| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(20) 5. махааваг̇г̇о
(20) 5. Mahāvaggo
1. сод̇аануг̇ад̇асуд̇д̇ам̣
1. Sotānugatasuttaṃ
191. ‘‘сод̇аануг̇ад̇аанам̣ , бхигкавз, д̇хаммаанам̣, важасаа барижид̇аанам̣, манасаанубзгкид̇аанам̣, д̣̇идтияаа суббадивид̣̇д̇хаанам̣ жад̇д̇ааро аанисам̣саа баадиган̇каа. гад̇амз жад̇д̇ааро? ид̇ха, бхигкавз, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇асса д̇з д̇хаммаа сод̇аануг̇ад̇аа хонд̇и, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со мудтассад̇и 1 гаалам̣ гурумаано ан̃н̃ад̇арам̣ д̣̇званигааяам̣ убабаж̇ж̇ад̇и. д̇асса д̇ад̇т̇а сукино д̇хаммабад̣̇аа блаванд̇и 2. д̣̇анд̇хо, бхигкавз, сад̇уббаад̣̇о; ат̇а со сад̇д̇о киббам̣язва висзсаг̇аамий ход̇и. сод̇аануг̇ад̇аанам̣, бхигкавз, д̇хаммаанам̣, важасаа барижид̇аанам̣, манасаанубзгкид̇аанам̣, д̣̇идтияаа суббадивид̣̇д̇хаанам̣ аяам̣ батамо аанисам̣со баадиган̇ко.
191. ‘‘Sotānugatānaṃ , bhikkhave, dhammānaṃ, vacasā paricitānaṃ, manasānupekkhitānaṃ, diṭṭhiyā suppaṭividdhānaṃ cattāro ānisaṃsā pāṭikaṅkhā. Katame cattāro? Idha, bhikkhave, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Tassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā. So muṭṭhassati 3 kālaṃ kurumāno aññataraṃ devanikāyaṃ upapajjati. Tassa tattha sukhino dhammapadā plavanti 4. Dandho, bhikkhave, satuppādo; atha so satto khippaṃyeva visesagāmī hoti. Sotānugatānaṃ, bhikkhave, dhammānaṃ, vacasā paricitānaṃ, manasānupekkhitānaṃ, diṭṭhiyā suppaṭividdhānaṃ ayaṃ paṭhamo ānisaṃso pāṭikaṅkho.
‘‘буна жабарам̣, бхигкавз, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇асса д̇з д̇хаммаа сод̇аануг̇ад̇аа хонд̇и, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со мудтассад̇и гаалам̣ гурумаано ан̃н̃ад̇арам̣ д̣̇званигааяам̣ убабаж̇ж̇ад̇и. д̇асса д̇ад̇т̇а на хзва ко сукино д̇хаммабад̣̇аа блаванд̇и; аби жа ко бхигку ид̣̇д̇химаа жзд̇овасиббад̇д̇о д̣̇звабарисааяам̣ д̇хаммам̣ д̣̇зсзд̇и. д̇асса звам̣ ход̇и – ‘аяам̣ ваа со д̇хаммавинаяо, яад̇т̇аахам̣ буб̣б̣з б̣рахмажарияам̣ ажари’нд̇и. д̣̇анд̇хо, бхигкавз, сад̇уббаад̣̇о; ат̇а со сад̇д̇о киббамзва висзсаг̇аамий ход̇и. сзяяат̇ааби, бхигкавз, бурисо гусало бхзрисад̣̇д̣̇асса. со ад̣̇д̇хаанамаг̇г̇аббадибанно бхзрисад̣̇д̣̇ам̣ сун̣зяяа. д̇асса на хзва ко асса ган̇каа ваа вимад̇и ваа – ‘бхзрисад̣̇д̣̇о ну ко, на ну ко бхзрисад̣̇д̣̇о’д̇и! ат̇а ко бхзрисад̣̇д̣̇од̇взва нидтам̣ г̇ажчзяяа. звамзвам̣ ко, бхигкавз, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇асса д̇з д̇хаммаа сод̇аануг̇ад̇аа хонд̇и, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со мудтассад̇и гаалам̣ гурумаано ан̃н̃ад̇арам̣ д̣̇званигааяам̣ убабаж̇ж̇ад̇и. д̇асса д̇ад̇т̇а на хзва ко сукино д̇хаммабад̣̇аа блаванд̇и; аби жа ко бхигку ид̣̇д̇химаа жзд̇овасиббад̇д̇о д̣̇звабарисааяам̣ д̇хаммам̣ д̣̇зсзд̇и. д̇асса звам̣ ход̇и – ‘аяам̣ ваа со д̇хаммавинаяо, яад̇т̇аахам̣ буб̣б̣з б̣рахмажарияам̣ ажари’нд̇и. д̣̇анд̇хо, бхигкавз, сад̇уббаад̣̇о; ат̇а со сад̇д̇о киббам̣язва висзсаг̇аамий ход̇и. сод̇аануг̇ад̇аанам̣, бхигкавз, д̇хаммаанам̣ , важасаа барижид̇аанам̣, манасаанубзгкид̇аанам̣, д̣̇идтияаа суббадивид̣̇д̇хаанам̣ аяам̣ д̣̇уд̇ияо аанисам̣со баадиган̇ко.
‘‘Puna caparaṃ, bhikkhave, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Tassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā. So muṭṭhassati kālaṃ kurumāno aññataraṃ devanikāyaṃ upapajjati. Tassa tattha na heva kho sukhino dhammapadā plavanti; api ca kho bhikkhu iddhimā cetovasippatto devaparisāyaṃ dhammaṃ deseti. Tassa evaṃ hoti – ‘ayaṃ vā so dhammavinayo, yatthāhaṃ pubbe brahmacariyaṃ acari’nti. Dandho, bhikkhave, satuppādo; atha so satto khippameva visesagāmī hoti. Seyyathāpi, bhikkhave, puriso kusalo bherisaddassa. So addhānamaggappaṭipanno bherisaddaṃ suṇeyya. Tassa na heva kho assa kaṅkhā vā vimati vā – ‘bherisaddo nu kho, na nu kho bherisaddo’ti! Atha kho bherisaddotveva niṭṭhaṃ gaccheyya. Evamevaṃ kho, bhikkhave, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Tassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā. So muṭṭhassati kālaṃ kurumāno aññataraṃ devanikāyaṃ upapajjati. Tassa tattha na heva kho sukhino dhammapadā plavanti; api ca kho bhikkhu iddhimā cetovasippatto devaparisāyaṃ dhammaṃ deseti. Tassa evaṃ hoti – ‘ayaṃ vā so dhammavinayo, yatthāhaṃ pubbe brahmacariyaṃ acari’nti. Dandho, bhikkhave, satuppādo; atha so satto khippaṃyeva visesagāmī hoti. Sotānugatānaṃ, bhikkhave, dhammānaṃ , vacasā paricitānaṃ, manasānupekkhitānaṃ, diṭṭhiyā suppaṭividdhānaṃ ayaṃ dutiyo ānisaṃso pāṭikaṅkho.
‘‘буна жабарам̣, бхигкавз, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇асса д̇з д̇хаммаа сод̇аануг̇ад̇аа хонд̇и, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со мудтассад̇и гаалам̣ гурумаано ан̃н̃ад̇арам̣ д̣̇званигааяам̣ убабаж̇ж̇ад̇и. д̇асса д̇ад̇т̇а на хзва ко сукино д̇хаммабад̣̇аа блаванд̇и, наби бхигку ид̣̇д̇химаа жзд̇овасиббад̇д̇о д̣̇звабарисааяам̣ д̇хаммам̣ д̣̇зсзд̇и; аби жа ко д̣̇звабуд̇д̇о д̣̇звабарисааяам̣ д̇хаммам̣ д̣̇зсзд̇и. д̇асса звам̣ ход̇и – ‘аяам̣ ваа со д̇хаммавинаяо, яад̇т̇аахам̣ буб̣б̣з б̣рахмажарияам̣ ажари’нд̇и. д̣̇анд̇хо, бхигкавз, сад̇уббаад̣̇о; ат̇а со сад̇д̇о киббам̣язва висзсаг̇аамий ход̇и. сзяяат̇ааби, бхигкавз, бурисо гусало сан̇касад̣̇д̣̇асса. со ад̣̇д̇хаанамаг̇г̇аббадибанно сан̇касад̣̇д̣̇ам̣ сун̣зяяа. д̇асса на хзва ко асса ган̇каа ваа вимад̇и ваа – ‘сан̇касад̣̇д̣̇о ну ко, на ну ко сан̇касад̣̇д̣̇о’д̇и! ат̇а ко сан̇касад̣̇д̣̇од̇взва нидтам̣ г̇ажчзяяа. звамзвам̣ ко, бхигкавз, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇асса д̇з д̇хаммаа сод̇аануг̇ад̇аа хонд̇и, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со мудтассад̇и гаалам̣ гурумаано ан̃н̃ад̇арам̣ д̣̇званигааяам̣ убабаж̇ж̇ад̇и. д̇асса д̇ад̇т̇а на хзва ко сукино д̇хаммабад̣̇аа блаванд̇и, наби бхигку ид̣̇д̇химаа жзд̇овасиббад̇д̇о д̣̇звабарисааяам̣ д̇хаммам̣ д̣̇зсзд̇и; аби жа ко д̣̇звабуд̇д̇о д̣̇звабарисааяам̣ д̇хаммам̣ д̣̇зсзд̇и. д̇асса звам̣ ход̇и – ‘аяам̣ ваа со д̇хаммавинаяо, яад̇т̇аахам̣ буб̣б̣з б̣рахмажарияам̣ ажари’нд̇и. д̣̇анд̇хо, бхигкавз, сад̇уббаад̣̇о; ат̇а со сад̇д̇о киббам̣язва висзсаг̇аамий ход̇и. сод̇аануг̇ад̇аанам̣, бхигкавз, д̇хаммаанам̣, важасаа барижид̇аанам̣, манасаанубзгкид̇аанам̣, д̣̇идтияаа суббадивид̣̇д̇хаанам̣ аяам̣ д̇ад̇ияо аанисам̣со баадиган̇ко.
‘‘Puna caparaṃ, bhikkhave, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Tassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā. So muṭṭhassati kālaṃ kurumāno aññataraṃ devanikāyaṃ upapajjati. Tassa tattha na heva kho sukhino dhammapadā plavanti, napi bhikkhu iddhimā cetovasippatto devaparisāyaṃ dhammaṃ deseti; api ca kho devaputto devaparisāyaṃ dhammaṃ deseti. Tassa evaṃ hoti – ‘ayaṃ vā so dhammavinayo, yatthāhaṃ pubbe brahmacariyaṃ acari’nti. Dandho, bhikkhave, satuppādo; atha so satto khippaṃyeva visesagāmī hoti. Seyyathāpi, bhikkhave, puriso kusalo saṅkhasaddassa. So addhānamaggappaṭipanno saṅkhasaddaṃ suṇeyya. Tassa na heva kho assa kaṅkhā vā vimati vā – ‘saṅkhasaddo nu kho, na nu kho saṅkhasaddo’ti! Atha kho saṅkhasaddotveva niṭṭhaṃ gaccheyya. Evamevaṃ kho, bhikkhave, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Tassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā. So muṭṭhassati kālaṃ kurumāno aññataraṃ devanikāyaṃ upapajjati. Tassa tattha na heva kho sukhino dhammapadā plavanti, napi bhikkhu iddhimā cetovasippatto devaparisāyaṃ dhammaṃ deseti; api ca kho devaputto devaparisāyaṃ dhammaṃ deseti. Tassa evaṃ hoti – ‘ayaṃ vā so dhammavinayo, yatthāhaṃ pubbe brahmacariyaṃ acari’nti. Dandho, bhikkhave, satuppādo; atha so satto khippaṃyeva visesagāmī hoti. Sotānugatānaṃ, bhikkhave, dhammānaṃ, vacasā paricitānaṃ, manasānupekkhitānaṃ, diṭṭhiyā suppaṭividdhānaṃ ayaṃ tatiyo ānisaṃso pāṭikaṅkho.
‘‘буна жабарам̣, бхигкавз, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇асса д̇з д̇хаммаа сод̇аануг̇ад̇аа хонд̇и, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со мудтассад̇и гаалам̣ гурумаано ан̃н̃ад̇арам̣ д̣̇званигааяам̣ убабаж̇ж̇ад̇и. д̇асса д̇ад̇т̇а на хзва ко сукино д̇хаммабад̣̇аа блаванд̇и, наби бхигку ид̣̇д̇химаа жзд̇овасиббад̇д̇о д̣̇звабарисааяам̣ д̇хаммам̣ д̣̇зсзд̇и, наби д̣̇звабуд̇д̇о д̣̇звабарисааяам̣ д̇хаммам̣ д̣̇зсзд̇и; аби жа ко обабаад̇иго обабаад̇игам̣ саарзд̇и – ‘сараси д̇вам̣, маариса, сараси д̇вам̣ , маариса, яад̇т̇а маяам̣ буб̣б̣з б̣рахмажарияам̣ ажаримхаа’д̇и. со звамааха – ‘сараами, маариса, сараами, маарисаа’д̇и. д̣̇анд̇хо, бхигкавз, сад̇уббаад̣̇о; ат̇а со сад̇д̇о киббам̣язва висзсаг̇аамий ход̇и. сзяяат̇ааби, бхигкавз, д̣̇вз сахааяагаа сахабам̣сугийл̣игаа 5. д̇з гад̣̇аажи гарахажи ан̃н̃аман̃н̃ам̣ самааг̇ажчзяяум̣. ан̃н̃о бана 6 сахааяаго сахааяагам̣ звам̣ вад̣̇зяяа – ‘ид̣̇амби, самма, сараси, ид̣̇амби, самма, сарасий’д̇и. со звам̣ вад̣̇зяяа – ‘сараами , самма, сараами, саммаа’д̇и. звамзвам̣ ко, бхигкавз, бхигку д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. д̇асса д̇з д̇хаммаа сод̇аануг̇ад̇аа хонд̇и, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со мудтассад̇и гаалам̣ гурумаано ан̃н̃ад̇арам̣ д̣̇званигааяам̣ убабаж̇ж̇ад̇и. д̇асса д̇ад̇т̇а на хзва ко сукино д̇хаммабад̣̇аа блаванд̇и, наби бхигку ид̣̇д̇химаа жзд̇овасиббад̇д̇о д̣̇звабарисааяам̣ д̇хаммам̣ д̣̇зсзд̇и, наби д̣̇звабуд̇д̇о д̣̇звабарисааяам̣ д̇хаммам̣ д̣̇зсзд̇и; аби жа ко обабаад̇иго обабаад̇игам̣ саарзд̇и – ‘сараси д̇вам̣, маариса, сараси д̇вам̣, маариса, яад̇т̇а маяам̣ буб̣б̣з б̣рахмажарияам̣ ажаримхаа’д̇и. со звамааха – ‘сараами, маариса, сараами, маарисаа’д̇и. д̣̇анд̇хо, бхигкавз, сад̇уббаад̣̇о; ат̇а ко со сад̇д̇о киббам̣язва висзсаг̇аамий ход̇и. сод̇аануг̇ад̇аанам̣, бхигкавз, д̇хаммаанам̣, важасаа барижид̇аанам̣, манасаанубзгкид̇аанам̣, д̣̇идтияаа суббадивид̣̇д̇хаанам̣ аяам̣ жад̇уд̇т̇о аанисам̣со баадиган̇ко. сод̇аануг̇ад̇аанам̣, бхигкавз, д̇хаммаанам̣, важасаа барижид̇аанам̣, манасаанубзгкид̇аанам̣ д̣̇идтияаа суббадивид̣̇д̇хаанам̣ имз жад̇д̇ааро аанисам̣саа баадиган̇каа’’д̇и. батамам̣.
‘‘Puna caparaṃ, bhikkhave, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Tassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā. So muṭṭhassati kālaṃ kurumāno aññataraṃ devanikāyaṃ upapajjati. Tassa tattha na heva kho sukhino dhammapadā plavanti, napi bhikkhu iddhimā cetovasippatto devaparisāyaṃ dhammaṃ deseti, napi devaputto devaparisāyaṃ dhammaṃ deseti; api ca kho opapātiko opapātikaṃ sāreti – ‘sarasi tvaṃ, mārisa, sarasi tvaṃ , mārisa, yattha mayaṃ pubbe brahmacariyaṃ acarimhā’ti. So evamāha – ‘sarāmi, mārisa, sarāmi, mārisā’ti. Dandho, bhikkhave, satuppādo; atha so satto khippaṃyeva visesagāmī hoti. Seyyathāpi, bhikkhave, dve sahāyakā sahapaṃsukīḷikā 7. Te kadāci karahaci aññamaññaṃ samāgaccheyyuṃ. Añño pana 8 sahāyako sahāyakaṃ evaṃ vadeyya – ‘idampi, samma, sarasi, idampi, samma, sarasī’ti. So evaṃ vadeyya – ‘sarāmi , samma, sarāmi, sammā’ti. Evamevaṃ kho, bhikkhave, bhikkhu dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. Tassa te dhammā sotānugatā honti, vacasā paricitā, manasānupekkhitā, diṭṭhiyā suppaṭividdhā. So muṭṭhassati kālaṃ kurumāno aññataraṃ devanikāyaṃ upapajjati. Tassa tattha na heva kho sukhino dhammapadā plavanti, napi bhikkhu iddhimā cetovasippatto devaparisāyaṃ dhammaṃ deseti, napi devaputto devaparisāyaṃ dhammaṃ deseti; api ca kho opapātiko opapātikaṃ sāreti – ‘sarasi tvaṃ, mārisa, sarasi tvaṃ, mārisa, yattha mayaṃ pubbe brahmacariyaṃ acarimhā’ti. So evamāha – ‘sarāmi, mārisa, sarāmi, mārisā’ti. Dandho, bhikkhave, satuppādo; atha kho so satto khippaṃyeva visesagāmī hoti. Sotānugatānaṃ, bhikkhave, dhammānaṃ, vacasā paricitānaṃ, manasānupekkhitānaṃ, diṭṭhiyā suppaṭividdhānaṃ ayaṃ catuttho ānisaṃso pāṭikaṅkho. Sotānugatānaṃ, bhikkhave, dhammānaṃ, vacasā paricitānaṃ, manasānupekkhitānaṃ diṭṭhiyā suppaṭividdhānaṃ ime cattāro ānisaṃsā pāṭikaṅkhā’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сод̇аануг̇ад̇асуд̇д̇аван̣н̣анаа • 1. Sotānugatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. сод̇аануг̇ад̇асуд̇д̇аван̣н̣анаа • 1. Sotānugatasuttavaṇṇanā
