| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៧. សោប្បសុត្តវណ្ណនា
7. Soppasuttavaṇṇanā
១៧. សត្តមេ បដិសល្លានា វុដ្ឋិតោតិ ឯកីភាវាយ ធម្មនិជ្ឈានក្ខន្តិតោ ផលសមាបត្តិវិហារតោ វុដ្ឋិតោ។ យថាវិហារន្តិ អត្តនោ អត្តនោ វសនវិហារំ។ នវាតិ បព្ពជ្ជាយ នវកា។ តេ បញ្ចសតមត្តា អហេសុំ។ កាកច្ឆមានាតិ កាកសទ្ទំ ករោន្តា ទន្តេ ខាទន្តា។ ថេរាតិ ថិរភាវំ បត្តា។ តេន នោតិ តេន នុ។ សេយ្យសុខាទីនិ ហេដ្ឋា វុត្តត្ថានេវ។ រដ្ឋិកោតិ យោ រដ្ឋំ ភុញ្ជតិ។ បេត្តណិកោតិ យោ បិតរា ភុត្តានុភុត្តំ ភុញ្ជតិ។ សេនាបតិកោតិ សេនាយ ជេដ្ឋកោ។ គាមគាមណិកោតិ គាមភោជកោ។ បូគគាមណិកោតិ គណជេដ្ឋកោ។ អវិបស្សកោ កុសលានំ ធម្មានន្តិ កុសលានំ ធម្មានំ អនេសកោ អគវេសកោ ហុត្វា។ ពោធិបក្ខិយានំ ធម្មានន្តិ សត្តតិំសាយ ពោធិបក្ខិយធម្មានំ។
17. Sattame paṭisallānā vuṭṭhitoti ekībhāvāya dhammanijjhānakkhantito phalasamāpattivihārato vuṭṭhito. Yathāvihāranti attano attano vasanavihāraṃ. Navāti pabbajjāya navakā. Te pañcasatamattā ahesuṃ. Kākacchamānāti kākasaddaṃ karontā dante khādantā. Therāti thirabhāvaṃ pattā. Tena noti tena nu. Seyyasukhādīni heṭṭhā vuttatthāneva. Raṭṭhikoti yo raṭṭhaṃ bhuñjati. Pettaṇikoti yo pitarā bhuttānubhuttaṃ bhuñjati. Senāpatikoti senāya jeṭṭhako. Gāmagāmaṇikoti gāmabhojako. Pūgagāmaṇikoti gaṇajeṭṭhako. Avipassakokusalānaṃ dhammānanti kusalānaṃ dhammānaṃ anesako agavesako hutvā. Bodhipakkhiyānaṃ dhammānanti sattatiṃsāya bodhipakkhiyadhammānaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៧. សោប្បសុត្តំ • 7. Soppasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧. សោប្បសុត្តវណ្ណនា • 7. Soppasuttavaṇṇanā
