| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(20) 5. махааваг̇г̇о
(20) 5. Mahāvaggo
1. сод̇аануг̇ад̇асуд̇д̇аван̣н̣анаа
1. Sotānugatasuttavaṇṇanā
191. бан̃жамасса батамз сод̇аануг̇ад̇аананд̇и басаад̣̇асод̇ам̣ ануг̇анд̇ваа г̇ад̇аанам̣, баг̇ун̣аанам̣ ваажуг̇г̇ад̇аананд̇и ад̇т̇о. звам̣бхууд̇аа жа басаад̣̇асод̇ам̣ од̣̇ахид̇ваа н̃аан̣асод̇зна судту вавад̇т̇абид̇аа наама хонд̇ийд̇и ааха ‘‘басаад̣̇асод̇а’’нд̇иаад̣̇и. згажжасса хи уг̇г̇ахид̇абуб̣б̣аважанам̣ д̇ам̣ д̇ам̣ баг̇ун̣ам̣ нижчарид̇ам̣ судту вавад̇т̇абид̇ам̣ на ход̇и. ‘‘асугам̣ суд̇д̇ам̣ ваа ж̇аад̇агам̣ ваа гат̇зхий’’д̇и вуд̇д̇з ‘‘саж̇жхааяид̇ваа сам̣санд̣̇ид̇ваа самануг̇г̇аахид̇ваа ж̇ааниссаамий’’д̇и вад̣̇анд̇и. згажжасса д̇ам̣ д̇ам̣ баг̇ун̣ам̣ бхаван̇г̇асод̇асад̣̇исам̣ ход̇и ‘‘асугам̣ суд̇д̇ам̣ ваа ж̇аад̇агам̣ ваа гат̇зхий’’д̇и вуд̇д̇з уд̣̇д̇харид̇ваа д̇амзва гат̇зд̇и. д̇ам̣ санд̇хааязд̇ам̣ вуд̇д̇ам̣ ‘‘н̃аан̣асод̇зна вавад̇т̇абид̇аана’’нд̇и. ид̇т̇илин̇г̇аад̣̇ийни д̇ийн̣и лин̇г̇аани. наамаад̣̇ийни жад̇д̇аари бад̣̇аани. батамаад̣̇аяо сад̇д̇а вибхад̇д̇ияо.
191. Pañcamassa paṭhame sotānugatānanti pasādasotaṃ anugantvā gatānaṃ, paguṇānaṃ vācuggatānanti attho. Evaṃbhūtā ca pasādasotaṃ odahitvā ñāṇasotena suṭṭhu vavatthapitā nāma hontīti āha ‘‘pasādasota’’ntiādi. Ekaccassa hi uggahitapubbavacanaṃ taṃ taṃ paguṇaṃ niccharitaṃ suṭṭhu vavatthapitaṃ na hoti. ‘‘Asukaṃ suttaṃ vā jātakaṃ vā kathehī’’ti vutte ‘‘sajjhāyitvā saṃsanditvā samanuggāhitvā jānissāmī’’ti vadanti. Ekaccassa taṃ taṃ paguṇaṃ bhavaṅgasotasadisaṃ hoti ‘‘asukaṃ suttaṃ vā jātakaṃ vā kathehī’’ti vutte uddharitvā tameva katheti. Taṃ sandhāyetaṃ vuttaṃ ‘‘ñāṇasotena vavatthapitāna’’nti. Itthiliṅgādīni tīṇi liṅgāni. Nāmādīni cattāri padāni. Paṭhamādayo satta vibhattiyo.
вал̣ан̃ж̇зд̇ийд̇и баал̣им̣ анусанд̇хим̣ буб̣б̣аабаравасзна ваажуг̇г̇ад̇ам̣ гаронд̇о д̇хаарзд̇и. важасаа барижид̇аад̇и суд̇д̇ад̣̇асагаваг̇г̇ад̣̇асагабан̣н̣аасад̣̇асагавасзна ваажааяа саж̇жхааяид̇аа, ‘‘д̣̇асасуд̇д̇аани г̇ад̇аани, д̣̇асаваг̇г̇аани г̇ад̇ааний’’д̇иаад̣̇инаа саллагкзд̇ваа ваажааяа саж̇жхааяид̇аад̇и ад̇т̇о. ваг̇г̇аад̣̇ивасзна хи ид̇ха важасаа барижаяо ад̇хиббзд̇о, на бана суд̇д̇згад̣̇зсасса суд̇д̇амад̇д̇асса важасаа барижаяо. манасаа ану ану бзгкид̇аа бхааг̇асо ниж̇жхааяид̇аа вид̣̇ид̇аа манусаанубзгкид̇аа. яасса ваажааяа саж̇жхааяид̇ам̣ б̣уд̣̇д̇хаважанам̣ манасаа жинд̇знд̇асса д̇ад̇т̇а д̇ад̇т̇а баагадам̣ ход̇и, махаад̣̇ийбам̣ ж̇аалзд̇ваа тид̇асса руубаг̇ад̇ам̣ вияа вибхууд̇ам̣ худ̇ваа бан̃н̃ааяад̇и. д̇ам̣ санд̇хааязд̇ам̣ вуд̇д̇ам̣. суббадивид̣̇д̇хаад̇и ниж̇ж̇адам̣ ниг̇г̇умб̣ам̣ гад̇ваа судту яаат̇аавад̇о бадивид̣̇д̇хаа. сзсамзд̇т̇а сувин̃н̃зяяамзва.
Vaḷañjetīti pāḷiṃ anusandhiṃ pubbāparavasena vācuggataṃ karonto dhāreti. Vacasā paricitāti suttadasakavaggadasakapaṇṇāsadasakavasena vācāya sajjhāyitā, ‘‘dasasuttāni gatāni, dasavaggāni gatānī’’tiādinā sallakkhetvā vācāya sajjhāyitāti attho. Vaggādivasena hi idha vacasā paricayo adhippeto, na pana suttekadesassa suttamattassa vacasā paricayo. Manasā anu anu pekkhitā bhāgaso nijjhāyitā viditā manusānupekkhitā. Yassa vācāya sajjhāyitaṃ buddhavacanaṃ manasā cintentassa tattha tattha pākaṭaṃ hoti, mahādīpaṃ jāletvā ṭhitassa rūpagataṃ viya vibhūtaṃ hutvā paññāyati. Taṃ sandhāyetaṃ vuttaṃ. Suppaṭividdhāti nijjaṭaṃ niggumbaṃ katvā suṭṭhu yāthāvato paṭividdhā. Sesamettha suviññeyyameva.
сод̇аануг̇ад̇асуд̇д̇аван̣н̣анаа нидтид̇аа.
Sotānugatasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. сод̇аануг̇ад̇асуд̇д̇ам̣ • 1. Sotānugatasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сод̇аануг̇ад̇асуд̇д̇аван̣н̣анаа • 1. Sotānugatasuttavaṇṇanā
