| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
51. сод̇ад̇хаад̇увисуд̣̇д̇хин̃аан̣анид̣̇д̣̇зсаван̣н̣анаа
51. Sotadhātuvisuddhiñāṇaniddesavaṇṇanā
103. сод̇ад̇хаад̇увисуд̣̇д̇хин̃аан̣анид̣̇д̣̇зсз д̣̇уурзби сад̣̇д̣̇аананд̇иаад̣̇и д̣̇иб̣б̣асод̇ам̣ уббаад̣̇зд̇угаамасса аад̣̇игаммигасса бхигкуно убааяасанд̣̇ассанад̇т̇ам̣ вуд̇д̇ам̣. д̇ад̇т̇а д̣̇уурзби сад̣̇д̣̇аанам̣ сад̣̇д̣̇анимид̇д̇анд̇и д̣̇уурз сад̣̇д̣̇аанам̣ анд̇арз сад̣̇д̣̇ам̣. сад̣̇д̣̇оязва хи нимид̇д̇агаран̣авасзна сад̣̇д̣̇анимид̇д̇ам̣. ‘‘д̣̇уурз’’д̇и вуд̇д̇зби багад̇исод̇асса аабаат̇адтаанзязва. ол̣ааригаананд̇и т̇уулаанам̣. сукумаананд̇и ан̣уунам̣. сан̣хасан̣хаананд̇и сан̣хад̇оби сан̣хаанам̣, ад̇исан̣хаананд̇и ад̇т̇о. зд̇зна барамасукумаа сад̣̇д̣̇аа вуд̇д̇аа хонд̇и. имам̣ н̃аан̣ам̣ уббаад̣̇зд̇угаамзна аад̣̇игаммигзна жхааяинаа абхин̃н̃аабаад̣̇агаж̇жхаанам̣ самаабаж̇ж̇ид̇ваа вудтааяа баригаммасамаад̇хижид̇д̇зна батамад̇арам̣ багад̇исод̇абат̇з д̣̇уурз ол̣аариго аран̃н̃з сийхаад̣̇ийнам̣ сад̣̇д̣̇о ааваж̇ж̇ид̇аб̣б̣о. вихаарз гхан̣д̣исад̣̇д̣̇о бхзрисад̣̇д̣̇о сан̇касад̣̇д̣̇о сааман̣зрад̣̇ахарабхигкуунам̣ саб̣б̣ат̇аамзна саж̇жхааяанд̇аанам̣ саж̇жхааяанасад̣̇д̣̇о багад̇игат̇ам̣ гат̇знд̇аанам̣ ‘‘гим̣, бханд̇з, гим̣, аавусо’’д̇иаад̣̇исад̣̇д̣̇о сагун̣асад̣̇д̣̇о ваад̇асад̣̇д̣̇о бад̣̇асад̣̇д̣̇о баггут̇ид̇ауд̣̇агасса жижжидааяанасад̣̇д̣̇о аад̇абз суссамаанад̇аалабан̣н̣асад̣̇д̣̇о гунт̇агибиллигаад̣̇исад̣̇д̣̇од̇и звам̣ саб̣б̣ол̣ааригад̇о бабхуд̇и яат̇ааггамзна сукумасукумасад̣̇д̣̇аа ааваж̇ж̇ид̇аб̣б̣аа.
103. Sotadhātuvisuddhiñāṇaniddese dūrepi saddānantiādi dibbasotaṃ uppādetukāmassa ādikammikassa bhikkhuno upāyasandassanatthaṃ vuttaṃ. Tattha dūrepi saddānaṃ saddanimittanti dūre saddānaṃ antare saddaṃ. Saddoyeva hi nimittakaraṇavasena saddanimittaṃ. ‘‘Dūre’’ti vuttepi pakatisotassa āpāthaṭṭhāneyeva. Oḷārikānanti thūlānaṃ. Sukhumānanti aṇūnaṃ. Saṇhasaṇhānanti saṇhatopi saṇhānaṃ, atisaṇhānanti attho. Etena paramasukhumā saddā vuttā honti. Imaṃ ñāṇaṃ uppādetukāmena ādikammikena jhāyinā abhiññāpādakajjhānaṃ samāpajjitvā vuṭṭhāya parikammasamādhicittena paṭhamataraṃ pakatisotapathe dūre oḷāriko araññe sīhādīnaṃ saddo āvajjitabbo. Vihāre ghaṇḍisaddo bherisaddo saṅkhasaddo sāmaṇeradaharabhikkhūnaṃ sabbathāmena sajjhāyantānaṃ sajjhāyanasaddo pakatikathaṃ kathentānaṃ ‘‘kiṃ, bhante, kiṃ, āvuso’’tiādisaddo sakuṇasaddo vātasaddo padasaddo pakkuthitaudakassa cicciṭāyanasaddo ātape sussamānatālapaṇṇasaddo kunthakipillikādisaddoti evaṃ sabboḷārikato pabhuti yathākkamena sukhumasukhumasaddā āvajjitabbā.
звам̣ гаронд̇зна жа бурад̇т̇имаад̣̇ийсу д̣̇асасу д̣̇исаасу гамзна згзгиссаа д̣̇исааяа сад̣̇д̣̇анимид̇д̇ам̣ вуд̇д̇анаязна манаси гаад̇аб̣б̣ам̣. манаси гаронд̇зна жа яз сад̣̇д̣̇аа багад̇исод̇асса суяяанд̇и, д̇зсу багад̇исод̇амод̇хааяа манод̣̇вааригзна жид̇д̇зна манаси гаад̇аб̣б̣ам̣. д̇асса д̇з сад̣̇д̣̇аа багад̇ижид̇д̇ассааби баагадаа хонд̇и, баригаммасамаад̇хижид̇д̇асса бана ад̇ивияа баагадаа хонд̇и. д̇ассзвам̣ сад̣̇д̣̇анимид̇д̇ам̣ манасигарод̇о ид̣̇аани д̣̇иб̣б̣асод̇ад̇хаад̇у уббаж̇ж̇иссад̇ийд̇и д̇зсу сад̣̇д̣̇зсу ан̃н̃ад̇арам̣ аарамман̣ам̣ гад̇ваа манод̣̇ваарааваж̇ж̇анам̣ уббаж̇ж̇ад̇и, д̇асмим̣ нируд̣̇д̇хз жад̇д̇аари бан̃жа ваа ж̇аванаани ж̇аванд̇и. язсам̣ буримаани д̇ийн̣и жад̇д̇аари ваа баригаммобажаараануломаг̇од̇рабхунаамагаани гаамааважараани, жад̇уд̇т̇ам̣ бан̃жамам̣ ваа аббанаажид̇д̇ам̣ руубааважаражад̇уд̇т̇аж̇жхаанигам̣. д̇ад̇т̇а яам̣ д̇зна аббанаажид̇д̇зна сад̣̇д̇хим̣ уббаннам̣ н̃аан̣ам̣, аяам̣ д̣̇иб̣б̣асод̇ад̇хаад̇у. д̇ам̣ т̇аамаг̇ад̇ам̣ гаронд̇зна ‘‘зд̇т̇анд̇арз сад̣̇д̣̇ам̣ сун̣аамий’’д̇и зган̇г̇уламад̇д̇ам̣ барижчинд̣̇ид̇ваа вад̣дхзд̇аб̣б̣ам̣, д̇ад̇о д̣̇ван̇г̇улажад̇уран̇г̇улаадтан̇г̇улавид̣̇ад̇т̇ирад̇анаанд̇ог̇аб̣бхабамука- баасаад̣̇абаривзн̣асан̇гхаараамаг̇ожараг̇аамаж̇анабад̣̇аад̣̇ивасзна яаава жаггаваал̣ам̣, д̇ад̇о ваа бхияяоби барижчинд̣̇ид̇ваа барижчинд̣̇ид̇ваа вад̣дхзд̇аб̣б̣ам̣. звам̣ ад̇хиг̇ад̇аабхин̃н̃о зса баад̣̇агаж̇жхаанаарамман̣зна пудтогаасаб̣бханд̇араг̇ад̇з сад̣̇д̣̇з буна баад̣̇агаж̇жхаанам̣ асамаабаж̇ж̇ид̇вааби абхин̃н̃аан̃аан̣зна сун̣аад̇иязва. звам̣ сун̣анд̇о жа сажзби яааваб̣рахмалогаа сан̇кабхзрибан̣аваад̣̇исад̣̇д̣̇зхи згаголаахалам̣ ход̇и, баадиязггам̣ вавад̇т̇аабзд̇угаамад̇ааяа сад̇и ‘‘аяам̣ сан̇касад̣̇д̣̇о, аяам̣ бхзрисад̣̇д̣̇о’’д̇и вавад̇т̇аабзд̇ум̣ саггод̇иязва. абхин̃н̃аан̃аан̣зна суд̇з саад̇т̇агз сад̣̇д̣̇з бажчаа гаамааважаражид̇д̇зна ад̇т̇ам̣ ж̇аанаад̇и. д̣̇иб̣б̣асод̇ам̣ багад̇исод̇авад̇оязва уббаж̇ж̇ад̇и, но б̣ад̇хирасса. бажчаа багад̇исод̇з винадтзби д̣̇иб̣б̣асод̇ам̣ на винассад̇ийд̇и вад̣̇анд̇и.
Evaṃ karontena ca puratthimādīsu dasasu disāsu kamena ekekissā disāya saddanimittaṃ vuttanayena manasi kātabbaṃ. Manasi karontena ca ye saddā pakatisotassa suyyanti, tesu pakatisotamodhāya manodvārikena cittena manasi kātabbaṃ. Tassa te saddā pakaticittassāpi pākaṭā honti, parikammasamādhicittassa pana ativiya pākaṭā honti. Tassevaṃ saddanimittaṃ manasikaroto idāni dibbasotadhātu uppajjissatīti tesu saddesu aññataraṃ ārammaṇaṃ katvā manodvārāvajjanaṃ uppajjati, tasmiṃ niruddhe cattāri pañca vā javanāni javanti. Yesaṃ purimāni tīṇi cattāri vā parikammopacārānulomagotrabhunāmakāni kāmāvacarāni, catutthaṃ pañcamaṃ vā appanācittaṃ rūpāvacaracatutthajjhānikaṃ. Tattha yaṃ tena appanācittena saddhiṃ uppannaṃ ñāṇaṃ, ayaṃ dibbasotadhātu. Taṃ thāmagataṃ karontena ‘‘etthantare saddaṃ suṇāmī’’ti ekaṅgulamattaṃ paricchinditvā vaḍḍhetabbaṃ, tato dvaṅgulacaturaṅgulaaṭṭhaṅgulavidatthiratanaantogabbhapamukha- pāsādapariveṇasaṅghārāmagocaragāmajanapadādivasena yāva cakkavāḷaṃ, tato vā bhiyyopi paricchinditvā paricchinditvā vaḍḍhetabbaṃ. Evaṃ adhigatābhiñño esa pādakajjhānārammaṇena phuṭṭhokāsabbhantaragate sadde puna pādakajjhānaṃ asamāpajjitvāpi abhiññāñāṇena suṇātiyeva. Evaṃ suṇanto ca sacepi yāvabrahmalokā saṅkhabheripaṇavādisaddehi ekakolāhalaṃ hoti, pāṭiyekkaṃ vavatthāpetukāmatāya sati ‘‘ayaṃ saṅkhasaddo, ayaṃ bherisaddo’’ti vavatthāpetuṃ sakkotiyeva. Abhiññāñāṇena sute sātthake sadde pacchā kāmāvacaracittena atthaṃ jānāti. Dibbasotaṃ pakatisotavatoyeva uppajjati, no badhirassa. Pacchā pakatisote vinaṭṭhepi dibbasotaṃ na vinassatīti vadanti.
со д̣̇иб̣б̣ааяа сод̇ад̇хаад̇уяаад̇и зд̇т̇а д̣̇иб̣б̣асад̣̇исад̇д̇аа д̣̇иб̣б̣аа. д̣̇зваанан̃хи сужарид̇агаммаабхиниб̣б̣ад̇д̇аа бид̇д̇асзмхаруд̇хираад̣̇ийхи абалиб̣уд̣̇д̇хаа убаггилзсавимуд̇д̇ад̇ааяа д̣̇уурзби аарамман̣асамбадижчанасамад̇т̇аа д̣̇иб̣б̣аа басаад̣̇асод̇ад̇хаад̇у ход̇и. аяан̃жааби имасса бхигкуно вийрияабхааванааб̣аланиб̣б̣ад̇д̇аа н̃аан̣асод̇ад̇хаад̇у д̇аад̣̇исааязваад̇и д̣̇иб̣б̣асад̣̇исад̇д̇аа д̣̇иб̣б̣аа. абижа д̣̇иб̣б̣авихааравасзна бадилад̣̇д̇хад̇д̇аа, ад̇д̇анаа жа д̣̇иб̣б̣авихаарасанниссид̇ад̇д̇ааби д̣̇иб̣б̣аа, саванадтзна ниж̇ж̇ийвадтзна жа сод̇ад̇хаад̇у, сод̇ад̇хаад̇угижжагаран̣зна жа сод̇ад̇хаад̇у вияаад̇иби сод̇ад̇хаад̇у. д̇ааяа д̣̇иб̣б̣ааяа сод̇ад̇хаад̇уяаа. висуд̣̇д̇хааяаад̇и барисуд̣̇д̇хааяа нирубаггилзсааяа. ад̇игганд̇амаанусигааяаад̇и мануссуубажаарам̣ ад̇иггамид̇ваа сад̣̇д̣̇асаванзна маанусигам̣ мам̣сасод̇ад̇хаад̇ум̣ ад̇игганд̇ааяа вийд̇ивад̇д̇ид̇ваа тид̇ааяа. убхо сад̣̇д̣̇з сун̣аад̇ийд̇и д̣̇вз сад̣̇д̣̇з сун̣аад̇и. гад̇амз д̣̇вз? д̣̇иб̣б̣з жа маанусз жа, д̣̇зваанан̃жа мануссаанан̃жа сад̣̇д̣̇зд̇и вуд̇д̇ам̣ ход̇и. зд̇зна бад̣̇зсабарияаад̣̇аанам̣ взд̣̇ид̇аб̣б̣ам̣. яз д̣̇уурз санд̇игз жаад̇и яз сад̣̇д̣̇аа д̣̇уурз баражаггаваал̣зби, яз жа санд̇игз анд̇амасо сад̣̇зхасанниссид̇абаан̣агасад̣̇д̣̇ааби, д̇з сун̣аад̇ийд̇и вуд̇д̇ам̣ ход̇и. зд̇зна ниббад̣̇зсабарияаад̣̇аанам̣ взд̣̇ид̇аб̣б̣анд̇и.
So dibbāya sotadhātuyāti ettha dibbasadisattā dibbā. Devānañhi sucaritakammābhinibbattā pittasemharudhirādīhi apalibuddhā upakkilesavimuttatāya dūrepi ārammaṇasampaṭicchanasamatthā dibbā pasādasotadhātu hoti. Ayañcāpi imassa bhikkhuno vīriyabhāvanābalanibbattā ñāṇasotadhātu tādisāyevāti dibbasadisattā dibbā. Apica dibbavihāravasena paṭiladdhattā, attanā ca dibbavihārasannissitattāpi dibbā, savanaṭṭhena nijjīvaṭṭhena ca sotadhātu, sotadhātukiccakaraṇena ca sotadhātu viyātipi sotadhātu. Tāya dibbāya sotadhātuyā. Visuddhāyāti parisuddhāya nirupakkilesāya. Atikkantamānusikāyāti manussūpacāraṃ atikkamitvā saddasavanena mānusikaṃ maṃsasotadhātuṃ atikkantāya vītivattitvā ṭhitāya. Ubho sadde suṇātīti dve sadde suṇāti. Katame dve? Dibbe ca mānuse ca, devānañca manussānañca saddeti vuttaṃ hoti. Etena padesapariyādānaṃ veditabbaṃ. Ye dūre santike cāti ye saddā dūre paracakkavāḷepi, ye ca santike antamaso sadehasannissitapāṇakasaddāpi, te suṇātīti vuttaṃ hoti. Etena nippadesapariyādānaṃ veditabbanti.
сод̇ад̇хаад̇увисуд̣̇д̇хин̃аан̣анид̣̇д̣̇зсаван̣н̣анаа нидтид̇аа.
Sotadhātuvisuddhiñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 51. сод̇ад̇хаад̇увисуд̣̇д̇хин̃аан̣анид̣̇д̣̇зсо • 51. Sotadhātuvisuddhiñāṇaniddeso
