| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. โสตสุตฺตวณฺณนา
10. Sotasuttavaṇṇanā
๑๔๐. ทสเม ทุรุตฺตานนฺติ น สุฎฺฐุ วุตฺตานํ โทสวเสน ปวตฺติตานํ ผรุสวจนานํฯ ทุราคตานนฺติ ทุกฺขุปฺปาทนากาเรน โสตทฺวารํ อาคตานํฯ วจนปถานนฺติ วจนานํฯ ทุกฺขานนฺติ ทุกฺขมานํฯ ติพฺพานนฺติ พหลานํ ตาปนสภาวานํ วาฯ ขรานนฺติ ผรุสานํฯ กฎุกานนฺติ ติขิณานํฯ อสาตานนฺติ อมธุรานํฯ อมนาปานนฺติ มนํ อปฺปายิตุํ วเฑฺฒตุํ อสมตฺถานํฯ ปาณหรานนฺติ ชีวิตหรานํฯ ยา สา ทิสาติ สพฺพสงฺขารสมถาทิวเสน ทิสฺสติ อปทิสฺสตีติ นิพฺพานํ ทิสาติ เวทิตพฺพํฯ ยสฺมา ปน ตํ อาคมฺม สเพฺพ สงฺขารา สมถํ คจฺฉนฺติ, ตสฺมา สพฺพสงฺขารสมโถติ วุตฺตํฯ เสสํ สพฺพตฺถ อุตฺตานเมวฯ อิมสฺมิํ ปน สุเตฺต สีลสมาธิปญฺญา มิสฺสิกา กถิตาติฯ
140. Dasame duruttānanti na suṭṭhu vuttānaṃ dosavasena pavattitānaṃ pharusavacanānaṃ. Durāgatānanti dukkhuppādanākārena sotadvāraṃ āgatānaṃ. Vacanapathānanti vacanānaṃ. Dukkhānanti dukkhamānaṃ. Tibbānanti bahalānaṃ tāpanasabhāvānaṃ vā. Kharānanti pharusānaṃ. Kaṭukānanti tikhiṇānaṃ. Asātānanti amadhurānaṃ. Amanāpānanti manaṃ appāyituṃ vaḍḍhetuṃ asamatthānaṃ. Pāṇaharānanti jīvitaharānaṃ. Yā sā disāti sabbasaṅkhārasamathādivasena dissati apadissatīti nibbānaṃ disāti veditabbaṃ. Yasmā pana taṃ āgamma sabbe saṅkhārā samathaṃ gacchanti, tasmā sabbasaṅkhārasamathoti vuttaṃ. Sesaṃ sabbattha uttānameva. Imasmiṃ pana sutte sīlasamādhipaññā missikā kathitāti.
ราชวโคฺค จตุโตฺถฯ
Rājavaggo catuttho.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. โสตสุตฺตํ • 10. Sotasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. โสตสุตฺตวณฺณนา • 10. Sotasuttavaṇṇanā
