| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. соббасуд̇д̇аван̣н̣анаа
7. Soppasuttavaṇṇanā
17. сад̇д̇амз бадисаллаанаа вудтид̇од̇и згийбхаавааяа д̇хамманиж̇жхаанагканд̇ид̇о паласамаабад̇д̇ивихаарад̇о вудтид̇о. яат̇аавихааранд̇и ад̇д̇ано ад̇д̇ано васанавихаарам̣. наваад̇и баб̣б̣аж̇ж̇ааяа навагаа. д̇з бан̃жасад̇амад̇д̇аа ахзсум̣. гаагажчамаанаад̇и гаагасад̣̇д̣̇ам̣ гаронд̇аа д̣̇анд̇з каад̣̇анд̇аа. т̇зраад̇и т̇ирабхаавам̣ бад̇д̇аа. д̇зна нод̇и д̇зна ну. сзяяасукаад̣̇ийни хздтаа вуд̇д̇ад̇т̇аанзва. радтигод̇и яо радтам̣ бхун̃ж̇ад̇и. бзд̇д̇ан̣игод̇и яо бид̇араа бхуд̇д̇аанубхуд̇д̇ам̣ бхун̃ж̇ад̇и. сзнаабад̇игод̇и сзнааяа ж̇здтаго. г̇аамаг̇ааман̣игод̇и г̇аамабхож̇аго. бууг̇аг̇ааман̣игод̇и г̇ан̣аж̇здтаго. авибассаго гусалаанам̣ д̇хаммаананд̇и гусалаанам̣ д̇хаммаанам̣ анзсаго аг̇авзсаго худ̇ваа. б̣од̇хибагкияаанам̣ д̇хаммаананд̇и сад̇д̇ад̇им̣сааяа б̣од̇хибагкияад̇хаммаанам̣.
17. Sattame paṭisallānā vuṭṭhitoti ekībhāvāya dhammanijjhānakkhantito phalasamāpattivihārato vuṭṭhito. Yathāvihāranti attano attano vasanavihāraṃ. Navāti pabbajjāya navakā. Te pañcasatamattā ahesuṃ. Kākacchamānāti kākasaddaṃ karontā dante khādantā. Therāti thirabhāvaṃ pattā. Tena noti tena nu. Seyyasukhādīni heṭṭhā vuttatthāneva. Raṭṭhikoti yo raṭṭhaṃ bhuñjati. Pettaṇikoti yo pitarā bhuttānubhuttaṃ bhuñjati. Senāpatikoti senāya jeṭṭhako. Gāmagāmaṇikoti gāmabhojako. Pūgagāmaṇikoti gaṇajeṭṭhako. Avipassakokusalānaṃ dhammānanti kusalānaṃ dhammānaṃ anesako agavesako hutvā. Bodhipakkhiyānaṃ dhammānanti sattatiṃsāya bodhipakkhiyadhammānaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. соббасуд̇д̇ам̣ • 7. Soppasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. соббасуд̇д̇аван̣н̣анаа • 7. Soppasuttavaṇṇanā
