| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൭. സോപ്പസുത്തവണ്ണനാ
7. Soppasuttavaṇṇanā
൧൭. സത്തമേ പടിസല്ലാനാ വുട്ഠിതോതി ഏകീഭാവായ ധമ്മനിജ്ഝാനക്ഖന്തിതോ ഫലസമാപത്തിവിഹാരതോ വുട്ഠിതോ. യഥാവിഹാരന്തി അത്തനോ അത്തനോ വസനവിഹാരം. നവാതി പബ്ബജ്ജായ നവകാ. തേ പഞ്ചസതമത്താ അഹേസും. കാകച്ഛമാനാതി കാകസദ്ദം കരോന്താ ദന്തേ ഖാദന്താ. ഥേരാതി ഥിരഭാവം പത്താ. തേന നോതി തേന നു. സേയ്യസുഖാദീനി ഹേട്ഠാ വുത്തത്ഥാനേവ. രട്ഠികോതി യോ രട്ഠം ഭുഞ്ജതി. പേത്തണികോതി യോ പിതരാ ഭുത്താനുഭുത്തം ഭുഞ്ജതി. സേനാപതികോതി സേനായ ജേട്ഠകോ. ഗാമഗാമണികോതി ഗാമഭോജകോ. പൂഗഗാമണികോതി ഗണജേട്ഠകോ. അവിപസ്സകോ കുസലാനം ധമ്മാനന്തി കുസലാനം ധമ്മാനം അനേസകോ അഗവേസകോ ഹുത്വാ. ബോധിപക്ഖിയാനം ധമ്മാനന്തി സത്തതിംസായ ബോധിപക്ഖിയധമ്മാനം.
17. Sattame paṭisallānā vuṭṭhitoti ekībhāvāya dhammanijjhānakkhantito phalasamāpattivihārato vuṭṭhito. Yathāvihāranti attano attano vasanavihāraṃ. Navāti pabbajjāya navakā. Te pañcasatamattā ahesuṃ. Kākacchamānāti kākasaddaṃ karontā dante khādantā. Therāti thirabhāvaṃ pattā. Tena noti tena nu. Seyyasukhādīni heṭṭhā vuttatthāneva. Raṭṭhikoti yo raṭṭhaṃ bhuñjati. Pettaṇikoti yo pitarā bhuttānubhuttaṃ bhuñjati. Senāpatikoti senāya jeṭṭhako. Gāmagāmaṇikoti gāmabhojako. Pūgagāmaṇikoti gaṇajeṭṭhako. Avipassakokusalānaṃ dhammānanti kusalānaṃ dhammānaṃ anesako agavesako hutvā. Bodhipakkhiyānaṃ dhammānanti sattatiṃsāya bodhipakkhiyadhammānaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൭. സോപ്പസുത്തം • 7. Soppasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൭. സോപ്പസുത്തവണ്ണനാ • 7. Soppasuttavaṇṇanā
