| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. ஸொப்பஸுத்தவண்ணனா
7. Soppasuttavaṇṇanā
17. ஸத்தமே படிஸல்லானா வுட்டி²தோதி ஏகீபா⁴வாய த⁴ம்மனிஜ்ஜா²னக்க²ந்திதோ ப²லஸமாபத்திவிஹாரதோ வுட்டி²தோ. யதா²விஹாரந்தி அத்தனோ அத்தனோ வஸனவிஹாரங். நவாதி பப்³ப³ஜ்ஜாய நவகா. தே பஞ்சஸதமத்தா அஹேஸுங். காகச்ச²மானாதி காகஸத்³த³ங் கரொந்தா த³ந்தே கா²த³ந்தா. தே²ராதி தி²ரபா⁴வங் பத்தா. தேன நோதி தேன நு. ஸெய்யஸுகா²தீ³னி ஹெட்டா² வுத்தத்தா²னேவ. ரட்டி²கோதி யோ ரட்ட²ங் பு⁴ஞ்ஜதி. பெத்தணிகோதி யோ பிதரா பு⁴த்தானுபு⁴த்தங் பு⁴ஞ்ஜதி. ஸேனாபதிகோதி ஸேனாய ஜெட்ட²கோ. கா³மகா³மணிகோதி கா³மபோ⁴ஜகோ. பூக³கா³மணிகோதி க³ணஜெட்ட²கோ. அவிபஸ்ஸகோ குஸலானங் த⁴ம்மானந்தி குஸலானங் த⁴ம்மானங் அனேஸகோ அக³வேஸகோ ஹுத்வா. போ³தி⁴பக்கி²யானங் த⁴ம்மானந்தி ஸத்ததிங்ஸாய போ³தி⁴பக்கி²யத⁴ம்மானங்.
17. Sattame paṭisallānā vuṭṭhitoti ekībhāvāya dhammanijjhānakkhantito phalasamāpattivihārato vuṭṭhito. Yathāvihāranti attano attano vasanavihāraṃ. Navāti pabbajjāya navakā. Te pañcasatamattā ahesuṃ. Kākacchamānāti kākasaddaṃ karontā dante khādantā. Therāti thirabhāvaṃ pattā. Tena noti tena nu. Seyyasukhādīni heṭṭhā vuttatthāneva. Raṭṭhikoti yo raṭṭhaṃ bhuñjati. Pettaṇikoti yo pitarā bhuttānubhuttaṃ bhuñjati. Senāpatikoti senāya jeṭṭhako. Gāmagāmaṇikoti gāmabhojako. Pūgagāmaṇikoti gaṇajeṭṭhako. Avipassakokusalānaṃ dhammānanti kusalānaṃ dhammānaṃ anesako agavesako hutvā. Bodhipakkhiyānaṃ dhammānanti sattatiṃsāya bodhipakkhiyadhammānaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. ஸொப்பஸுத்தங் • 7. Soppasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. ஸொப்பஸுத்தவண்ணனா • 7. Soppasuttavaṇṇanā
