| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(20) 5. махааваг̇г̇о
(20) 5. Mahāvaggo
1. сод̇аануг̇ад̇асуд̇д̇аван̣н̣анаа
1. Sotānugatasuttavaṇṇanā
191. бан̃жамасса батамз сод̇аануг̇ад̇аананд̇и басаад̣̇асод̇ам̣ од̣̇ахид̇ваа н̃аан̣асод̇зна вавад̇т̇абид̇аанам̣. жад̇д̇ааро аанисам̣саа баадиган̇каад̇и жад̇д̇ааро г̇ун̣аанисам̣саа баадиган̇кид̇аб̣б̣аа. ид̣̇ам̣ бана бхаг̇авад̇аа ад̇т̇уббад̇д̇ивасзна аарад̣̇д̇хам̣. гад̇араад̇т̇уббад̇д̇ивасзнаад̇и? бхигкуунам̣ д̇хаммассаванааяа анубасан̇гаманаад̇т̇уббад̇д̇ивасзна. бан̃жасад̇аа гира б̣раахман̣абаб̣б̣аж̇ид̇аа ‘‘саммаасамб̣уд̣̇д̇хо лин̇г̇аважанавибхад̇д̇ибад̣̇аб̣яан̃ж̇анаад̣̇ийхи гат̇знд̇о амхзхи н̃аад̇амзва гат̇зссад̇и, ан̃н̃аад̇ам̣ гим̣ гат̇зссад̇ий’’д̇и д̇хаммассаванад̇т̇ам̣ на г̇ажчанд̇и. сад̇т̇аа д̇ам̣ бавад̇д̇им̣ суд̇ваа д̇з баггосаабзд̇ваа ‘‘гасмаа звам̣ гарот̇а, саггажжам̣ д̇хаммам̣ сун̣аат̇а, саггажжам̣ д̇хаммам̣ сун̣анд̇аанан̃жа саж̇жхааяанд̇аанан̃жа имз зд̇д̇агаа аанисам̣саа’’д̇и д̣̇ассзнд̇о имам̣ д̣̇зсанам̣ аарабхи.
191. Pañcamassa paṭhame sotānugatānanti pasādasotaṃ odahitvā ñāṇasotena vavatthapitānaṃ. Cattāro ānisaṃsā pāṭikaṅkhāti cattāro guṇānisaṃsā pāṭikaṅkhitabbā. Idaṃ pana bhagavatā atthuppattivasena āraddhaṃ. Kataraatthuppattivasenāti? Bhikkhūnaṃ dhammassavanāya anupasaṅkamanaatthuppattivasena. Pañcasatā kira brāhmaṇapabbajitā ‘‘sammāsambuddho liṅgavacanavibhattipadabyañjanādīhi kathento amhehi ñātameva kathessati, aññātaṃ kiṃ kathessatī’’ti dhammassavanatthaṃ na gacchanti. Satthā taṃ pavattiṃ sutvā te pakkosāpetvā ‘‘kasmā evaṃ karotha, sakkaccaṃ dhammaṃ suṇātha, sakkaccaṃ dhammaṃ suṇantānañca sajjhāyantānañca ime ettakā ānisaṃsā’’ti dassento imaṃ desanaṃ ārabhi.
д̇ад̇т̇а д̇хаммам̣ барияаабун̣аад̇ийд̇и суд̇д̇ам̣ г̇зяяанд̇иаад̣̇игам̣ наван̇г̇ам̣ сад̇т̇усаасанабхууд̇ам̣ д̇анд̇ид̇хаммам̣ вал̣ан̃ж̇зд̇и. сод̇аануг̇ад̇аа хонд̇ийд̇и сод̇ам̣ ануббад̇д̇аа анубавидтаа хонд̇и. манасаанубзгкид̇аад̇и жид̇д̇зна ологид̇аа. д̣̇идтияаа суббадивид̣̇д̇хаад̇и ад̇т̇ад̇о жа гааран̣ад̇о жа бан̃н̃ааяа судту бадивид̣̇д̇хаа бажжагкам̣ гад̇аа. мудтассад̇и гаалам̣ гурумаанод̇и наяид̣̇ам̣ б̣уд̣̇д̇хаважанам̣ ануссаран̣асад̇ияаа абхаавзна вуд̇д̇ам̣, бут̇уж̇ж̇анагаалагирияам̣ бана санд̇хааяа вуд̇д̇ам̣. бут̇уж̇ж̇ано хи мудтассад̇и гаалам̣ гарод̇и наама. убабаж̇ж̇ад̇ийд̇и суд̣̇д̇хасийлз бад̇идтид̇о д̣̇звалогз ниб̣б̣ад̇д̇ад̇и. д̇хаммабад̣̇аа блаванд̇ийд̇и анд̇араабхавз ниб̣б̣ад̇д̇амудтассад̇ино, язби буб̣б̣з саж̇жхааяамуулигаа ваажаабарижид̇аб̣уд̣̇д̇хаважанад̇хаммаа, д̇з саб̣б̣з басаннз аад̣̇аасз чааяаа вияа блаванд̇и, баагадаа худ̇ваа бан̃н̃ааяанд̇и. д̣̇анд̇хо, бхигкавз, сад̇уббаад̣̇од̇и б̣уд̣̇д̇хаважанаануссаран̣асад̇ияаа уббаад̣̇о д̣̇анд̇хо г̇ару. ат̇а со сад̇д̇о киббам̣язва висзсаг̇аамий ход̇и, ниб̣б̣аанаг̇аамий ход̇ийд̇и ад̇т̇о.
Tattha dhammaṃ pariyāpuṇātīti suttaṃ geyyantiādikaṃ navaṅgaṃ satthusāsanabhūtaṃ tantidhammaṃ vaḷañjeti. Sotānugatā hontīti sotaṃ anuppattā anupaviṭṭhā honti. Manasānupekkhitāti cittena olokitā. Diṭṭhiyā suppaṭividdhāti atthato ca kāraṇato ca paññāya suṭṭhu paṭividdhā paccakkhaṃ katā. Muṭṭhassati kālaṃ kurumānoti nayidaṃ buddhavacanaṃ anussaraṇasatiyā abhāvena vuttaṃ, puthujjanakālakiriyaṃ pana sandhāya vuttaṃ. Puthujjano hi muṭṭhassati kālaṃ karoti nāma. Upapajjatīti suddhasīle patiṭṭhito devaloke nibbattati. Dhammapadā plavantīti antarābhave nibbattamuṭṭhassatino, yepi pubbe sajjhāyamūlikā vācāparicitabuddhavacanadhammā, te sabbe pasanne ādāse chāyā viya plavanti, pākaṭā hutvā paññāyanti. Dandho, bhikkhave, satuppādoti buddhavacanānussaraṇasatiyā uppādo dandho garu. Atha so satto khippaṃyeva visesagāmī hoti, nibbānagāmī hotīti attho.
ид̣̇д̇химаа жзд̇овасиббад̇д̇од̇и ид̣̇д̇хисамбанно жид̇д̇асса васибхаавабад̇д̇о кийн̣аасаво. аяам̣ ваа со д̇хаммавинаяод̇и зд̇т̇а вибхааванад̇т̇о ваа-сад̣̇д̣̇о. яад̇т̇аад̇и яасмим̣ д̇хаммавинаяз. б̣рахмажарияам̣ ажаринд̇и б̣рахмажарияаваасам̣ васим̣. ид̣̇амби б̣уд̣̇д̇хаважанам̣ маяаа буб̣б̣з вал̣ан̃ж̇ид̇анд̇и б̣уд̣̇д̇хаважанаануссаран̣авасзнзд̇ам̣ вуд̇д̇ам̣. д̣̇звабуд̇д̇од̇и бан̃жаалажан̣д̣о вияа хад̇т̇агамахааб̣рахмаа вияа санан̇гумаараб̣рахмаа вияа жа зго д̇хаммагат̇игад̣̇звабуд̇д̇о. обабаад̇иго обабаад̇игам̣ саарзд̇ийд̇и батамам̣ уббанно д̣̇звабуд̇д̇о бажчаа уббаннам̣ саарзд̇и. сахабам̣сугийл̣игаад̇и зд̇зна нзсам̣ д̣̇ийгхарад̇д̇ам̣ гад̇абарижаяабхаавам̣ д̣̇ассзд̇и. самааг̇ажчзяяунд̇и саалааяа ваа ругкамуулз ваа саммукийбхаавам̣ г̇ажчзяяум̣. звам̣ вад̣̇зяяаад̇и саалааяа ваа ругкамуулз ваа батамад̇арам̣ нисинно бажчаа ааг̇ад̇ам̣ звам̣ вад̣̇зяяа. сзсамзд̇т̇а баал̣инаязнзва взд̣̇ид̇аб̣б̣ам̣.
Iddhimā cetovasippattoti iddhisampanno cittassa vasibhāvapatto khīṇāsavo. Ayaṃvā so dhammavinayoti ettha vibhāvanattho vā-saddo. Yatthāti yasmiṃ dhammavinaye. Brahmacariyaṃ acarinti brahmacariyavāsaṃ vasiṃ. Idampi buddhavacanaṃ mayā pubbe vaḷañjitanti buddhavacanānussaraṇavasenetaṃ vuttaṃ. Devaputtoti pañcālacaṇḍo viya hatthakamahābrahmā viya sanaṅkumārabrahmā viya ca eko dhammakathikadevaputto. Opapātiko opapātikaṃ sāretīti paṭhamaṃ uppanno devaputto pacchā uppannaṃ sāreti. Sahapaṃsukīḷikāti etena nesaṃ dīgharattaṃ kataparicayabhāvaṃ dasseti. Samāgaccheyyunti sālāya vā rukkhamūle vā sammukhībhāvaṃ gaccheyyuṃ. Evaṃ vadeyyāti sālāya vā rukkhamūle vā paṭhamataraṃ nisinno pacchā āgataṃ evaṃ vadeyya. Sesamettha pāḷinayeneva veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. сод̇аануг̇ад̇асуд̇д̇ам̣ • 1. Sotānugatasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. сод̇аануг̇ад̇асуд̇д̇аван̣н̣анаа • 1. Sotānugatasuttavaṇṇanā
