| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๗. โสปฺปสุตฺตวณฺณนา
7. Soppasuttavaṇṇanā
๑๗. สตฺตเม ปฎิสลฺลานา วุฎฺฐิโตติ เอกีภาวาย ธมฺมนิชฺฌานกฺขนฺติโต ผลสมาปตฺติวิหารโต วุฎฺฐิโตฯ ยถาวิหารนฺติ อตฺตโน อตฺตโน วสนวิหารํฯ นวาติ ปพฺพชฺชาย นวกาฯ เต ปญฺจสตมตฺตา อเหสุํฯ กากจฺฉมานาติ กากสทฺทํ กโรนฺตา ทเนฺต ขาทนฺตาฯ เถราติ ถิรภาวํ ปตฺตาฯ เตน โนติ เตน นุฯ เสยฺยสุขาทีนิ เหฎฺฐา วุตฺตตฺถาเนวฯ รฎฺฐิโกติ โย รฎฺฐํ ภุญฺชติฯ เปตฺตณิโกติ โย ปิตรา ภุตฺตานุภุตฺตํ ภุญฺชติฯ เสนาปติโกติ เสนาย เชฎฺฐโกฯ คามคามณิโกติ คามโภชโกฯ ปูคคามณิโกติ คณเชฎฺฐโกฯ อวิปสฺสโก กุสลานํ ธมฺมานนฺติ กุสลานํ ธมฺมานํ อเนสโก อคเวสโก หุตฺวาฯ โพธิปกฺขิยานํ ธมฺมานนฺติ สตฺตติํสาย โพธิปกฺขิยธมฺมานํฯ
17. Sattame paṭisallānā vuṭṭhitoti ekībhāvāya dhammanijjhānakkhantito phalasamāpattivihārato vuṭṭhito. Yathāvihāranti attano attano vasanavihāraṃ. Navāti pabbajjāya navakā. Te pañcasatamattā ahesuṃ. Kākacchamānāti kākasaddaṃ karontā dante khādantā. Therāti thirabhāvaṃ pattā. Tena noti tena nu. Seyyasukhādīni heṭṭhā vuttatthāneva. Raṭṭhikoti yo raṭṭhaṃ bhuñjati. Pettaṇikoti yo pitarā bhuttānubhuttaṃ bhuñjati. Senāpatikoti senāya jeṭṭhako. Gāmagāmaṇikoti gāmabhojako. Pūgagāmaṇikoti gaṇajeṭṭhako. Avipassakokusalānaṃ dhammānanti kusalānaṃ dhammānaṃ anesako agavesako hutvā. Bodhipakkhiyānaṃ dhammānanti sattatiṃsāya bodhipakkhiyadhammānaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๗. โสปฺปสุตฺตํ • 7. Soppasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗. โสปฺปสุตฺตวณฺณนา • 7. Soppasuttavaṇṇanā
