| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. සොවණ්‌ණවටංසකියත්‌ථෙරඅපදානං
7. Sovaṇṇavaṭaṃsakiyattheraapadānaṃ
34.
34.
‘‘උය්‍යානභූමිං නිය්‍යන්‌තො, අද්‌දසං ලොකනායකං;
‘‘Uyyānabhūmiṃ niyyanto, addasaṃ lokanāyakaṃ;
වටංසකං ගහෙත්‌වාන, සොවණ්‌ණං සාධුනිම්‌මිතං.
Vaṭaṃsakaṃ gahetvāna, sovaṇṇaṃ sādhunimmitaṃ.
35.
35.
‘‘සීඝං තතො සමාරුය්‌හ, හත්‌ථික්‌ඛන්‌ධගතො අහං;
‘‘Sīghaṃ tato samāruyha, hatthikkhandhagato ahaṃ;
බුද්‌ධස්‌ස අභිරොපෙසිං, සිඛිනො ලොකබන්‌ධුනො.
Buddhassa abhiropesiṃ, sikhino lokabandhuno.
36.
36.
‘‘එකත්‌තිංසෙ ඉතො කප්‌පෙ, යං පුප්‌ඵමභිරොපයිං;
‘‘Ekattiṃse ito kappe, yaṃ pupphamabhiropayiṃ;
දුග්‌ගතිං නාභිජානාමි, පුප්‌ඵපූජායිදං ඵලං.
Duggatiṃ nābhijānāmi, pupphapūjāyidaṃ phalaṃ.
37.
37.
‘‘සත්‌තවීසෙ ඉතො කප්‌පෙ, එකො ආසිං ජනාධිපො;
‘‘Sattavīse ito kappe, eko āsiṃ janādhipo;
මහාපතාපනාමෙන, චක්‌කවත්‌තී මහබ්‌බලො.
Mahāpatāpanāmena, cakkavattī mahabbalo.
38.
38.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සොවණ්‌ණවටංසකියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sovaṇṇavaṭaṃsakiyo thero imā gāthāyo abhāsitthāti.
සොවණ්‌ණවටංසකියත්‌ථෙරස්‌සාපදානං සත්‌තමං.
Sovaṇṇavaṭaṃsakiyattherassāpadānaṃ sattamaṃ.
