaṃ purisuttamaṃ.
481.
481.
‘‘згам̣сам̣ жийварам̣ гад̇ваа, сам̣харид̇ваана баан̣аяо;
‘‘Ekaṃsaṃ cīvaraṃ katvā, saṃharitvāna pāṇayo;
анужан̇гамиссам̣ вираж̇ам̣, саб̣б̣асад̇д̇аанамуд̇д̇амам̣.
Anucaṅkamissaṃ virajaṃ, sabbasattānamuttamaṃ.
482.
482.
‘‘д̇ад̇о бан̃хз абужчи мам̣, бан̃хаанам̣ говид̣̇о вид̣̇уу;
‘‘Tato pañhe apucchi maṃ, pañhānaṃ kovido vidū;
ажчамбхий жа абхийд̇о жа, б̣яаагаасим̣ сад̇т̇уно ахам̣.
Acchambhī ca abhīto ca, byākāsiṃ satthuno ahaṃ.
483.
483.
‘‘виссаж̇ж̇ид̇зсу бан̃хзсу, анумод̣̇и д̇ат̇ааг̇ад̇о;
‘‘Vissajjitesu pañhesu, anumodi tathāgato;
бхигкусан̇гхам̣ вилогзд̇ваа, имамад̇т̇ам̣ абхаасат̇а.
Bhikkhusaṅghaṃ viloketvā, imamatthaṃ abhāsatha.
484.
484.
‘‘‘лаабхаа ан̇г̇аанам̣ маг̇ад̇хаанам̣, язсааяам̣ барибхун̃ж̇ад̇и;
‘‘‘Lābhā aṅgānaṃ magadhānaṃ, yesāyaṃ paribhuñjati;
жийварам̣ бин̣д̣абаад̇ан̃жа, бажжаяам̣ саяанаасанам̣;
Cīvaraṃ piṇḍapātañca, paccayaṃ sayanāsanaṃ;
бажжудтаанан̃жа саамийжим̣, д̇зсам̣ лаабхаа’д̇и жааб̣рави.
Paccuṭṭhānañca sāmīciṃ, tesaṃ lābhā’ti cābravi.
485.
485.
‘‘‘аж̇ж̇ад̣̇аг̇г̇з мам̣ собаага, д̣̇ассанааяобасан̇гама;
‘‘‘Ajjadagge maṃ sopāka, dassanāyopasaṅkama;
зсаа жзва д̇з собаага, бхавад̇у убасамбад̣̇аа’’’.
Esā ceva te sopāka, bhavatu upasampadā’’’.
486.
486.
‘‘ж̇аад̇ияаа сад̇д̇авассзна, лад̣̇д̇хаана убасамбад̣̇ам̣;
‘‘Jātiyā sattavassena, laddhāna upasampadaṃ;
д̇хаарзми анд̇имам̣ д̣̇зхам̣, ахо д̇хаммасуд̇хаммад̇аа’’д̇и. – имаа г̇аат̇аа абхааси;
Dhāremi antimaṃ dehaṃ, aho dhammasudhammatā’’ti. – imā gāthā abhāsi;
д̇ад̇т̇а баасаад̣̇ачааяааяанд̇и г̇анд̇хагудижчааяааяам̣. ванд̣̇иссанд̇и, абхиванд̣̇им̣.
Tattha pāsādachāyāyanti gandhakuṭicchāyāyaṃ. Vandissanti, abhivandiṃ.
сам̣харид̇ваана баан̣аяод̇и убхо хад̇т̇з гамаламагул̣аагаарзна сан̇г̇ад̇з гад̇ваа, ан̃ж̇алим̣ баг̇г̇ахзд̇ваад̇и ад̇т̇о. анужан̇гамиссанд̇и жан̇гаманд̇асса сад̇т̇уно анубажчад̇о ануг̇аманавасзна жан̇гамим̣. вираж̇анд̇и виг̇ад̇арааг̇аад̣̇ираж̇ам̣.
Saṃharitvāna pāṇayoti ubho hatthe kamalamakuḷākārena saṅgate katvā, añjaliṃ paggahetvāti attho. Anucaṅkamissanti caṅkamantassa satthuno anupacchato anugamanavasena caṅkamiṃ. Virajanti vigatarāgādirajaṃ.
бан̃хзд̇и гумаарабан̃хз. вид̣̇ууд̇и взд̣̇ид̇аб̣б̣ам̣ вид̣̇ид̇аваа, саб̣б̣ан̃н̃ууд̇и ад̇т̇о. ‘‘сад̇т̇аа мам̣ бужчад̇ий’’д̇и уббаж̇ж̇анагасса чамбхид̇ад̇д̇асса бхаяасса жа сзд̇угхаад̇зна бахийнад̇д̇аа ажчамбхий жа абхийд̇о жа б̣яаагааси.
Pañheti kumārapañhe. Vidūti veditabbaṃ viditavā, sabbaññūti attho. ‘‘Satthā maṃ pucchatī’’ti uppajjanakassa chambhitattassa bhayassa ca setughātena pahīnattā acchambhī ca abhīto ca byākāsi.
язсааяанд̇и язсам̣ ан̇г̇амаг̇ад̇хаанам̣ аяам̣ собааго. бажжаяанд̇и г̇илаанабажжаяам̣. саамийжинд̇и маг̇г̇ад̣̇аанаб̣ийж̇анаад̣̇исаамийжигирияам̣.
Yesāyanti yesaṃ aṅgamagadhānaṃ ayaṃ sopāko. Paccayanti gilānapaccayaṃ. Sāmīcinti maggadānabījanādisāmīcikiriyaṃ.
аж̇ж̇ад̣̇аг̇г̇зд̇и д̣̇а-гааро бад̣̇асанд̇хигаро, аж̇ж̇а аг̇г̇з аад̣̇им̣ гад̇ваа, аж̇ж̇а бадтааяа. ‘‘аж̇ж̇ад̇аг̇г̇з’’д̇иби баал̣и, аж̇ж̇ад̇ам̣ аад̣̇им̣ гад̇ваад̇и ад̇т̇о. д̣̇ассанааяобасан̇гамаад̇и ‘‘хийнаж̇ажжо, ваяасаа д̇арун̣ад̇аро’’д̇и ваа ажинд̇зд̇ваа д̣̇ассанааяа мам̣ убасан̇гама. зсаа жзваад̇и яаа д̇асса мама саб̣б̣ан̃н̃уд̇ан̃н̃аан̣зна сад̣̇д̇хим̣ сам̣санд̣̇зд̇ваа гад̇аа бан̃хависсаж̇ж̇анаа. зсааязва д̇з бхавад̇у убасамбад̣̇аа ид̇и жа аб̣равийд̇и яож̇анаа. ‘‘лад̣̇д̇хаа мз убасамбад̣̇аа’’д̇иби баал̣и. яз бана ‘‘лад̣̇д̇хаана убасамбад̣̇а’’нд̇иби батанд̇и, д̇зсам̣ сад̇д̇авассзнаад̇и сад̇д̇амзна вассзнаад̇и ад̇т̇о, сад̇д̇авассзна ваа худ̇ваад̇и важанасзсо. яам̣ банзд̇т̇а авуд̇д̇ам̣, д̇ам̣ сувин̃н̃зяяамзва.
Ajjadaggeti da-kāro padasandhikaro, ajja agge ādiṃ katvā, ajja paṭṭhāya. ‘‘Ajjatagge’’tipi pāḷi, ajjataṃ ādiṃ katvāti attho. Dassanāyopasaṅkamāti ‘‘hīnajacco, vayasā taruṇataro’’ti vā acintetvā dassanāya maṃ upasaṅkama. Esā cevāti yā tassa mama sabbaññutaññāṇena saddhiṃ saṃsandetvā katā pañhavissajjanā. Esāyeva te bhavatu upasampadā iti ca abravīti yojanā. ‘‘Laddhā me upasampadā’’tipi pāḷi. Ye pana ‘‘laddhāna upasampada’’ntipi paṭhanti, tesaṃ sattavassenāti sattamena vassenāti attho, sattavassena vā hutvāti vacanaseso. Yaṃ panettha avuttaṃ, taṃ suviññeyyameva.
собаагад̇т̇зраг̇аат̇ааван̣н̣анаа нидтид̇аа.
Sopākattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. собаагад̇т̇зраг̇аат̇аа • 4. Sopākattheragāthā
