Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

10. сод̇асуд̇д̇ам̣

10. Sotasuttaṃ

140. ‘‘бан̃жахи, бхигкавз, ан̇г̇зхи саманнааг̇ад̇о ран̃н̃о нааг̇о рааж̇аарахо ход̇и рааж̇абхог̇г̇о, ран̃н̃о ан̇г̇ам̣д̇взва сан̇кам̣ г̇ажчад̇и. гад̇амзхи бан̃жахи? ид̇ха, бхигкавз, ран̃н̃о нааг̇о сод̇аа жа ход̇и, ханд̇аа жа, рагкид̇аа жа, канд̇аа жа, г̇анд̇аа жа.

140. ‘‘Pañcahi, bhikkhave, aṅgehi samannāgato rañño nāgo rājāraho hoti rājabhoggo, rañño aṅgaṃtveva saṅkhaṃ gacchati. Katamehi pañcahi? Idha, bhikkhave, rañño nāgo sotā ca hoti, hantā ca, rakkhitā ca, khantā ca, gantā ca.

‘‘гат̇ан̃жа, бхигкавз, ран̃н̃о нааг̇о сод̇аа ход̇и? ид̇ха, бхигкавз, ран̃н̃о нааг̇о яамзнам̣ хад̇т̇ид̣̇аммасаарат̇и ¹ гааран̣ам̣ гаарзд̇и – яад̣̇и ваа гад̇абуб̣б̣ам̣ яад̣̇и ваа агад̇абуб̣б̣ам̣ – д̇ам̣ адтим̣ гад̇ваа ² манаси гад̇ваа саб̣б̣ам̣ жзд̇асаа ³ саманнаахарид̇ваа охид̇асод̇о сун̣аад̇и. звам̣ ко, бхигкавз, ран̃н̃о нааг̇о сод̇аа ход̇и.

‘‘Kathañca, bhikkhave, rañño nāgo sotā hoti? Idha, bhikkhave, rañño nāgo yamenaṃ hatthidammasārathi ⁴ kāraṇaṃ kāreti – yadi vā katapubbaṃ yadi vā akatapubbaṃ – taṃ aṭṭhiṃ katvā ⁵ manasi katvā sabbaṃ cetasā ⁶ samannāharitvā ohitasoto suṇāti. Evaṃ kho, bhikkhave, rañño nāgo sotā hoti.

‘‘гат̇ан̃жа, бхигкавз, ран̃н̃о нааг̇о ханд̇аа ход̇и? ид̇ха, бхигкавз, ран̃н̃о нааг̇о сан̇г̇аамаг̇ад̇о хад̇т̇имби ханад̇и ⁷, хад̇т̇аарухамби ханад̇и, ассамби ханад̇и, ассаарухамби ханад̇и, рат̇амби ханад̇и, рат̇игамби ⁸ ханад̇и, бад̇д̇игамби ханад̇и. звам̣ ко, бхигкавз, ран̃н̃о нааг̇о ханд̇аа ход̇и.

‘‘Kathañca, bhikkhave, rañño nāgo hantā hoti? Idha, bhikkhave, rañño nāgo saṅgāmagato hatthimpi hanati ⁹, hatthāruhampi hanati, assampi hanati, assāruhampi hanati, rathampi hanati, rathikampi ¹⁰ hanati, pattikampi hanati. Evaṃ kho, bhikkhave, rañño nāgo hantā hoti.

‘‘гат̇ан̃жа, бхигкавз, ран̃н̃о нааг̇о рагкид̇аа ход̇и? ид̇ха, бхигкавз, ран̃н̃о нааг̇о сан̇г̇аамаг̇ад̇о рагкад̇и буримам̣ гааяам̣, рагкад̇и бажчимам̣ гааяам̣, рагкад̇и буримз баад̣̇з, рагкад̇и бажчимз баад̣̇з, рагкад̇и сийсам̣, рагкад̇и ган̣н̣з, рагкад̇и д̣̇анд̇з, рагкад̇и сон̣д̣ам̣, рагкад̇и ваалад̇хим̣, рагкад̇и хад̇т̇аарухам̣. звам̣ ко, бхигкавз, ран̃н̃о нааг̇о рагкид̇аа ход̇и.

‘‘Kathañca, bhikkhave, rañño nāgo rakkhitā hoti? Idha, bhikkhave, rañño nāgo saṅgāmagato rakkhati purimaṃ kāyaṃ, rakkhati pacchimaṃ kāyaṃ, rakkhati purime pāde, rakkhati pacchime pāde, rakkhati sīsaṃ, rakkhati kaṇṇe, rakkhati dante, rakkhati soṇḍaṃ, rakkhati vāladhiṃ, rakkhati hatthāruhaṃ. Evaṃ kho, bhikkhave, rañño nāgo rakkhitā hoti.

‘‘гат̇ан̃жа , бхигкавз, ран̃н̃о нааг̇о канд̇аа ход̇и? ид̇ха, бхигкавз, ран̃н̃о нааг̇о сан̇г̇аамаг̇ад̇о камо ход̇и сад̇д̇иббахаараанам̣ асиббахаараанам̣ усуббахаараанам̣ парасуббахаараанам̣ бхзрибан̣авасан̇кад̇ин̣аваниннаад̣̇асад̣̇д̣̇аанам̣. звам̣ ко, бхигкавз, ран̃н̃о нааг̇о канд̇аа ход̇и.

‘‘Kathañca , bhikkhave, rañño nāgo khantā hoti? Idha, bhikkhave, rañño nāgo saṅgāmagato khamo hoti sattippahārānaṃ asippahārānaṃ usuppahārānaṃ pharasuppahārānaṃ bheripaṇavasaṅkhatiṇavaninnādasaddānaṃ. Evaṃ kho, bhikkhave, rañño nāgo khantā hoti.

‘‘гат̇ан̃жа, бхигкавз, ран̃н̃о нааг̇о г̇анд̇аа ход̇и? ид̇ха, бхигкавз, ран̃н̃о нааг̇о яамзнам̣ хад̇т̇ид̣̇аммасаарат̇и д̣̇исам̣ бзсзд̇и – яад̣̇и ваа г̇ад̇абуб̣б̣ам̣ яад̣̇и ваа аг̇ад̇абуб̣б̣ам̣ – д̇ам̣ киббамзва г̇анд̇аа ход̇и. звам̣ ко, бхигкавз, ран̃н̃о нааг̇о г̇анд̇аа ход̇и.

‘‘Kathañca, bhikkhave, rañño nāgo gantā hoti? Idha, bhikkhave, rañño nāgo yamenaṃ hatthidammasārathi disaṃ peseti – yadi vā gatapubbaṃ yadi vā agatapubbaṃ – taṃ khippameva gantā hoti. Evaṃ kho, bhikkhave, rañño nāgo gantā hoti.

‘‘имзхи ко, бхигкавз, бан̃жахи ан̇г̇зхи саманнааг̇ад̇о ран̃н̃о нааг̇о рааж̇аарахо ход̇и рааж̇абхог̇г̇о, ран̃н̃о ан̇г̇ам̣д̇взва сан̇кам̣ г̇ажчад̇и.

‘‘Imehi kho, bhikkhave, pañcahi aṅgehi samannāgato rañño nāgo rājāraho hoti rājabhoggo, rañño aṅgaṃtveva saṅkhaṃ gacchati.

‘‘звамзвам̣ ко, бхигкавз, бан̃жахи д̇хаммзхи саманнааг̇ад̇о бхигку аахунзяяо ход̇и баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логасса. гад̇амзхи бан̃жахи? ид̇ха, бхигкавз, бхигку сод̇аа жа ход̇и, ханд̇аа жа, рагкид̇аа жа, канд̇аа жа, г̇анд̇аа жа.

‘‘Evamevaṃ kho, bhikkhave, pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa. Katamehi pañcahi? Idha, bhikkhave, bhikkhu sotā ca hoti, hantā ca, rakkhitā ca, khantā ca, gantā ca.

‘‘гат̇ан̃жа, бхигкавз, бхигку сод̇аа ход̇и? ид̇ха, бхигкавз, бхигку д̇ат̇ааг̇ад̇аббавзд̣̇ид̇з д̇хаммавинаяз д̣̇зсияамаанз адтим̣гад̇ваа манаси гад̇ваа саб̣б̣ам̣ жзд̇асаа саманнаахарид̇ваа охид̇асод̇о д̇хаммам̣ сун̣аад̇и. звам̣ ко, бхигкавз, бхигку сод̇аа ход̇и.

‘‘Kathañca, bhikkhave, bhikkhu sotā hoti? Idha, bhikkhave, bhikkhu tathāgatappavedite dhammavinaye desiyamāne aṭṭhiṃkatvā manasi katvā sabbaṃ cetasā samannāharitvā ohitasoto dhammaṃ suṇāti. Evaṃ kho, bhikkhave, bhikkhu sotā hoti.

‘‘гат̇ан̃жа, бхигкавз, бхигку ханд̇аа ход̇и? ид̇ха, бхигкавз, бхигку уббаннам̣ гаамавид̇аггам̣ наад̇хиваасзд̇и, баж̇ахад̇и винод̣̇зд̇и (ханад̇и) ¹¹ б̣яанд̇ийгарод̇и анабхаавам̣ г̇амзд̇и; уббаннам̣ б̣яаабаад̣̇авид̇аггам̣…бз… уббаннам̣ вихим̣саавид̇аггам̣…бз… уббаннуббаннз баабагз агусалз д̇хаммз наад̇хиваасзд̇и , баж̇ахад̇и винод̣̇зд̇и (ханад̇и) ¹² б̣яанд̇ийгарод̇и анабхаавам̣ г̇амзд̇и. звам̣ ко, бхигкавз, бхигку ханд̇аа ход̇и.

‘‘Kathañca, bhikkhave, bhikkhu hantā hoti? Idha, bhikkhave, bhikkhu uppannaṃ kāmavitakkaṃ nādhivāseti, pajahati vinodeti (hanati) ¹³ byantīkaroti anabhāvaṃ gameti; uppannaṃ byāpādavitakkaṃ…pe… uppannaṃ vihiṃsāvitakkaṃ…pe… uppannuppanne pāpake akusale dhamme nādhivāseti , pajahati vinodeti (hanati) ¹⁴ byantīkaroti anabhāvaṃ gameti. Evaṃ kho, bhikkhave, bhikkhu hantā hoti.

‘‘гат̇ан̃жа , бхигкавз, бхигку рагкид̇аа ход̇и? ид̇ха, бхигкавз, бхигку жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и; рагкад̇и жагкунд̣̇рияам̣; жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и; рагкад̇и манинд̣̇рияам̣; манинд̣̇рияз сам̣варам̣ аабаж̇ж̇ад̇и. звам̣ ко, бхигкавз, бхигку рагкид̇аа ход̇и.

‘‘Kathañca , bhikkhave, bhikkhu rakkhitā hoti? Idha, bhikkhave, bhikkhu cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati; rakkhati cakkhundriyaṃ; cakkhundriye saṃvaraṃ āpajjati. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na nimittaggāhī hoti nānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati; rakkhati manindriyaṃ; manindriye saṃvaraṃ āpajjati. Evaṃ kho, bhikkhave, bhikkhu rakkhitā hoti.

‘‘гат̇ан̃жа, бхигкавз, бхигку канд̇аа ход̇и? ид̇ха, бхигкавз, бхигку камо ход̇и сийд̇асса ун̣хасса ж̇игхажчааяа бибаасааяа д̣ам̣самагасаваад̇аад̇абасарийса ¹⁵ басампассаанам̣; д̣̇уруд̇д̇аанам̣ д̣̇урааг̇ад̇аанам̣ важанабат̇аанам̣ уббаннаанам̣ саарийригаанам̣ взд̣̇анаанам̣ д̣̇угкаанам̣ д̇иб̣б̣аанам̣ караанам̣ гадугаанам̣ асаад̇аанам̣ аманаабаанам̣ баан̣ахараанам̣ ад̇хиваасагаж̇аад̇иго ход̇и. звам̣ ко, бхигкавз, бхигку канд̇аа ход̇и.

‘‘Kathañca, bhikkhave, bhikkhu khantā hoti? Idha, bhikkhave, bhikkhu khamo hoti sītassa uṇhassa jighacchāya pipāsāya ḍaṃsamakasavātātapasarīsa ¹⁶ pasamphassānaṃ; duruttānaṃ durāgatānaṃ vacanapathānaṃ uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsakajātiko hoti. Evaṃ kho, bhikkhave, bhikkhu khantā hoti.

‘‘гат̇ан̃жа, бхигкавз, бхигку г̇анд̇аа ход̇и? ид̇ха , бхигкавз, бхигку яаа саа д̣̇исаа аг̇ад̇абуб̣б̣аа иминаа д̣̇ийгхзна ад̣̇д̇хунаа, яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇хо ниб̣б̣аанам̣, д̇ам̣ киббан̃н̃зва г̇анд̇аа ход̇и. звам̣ ко, бхигкавз, бхигку г̇анд̇аа ход̇и.

‘‘Kathañca, bhikkhave, bhikkhu gantā hoti? Idha , bhikkhave, bhikkhu yā sā disā agatapubbā iminā dīghena addhunā, yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ, taṃ khippaññeva gantā hoti. Evaṃ kho, bhikkhave, bhikkhu gantā hoti.

‘‘имзхи ко, бхигкавз, бан̃жахи д̇хаммзхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логассаа’’д̇и. д̣̇асамам̣.

‘‘Imehi kho, bhikkhave, pañcahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassā’’ti. Dasamaṃ.

рааж̇аваг̇г̇о жад̇уд̇т̇о.

Rājavaggo catuttho.

д̇ассуд̣̇д̣̇аанам̣ –

Tassuddānaṃ –

жаггаанувад̇д̇анаа рааж̇аа, яассам̣д̣̇исам̣ д̣̇вз жзва бад̇т̇анаа;

Cakkānuvattanā rājā, yassaṃdisaṃ dve ceva patthanā;

аббам̣субад̇и бхад̇д̇аад̣̇о, агкамо жа сод̇зна жаад̇и.

Appaṃsupati bhattādo, akkhamo ca sotena cāti.

Next: (15) 5. д̇иган̣д̣агийваг̇г̇о • (15) 5. Tikaṇḍakīvaggo

Footnotes:

1. хад̇т̇ид̣̇аммасаарат̇ий (сий.)

2. адтигад̇ваа (сий. сяаа. гам̣. бий.) а. ни. 4.114

3. саб̣б̣ажзд̇асаа (?)

4. hatthidammasārathī (sī.)

5. aṭṭhikatvā (sī. syā. kaṃ. pī.) a. ni. 4.114

6. sabbacetasā (?)

7. ханд̇и (сий. бий.)

8. рат̇аарухамби (бий.)

9. hanti (sī. pī.)

10. rathāruhampi (pī.)

11. ( ) над̇т̇и сий. бий. бод̇т̇агзсу а. ни. 4.114

12. ( ) над̇т̇и сий. бий. бод̇т̇агзсу а. ни. 4.114

13. ( ) natthi sī. pī. potthakesu a. ni. 4.114

14. ( ) natthi sī. pī. potthakesu a. ni. 4.114

15. … сирим̣саба (сий. сяаа. гам̣. бий.)

16. … siriṃsapa (sī. syā. kaṃ. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. сод̇асуд̇д̇аван̣н̣анаа • 10. Sotasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. сод̇асуд̇д̇аван̣н̣анаа • 10. Sotasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact