| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
7. සොතාපන්‌නසුත්‌තං
7. Sotāpannasuttaṃ
166. සාවත්‌ථිනිදානං . එකමන්‌තං නිසින්‌නං ඛො ආයස්‌මන්‌තං රාධං භගවා එතදවොච – ‘‘පඤ්‌චිමෙ, රාධ, උපාදානක්‌ඛන්‌ධා. කතමෙ පඤ්‌ච? රූපුපාදානක්‌ඛන්‌ධො…පෙ.… විඤ්‌ඤාණුපාදානක්‌ඛන්‌ධො. යතො ඛො, රාධ, අරියසාවකො ඉමෙසං පඤ්‌චන්‌නං උපාදානක්‌ඛන්‌ධානං සමුදයඤ්‌ච අත්‌ථඞ්‌ගමඤ්‌ච අස්‌සාදඤ්‌ච ආදීනවඤ්‌ච නිස්‌සරණඤ්‌ච යථාභූතං පජානාති – අයං වුච්‌චති, රාධ, අරියසාවකො සොතාපන්‌නො අවිනිපාතධම්‌මො නියතො සම්‌බොධිපරායනො’’ති. සත්‌තමං.
166. Sāvatthinidānaṃ . Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘pañcime, rādha, upādānakkhandhā. Katame pañca? Rūpupādānakkhandho…pe… viññāṇupādānakkhandho. Yato kho, rādha, ariyasāvako imesaṃ pañcannaṃ upādānakkhandhānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānāti – ayaṃ vuccati, rādha, ariyasāvako sotāpanno avinipātadhammo niyato sambodhiparāyano’’ti. Sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-10. සත්‌තසුත්‌තාදිවණ්‌ණනා • 2-10. Sattasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-10. සත්‌තසුත්‌තාදිවණ්‌ණනා • 2-10. Sattasuttādivaṇṇanā
