| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੨੦) ੫. ਮਹਾવਗ੍ਗੋ
(20) 5. Mahāvaggo
੧. ਸੋਤਾਨੁਗਤਸੁਤ੍ਤવਣ੍ਣਨਾ
1. Sotānugatasuttavaṇṇanā
੧੯੧. ਪਞ੍ਚਮਸ੍ਸ ਪਠਮੇ ਸੋਤਾਨੁਗਤਾਨਨ੍ਤਿ ਪਸਾਦਸੋਤਂ ਅਨੁਗਨ੍ਤ੍વਾ ਗਤਾਨਂ, ਪਗੁਣਾਨਂ વਾਚੁਗ੍ਗਤਾਨਨ੍ਤਿ ਅਤ੍ਥੋ। ਏવਂਭੂਤਾ ਚ ਪਸਾਦਸੋਤਂ ਓਦਹਿਤ੍વਾ ਞਾਣਸੋਤੇਨ ਸੁਟ੍ਠੁ વવਤ੍ਥਪਿਤਾ ਨਾਮ ਹੋਨ੍ਤੀਤਿ ਆਹ ‘‘ਪਸਾਦਸੋਤ’’ਨ੍ਤਿਆਦਿ। ਏਕਚ੍ਚਸ੍ਸ ਹਿ ਉਗ੍ਗਹਿਤਪੁਬ੍ਬવਚਨਂ ਤਂ ਤਂ ਪਗੁਣਂ ਨਿਚ੍ਛਰਿਤਂ ਸੁਟ੍ਠੁ વવਤ੍ਥਪਿਤਂ ਨ ਹੋਤਿ। ‘‘ਅਸੁਕਂ ਸੁਤ੍ਤਂ વਾ ਜਾਤਕਂ વਾ ਕਥੇਹੀ’’ਤਿ વੁਤ੍ਤੇ ‘‘ਸਜ੍ਝਾਯਿਤ੍વਾ ਸਂਸਨ੍ਦਿਤ੍વਾ ਸਮਨੁਗ੍ਗਾਹਿਤ੍વਾ ਜਾਨਿਸ੍ਸਾਮੀ’’ਤਿ વਦਨ੍ਤਿ। ਏਕਚ੍ਚਸ੍ਸ ਤਂ ਤਂ ਪਗੁਣਂ ਭવਙ੍ਗਸੋਤਸਦਿਸਂ ਹੋਤਿ ‘‘ਅਸੁਕਂ ਸੁਤ੍ਤਂ વਾ ਜਾਤਕਂ વਾ ਕਥੇਹੀ’’ਤਿ વੁਤ੍ਤੇ ਉਦ੍ਧਰਿਤ੍વਾ ਤਮੇવ ਕਥੇਤਿ। ਤਂ ਸਨ੍ਧਾਯੇਤਂ વੁਤ੍ਤਂ ‘‘ਞਾਣਸੋਤੇਨ વવਤ੍ਥਪਿਤਾਨ’’ਨ੍ਤਿ। ਇਤ੍ਥਿਲਿਙ੍ਗਾਦੀਨਿ ਤੀਣਿ ਲਿਙ੍ਗਾਨਿ। ਨਾਮਾਦੀਨਿ ਚਤ੍ਤਾਰਿ ਪਦਾਨਿ। ਪਠਮਾਦਯੋ ਸਤ੍ਤ વਿਭਤ੍ਤਿਯੋ।
191. Pañcamassa paṭhame sotānugatānanti pasādasotaṃ anugantvā gatānaṃ, paguṇānaṃ vācuggatānanti attho. Evaṃbhūtā ca pasādasotaṃ odahitvā ñāṇasotena suṭṭhu vavatthapitā nāma hontīti āha ‘‘pasādasota’’ntiādi. Ekaccassa hi uggahitapubbavacanaṃ taṃ taṃ paguṇaṃ niccharitaṃ suṭṭhu vavatthapitaṃ na hoti. ‘‘Asukaṃ suttaṃ vā jātakaṃ vā kathehī’’ti vutte ‘‘sajjhāyitvā saṃsanditvā samanuggāhitvā jānissāmī’’ti vadanti. Ekaccassa taṃ taṃ paguṇaṃ bhavaṅgasotasadisaṃ hoti ‘‘asukaṃ suttaṃ vā jātakaṃ vā kathehī’’ti vutte uddharitvā tameva katheti. Taṃ sandhāyetaṃ vuttaṃ ‘‘ñāṇasotena vavatthapitāna’’nti. Itthiliṅgādīni tīṇi liṅgāni. Nāmādīni cattāri padāni. Paṭhamādayo satta vibhattiyo.
વਲ਼ਞ੍ਜੇਤੀਤਿ ਪਾਲ਼ਿਂ ਅਨੁਸਨ੍ਧਿਂ ਪੁਬ੍ਬਾਪਰવਸੇਨ વਾਚੁਗ੍ਗਤਂ ਕਰੋਨ੍ਤੋ ਧਾਰੇਤਿ। વਚਸਾ ਪਰਿਚਿਤਾਤਿ ਸੁਤ੍ਤਦਸਕવਗ੍ਗਦਸਕਪਣ੍ਣਾਸਦਸਕવਸੇਨ વਾਚਾਯ ਸਜ੍ਝਾਯਿਤਾ, ‘‘ਦਸਸੁਤ੍ਤਾਨਿ ਗਤਾਨਿ, ਦਸવਗ੍ਗਾਨਿ ਗਤਾਨੀ’’ਤਿਆਦਿਨਾ ਸਲ੍ਲਕ੍ਖੇਤ੍વਾ વਾਚਾਯ ਸਜ੍ਝਾਯਿਤਾਤਿ ਅਤ੍ਥੋ। વਗ੍ਗਾਦਿવਸੇਨ ਹਿ ਇਧ વਚਸਾ ਪਰਿਚਯੋ ਅਧਿਪ੍ਪੇਤੋ, ਨ ਪਨ ਸੁਤ੍ਤੇਕਦੇਸਸ੍ਸ ਸੁਤ੍ਤਮਤ੍ਤਸ੍ਸ વਚਸਾ ਪਰਿਚਯੋ। ਮਨਸਾ ਅਨੁ ਅਨੁ ਪੇਕ੍ਖਿਤਾ ਭਾਗਸੋ ਨਿਜ੍ਝਾਯਿਤਾ વਿਦਿਤਾ ਮਨੁਸਾਨੁਪੇਕ੍ਖਿਤਾ। ਯਸ੍ਸ વਾਚਾਯ ਸਜ੍ਝਾਯਿਤਂ ਬੁਦ੍ਧવਚਨਂ ਮਨਸਾ ਚਿਨ੍ਤੇਨ੍ਤਸ੍ਸ ਤਤ੍ਥ ਤਤ੍ਥ ਪਾਕਟਂ ਹੋਤਿ, ਮਹਾਦੀਪਂ ਜਾਲੇਤ੍વਾ ਠਿਤਸ੍ਸ ਰੂਪਗਤਂ વਿਯ વਿਭੂਤਂ ਹੁਤ੍વਾ ਪਞ੍ਞਾਯਤਿ। ਤਂ ਸਨ੍ਧਾਯੇਤਂ વੁਤ੍ਤਂ। ਸੁਪ੍ਪਟਿવਿਦ੍ਧਾਤਿ ਨਿਜ੍ਜਟਂ ਨਿਗ੍ਗੁਮ੍ਬਂ ਕਤ੍વਾ ਸੁਟ੍ਠੁ ਯਾਥਾવਤੋ ਪਟਿવਿਦ੍ਧਾ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
Vaḷañjetīti pāḷiṃ anusandhiṃ pubbāparavasena vācuggataṃ karonto dhāreti. Vacasā paricitāti suttadasakavaggadasakapaṇṇāsadasakavasena vācāya sajjhāyitā, ‘‘dasasuttāni gatāni, dasavaggāni gatānī’’tiādinā sallakkhetvā vācāya sajjhāyitāti attho. Vaggādivasena hi idha vacasā paricayo adhippeto, na pana suttekadesassa suttamattassa vacasā paricayo. Manasā anu anu pekkhitā bhāgaso nijjhāyitā viditā manusānupekkhitā. Yassa vācāya sajjhāyitaṃ buddhavacanaṃ manasā cintentassa tattha tattha pākaṭaṃ hoti, mahādīpaṃ jāletvā ṭhitassa rūpagataṃ viya vibhūtaṃ hutvā paññāyati. Taṃ sandhāyetaṃ vuttaṃ. Suppaṭividdhāti nijjaṭaṃ niggumbaṃ katvā suṭṭhu yāthāvato paṭividdhā. Sesamettha suviññeyyameva.
ਸੋਤਾਨੁਗਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sotānugatasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸੋਤਾਨੁਗਤਸੁਤ੍ਤਂ • 1. Sotānugatasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਸੋਤਾਨੁਗਤਸੁਤ੍ਤવਣ੍ਣਨਾ • 1. Sotānugatasuttavaṇṇanā
