| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
6. සොතාපන්‌නසුත්‌තං
6. Sotāpannasuttaṃ
496. ‘‘ඡයිමානි, භික්‌ඛවෙ, ඉන්‌ද්‍රියානි. කතමානි ඡ? චක්‌ඛුන්‌ද්‍රියං…පෙ.… මනින්‌ද්‍රියං. යතො ඛො, භික්‌ඛවෙ, අරියසාවකො ඉමෙසං ඡන්‌නං ඉන්‌ද්‍රියානං සමුදයඤ්‌ච අත්‌ථඞ්‌ගමඤ්‌ච අස්‌සාදඤ්‌ච ආදීනවඤ්‌ච නිස්‌සරණඤ්‌ච යථාභූතං පජානාති – අයං වුච්‌චති, භික්‌ඛවෙ, අරියසාවකො සොතාපන්‌නො අවිනිපාතධම්‌මො නියතො සම්‌බොධිපරායණො’’ති. ඡට්‌ඨං.
496. ‘‘Chayimāni, bhikkhave, indriyāni. Katamāni cha? Cakkhundriyaṃ…pe… manindriyaṃ. Yato kho, bhikkhave, ariyasāvako imesaṃ channaṃ indriyānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānāti – ayaṃ vuccati, bhikkhave, ariyasāvako sotāpanno avinipātadhammo niyato sambodhiparāyaṇo’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5-10. සුද්‌ධකසුත්‌තාදිවණ්‌ණනා • 5-10. Suddhakasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5-10. සුද්‌ධකසුත්‌තාදිවණ්‌ණනා • 5-10. Suddhakasuttādivaṇṇanā
