| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. субхад̣̇д̣̇ад̇т̇зраабад̣̇аанаван̣н̣анаа
9. Subhaddattheraapadānavaṇṇanā
бад̣̇умуд̇д̇аро логавид̣̇ууд̇иаад̣̇игам̣ ааяасмад̇о субхад̣̇д̣̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз ниб̣б̣аанаад̇хиг̇аманад̇т̇ааяа бун̃н̃аани убажинанд̇о бад̣̇умуд̇д̇арасса бхаг̇авад̇о гаалз вибхавасамбаннз сад̣̇д̇хаасамбаннз згасмим̣ гулаг̇зхз ниб̣б̣ад̇о вин̃н̃уд̇ам̣ бад̇ваа гхараб̣анд̇ханзна б̣ад̣̇д̇хо рад̇анад̇д̇аяз басанно бариниб̣б̣аанаман̃жз нибаннам̣ бад̣̇умуд̇д̇арам̣ бхаг̇аванд̇ам̣ д̣̇исваа саннибад̇ид̇аа д̣̇асасахассажаггаваал̣ад̣̇звад̇ааяо жа д̣̇исваа басаннамаанасо ниг̇г̇ун̣д̣игздаганийлагаасогаасид̇аад̣̇ианзгзхи суг̇анд̇хабубпзхи бууж̇зси. со д̇зна бун̃н̃агаммзна яаавад̇ааяугам̣ тад̇ваа д̇ад̇о жавид̇ваа д̇усид̇аад̣̇ийсу д̣̇иб̣б̣асамбад̇д̇ияо анубхавид̇ваа д̇ад̇о мануссзсу мануссасамбад̇д̇ияо анубхавид̇ваа ниб̣б̣ад̇д̇аниб̣б̣ад̇д̇адтаанзсу жа суг̇анд̇хзхи бубпзхи бууж̇ид̇о ахоси. имасмим̣ бана б̣уд̣̇д̇хуббаад̣̇з згасмим̣ вибхавасамбаннз гулз ниб̣б̣ад̇д̇ид̇ваа вин̃н̃уд̇ам̣ бад̇д̇о гаамзсу аад̣̇ийнавам̣ д̣̇исвааби яаава б̣уд̣̇д̇хасса бхаг̇авад̇о бариниб̣б̣аанагаало д̇аава алад̣̇д̇хаб̣уд̣̇д̇хад̣̇ассано бхаг̇авад̇о бариниб̣б̣аанаман̃жз нибаннагаалзязва баб̣б̣аж̇ид̇ваа арахад̇д̇ам̣ баабун̣и. буб̣б̣з гад̇абун̃н̃анаамзна субхад̣̇д̣̇од̇и баагадо ахоси.
Padumuttarolokavidūtiādikaṃ āyasmato subhaddattherassa apadānaṃ. Ayampi purimabuddhesu katādhikāro tattha tattha bhave nibbānādhigamanatthāya puññāni upacinanto padumuttarassa bhagavato kāle vibhavasampanne saddhāsampanne ekasmiṃ kulagehe nibbato viññutaṃ patvā gharabandhanena baddho ratanattaye pasanno parinibbānamañce nipannaṃ padumuttaraṃ bhagavantaṃ disvā sannipatitā dasasahassacakkavāḷadevatāyo ca disvā pasannamānaso nigguṇḍikeṭakanīlakāsokāsitādianekehi sugandhapupphehi pūjesi. So tena puññakammena yāvatāyukaṃ ṭhatvā tato cavitvā tusitādīsu dibbasampattiyo anubhavitvā tato manussesu manussasampattiyo anubhavitvā nibbattanibbattaṭṭhānesu ca sugandhehi pupphehi pūjito ahosi. Imasmiṃ pana buddhuppāde ekasmiṃ vibhavasampanne kule nibbattitvā viññutaṃ patto kāmesu ādīnavaṃ disvāpi yāva buddhassa bhagavato parinibbānakālo tāva aladdhabuddhadassano bhagavato parinibbānamañce nipannakāleyeva pabbajitvā arahattaṃ pāpuṇi. Pubbe katapuññanāmena subhaddoti pākaṭo ahosi.
101. со ад̇д̇ано буб̣б̣агаммам̣ сарид̇ваа соманассавасзна буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро логавид̣̇ууд̇иаад̣̇имааха. д̇ам̣ уд̇д̇аанад̇т̇амзва. сун̣аат̇а мама бхаасад̇о…бз… ниб̣б̣ааяиссад̇инаасавод̇и ид̣̇ам̣ бариниб̣б̣аанаман̃жз нибаннова бад̣̇умуд̇д̇аро бхаг̇аваа б̣яаагааси.
101. So attano pubbakammaṃ saritvā somanassavasena pubbacaritāpadānaṃ pakāsento padumuttaro lokavidūtiādimāha. Taṃ uttānatthameva. Suṇātha mama bhāsato…pe… nibbāyissatināsavoti idaṃ parinibbānamañce nipannova padumuttaro bhagavā byākāsi.
бан̃жамабхаан̣аваараван̣н̣анаа самад̇д̇аа.
Pañcamabhāṇavāravaṇṇanā samattā.
115. со ад̇д̇ано бадибад̇д̇им̣ д̣̇ассзнд̇о буб̣б̣агаммзна сам̣яуд̇д̇од̇иаад̣̇имааха. згаг̇г̇од̇и згаг̇г̇ажид̇д̇о. сусамаахид̇од̇и судту самаахид̇о, санд̇агааяажид̇д̇од̇и ад̇т̇о. б̣уд̣̇д̇хасса орасо буд̇д̇од̇и б̣уд̣̇д̇хасса урасаа хад̣̇аязна ниг̇г̇ад̇аоваад̣̇аанусаасаним̣ суд̇ваа бад̇д̇аарахад̇д̇апалод̇и ад̇т̇о. д̇хаммаж̇омхи суниммид̇од̇и д̇хаммад̇о гаммадтаанад̇хаммад̇о ж̇аад̇о арияааяа ж̇аад̇ияаа суниммид̇о судту ниббпаад̣̇ид̇асаб̣б̣агижжо амхи бхаваамийд̇и ад̇т̇о.
115. So attano paṭipattiṃ dassento pubbakammena saṃyuttotiādimāha. Ekaggoti ekaggacitto. Susamāhitoti suṭṭhu samāhito, santakāyacittoti attho. Buddhassa oraso puttoti buddhassa urasā hadayena niggataovādānusāsaniṃ sutvā pattaarahattaphaloti attho. Dhammajomhi sunimmitoti dhammato kammaṭṭhānadhammato jāto ariyāya jātiyā sunimmito suṭṭhu nippphāditasabbakicco amhi bhavāmīti attho.
116. д̇хаммарааж̇ам̣ убаг̇аммаад̇и д̇хаммзна саб̣б̣асад̇д̇аанам̣ рааж̇аанам̣ иссарабхууд̇ам̣ бхаг̇аванд̇ам̣ убаг̇анд̇ваа самийбам̣ г̇анд̇ваад̇и ад̇т̇о. абужчим̣ бан̃хамуд̇д̇аманд̇и уд̇д̇амам̣ канд̇хааяад̇анад̇хаад̇усажжасамуббаад̣̇аад̣̇ибадисам̣яуд̇д̇ам̣ бан̃хам̣ абужчинд̇и ад̇т̇о. гат̇аяанд̇о жа мз бан̃ханд̇и зсо амхаагам̣ бхаг̇аваа мз маяхам̣ бан̃хам̣ гат̇аяанд̇о б̣яаагаронд̇о. д̇хаммасод̇ам̣ убаанаяийд̇и анубаад̣̇исзсаниб̣б̣аанад̇хаад̇усан̇каад̇ам̣ д̇хаммасод̇ам̣ д̇хаммабаваахам̣ убаанаяи баависийд̇и ад̇т̇о.
116.Dhammarājaṃ upagammāti dhammena sabbasattānaṃ rājānaṃ issarabhūtaṃ bhagavantaṃ upagantvā samīpaṃ gantvāti attho. Apucchiṃ pañhamuttamanti uttamaṃ khandhāyatanadhātusaccasamuppādādipaṭisaṃyuttaṃ pañhaṃ apucchinti attho. Kathayantoca me pañhanti eso amhākaṃ bhagavā me mayhaṃ pañhaṃ kathayanto byākaronto. Dhammasotaṃ upānayīti anupādisesanibbānadhātusaṅkhātaṃ dhammasotaṃ dhammapavāhaṃ upānayi pāvisīti attho.
118. ж̇алаж̇уд̇д̇аманааяагод̇и бад̣̇умуд̇д̇аранаамаго ма-гаарасса яа-гаарам̣ гад̇ваа гад̇авохааро. ниб̣б̣ааяи анубаад̣̇аанод̇и убаад̣̇аанз бан̃жагканд̇хз аг̇г̇ахзд̇ваа ниб̣б̣ааяи на бан̃н̃ааяи ад̣̇ассанам̣ аг̇амааси, мануссалогаад̣̇ийсу гад̇т̇ажиби абад̇идтид̇од̇и ад̇т̇о. д̣̇ийбова д̇зласан̇каяаад̇и ваддид̇злаанам̣ сан̇каяаа абхааваа бад̣̇ийбо ива ниб̣б̣ааяийд̇и самб̣анд̇хо.
118.Jalajuttamanāyakoti padumuttaranāmako ma-kārassa ya-kāraṃ katvā katavohāro. Nibbāyianupādānoti upādāne pañcakkhandhe aggahetvā nibbāyi na paññāyi adassanaṃ agamāsi, manussalokādīsu katthacipi apatiṭṭhitoti attho. Dīpova telasaṅkhayāti vaṭṭitelānaṃ saṅkhayā abhāvā padīpo iva nibbāyīti sambandho.
119. сад̇д̇аяож̇анигам̣ аасийд̇и д̇асса бариниб̣б̣уд̇асса бад̣̇умуд̇д̇арасса бхаг̇авад̇о рад̇анамаяам̣ т̇уубам̣ сад̇д̇аяож̇ануб̣б̣зд̇хам̣ ааси ахосийд̇и ад̇т̇о. д̇хаж̇ам̣ д̇ад̇т̇а абууж̇зсинд̇и д̇ад̇т̇а д̇асмим̣ жзд̇ияз саб̣б̣абхад̣̇д̣̇ам̣ саб̣б̣ад̇о бхад̣̇д̣̇ам̣ саб̣б̣асо манорамам̣ д̇хаж̇ам̣ бууж̇зсинд̇и ад̇т̇о.
119.Sattayojanikaṃ āsīti tassa parinibbutassa padumuttarassa bhagavato ratanamayaṃ thūpaṃ sattayojanubbedhaṃ āsi ahosīti attho. Dhajaṃ tattha apūjesinti tattha tasmiṃ cetiye sabbabhaddaṃ sabbato bhaddaṃ sabbaso manoramaṃ dhajaṃ pūjesinti attho.
120. гассабасса жа б̣уд̣̇д̇хассаад̇и бад̣̇умуд̇д̇арасса бхаг̇авад̇о гаалад̇о бадтааяа ааг̇ад̇асса д̣̇звамануссзсу сам̣сарад̇о мз маяхам̣ орасо буд̇д̇о д̇иссо наама гассабасса саммаасамб̣уд̣̇д̇хасса аг̇г̇асааваго ж̇инасаасанз б̣уд̣̇д̇хасаасанз д̣̇ааяаад̣̇о ааси ахосийд̇и самб̣анд̇хо.
120.Kassapassa ca buddhassāti padumuttarassa bhagavato kālato paṭṭhāya āgatassa devamanussesu saṃsarato me mayhaṃ oraso putto tisso nāma kassapassa sammāsambuddhassa aggasāvako jinasāsane buddhasāsane dāyādo āsi ahosīti sambandho.
121. д̇асса хийнзна манасаад̇и д̇асса мама буд̇д̇асса д̇иссасса аг̇г̇асаавагасса хийнзна лаамагзна манасаа жид̇д̇зна абхад̣̇д̣̇агам̣ асунд̣̇арам̣ аяуд̇д̇агам̣ ‘‘анд̇аго бажчимо’’д̇и ваажам̣ важанам̣ абхаасим̣ гат̇зсинд̇и ад̇т̇о. д̇зна гаммавибаагзнаад̇и д̇зна араханд̇абхагкаанасан̇каад̇асса агусалагаммасса вибаагзна. бажчимз ад̣̇д̣̇асам̣ ж̇инанд̇и бажчимз барияосаанз бариниб̣б̣аанагаалз маллаанам̣ убавад̇д̇анз саалаванз бариниб̣б̣аанаман̃жз нибаннам̣ ж̇инам̣ ж̇ид̇асаб̣б̣амаарам̣ амхаагам̣ г̇од̇амасаммаасамб̣уд̣̇д̇хам̣ ад̣̇д̣̇асам̣ аханд̇и ад̇т̇о. ‘‘бажчаа мз ааси бхад̣̇д̣̇ага’’нд̇иби баато. д̇асса бажчаа д̇асса бхаг̇авад̇о авасаанагаалз ниб̣б̣аанаасаннагаалз мз маяхам̣ бхад̣̇д̣̇агам̣ сунд̣̇арам̣ жад̇усажжабадивиж̇жханам̣ ааси ахосийд̇и ад̇т̇о.
121.Tassa hīnena manasāti tassa mama puttassa tissassa aggasāvakassa hīnena lāmakena manasā cittena abhaddakaṃ asundaraṃ ayuttakaṃ ‘‘antako pacchimo’’ti vācaṃ vacanaṃ abhāsiṃ kathesinti attho. Tena kammavipākenāti tena arahantabhakkhānasaṅkhātassa akusalakammassa vipākena. Pacchime addasaṃ jinanti pacchime pariyosāne parinibbānakāle mallānaṃ upavattane sālavane parinibbānamañce nipannaṃ jinaṃ jitasabbamāraṃ amhākaṃ gotamasammāsambuddhaṃ addasaṃ ahanti attho. ‘‘Pacchā me āsi bhaddaka’’ntipi pāṭho. Tassa pacchā tassa bhagavato avasānakāle nibbānāsannakāle me mayhaṃ bhaddakaṃ sundaraṃ catusaccapaṭivijjhanaṃ āsi ahosīti attho.
122. баб̣б̣ааж̇зси махаавийрод̇и махаавийрияо саб̣б̣асад̇д̇ахид̇о гарун̣ааяуд̇д̇о ж̇ид̇амааро муни маллаанам̣ убавад̇д̇анз саалаванз бажчимз саяанз бариниб̣б̣аанаман̃жз саяид̇ова мам̣ баб̣б̣ааж̇зсийд̇и самб̣анд̇хо.
122.Pabbājesi mahāvīroti mahāvīriyo sabbasattahito karuṇāyutto jitamāro muni mallānaṃ upavattane sālavane pacchime sayane parinibbānamañce sayitova maṃ pabbājesīti sambandho.
123. аж̇ж̇зва д̣̇аани баб̣б̣аж̇ж̇аад̇и аж̇ж̇а зва бхаг̇авад̇о бариниб̣б̣аанад̣̇ивасзязва мама баб̣б̣аж̇ж̇аа, д̇ат̇аа аж̇ж̇а зва убасамбад̣̇аа, аж̇ж̇а зва д̣̇вибад̣̇уд̇д̇амасса саммукаа бариниб̣б̣аанам̣ ахосийд̇и самб̣анд̇хо. сзсам̣ сувин̃н̃зяяамзваад̇и.
123.Ajjevadāni pabbajjāti ajja eva bhagavato parinibbānadivaseyeva mama pabbajjā, tathā ajja eva upasampadā, ajja eva dvipaduttamassa sammukhā parinibbānaṃ ahosīti sambandho. Sesaṃ suviññeyyamevāti.
субхад̣̇д̣̇ад̇т̇зраабад̣̇аанаван̣н̣анаа самад̇д̇аа.
Subhaddattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. субхад̣̇д̣̇ад̇т̇зраабад̣̇аанам̣ • 9. Subhaddattheraapadānaṃ
