| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
10. සොතසුත්‌තවණ්‌ණනා
10. Sotasuttavaṇṇanā
140. දසමෙ දුරුත්‌තානන්‌ති න සුට්‌ඨු වුත්‌තානං දොසවසෙන පවත්‌තිතානං ඵරුසවචනානං. දුරාගතානන්‌ති දුක්‌ඛුප්‌පාදනාකාරෙන සොතද්‌වාරං ආගතානං. වචනපථානන්‌ති වචනානං. දුක්‌ඛානන්‌ති දුක්‌ඛමානං. තිබ්‌බානන්‌ති බහලානං තාපනසභාවානං වා. ඛරානන්‌ති ඵරුසානං. කටුකානන්‌ති තිඛිණානං. අසාතානන්‌ති අමධුරානං. අමනාපානන්‌ති මනං අප්‌පායිතුං වඩ්‌ඪෙතුං අසමත්‌ථානං. පාණහරානන්‌ති ජීවිතහරානං. යා සා දිසාති සබ්‌බසඞ්‌ඛාරසමථාදිවසෙන දිස්‌සති අපදිස්‌සතීති නිබ්‌බානං දිසාති වෙදිතබ්‌බං. යස්‌මා පන තං ආගම්‌ම සබ්‌බෙ සඞ්‌ඛාරා සමථං ගච්‌ඡන්‌ති, තස්‌මා සබ්‌බසඞ්‌ඛාරසමථොති වුත්‌තං. සෙසං සබ්‌බත්‌ථ උත්‌තානමෙව. ඉමස්‌මිං පන සුත්‌තෙ සීලසමාධිපඤ්‌ඤා මිස්‌සිකා කථිතාති.
140. Dasame duruttānanti na suṭṭhu vuttānaṃ dosavasena pavattitānaṃ pharusavacanānaṃ. Durāgatānanti dukkhuppādanākārena sotadvāraṃ āgatānaṃ. Vacanapathānanti vacanānaṃ. Dukkhānanti dukkhamānaṃ. Tibbānanti bahalānaṃ tāpanasabhāvānaṃ vā. Kharānanti pharusānaṃ. Kaṭukānanti tikhiṇānaṃ. Asātānanti amadhurānaṃ. Amanāpānanti manaṃ appāyituṃ vaḍḍhetuṃ asamatthānaṃ. Pāṇaharānanti jīvitaharānaṃ. Yā sā disāti sabbasaṅkhārasamathādivasena dissati apadissatīti nibbānaṃ disāti veditabbaṃ. Yasmā pana taṃ āgamma sabbe saṅkhārā samathaṃ gacchanti, tasmā sabbasaṅkhārasamathoti vuttaṃ. Sesaṃ sabbattha uttānameva. Imasmiṃ pana sutte sīlasamādhipaññā missikā kathitāti.
රාජවග්‌ගො චතුත්‌ථො.
Rājavaggo catuttho.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. සොතසුත්‌තං • 10. Sotasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 10. සොතසුත්‌තවණ්‌ණනා • 10. Sotasuttavaṇṇanā
