| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༧. སོཔྤསུཏྟཝཎྞནཱ
7. Soppasuttavaṇṇanā
༡༧. སཏྟམེ པཊིསལླཱནཱ ཝུཊྛིཏོཏི ཨེཀཱིབྷཱཝཱཡ དྷམྨནིཛ྄ཛྷཱནཀྑནྟིཏོ ཕལསམཱཔཏྟིཝིཧཱརཏོ ཝུཊྛིཏོ། ཡཐཱཝིཧཱརནྟི ཨཏྟནོ ཨཏྟནོ ཝསནཝིཧཱརཾ། ནཝཱཏི པབྦཛྫཱཡ ནཝཀཱ། ཏེ པཉྩསཏམཏྟཱ ཨཧེསུཾ། ཀཱཀཙྪམཱནཱཏི ཀཱཀསདྡཾ ཀརོནྟཱ དནྟེ ཁཱདནྟཱ། ཐེརཱཏི ཐིརབྷཱཝཾ པཏྟཱ། ཏེན ནོཏི ཏེན ནུ། སེཡྻསུཁཱདཱིནི ཧེཊྛཱ ཝུཏྟཏྠཱནེཝ། རཊྛིཀོཏི ཡོ རཊྛཾ བྷུཉྫཏི། པེཏྟཎིཀོཏི ཡོ པིཏརཱ བྷུཏྟཱནུབྷུཏྟཾ བྷུཉྫཏི། སེནཱཔཏིཀོཏི སེནཱཡ ཛེཊྛཀོ། གཱམགཱམཎིཀོཏི གཱམབྷོཛཀོ། པཱུགགཱམཎིཀོཏི གཎཛེཊྛཀོ། ཨཝིཔསྶཀོ ཀུསལཱནཾ དྷམྨཱནནྟི ཀུསལཱནཾ དྷམྨཱནཾ ཨནེསཀོ ཨགཝེསཀོ ཧུཏྭཱ། བོདྷིཔཀྑིཡཱནཾ དྷམྨཱནནྟི སཏྟཏིཾསཱཡ བོདྷིཔཀྑིཡདྷམྨཱནཾ།
17. Sattame paṭisallānā vuṭṭhitoti ekībhāvāya dhammanijjhānakkhantito phalasamāpattivihārato vuṭṭhito. Yathāvihāranti attano attano vasanavihāraṃ. Navāti pabbajjāya navakā. Te pañcasatamattā ahesuṃ. Kākacchamānāti kākasaddaṃ karontā dante khādantā. Therāti thirabhāvaṃ pattā. Tena noti tena nu. Seyyasukhādīni heṭṭhā vuttatthāneva. Raṭṭhikoti yo raṭṭhaṃ bhuñjati. Pettaṇikoti yo pitarā bhuttānubhuttaṃ bhuñjati. Senāpatikoti senāya jeṭṭhako. Gāmagāmaṇikoti gāmabhojako. Pūgagāmaṇikoti gaṇajeṭṭhako. Avipassakokusalānaṃ dhammānanti kusalānaṃ dhammānaṃ anesako agavesako hutvā. Bodhipakkhiyānaṃ dhammānanti sattatiṃsāya bodhipakkhiyadhammānaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༧. སོཔྤསུཏྟཾ • 7. Soppasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧. སོཔྤསུཏྟཝཎྞནཱ • 7. Soppasuttavaṇṇanā
