| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
51. сод̇ад̇хаад̇увисуд̣̇д̇хин̃аан̣анид̣̇д̣̇зсо
51. Sotadhātuvisuddhiñāṇaniddeso
103. гат̇ам̣ вид̇аггавибпааравасзна наанад̇д̇згад̇д̇асад̣̇д̣̇анимид̇д̇аанам̣ барияог̇аахан̣з бан̃н̃аа сод̇ад̇хаад̇увисуд̣̇д̇хин̃аан̣ам̣ ? ид̇ха бхигку чанд̣̇асамаад̇хи…бз… вийрияасамаад̇хи… жид̇д̇асамаад̇хи… виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. со имзсу жад̇уусу ид̣̇д̇хибаад̣̇зсу жид̇д̇ам̣ барибхаавзд̇и барид̣̇амзд̇и, муд̣̇ум̣ гарод̇и гамманияам̣. со имзсу жад̇уусу ид̣̇д̇хибаад̣̇зсу жид̇д̇ам̣ барибхаавзд̇ваа барид̣̇амзд̇ваа, муд̣̇ум̣ гарид̇ваа гамманияам̣ д̣̇уурзби сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, санд̇игзби сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, ол̣ааригаанамби сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, сукумаанамби сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, сан̣хасан̣хаанамби сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, бурад̇т̇имааяаби д̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, бажчимааяаби д̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, уд̇д̇арааяаби д̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, д̣̇агкин̣ааяаби д̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, бурад̇т̇имааяаби ануд̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, бажчимааяаби ануд̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, уд̇д̇арааяаби ануд̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, д̣̇агкин̣ааяаби ануд̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, хздтимааяаби д̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и, убаримааяаби д̣̇исааяа сад̣̇д̣̇аанам̣ сад̣̇д̣̇анимид̇д̇ам̣ манаси гарод̇и. со д̇ат̇аабхаавид̇зна жид̇д̇зна барисуд̣̇д̇хзна барияод̣̇аад̇зна сод̇ад̇хаад̇увисуд̣̇д̇хин̃аан̣ааяа жид̇д̇ам̣ абхинийхарад̇и абхининнаамзд̇и. со д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аад̇и – д̣̇иб̣б̣з жа маанусз жа яз д̣̇уурз санд̇игз жа. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘вид̇аггавибпааравасзна наанад̇д̇згад̇д̇асад̣̇д̣̇анимид̇д̇аанам̣ барияог̇аахан̣з бан̃н̃аа сод̇ад̇хаад̇увисуд̣̇д̇хин̃аан̣ам̣’’.
103. Kathaṃ vitakkavipphāravasena nānattekattasaddanimittānaṃ pariyogāhaṇe paññā sotadhātuvisuddhiñāṇaṃ ? Idha bhikkhu chandasamādhi…pe… vīriyasamādhi… cittasamādhi… vīmaṃsāsamādhipadhānasaṅkhārasamannāgataṃ iddhipādaṃ bhāveti. So imesu catūsu iddhipādesu cittaṃ paribhāveti paridameti, muduṃ karoti kammaniyaṃ. So imesu catūsu iddhipādesu cittaṃ paribhāvetvā paridametvā, muduṃ karitvā kammaniyaṃ dūrepi saddānaṃ saddanimittaṃ manasi karoti, santikepi saddānaṃ saddanimittaṃ manasi karoti, oḷārikānampi saddānaṃ saddanimittaṃ manasi karoti, sukhumānampi saddānaṃ saddanimittaṃ manasi karoti, saṇhasaṇhānampi saddānaṃ saddanimittaṃ manasi karoti, puratthimāyapi disāya saddānaṃ saddanimittaṃ manasi karoti, pacchimāyapi disāya saddānaṃ saddanimittaṃ manasi karoti, uttarāyapi disāya saddānaṃ saddanimittaṃ manasi karoti, dakkhiṇāyapi disāya saddānaṃ saddanimittaṃ manasi karoti, puratthimāyapi anudisāya saddānaṃ saddanimittaṃ manasi karoti, pacchimāyapi anudisāya saddānaṃ saddanimittaṃ manasi karoti, uttarāyapi anudisāya saddānaṃ saddanimittaṃ manasi karoti, dakkhiṇāyapi anudisāya saddānaṃ saddanimittaṃ manasi karoti, heṭṭhimāyapi disāya saddānaṃ saddanimittaṃ manasi karoti, uparimāyapi disāya saddānaṃ saddanimittaṃ manasi karoti. So tathābhāvitena cittena parisuddhena pariyodātena sotadhātuvisuddhiñāṇāya cittaṃ abhinīharati abhininnāmeti. So dibbāya sotadhātuyā visuddhāya atikkantamānusikāya ubho sadde suṇāti – dibbe ca mānuse ca ye dūre santike ca. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘vitakkavipphāravasena nānattekattasaddanimittānaṃ pariyogāhaṇe paññā sotadhātuvisuddhiñāṇaṃ’’.
сод̇ад̇хаад̇увисуд̣̇д̇хин̃аан̣анид̣̇д̣̇зсо згабан̃н̃аасамо.
Sotadhātuvisuddhiñāṇaniddeso ekapaññāsamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 51. сод̇ад̇хаад̇увисуд̣̇д̇хин̃аан̣анид̣̇д̣̇зсаван̣н̣анаа • 51. Sotadhātuvisuddhiñāṇaniddesavaṇṇanā
