| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. โสวณฺณวฎํสกิยเตฺถรอปทานํ
7. Sovaṇṇavaṭaṃsakiyattheraapadānaṃ
๓๔.
34.
‘‘อุยฺยานภูมิํ นิยฺยโนฺต, อทฺทสํ โลกนายกํ;
‘‘Uyyānabhūmiṃ niyyanto, addasaṃ lokanāyakaṃ;
วฎํสกํ คเหตฺวาน, โสวณฺณํ สาธุนิมฺมิตํฯ
Vaṭaṃsakaṃ gahetvāna, sovaṇṇaṃ sādhunimmitaṃ.
๓๕.
35.
‘‘สีฆํ ตโต สมารุยฺห, หตฺถิกฺขนฺธคโต อหํ;
‘‘Sīghaṃ tato samāruyha, hatthikkhandhagato ahaṃ;
พุทฺธสฺส อภิโรเปสิํ, สิขิโน โลกพนฺธุโนฯ
Buddhassa abhiropesiṃ, sikhino lokabandhuno.
๓๖.
36.
‘‘เอกตฺติํเส อิโต กเปฺป, ยํ ปุปฺผมภิโรปยิํ;
‘‘Ekattiṃse ito kappe, yaṃ pupphamabhiropayiṃ;
ทุคฺคติํ นาภิชานามิ, ปุปฺผปูชายิทํ ผลํฯ
Duggatiṃ nābhijānāmi, pupphapūjāyidaṃ phalaṃ.
๓๗.
37.
‘‘สตฺตวีเส อิโต กเปฺป, เอโก อาสิํ ชนาธิโป;
‘‘Sattavīse ito kappe, eko āsiṃ janādhipo;
มหาปตาปนาเมน, จกฺกวตฺตี มหพฺพโลฯ
Mahāpatāpanāmena, cakkavattī mahabbalo.
๓๘.
38.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา โสวณฺณวฎํสกิโย เถโร อิมา คาถาโย อภาสิตฺถาติฯ
Itthaṃ sudaṃ āyasmā sovaṇṇavaṭaṃsakiyo thero imā gāthāyo abhāsitthāti.
โสวณฺณวฎํสกิยเตฺถรสฺสาปทานํ สตฺตมํฯ
Sovaṇṇavaṭaṃsakiyattherassāpadānaṃ sattamaṃ.
