| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
5. субхаагаммаарад̇хийд̇ут̇зрийг̇аат̇ааван̣н̣анаа
5. Subhākammāradhītutherīgāthāvaṇṇanā
д̣̇ахарааханд̇иаад̣̇игаа субхааяа гаммаарад̇хийд̇ааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий ануггамзна самбхаавид̇агусаламуулаа убажид̇авимогкасамбхаараа суг̇ад̇ийсуязва сам̣саранд̇ий барибагган̃аан̣аа худ̇ваа имасмим̣ б̣уд̣̇д̇хуббаад̣̇з рааж̇аг̇ахз ан̃н̃ад̇арасса суван̣н̣агаарасса д̇хийд̇аа худ̇ваа ниб̣б̣ад̇д̇и, руубасамбад̇д̇исобхааяа субхаад̇и д̇ассаа наамам̣ ахоси. саа ануггамзна вин̃н̃уд̇ам̣ бад̇ваа, сад̇т̇у рааж̇аг̇ахаббавзсанз сад̇т̇ари сан̃ж̇аад̇аббасаад̣̇аа згад̣̇ивасам̣ бхаг̇аванд̇ам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇и. сад̇т̇аа д̇ассаа инд̣̇рияабарибаагам̣ д̣̇исваа аж̇жхаасаяаануруубам̣ жад̇усажжаг̇аб̣бхад̇хаммам̣ д̣̇зсзси. саа д̇аавад̣̇зва сахассанаяабадиман̣д̣ид̇з сод̇аабад̇д̇ипалз бад̇идтааси. саа абарабхааг̇з гхарааваасз д̣̇осам̣ д̣̇исваа махаабаж̇аабад̇ияаа г̇од̇амияаа санд̇игз баб̣б̣аж̇ид̇ваа бхигкунисийлз бад̇идтид̇аа убаримаг̇г̇ад̇т̇ааяа бхааванамануяун̃ж̇и. д̇ам̣ н̃аад̇агаа гаалзна гаалам̣ убасан̇гамид̇ваа гаамзхи ниманд̇знд̇аа бахууд̇ад̇ханам̣ вибхаваж̇аад̇ан̃жа д̣̇ассзд̇ваа балобхзнд̇и. саа згад̣̇ивасам̣ ад̇д̇ано санд̇игам̣ убаг̇ад̇аанам̣ гхарааваасзсу гаамзсу жа аад̣̇ийнавам̣ багаасзнд̇ий ‘‘д̣̇ахарааха’’нд̇иаад̣̇ийхи жад̇увийсад̇ияаа г̇аат̇аахи д̇хаммам̣ гат̇зд̇ваа д̇з нираасз гад̇ваа виссаж̇ж̇зд̇ваа вибассанааяа гаммам̣ гаронд̇ий инд̣̇рияаани барияод̣̇абзнд̇ий бхааванам̣ уссуггаабзд̇ваа на жирассзва саха бадисамбхид̣̇аахи арахад̇д̇ам̣ баабун̣и. арахад̇д̇ам̣ бана бад̇ваа –
Daharāhantiādikā subhāya kammāradhītāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī anukkamena sambhāvitakusalamūlā upacitavimokkhasambhārā sugatīsuyeva saṃsarantī paripakkañāṇā hutvā imasmiṃ buddhuppāde rājagahe aññatarassa suvaṇṇakārassa dhītā hutvā nibbatti, rūpasampattisobhāya subhāti tassā nāmaṃ ahosi. Sā anukkamena viññutaṃ patvā, satthu rājagahappavesane satthari sañjātappasādā ekadivasaṃ bhagavantaṃ upasaṅkamitvā vanditvā ekamantaṃ nisīdi. Satthā tassā indriyaparipākaṃ disvā ajjhāsayānurūpaṃ catusaccagabbhadhammaṃ desesi. Sā tāvadeva sahassanayapaṭimaṇḍite sotāpattiphale patiṭṭhāsi. Sā aparabhāge gharāvāse dosaṃ disvā mahāpajāpatiyā gotamiyā santike pabbajitvā bhikkhunisīle patiṭṭhitā uparimaggatthāya bhāvanamanuyuñji. Taṃ ñātakā kālena kālaṃ upasaṅkamitvā kāmehi nimantentā pahūtadhanaṃ vibhavajātañca dassetvā palobhenti. Sā ekadivasaṃ attano santikaṃ upagatānaṃ gharāvāsesu kāmesu ca ādīnavaṃ pakāsentī ‘‘daharāha’’ntiādīhi catuvīsatiyā gāthāhi dhammaṃ kathetvā te nirāse katvā vissajjetvā vipassanāya kammaṃ karontī indriyāni pariyodapentī bhāvanaṃ ussukkāpetvā na cirasseva saha paṭisambhidāhi arahattaṃ pāpuṇi. Arahattaṃ pana patvā –
339.
339.
‘‘д̣̇ахараахам̣ суд̣̇д̇хавасанаа, яам̣ бурз д̇хаммамассун̣им̣;
‘‘Daharāhaṃ suddhavasanā, yaṃ pure dhammamassuṇiṃ;
д̇ассаа мз аббамад̇д̇ааяа, сажжаабхисамаяо аху.
Tassā me appamattāya, saccābhisamayo ahu.
340.
340.
‘‘д̇ад̇охам̣ саб̣б̣агаамзсу, бхусам̣ арад̇имаж̇жхаг̇ам̣;
‘‘Tatohaṃ sabbakāmesu, bhusaṃ aratimajjhagaṃ;
саггааяасмим̣ бхаяам̣ д̣̇исваа, нзгкаммамзва бийхаяз.
Sakkāyasmiṃ bhayaṃ disvā, nekkhammameva pīhaye.
341.
341.
‘‘хид̇ваанахам̣ н̃аад̇иг̇ан̣ам̣, д̣̇аасагаммагараани жа;
‘‘Hitvānahaṃ ñātigaṇaṃ, dāsakammakarāni ca;
г̇аамакзд̇д̇аани пийд̇аани, раман̣ийяз бамод̣̇ид̇з.
Gāmakhettāni phītāni, ramaṇīye pamodite.
342.
342.
‘‘бахааяахам̣ баб̣б̣аж̇ид̇аа, саабад̇зяяаманаббагам̣;
‘‘Pahāyahaṃ pabbajitā, sāpateyyamanappakaṃ;
звам̣ сад̣̇д̇хааяа нигкамма, сад̣̇д̇хаммз суббавзд̣̇ид̇з.
Evaṃ saddhāya nikkhamma, saddhamme suppavedite.
343.
343.
‘‘нзд̇ам̣ асса бад̇ируубам̣, аагин̃жан̃н̃ан̃хи бад̇т̇аяз;
‘‘Netaṃ assa patirūpaṃ, ākiñcaññañhi patthaye;
яо ж̇аад̇аруубам̣ раж̇ад̇ам̣, чад̣д̣зд̇ваа бунарааг̇амз.
Yo jātarūpaṃ rajataṃ, chaḍḍetvā punarāgame.
344.
344.
‘‘раж̇ад̇ам̣ ж̇аад̇аруубам̣ ваа, на б̣од̇хааяа на санд̇ияаа;
‘‘Rajataṃ jātarūpaṃ vā, na bodhāya na santiyā;
нзд̇ам̣ саман̣асааруббам̣, на зд̇ам̣ арияад̣̇д̇ханам̣.
Netaṃ samaṇasāruppaṃ, na etaṃ ariyaddhanaṃ.
345.
345.
‘‘лобханам̣ мад̣̇анан̃жзд̇ам̣, моханам̣ раж̇авад̣дханам̣;
‘‘Lobhanaṃ madanañcetaṃ, mohanaṃ rajavaḍḍhanaṃ;
саасан̇гам̣ б̣ахуааяаасам̣, над̇т̇и жзд̇т̇а д̇хувам̣ тид̇и.
Sāsaṅkaṃ bahuāyāsaṃ, natthi cettha dhuvaṃ ṭhiti.
346.
346.
‘‘зд̇т̇а рад̇д̇аа бамад̇д̇аа жа, сам̣гилидтаманаа нараа;
‘‘Ettha rattā pamattā ca, saṃkiliṭṭhamanā narā;
ан̃н̃аман̃н̃зна б̣яааруд̣̇д̇хаа, бут̇уу губ̣б̣анд̇и мзд̇хаг̇ам̣.
Aññamaññena byāruddhā, puthū kubbanti medhagaṃ.
347.
347.
‘‘вад̇хо б̣анд̇хо бариглзсо, ж̇аани согабарид̣̇д̣̇аво;
‘‘Vadho bandho parikleso, jāni sokapariddavo;
гаамзсу ад̇хибаннаанам̣, д̣̇иссад̇з б̣яасанам̣ б̣ахум̣.
Kāmesu adhipannānaṃ, dissate byasanaṃ bahuṃ.
348.
348.
‘‘д̇ам̣ мам̣ н̃аад̇ий амид̇д̇аава, гим̣ во гаамзсу яун̃ж̇ат̇а;
‘‘Taṃ maṃ ñātī amittāva, kiṃ vo kāmesu yuñjatha;
ж̇аанаат̇а мам̣ баб̣б̣аж̇ид̇ам̣, гаамзсу бхаяад̣̇ассиним̣.
Jānātha maṃ pabbajitaṃ, kāmesu bhayadassiniṃ.
349.
349.
‘‘на хиран̃н̃асуван̣н̣зна, баригкийяанд̇и аасаваа;
‘‘Na hiraññasuvaṇṇena, parikkhīyanti āsavā;
амид̇д̇аа вад̇хагаа гаамаа, сабад̇д̇аа саллаб̣анд̇ханаа.
Amittā vadhakā kāmā, sapattā sallabandhanā.
350.
350.
‘‘д̇ам̣ мам̣ н̃аад̇ий амид̇д̇аава, гим̣ во гаамзсу яун̃ж̇ат̇а;
‘‘Taṃ maṃ ñātī amittāva, kiṃ vo kāmesu yuñjatha;
ж̇аанаат̇а мам̣ баб̣б̣аж̇ид̇ам̣, мун̣д̣ам̣ сан̇гхаадибааруд̇ам̣.
Jānātha maṃ pabbajitaṃ, muṇḍaṃ saṅghāṭipārutaṃ.
351.
351.
‘‘уд̇д̇идтабин̣д̣о ун̃чо жа, бам̣сугуулан̃жа жийварам̣;
‘‘Uttiṭṭhapiṇḍo uñcho ca, paṃsukūlañca cīvaraṃ;
зд̇ам̣ ко мама сааруббам̣, анаг̇ааруубаниссаяо.
Etaṃ kho mama sāruppaṃ, anagārūpanissayo.
352.
352.
‘‘ванд̇аа махзсийхи гаамаа, яз д̣̇иб̣б̣аа яз жа маанусаа;
‘‘Vantā mahesīhi kāmā, ye dibbā ye ca mānusā;
кзмадтаанз вимуд̇д̇аа д̇з, бад̇д̇аа д̇з ажалам̣ сукам̣.
Khemaṭṭhāne vimuttā te, pattā te acalaṃ sukhaṃ.
353.
353.
‘‘маахам̣ гаамзхи сам̣г̇ажчим̣, язсу д̇аан̣ам̣ на виж̇ж̇ад̇и;
‘‘Māhaṃ kāmehi saṃgacchiṃ, yesu tāṇaṃ na vijjati;
амид̇д̇аа вад̇хагаа гаамаа, аг̇г̇игканд̇хуубамаа д̣̇укаа.
Amittā vadhakā kāmā, aggikkhandhūpamā dukhā.
354.
354.
‘‘барибант̇о зса бхаяо, савигхаад̇о саган̣даго;
‘‘Paripantho esa bhayo, savighāto sakaṇṭako;
г̇зд̇хо сувисамо жзсо, маханд̇о моханаамуко.
Gedho suvisamo ceso, mahanto mohanāmukho.
355.
355.
‘‘убасаг̇г̇о бхиймаруубо, гаамаа саббасируубамаа;
‘‘Upasaggo bhīmarūpo, kāmā sappasirūpamā;
яз б̣аалаа абхинанд̣̇анд̇и, анд̇хабхууд̇аа бут̇уж̇ж̇анаа.
Ye bālā abhinandanti, andhabhūtā puthujjanā.
356.
356.
‘‘гаамабан̇гзна сад̇д̇аа хи, б̣ахуу логз авид̣̇д̣̇асуу;
‘‘Kāmapaṅkena sattā hi, bahū loke aviddasū;
барияанд̇ам̣ на ж̇аананд̇и, ж̇аад̇ияаа маран̣асса жа.
Pariyantaṃ na jānanti, jātiyā maraṇassa ca.
357.
357.
‘‘д̣̇уг̇г̇ад̇иг̇аманам̣ маг̇г̇ам̣, мануссаа гаамахзд̇угам̣;
‘‘Duggatigamanaṃ maggaṃ, manussā kāmahetukaṃ;
б̣ахум̣ вз бадибаж̇ж̇анд̇и, ад̇д̇ано рог̇амаавахам̣.
Bahuṃ ve paṭipajjanti, attano rogamāvahaṃ.
358.
358.
‘‘звам̣ амид̇д̇аж̇ананаа, д̇аабанаа сам̣гилзсигаа;
‘‘Evaṃ amittajananā, tāpanā saṃkilesikā;
логаамисаа б̣анд̇ханийяаа, гаамаа маран̣аб̣анд̇ханаа.
Lokāmisā bandhanīyā, kāmā maraṇabandhanā.
359.
359.
‘‘уммаад̣̇анаа уллабанаа, гаамаа жид̇д̇аббамаат̇ино;
‘‘Ummādanā ullapanā, kāmā cittappamāthino;
сад̇д̇аанам̣ сам̣гилзсааяа, киббам̣ маарзна од̣д̣ид̇ам̣.
Sattānaṃ saṃkilesāya, khippaṃ mārena oḍḍitaṃ.
360.
360.
‘‘ананд̇аад̣̇ийнаваа гаамаа, б̣ахуд̣̇угкаа махаависаа;
‘‘Anantādīnavā kāmā, bahudukkhā mahāvisā;
аббассаад̣̇аа ран̣агараа, суггабагкависосанаа.
Appassādā raṇakarā, sukkapakkhavisosanā.
361.
361.
‘‘саахам̣ зд̇аад̣̇исам̣ гад̇ваа, б̣яасанам̣ гаамахзд̇угам̣;
‘‘Sāhaṃ etādisaṃ katvā, byasanaṃ kāmahetukaṃ;
на д̇ам̣ бажжааг̇амиссаами, ниб̣б̣аанаабхирад̇аа сад̣̇аа.
Na taṃ paccāgamissāmi, nibbānābhiratā sadā.
362.
362.
‘‘ран̣ам̣ д̇арид̇ваа гаамаанам̣, сийд̇ибхааваабхиган̇киний;
‘‘Raṇaṃ taritvā kāmānaṃ, sītibhāvābhikaṅkhinī;
аббамад̇д̇аа вихассаами, саб̣б̣асам̣яож̇анагкаяз.
Appamattā vihassāmi, sabbasaṃyojanakkhaye.
363.
363.
‘‘асогам̣ вираж̇ам̣ кзмам̣, арияадтан̇г̇игам̣ уж̇ум̣;
‘‘Asokaṃ virajaṃ khemaṃ, ariyaṭṭhaṅgikaṃ ujuṃ;
д̇ам̣ маг̇г̇ам̣ ануг̇ажчаами, язна д̇ин̣н̣аа махзсино.
Taṃ maggaṃ anugacchāmi, yena tiṇṇā mahesino.
364.
364.
‘‘имам̣ бассат̇а д̇хаммадтам̣, субхам̣ гаммаарад̇хийд̇арам̣;
‘‘Imaṃ passatha dhammaṭṭhaṃ, subhaṃ kammāradhītaraṃ;
анзж̇ам̣ убасамбаж̇ж̇а, ругкамууламхи жхааяад̇и.
Anejaṃ upasampajja, rukkhamūlamhi jhāyati.
365.
365.
‘‘аж̇ж̇адтамий баб̣б̣аж̇ид̇аа, сад̣̇д̇хаа сад̣̇д̇хаммасобханаа;
‘‘Ajjaṭṭhamī pabbajitā, saddhā saddhammasobhanā;
винийд̇уббалаван̣н̣ааяа, д̇звиж̇ж̇аа мажжухааяиний.
Vinītuppalavaṇṇāya, tevijjā maccuhāyinī.
366.
366.
‘‘сааяам̣ бхуж̇иссаа ан̣ан̣аа, бхигкуний бхаавид̇инд̣̇рияаа;
‘‘Sāyaṃ bhujissā aṇaṇā, bhikkhunī bhāvitindriyā;
саб̣б̣аяог̇ависам̣яуд̇д̇аа, гад̇агижжаа анаасаваа.
Sabbayogavisaṃyuttā, katakiccā anāsavā.
367.
367.
‘‘д̇ам̣ сагго д̣̇звасан̇гхзна, убасан̇гамма ид̣̇д̇хияаа;
‘‘Taṃ sakko devasaṅghena, upasaṅkamma iddhiyā;
намассад̇и бхууд̇абад̇и, субхам̣ гаммаарад̇хийд̇ара’’нд̇и. – имаа г̇аат̇аа абхааси;
Namassati bhūtapati, subhaṃ kammāradhītara’’nti. – imā gāthā abhāsi;
д̇ад̇т̇а д̣̇ахараахам̣ суд̣̇д̇хавасанаа, яам̣ бурз д̇хаммамассун̣инд̇и яасмаа ахам̣ буб̣б̣з д̣̇ахараа д̇арун̣ий зва суд̣̇д̇хавасанаа суд̣̇д̇хавад̇т̇анивад̇т̇аа алан̇гад̇аббадияад̇д̇аа сад̇т̇у санд̇игз д̇хаммам̣ ассосим̣. д̇ассаа мз аббамад̇д̇ааяа, сажжаабхисамаяо ахууд̇и яасмаа жа д̇ассаа мз маяхам̣ яат̇аасуд̇ам̣ д̇хаммам̣ бажжавзгкид̇ваа аббамад̇д̇ааяа убадтид̇ассад̇ияаа сийлам̣ ад̇хидтахид̇ваа бхааванам̣ ануяун̃ж̇анд̇ияаава жад̇уннам̣ арияасажжаанам̣ абхисамаяо ‘‘ид̣̇ам̣ д̣̇угка’’нд̇иаад̣̇инаа (бади. ма. 1.32) бадивзд̇хо ахоси.
Tattha daharāhaṃ suddhavasanā, yaṃ pure dhammamassuṇinti yasmā ahaṃ pubbe daharā taruṇī eva suddhavasanā suddhavatthanivatthā alaṅkatappaṭiyattā satthu santike dhammaṃ assosiṃ. Tassā me appamattāya, saccābhisamayo ahūti yasmā ca tassā me mayhaṃ yathāsutaṃ dhammaṃ paccavekkhitvā appamattāya upaṭṭhitassatiyā sīlaṃ adhiṭṭhahitvā bhāvanaṃ anuyuñjantiyāva catunnaṃ ariyasaccānaṃ abhisamayo ‘‘idaṃ dukkha’’ntiādinā (paṭi. ma. 1.32) paṭivedho ahosi.
д̇ад̇охам̣ саб̣б̣агаамзсу, бхусам̣ арад̇имаж̇жхаг̇анд̇и д̇ад̇о д̇зна гааран̣зна сад̇т̇у санд̇игз д̇хаммасса суд̇ад̇д̇аа сажжаанан̃жа абхисамид̇ад̇д̇аа мануссзсу д̣̇иб̣б̣зсу жаад̇и саб̣б̣зсуби гаамзсу бхусам̣ ад̇ивияа арад̇им̣ угган̣тим̣ ад̇хиг̇ажчим̣. саггааяасмим̣ убаад̣̇аанагканд̇хабан̃жагз, бхаяам̣ саббадибхаяабхаавам̣ н̃аан̣ажагкунаа д̣̇исваа, нзгкаммамзва баб̣б̣аж̇ж̇ам̣ ниб̣б̣аанамзва, бийхаяз бихаяаами бад̇т̇аяаами.
Tatohaṃ sabbakāmesu, bhusaṃ aratimajjhaganti tato tena kāraṇena satthu santike dhammassa sutattā saccānañca abhisamitattā manussesu dibbesu cāti sabbesupi kāmesu bhusaṃ ativiya aratiṃ ukkaṇṭhiṃ adhigacchiṃ. Sakkāyasmiṃ upādānakkhandhapañcake, bhayaṃ sappaṭibhayabhāvaṃ ñāṇacakkhunā disvā, nekkhammameva pabbajjaṃ nibbānameva, pīhaye pihayāmi patthayāmi.
д̣̇аасагаммагараани жаад̇и д̣̇аасз жа гаммагаарз жа, лин̇г̇авибаллаасзна хзд̇ам̣ вуд̇д̇ам̣. г̇аамакзд̇д̇аанийд̇и г̇аамз жа буб̣б̣ан̣н̣аабаран̣н̣авируханагкзд̇д̇аани жа, г̇аамабарияаабаннаани ваа кзд̇д̇аани. пийд̇аанийд̇и самид̣̇д̇хаани. раман̣ийязд̇и манун̃н̃з. бамод̣̇ид̇зд̇и бамуд̣̇ид̇з, бхог̇агканд̇хз хид̇ваад̇и самб̣анд̇хо. саабад̇зяяанд̇и санд̇агам̣ д̇ханам̣, ман̣иганагараж̇ад̇аад̣̇ибариг̇г̇ахавад̇т̇ум̣. анаббаганд̇и маханд̇ам̣, бахааяаад̇и яож̇анаа. звам̣ сад̣̇д̇хааяа нигкаммаад̇и ‘‘хид̇ваанахам̣ н̃аад̇иг̇ан̣а’’нд̇иаад̣̇инаа вуд̇д̇аббагаарзна маханд̇ам̣ н̃аад̇ибариваддам̣ маханд̇ан̃жа бхог̇агканд̇хам̣ бахааяа гаммагаммапалаани рад̇анад̇д̇аяан̃жаад̇и сад̣̇д̇хзяяавад̇т̇ум̣ сад̣̇д̇хааяа сад̣̇д̣̇ахид̇ваа гхарад̇о нигкамма, сад̣̇д̇хаммз суббавзд̣̇ид̇з саммаасамб̣уд̣̇д̇хзна судту бавзд̣̇ид̇з арияавинаяз ахам̣ баб̣б̣аж̇ид̇аа.
Dāsakammakarāni cāti dāse ca kammakāre ca, liṅgavipallāsena hetaṃ vuttaṃ. Gāmakhettānīti gāme ca pubbaṇṇāparaṇṇaviruhanakkhettāni ca, gāmapariyāpannāni vā khettāni. Phītānīti samiddhāni. Ramaṇīyeti manuññe. Pamoditeti pamudite, bhogakkhandhe hitvāti sambandho. Sāpateyyanti santakaṃ dhanaṃ, maṇikanakarajatādipariggahavatthuṃ. Anappakanti mahantaṃ, pahāyāti yojanā. Evaṃ saddhāya nikkhammāti ‘‘hitvānahaṃ ñātigaṇa’’ntiādinā vuttappakārena mahantaṃ ñātiparivaṭṭaṃ mahantañca bhogakkhandhaṃ pahāya kammakammaphalāni ratanattayañcāti saddheyyavatthuṃ saddhāya saddahitvā gharato nikkhamma, saddhamme suppavedite sammāsambuddhena suṭṭhu pavedite ariyavinaye ahaṃ pabbajitā.
звам̣ баб̣б̣аж̇ид̇ааяа бана нзд̇ам̣ асса бад̇ируубам̣, яад̣̇ид̣̇ам̣ чад̣д̣ид̇аанам̣ гаамаанам̣ бажжааг̇аманам̣. аагин̃жан̃н̃ан̃хи бад̇т̇аязд̇и ахам̣ агин̃жанабхаавам̣ абариг̇г̇ахабхаавамзва бад̇т̇аяаами. яо ж̇аад̇аруубараж̇ад̇ам̣, чад̣д̣зд̇ваа бунарааг̇амзд̇и яо буг̇г̇ало суван̣н̣ам̣ раж̇ад̇ам̣ ан̃н̃амби ваа гин̃жи д̇ханаж̇аад̇ам̣ чад̣д̣зд̇ваа буна д̇ам̣ г̇ан̣хзяяа, со бан̣д̣ид̇аанам̣ анд̇арз гат̇ам̣ сийсам̣ угкибзяяа?
Evaṃ pabbajitāya pana netaṃ assa patirūpaṃ, yadidaṃ chaḍḍitānaṃ kāmānaṃ paccāgamanaṃ. Ākiñcaññañhi patthayeti ahaṃ akiñcanabhāvaṃ apariggahabhāvameva patthayāmi. Yo jātarūparajataṃ, chaḍḍetvā punarāgameti yo puggalo suvaṇṇaṃ rajataṃ aññampi vā kiñci dhanajātaṃ chaḍḍetvā puna taṃ gaṇheyya, so paṇḍitānaṃ antare kathaṃ sīsaṃ ukkhipeyya?
яасмаа раж̇ад̇ам̣ ж̇аад̇аруубам̣ ваа, на б̣од̇хааяа на санд̇ияаа на маг̇г̇ан̃аан̣ааяа на ниб̣б̣аанааяа ход̇ийд̇и ад̇т̇о. нзд̇ам̣ саман̣асааруббанд̇и зд̇ам̣ ж̇аад̇аруубараж̇ад̇аад̣̇ибариг̇г̇ахавад̇т̇у, д̇асса ваа бариг̇г̇ан̣ханам̣ саман̣аанам̣ сааруббам̣ на ход̇и. д̇ат̇аа хи вуд̇д̇ам̣ ‘‘на габбад̇и саман̣аанам̣ сагяабуд̇д̇ияаанам̣ ж̇аад̇аруубараж̇ад̇а’’нд̇иаад̣̇и (жуул̣ава. 446). на зд̇ам̣ арияад̣̇д̇хананд̇и зд̇ам̣ яат̇аавуд̇д̇абариг̇г̇ахавад̇т̇у сад̣̇д̇хаад̣̇ид̇ханам̣ вияа арияад̇хаммамаяамби д̇ханам̣ на ход̇и, на арияабхааваавахад̇о. д̇знааха ‘‘лобхана’’нд̇иаад̣̇и.
Yasmā rajataṃ jātarūpaṃ vā, na bodhāya na santiyā na maggañāṇāya na nibbānāya hotīti attho. Netaṃ samaṇasāruppanti etaṃ jātarūparajatādipariggahavatthu, tassa vā pariggaṇhanaṃ samaṇānaṃ sāruppaṃ na hoti. Tathā hi vuttaṃ ‘‘na kappati samaṇānaṃ sakyaputtiyānaṃ jātarūparajata’’ntiādi (cūḷava. 446). Na etaṃ ariyaddhananti etaṃ yathāvuttapariggahavatthu saddhādidhanaṃ viya ariyadhammamayampi dhanaṃ na hoti, na ariyabhāvāvahato. Tenāha ‘‘lobhana’’ntiādi.
д̇ад̇т̇а лобхананд̇и лобхуббаад̣̇анам̣. мад̣̇ананд̇и мад̣̇аавахам̣. мохананд̇и саммохаж̇ананам̣. раж̇авад̣дхананд̇и рааг̇араж̇аад̣̇исам̣вад̣дханам̣. язна бариг̇г̇ахид̇ам̣, д̇асса аасан̇гаавахад̇д̇аа саха аасан̇гааяа вад̇д̇ад̇ийд̇и саасан̇гам̣, язна бариг̇г̇ахид̇ам̣, д̇асса яад̇о гуд̇о аасан̇гааваханд̇и ад̇т̇о. б̣ахуааяаасанд̇и саж̇ж̇анарагкан̣аад̣̇ивасзна б̣ахубариссамам̣. над̇т̇и жзд̇т̇а д̇хувам̣ тид̇ийд̇и зд̇асмим̣ д̇ханз д̇хувабхааво жа тид̇ибхааво жа над̇т̇и, жан̃жаламанавадтид̇амзваад̇и ад̇т̇о.
Tattha lobhananti lobhuppādanaṃ. Madananti madāvahaṃ. Mohananti sammohajananaṃ. Rajavaḍḍhananti rāgarajādisaṃvaḍḍhanaṃ. Yena pariggahitaṃ, tassa āsaṅkāvahattā saha āsaṅkāya vattatīti sāsaṅkaṃ, yena pariggahitaṃ, tassa yato kuto āsaṅkāvahanti attho. Bahuāyāsanti sajjanarakkhaṇādivasena bahuparissamaṃ. Natthi cettha dhuvaṃ ṭhitīti etasmiṃ dhane dhuvabhāvo ca ṭhitibhāvo ca natthi, cañcalamanavaṭṭhitamevāti attho.
зд̇т̇а рад̇д̇аа бамад̇д̇аа жаад̇и зд̇асмим̣ д̇ханз рад̇д̇аа сан̃ж̇аад̇арааг̇аа д̣̇асагусалад̇хаммзсу сад̇ияаа виббаваасзна бамад̇д̇аа. сам̣гилидтаманаа лобхаад̣̇исам̣гилзсзна сам̣гилидтажид̇д̇аава наама хонд̇и. д̇ад̇о жа ан̃н̃аман̃н̃амхи б̣яааруд̣̇д̇хаа, бут̇уу губ̣б̣анд̇и мзд̇хаг̇ам̣ анд̇амасо маад̇ааби буд̇д̇зна, буд̇д̇оби маад̇араад̇и звам̣ ан̃н̃аман̃н̃ам̣ бадируд̣̇д̇хаа худ̇ваа бут̇уу сад̇д̇аа мзд̇хаг̇ам̣ галахам̣ гаронд̇и. д̇знааха бхаг̇аваа – ‘‘буна жабарам̣, бхигкавз, гаамахзд̇у гааманид̣̇аанам̣ гаамаад̇хигаран̣ам̣…бз… маад̇ааби буд̇д̇зна вивад̣̇ад̇и буд̇д̇оби маад̇араа вивад̣̇ад̇ий’’д̇иаад̣̇и (ма. ни. 1.168, 178).
Ettha rattā pamattā cāti etasmiṃ dhane rattā sañjātarāgā dasakusaladhammesu satiyā vippavāsena pamattā. Saṃkiliṭṭhamanā lobhādisaṃkilesena saṃkiliṭṭhacittāva nāma honti. Tato ca aññamaññamhi byāruddhā, puthū kubbanti medhagaṃ antamaso mātāpi puttena, puttopi mātarāti evaṃ aññamaññaṃ paṭiruddhā hutvā puthū sattā medhagaṃ kalahaṃ karonti. Tenāha bhagavā – ‘‘puna caparaṃ, bhikkhave, kāmahetu kāmanidānaṃ kāmādhikaraṇaṃ…pe… mātāpi puttena vivadati puttopi mātarā vivadatī’’tiādi (ma. ni. 1.168, 178).
вад̇ход̇и маран̣ам̣. б̣анд̇ход̇и ад̣̇д̣̇уб̣анд̇ханаад̣̇иб̣анд̇ханам̣. бариглзсод̇и хад̇т̇ажчзд̣̇аад̣̇ибаригилзсаабад̇д̇и. ж̇аанийд̇и д̇ханаж̇аани жзва бариваараж̇аани жа. согабарид̣̇д̣̇авод̇и сого жа барид̣̇зво жа. ад̇хибаннаананд̇и аж̇жхосид̇аанам̣. д̣̇иссад̇з б̣яасанам̣ б̣ахунд̇и яат̇аавуд̇д̇авад̇хаб̣анд̇ханаад̣̇ибхзд̣̇ам̣ авуд̇д̇ан̃жа д̣̇оманассубааяаасаад̣̇им̣ д̣̇идтад̇хаммигам̣ самбарааяиган̃жа б̣ахум̣ б̣ахувид̇хам̣ б̣яасанам̣ анад̇т̇о гаамзсу д̣̇иссад̇зва.
Vadhoti maraṇaṃ. Bandhoti addubandhanādibandhanaṃ. Pariklesoti hatthacchedādiparikilesāpatti. Jānīti dhanajāni ceva parivārajāni ca. Sokapariddavoti soko ca paridevo ca. Adhipannānanti ajjhositānaṃ. Dissate byasanaṃ bahunti yathāvuttavadhabandhanādibhedaṃ avuttañca domanassupāyāsādiṃ diṭṭhadhammikaṃ samparāyikañca bahuṃ bahuvidhaṃ byasanaṃ anattho kāmesu dissateva.
д̇ам̣ мам̣ н̃аад̇ий амид̇д̇аава, гим̣ во гаамзсу яун̃ж̇ат̇аад̇и д̇аад̣̇исам̣ мам̣ яат̇аа гаамзсу вирад̇д̇ам̣ д̇умхз н̃аад̇ий н̃аад̇агаа самаанаа анад̇т̇агаамаа амид̇д̇аа вияа гим̣ гзна гааран̣зна гаамзсу яун̃ж̇ат̇а нияож̇зт̇а. ж̇аанаат̇а мам̣ баб̣б̣аж̇ид̇ам̣, гаамзсу бхаяад̣̇ассининд̇и гаамз бхаяад̇о бассанд̇им̣ баб̣б̣аж̇ид̇ам̣ мам̣ ааж̇аанаат̇а, гим̣ зд̇д̇агам̣ д̇умхзхи анан̃н̃аад̇анд̇и ад̇хиббааяо.
Taṃ maṃ ñātī amittāva, kiṃ vo kāmesu yuñjathāti tādisaṃ maṃ yathā kāmesu virattaṃ tumhe ñātī ñātakā samānā anatthakāmā amittā viya kiṃ kena kāraṇena kāmesu yuñjatha niyojetha. Jānātha maṃ pabbajitaṃ, kāmesu bhayadassininti kāme bhayato passantiṃ pabbajitaṃ maṃ ājānātha, kiṃ ettakaṃ tumhehi anaññātanti adhippāyo.
на хиран̃н̃асуван̣н̣зна, баригкийяанд̇и аасаваад̇и гаамаасаваад̣̇аяо хиран̃н̃асуван̣н̣зна на гад̣̇аажи баригкаяам̣ г̇ажчанд̇и, ат̇а ко д̇зхи зва баривад̣дханд̇зва. д̇знааха – ‘‘амид̇д̇аа вад̇хагаа гаамаа, сабад̇д̇аа саллаб̣анд̇ханаа’’д̇и. гаамаа хи ахид̇аавахад̇д̇аа мзд̇д̇ияаа абхаавзна амид̇д̇аа, маран̣ахзд̇уд̇ааяа угкид̇д̇аасигавад̇хагасад̣̇исад̇д̇аа вад̇хагаа, ануб̣анд̇хид̇вааби анад̇т̇ааваханад̇ааяа взраануб̣анд̇хасабад̇д̇асад̣̇исад̇д̇аа сабад̇д̇аа, рааг̇аад̣̇ийнам̣ саллаанам̣ б̣анд̇ханад̇о саллаб̣анд̇ханаа.
Na hiraññasuvaṇṇena, parikkhīyanti āsavāti kāmāsavādayo hiraññasuvaṇṇena na kadāci parikkhayaṃ gacchanti, atha kho tehi eva parivaḍḍhanteva. Tenāha – ‘‘amittā vadhakā kāmā, sapattā sallabandhanā’’ti. Kāmā hi ahitāvahattā mettiyā abhāvena amittā, maraṇahetutāya ukkhittāsikavadhakasadisattā vadhakā, anubandhitvāpi anatthāvahanatāya verānubandhasapattasadisattā sapattā, rāgādīnaṃ sallānaṃ bandhanato sallabandhanā.
мун̣д̣анд̇и мун̣д̣ид̇агзсам̣. д̇ад̇т̇а д̇ад̇т̇а нанд̇агаани г̇ахзд̇ваа сан̇гхаадижийварабаарубанзна сан̇гхаадибааруд̇ам̣.
Muṇḍanti muṇḍitakesaṃ. Tattha tattha nantakāni gahetvā saṅghāṭicīvarapārupanena saṅghāṭipārutaṃ.
уд̇д̇идтабин̣д̣од̇и вивадад̣̇ваарз гхарз гхарз бад̇идтид̇ваа лабханагабин̣д̣о. ун̃чод̇и д̇ад̣̇ад̇т̇ам̣ ун̃чаажарияаа. анаг̇ааруубаниссаяод̇и анаг̇аараанам̣ баб̣б̣аж̇ид̇аанам̣ убаг̇анд̇ваа ниссид̇аб̣б̣ад̇о убаниссаяабхууд̇о ж̇ийвид̇абаригкааро. д̇ан̃хи ниссааяа баб̣б̣аж̇ид̇аа ж̇ийванд̇и.
Uttiṭṭhapiṇḍoti vivaṭadvāre ghare ghare patiṭṭhitvā labhanakapiṇḍo. Uñchoti tadatthaṃ uñchācariyā. Anagārūpanissayoti anagārānaṃ pabbajitānaṃ upagantvā nissitabbato upanissayabhūto jīvitaparikkhāro. Tañhi nissāya pabbajitā jīvanti.
ванд̇аад̇и чад̣д̣ид̇аа. махзсийхийд̇и б̣уд̣̇д̇хаад̣̇ийхи махзсийхи. кзмадтаанзд̇и гаамаяог̇аад̣̇ийхи анубад̣̇д̣̇авадтаанабхууд̇з ниб̣б̣аанз. д̇зд̇и махзсаяо. ажалам̣ суканд̇и ниб̣б̣аанасукам̣ бад̇д̇аа. д̇асмаа д̇ам̣ бад̇т̇знд̇зна гаамаа барижжаж̇ид̇аб̣б̣аад̇и ад̇хиббааяо.
Vantāti chaḍḍitā. Mahesīhīti buddhādīhi mahesīhi. Khemaṭṭhāneti kāmayogādīhi anupaddavaṭṭhānabhūte nibbāne. Teti mahesayo. Acalaṃ sukhanti nibbānasukhaṃ pattā. Tasmā taṃ patthentena kāmā pariccajitabbāti adhippāyo.
маахам̣ гаамзхи сам̣г̇ажчинд̇и ахам̣ гад̣̇аажиби гаамзхи на самааг̇ажчзяяам̣. гасмаад̇и жз ааха – ‘‘язсу д̇аан̣ам̣ на виж̇ж̇ад̇ий’’д̇иаад̣̇и, язсу гаамзсу убабаригкияамаанзсу згасмимби анад̇т̇абарид̇д̇аан̣ам̣ наама над̇т̇и. аг̇г̇игканд̇хуубамаа махаабхид̇аабадтзна. д̣̇укаа д̣̇угкамадтзна.
Māhaṃ kāmehi saṃgacchinti ahaṃ kadācipi kāmehi na samāgaccheyyaṃ. Kasmāti ce āha – ‘‘yesu tāṇaṃ na vijjatī’’tiādi, yesu kāmesu upaparikkhiyamānesu ekasmimpi anatthaparittāṇaṃ nāma natthi. Aggikkhandhūpamā mahābhitāpaṭṭhena. Dukhā dukkhamaṭṭhena.
барибант̇о зса бхаяо яад̣̇ид̣̇ам̣ гаамаа наама авид̣̇ид̇авибулаанад̇т̇аавахад̇д̇аа. савигхаад̇о жид̇д̇авигхаад̇агарад̇д̇аа. саган̣даго винивиж̇жханад̇д̇аа. г̇зд̇хо сувисамо жзсод̇и г̇ид̣̇д̇хихзд̇уд̇ааяа г̇зд̇хо. судту висамо махаабалиб̣од̇хо со. д̣̇урад̇иггаманадтзна маханд̇о. моханаамуко мужчаабад̇д̇ихзд̇уд̇о.
Paripantho esa bhayo yadidaṃ kāmā nāma aviditavipulānatthāvahattā. Savighāto cittavighātakarattā. Sakaṇṭako vinivijjhanattā. Gedho suvisamo cesoti giddhihetutāya gedho. Suṭṭhu visamo mahāpalibodho so. Duratikkamanaṭṭhena mahanto. Mohanāmukho mucchāpattihetuto.
убасаг̇г̇о бхиймаруубод̇и ад̇ибхим̣санагасабхааво, маханд̇о д̣̇звад̇уубасаг̇г̇о вияа анад̇т̇агаад̣̇ид̣̇угкааваханад̇о. саббасируубамаа гаамаа саббадибхаяадтзна.
Upasaggo bhīmarūpoti atibhiṃsanakasabhāvo, mahanto devatūpasaggo viya anatthakādidukkhāvahanato. Sappasirūpamā kāmā sappaṭibhayaṭṭhena.
гаамабан̇гзна сад̇д̇аад̇и гаамасан̇каад̇зна бан̇гзна сад̇д̇аа лаг̇г̇аа.
Kāmapaṅkena sattāti kāmasaṅkhātena paṅkena sattā laggā.
д̣̇уг̇г̇ад̇иг̇аманам̣ маг̇г̇анд̇и нираяаад̣̇иабааяаг̇ааминам̣ маг̇г̇ам̣. гаамахзд̇уганд̇и гаамобабхог̇ахзд̇угам̣. б̣ахунд̇и баан̣аад̇ибаад̇аад̣̇ибхзд̣̇зна б̣ахувид̇хам̣. рог̇амааваханд̇и руж̇ж̇анадтзна рог̇асан̇каад̇асса д̣̇идтад̇хаммигаад̣̇ибхзд̣̇асса д̣̇угкасса ааваханагам̣.
Duggatigamanaṃ magganti nirayādiapāyagāminaṃ maggaṃ. Kāmahetukanti kāmopabhogahetukaṃ. Bahunti pāṇātipātādibhedena bahuvidhaṃ. Rogamāvahanti rujjanaṭṭhena rogasaṅkhātassa diṭṭhadhammikādibhedassa dukkhassa āvahanakaṃ.
званд̇и ‘‘амид̇д̇аа вад̇хагаа’’д̇иаад̣̇инаа вуд̇д̇аббагаарзна. амид̇д̇аж̇ананаад̇и амид̇д̇абхаавасса ниб̣б̣ад̇д̇анагаа. д̇аабанаад̇и санд̇аабанагаа, д̇абанийяаад̇и ад̇т̇о. сам̣гилзсигаад̇и сам̣гилзсаавахаа. логаамисаад̇и логз аамисабхууд̇аа. б̣анд̇ханияаад̇и б̣анд̇хабхууд̇зхи сам̣яож̇анзхи вад̣дхид̇аб̣б̣аа, сам̣яож̇анияаад̇и ад̇т̇о. маран̣аб̣анд̇ханаад̇и бхаваад̣̇ийсу ниб̣б̣ад̇д̇инимид̇д̇ад̇ааяа бавад̇д̇агааран̣ад̇о жа маран̣авиб̣анд̇ханаа.
Evanti ‘‘amittā vadhakā’’tiādinā vuttappakārena. Amittajananāti amittabhāvassa nibbattanakā. Tāpanāti santāpanakā, tapanīyāti attho. Saṃkilesikāti saṃkilesāvahā. Lokāmisāti loke āmisabhūtā. Bandhaniyāti bandhabhūtehi saṃyojanehi vaḍḍhitabbā, saṃyojaniyāti attho. Maraṇabandhanāti bhavādīsu nibbattinimittatāya pavattakāraṇato ca maraṇavibandhanā.
уммаад̣̇анаад̇и вибарин̣аамад̇хаммаанам̣ вияог̇авасзна согуммаад̣̇агараа, вад̣дхияаа ваа убаруубаримад̣̇аавахаа. уллабанаад̇и ‘‘ахо сукам̣ ахо сука’’нд̇и уд̣̇д̇хам̣ уд̣̇д̇хам̣ лабаабанагаа. ‘‘уллоланаа’’д̇иби баато, бхад̇д̇абин̣д̣анимид̇д̇ам̣ нан̇г̇удтам̣ уллолзнд̇о сунако вияа аамисахзд̇у сад̇д̇з убаруубарилааланаа, бараабхавааван̃н̃аад̇абаабанагаад̇и ад̇т̇о. жид̇д̇аббамаат̇инод̇и барил̣аахуббаад̣̇анаад̣̇инаа самбад̇и ааяад̇ин̃жа жид̇д̇асса бамат̇анасийлаа. ‘‘жид̇д̇аббамад̣̇д̣̇ино’’д̇и ваа баато, со звад̇т̇о. яз бана ‘‘жид̇д̇аббамаад̣̇ино’’д̇и вад̣̇анд̇и, д̇зсам̣ жид̇д̇асса бамаад̣̇аавахаад̇и ад̇т̇о. сам̣гилзсааяаад̇и виб̣аад̇ханааяа убад̇аабанааяа ваа. киббам̣ маарзна од̣д̣ид̇анд̇и гаамаа наамзд̇з маарзна од̣д̣ид̇ам̣ гуминанд̇и д̣̇адтаб̣б̣аа сад̇д̇аанам̣ анад̇т̇ааваханад̇о.
Ummādanāti vipariṇāmadhammānaṃ viyogavasena sokummādakarā, vaḍḍhiyā vā uparūparimadāvahā. Ullapanāti ‘‘aho sukhaṃ aho sukha’’nti uddhaṃ uddhaṃ lapāpanakā. ‘‘Ullolanā’’tipi pāṭho, bhattapiṇḍanimittaṃ naṅguṭṭhaṃ ullolento sunakho viya āmisahetu satte uparūparilālanā, parābhavāvaññātapāpanakāti attho. Cittappamāthinoti pariḷāhuppādanādinā sampati āyatiñca cittassa pamathanasīlā. ‘‘Cittappamaddino’’ti vā pāṭho, so evattho. Ye pana ‘‘cittappamādino’’ti vadanti, tesaṃ cittassa pamādāvahāti attho. Saṃkilesāyāti vibādhanāya upatāpanāya vā. Khippaṃ mārena oḍḍitanti kāmā nāmete mārena oḍḍitaṃ kuminanti daṭṭhabbā sattānaṃ anatthāvahanato.
ананд̇аад̣̇ийнаваад̇и ‘‘лобханам̣ мад̣̇анан̃жзд̇а’’нд̇иаад̣̇инаа, ‘‘ид̇ха сийд̇асса бурагкад̇о ун̣хасса бурагкад̇о’’д̇иаад̣̇инаа (ма. ни. 1.167) жа д̣̇угкагканд̇хасуд̇д̇аад̣̇ийсу вуд̇д̇анаязна абарияанд̇аад̣̇ийнаваа б̣ахуд̣̇осаа. б̣ахуд̣̇угкаад̇и аабааяигаад̣̇иб̣ахувид̇хад̣̇угкаануб̣анд̇хаа. махаависаад̇и гадугаасаяхапалад̇ааяа халаахалаад̣̇имахаависасад̣̇исаа . аббассаад̣̇аад̇и сад̇т̇ад̇хаарааг̇ад̇амад̇хуб̣инд̣̇у вияа барид̇д̇ассаад̣̇аа. ран̣агараад̇и саарааг̇аад̣̇исам̣вад̣дхагаа. суггабагкависосанаад̇и сад̇д̇аанам̣ анаваж̇ж̇агодтаасасса винаасагаа.
Anantādīnavāti ‘‘lobhanaṃ madanañceta’’ntiādinā, ‘‘idha sītassa purakkhato uṇhassa purakkhato’’tiādinā (ma. ni. 1.167) ca dukkhakkhandhasuttādīsu vuttanayena apariyantādīnavā bahudosā. Bahudukkhāti āpāyikādibahuvidhadukkhānubandhā. Mahāvisāti kaṭukāsayhaphalatāya halāhalādimahāvisasadisā . Appassādāti satthadhārāgatamadhubindu viya parittassādā. Raṇakarāti sārāgādisaṃvaḍḍhakā. Sukkapakkhavisosanāti sattānaṃ anavajjakoṭṭhāsassa vināsakā.
сааханд̇и саа ахам̣, хздтаа вуд̇д̇анаязнзва сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хаа гаамз бахааяа баб̣б̣аж̇ид̇ваа тид̇аад̇и ад̇т̇о. зд̇аад̣̇исанд̇и зваруубам̣ вуд̇д̇аббагаарам̣. гад̇ваад̇и ид̇и гад̇ваа, яат̇аавуд̇д̇агааран̣знаад̇и ад̇т̇о. на д̇ам̣ бажжааг̇амиссаамийд̇и д̇ам̣ маяаа буб̣б̣з ванд̇агаамз буна на барибхун̃ж̇иссаами. ниб̣б̣аанаабхирад̇аа сад̣̇аад̇и яасмаа баб̣б̣аж̇ид̇агаалад̇о бадтааяа саб̣б̣агаалам̣ ниб̣б̣аанаабхирад̇аа, д̇асмаа на д̇ам̣ бажжааг̇амиссаамийд̇и яож̇анаа.
Sāhanti sā ahaṃ, heṭṭhā vuttanayeneva satthu santike dhammaṃ sutvā paṭiladdhasaddhā kāme pahāya pabbajitvā ṭhitāti attho. Etādisanti evarūpaṃ vuttappakāraṃ. Katvāti iti katvā, yathāvuttakāraṇenāti attho. Na taṃ paccāgamissāmīti taṃ mayā pubbe vantakāme puna na paribhuñjissāmi. Nibbānābhiratā sadāti yasmā pabbajitakālato paṭṭhāya sabbakālaṃ nibbānābhiratā, tasmā na taṃ paccāgamissāmīti yojanā.
ран̣ам̣ д̇арид̇ваа гаамаананд̇и гаамаанам̣ ран̣ам̣ д̇арид̇ваа, д̇ан̃жа маяаа гаад̇аб̣б̣ам̣ арияамаг̇г̇асам̣бахаарам̣ гад̇ваа. сийд̇ибхааваабхиган̇кинийд̇и саб̣б̣агилзсад̣̇арат̇абарил̣аахавуубасамзна сийд̇ибхаавасан̇каад̇ам̣ арахад̇д̇ам̣ абхиган̇канд̇ий. саб̣б̣асам̣яож̇анагкаязд̇и саб̣б̣зсам̣ сам̣яож̇анаанам̣ каяабхууд̇з ниб̣б̣аанз абхирад̇аа.
Raṇaṃ taritvā kāmānanti kāmānaṃ raṇaṃ taritvā, tañca mayā kātabbaṃ ariyamaggasaṃpahāraṃ katvā. Sītibhāvābhikaṅkhinīti sabbakilesadarathapariḷāhavūpasamena sītibhāvasaṅkhātaṃ arahattaṃ abhikaṅkhantī. Sabbasaṃyojanakkhayeti sabbesaṃ saṃyojanānaṃ khayabhūte nibbāne abhiratā.
язна д̇ин̣н̣аа махзсинод̇и язна арияамаг̇г̇зна б̣уд̣̇д̇хаад̣̇аяо махзсино сам̣саарамахогхам̣ д̇ин̣н̣аа, ахамби д̇зхи г̇ад̇амаг̇г̇ам̣ ануг̇ажчаами, сийлаад̣̇ибадибад̇д̇ияаа анубаабун̣аамийд̇и ад̇т̇о.
Yenatiṇṇā mahesinoti yena ariyamaggena buddhādayo mahesino saṃsāramahoghaṃ tiṇṇā, ahampi tehi gatamaggaṃ anugacchāmi, sīlādipaṭipattiyā anupāpuṇāmīti attho.
д̇хаммадтанд̇и арияапалад̇хаммз тид̇ам̣. анзж̇анд̇и бадиббассад̣̇д̇ха зж̇ад̇ааяа анзж̇анд̇и лад̣̇д̇ханаамам̣ аг̇г̇апалам̣. убасамбаж̇ж̇аад̇и самбаад̣̇зд̇ваа аг̇г̇амаг̇г̇аад̇хиг̇амзна ад̇хиг̇анд̇ваа. жхааяад̇ийд̇и д̇амзва палаж̇жхаанам̣ убаниж̇жхааяад̇и.
Dhammaṭṭhanti ariyaphaladhamme ṭhitaṃ. Anejanti paṭippassaddha ejatāya anejanti laddhanāmaṃ aggaphalaṃ. Upasampajjāti sampādetvā aggamaggādhigamena adhigantvā. Jhāyatīti tameva phalajjhānaṃ upanijjhāyati.
аж̇ж̇адтамий баб̣б̣аж̇ид̇аад̇и баб̣б̣аж̇ид̇аа худ̇ваа баб̣б̣аж̇ид̇ад̇о бадтааяа аж̇ж̇а адтамад̣̇ивасо, ид̇о ад̇ийд̇з адтамияам̣ баб̣б̣аж̇ид̇аад̇и ад̇т̇о. сад̣̇д̇хаад̇и сад̣̇д̇хаасамбаннаа. сад̣̇д̇хаммасобханаад̇и сад̣̇д̇хаммаад̇хиг̇амзна собханаа.
Ajjaṭṭhamī pabbajitāti pabbajitā hutvā pabbajitato paṭṭhāya ajja aṭṭhamadivaso, ito atīte aṭṭhamiyaṃ pabbajitāti attho. Saddhāti saddhāsampannā. Saddhammasobhanāti saddhammādhigamena sobhanā.
бхуж̇иссаад̇и д̣̇аасабхаавасад̣̇исаанам̣ гилзсаанам̣ бахаанзна бхуж̇иссаа. гаамажчанд̣̇аад̣̇иин̣аабаг̇амзна ан̣ан̣аа.
Bhujissāti dāsabhāvasadisānaṃ kilesānaṃ pahānena bhujissā. Kāmacchandādiiṇāpagamena aṇaṇā.
имаа гира д̇иссо г̇аат̇аа баб̣б̣аж̇ид̇ваа адтамз д̣̇ивасз арахад̇д̇ам̣ бад̇ваа ан̃н̃ад̇арасмим̣ ругкамуулз паласамаабад̇д̇им̣ самаабаж̇ж̇ид̇ваа нисиннам̣ т̇зрим̣ бхигкуунам̣ д̣̇ассзд̇ваа басам̣санд̇зна бхаг̇авад̇аа вуд̇д̇аа.
Imā kira tisso gāthā pabbajitvā aṭṭhame divase arahattaṃ patvā aññatarasmiṃ rukkhamūle phalasamāpattiṃ samāpajjitvā nisinnaṃ theriṃ bhikkhūnaṃ dassetvā pasaṃsantena bhagavatā vuttā.
ат̇а сагго д̣̇зваанаминд̣̇о д̇ам̣ бавад̇д̇им̣ д̣̇иб̣б̣зна жагкунаа д̣̇исваа ‘‘звам̣ сад̇т̇аараа басам̣сийяамаанаа аяам̣ т̇зрий яасмаа д̣̇звзхи жа баяирубаасид̇аб̣б̣аа’’д̇и д̇аавад̣̇зва д̇аавад̇им̣сзхи д̣̇звзхи сад̣̇д̇хим̣ убасан̇гамид̇ваа абхиваад̣̇зд̇ваа ан̃ж̇алим̣ баг̇г̇аяха адтааси. д̇ам̣ санд̇хааяа сан̇г̇ийд̇игаарзхи вуд̇д̇ам̣ –
Atha sakko devānamindo taṃ pavattiṃ dibbena cakkhunā disvā ‘‘evaṃ satthārā pasaṃsīyamānā ayaṃ therī yasmā devehi ca payirupāsitabbā’’ti tāvadeva tāvatiṃsehi devehi saddhiṃ upasaṅkamitvā abhivādetvā añjaliṃ paggayha aṭṭhāsi. Taṃ sandhāya saṅgītikārehi vuttaṃ –
‘‘д̇ам̣ сагго д̣̇звасан̇гхзна, убасан̇гамма ид̣̇д̇хияаа;
‘‘Taṃ sakko devasaṅghena, upasaṅkamma iddhiyā;
намассад̇и бхууд̇абад̇и, субхам̣ гаммаарад̇хийд̇ара’’нд̇и.
Namassati bhūtapati, subhaṃ kammāradhītara’’nti.
д̇ад̇т̇а д̇ийсу гаамабхавзсу бхууд̇аанам̣ сад̇д̇аанам̣ бад̇и иссарод̇и гад̇ваа бхууд̇абад̇ийд̇и лад̣̇д̇ханаамо сагго д̣̇зварааж̇аа д̣̇звасан̇гхзна сад̣̇д̇хим̣ д̇ам̣ субхам̣ гаммаарад̇хийд̇арам̣ ад̇д̇ано д̣̇звид̣̇д̇хияаа убасан̇гамма намассад̇и, бан̃жабад̇идтид̇зна ванд̣̇ад̇ийд̇и ад̇т̇о.
Tattha tīsu kāmabhavesu bhūtānaṃ sattānaṃ pati issaroti katvā bhūtapatīti laddhanāmo sakko devarājā devasaṅghena saddhiṃ taṃ subhaṃ kammāradhītaraṃ attano deviddhiyā upasaṅkamma namassati, pañcapatiṭṭhitena vandatīti attho.
субхаагаммаарад̇хийд̇ут̇зрийг̇аат̇ааван̣н̣анаа нидтид̇аа.
Subhākammāradhītutherīgāthāvaṇṇanā niṭṭhitā.
вийсад̇инибаад̇аван̣н̣анаа нидтид̇аа.
Vīsatinipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 5. субхаагаммаарад̇хийд̇ут̇зрийг̇аат̇аа • 5. Subhākammāradhītutherīgāthā
