| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. субхаасид̇аж̇аяасуд̇д̇ам̣
5. Subhāsitajayasuttaṃ
251. саавад̇т̇инид̣̇аанам̣. ‘‘бхууд̇абуб̣б̣ам̣, бхигкавз, д̣̇зваасурасан̇г̇аамо самубаб̣яуул̣хо ахоси. ат̇а ко, бхигкавз, взбажид̇д̇и асуринд̣̇о саггам̣ д̣̇зваанаминд̣̇ам̣ зд̇ад̣̇авожа – ‘ход̇у, д̣̇зваанаминд̣̇а, субхаасид̇зна ж̇аяо’д̇и. ‘ход̇у, взбажид̇д̇и, субхаасид̇зна ж̇аяо’д̇и. ат̇а ко, бхигкавз, д̣̇зваа жа асураа жа баарисаж̇ж̇з табзсум̣ – ‘имз но субхаасид̇ад̣̇уб̣бхаасид̇ам̣ ааж̇ааниссанд̇ий’д̇и. ат̇а ко, бхигкавз, взбажид̇д̇им̣ асуринд̣̇о саггам̣ д̣̇зваанаминд̣̇ам̣ зд̇ад̣̇авожа – ‘бхан̣а, д̣̇зваанаминд̣̇а, г̇аат̇а’нд̇и. звам̣ вуд̇д̇з, бхигкавз, сагго д̣̇зваанаминд̣̇о взбажид̇д̇и асуринд̣̇ам̣ зд̇ад̣̇авожа – ‘д̇умхз квзд̇т̇а, взбажид̇д̇и, буб̣б̣ад̣̇зваа. бхан̣а, взбажид̇д̇и, г̇аат̇а’нд̇и. звам̣ вуд̇д̇з, бхигкавз, взбажид̇д̇и асуринд̣̇о имам̣ г̇аат̇ам̣ абхааси –
251. Sāvatthinidānaṃ. ‘‘Bhūtapubbaṃ, bhikkhave, devāsurasaṅgāmo samupabyūḷho ahosi. Atha kho, bhikkhave, vepacitti asurindo sakkaṃ devānamindaṃ etadavoca – ‘hotu, devānaminda, subhāsitena jayo’ti. ‘Hotu, vepacitti, subhāsitena jayo’ti. Atha kho, bhikkhave, devā ca asurā ca pārisajje ṭhapesuṃ – ‘ime no subhāsitadubbhāsitaṃ ājānissantī’ti. Atha kho, bhikkhave, vepacittiṃ asurindo sakkaṃ devānamindaṃ etadavoca – ‘bhaṇa, devānaminda, gātha’nti. Evaṃ vutte, bhikkhave, sakko devānamindo vepacitti asurindaṃ etadavoca – ‘tumhe khvettha, vepacitti, pubbadevā. Bhaṇa, vepacitti, gātha’nti. Evaṃ vutte, bhikkhave, vepacitti asurindo imaṃ gāthaṃ abhāsi –
‘‘бхияяо б̣аалаа бабхиж̇ж̇зяяум̣, но жасса бадисзд̇хаго;
‘‘Bhiyyo bālā pabhijjeyyuṃ, no cassa paṭisedhako;
д̇асмаа бхусзна д̣̇ан̣д̣зна, д̇хийро б̣аалам̣ нисзд̇хаяз’’д̇и.
Tasmā bhusena daṇḍena, dhīro bālaṃ nisedhaye’’ti.
‘‘бхаасид̇ааяа ко бана, бхигкавз, взбажид̇д̇инаа асуринд̣̇зна г̇аат̇ааяа асураа анумод̣̇им̣су, д̣̇зваа д̇ун̣хий ахзсум̣. ат̇а ко, бхигкавз, взбажид̇д̇и асуринд̣̇о саггам̣ д̣̇зваанаминд̣̇ам̣ зд̇ад̣̇авожа – ‘бхан̣а, д̣̇зваанаминд̣̇а, г̇аат̇а’нд̇и. звам̣ вуд̇д̇з, бхигкавз, сагго д̣̇зваанаминд̣̇о имам̣ г̇аат̇ам̣ абхааси –
‘‘Bhāsitāya kho pana, bhikkhave, vepacittinā asurindena gāthāya asurā anumodiṃsu, devā tuṇhī ahesuṃ. Atha kho, bhikkhave, vepacitti asurindo sakkaṃ devānamindaṃ etadavoca – ‘bhaṇa, devānaminda, gātha’nti. Evaṃ vutte, bhikkhave, sakko devānamindo imaṃ gāthaṃ abhāsi –
‘‘зд̇ад̣̇зва ахам̣ ман̃н̃з, б̣ааласса бадисзд̇ханам̣;
‘‘Etadeva ahaṃ maññe, bālassa paṭisedhanaṃ;
барам̣ сан̇губид̇ам̣ н̃ад̇ваа, яо сад̇о убасаммад̇ий’’д̇и.
Paraṃ saṅkupitaṃ ñatvā, yo sato upasammatī’’ti.
‘‘бхаасид̇ааяа ко бана, бхигкавз, саггзна д̣̇зваанаминд̣̇зна г̇аат̇ааяа, д̣̇зваа анумод̣̇им̣су, асураа д̇ун̣хий ахзсум̣. ат̇а ко, бхигкавз, сагго д̣̇зваанаминд̣̇о взбажид̇д̇им̣ асуринд̣̇ам̣ зд̇ад̣̇авожа – ‘бхан̣а, взбажид̇д̇и, г̇аат̇а’нд̇и. звам̣ вуд̇д̇з, бхигкавз, взбажид̇д̇и асуринд̣̇о имам̣ г̇аат̇ам̣ абхааси –
‘‘Bhāsitāya kho pana, bhikkhave, sakkena devānamindena gāthāya, devā anumodiṃsu, asurā tuṇhī ahesuṃ. Atha kho, bhikkhave, sakko devānamindo vepacittiṃ asurindaṃ etadavoca – ‘bhaṇa, vepacitti, gātha’nti. Evaṃ vutte, bhikkhave, vepacitti asurindo imaṃ gāthaṃ abhāsi –
‘‘зд̇ад̣̇зва д̇ид̇игкааяа, важ̇ж̇ам̣ бассаами ваасава;
‘‘Etadeva titikkhāya, vajjaṃ passāmi vāsava;
яад̣̇аа нам̣ ман̃н̃ад̇и б̣аало, бхаяаа мяааяам̣ д̇ид̇игкад̇и;
Yadā naṃ maññati bālo, bhayā myāyaṃ titikkhati;
аж̇жхаарухад̇и д̣̇уммзд̇хо, г̇ова бхияяо балааяина’’нд̇и.
Ajjhāruhati dummedho, gova bhiyyo palāyina’’nti.
‘‘бхаасид̇ааяа ко бана, бхигкавз, взбажид̇д̇инаа асуринд̣̇зна г̇аат̇ааяа асураа анумод̣̇им̣су, д̣̇зваа д̇ун̣хий ахзсум̣. ат̇а ко, бхигкавз, взбажид̇д̇и асуринд̣̇о саггам̣ д̣̇зваанаминд̣̇ам̣ зд̇ад̣̇авожа – ‘бхан̣а, д̣̇зваанаминд̣̇а, г̇аат̇а’нд̇и. звам̣ вуд̇д̇з, бхигкавз, сагго д̣̇зваанаминд̣̇о имаа г̇аат̇ааяо абхааси –
‘‘Bhāsitāya kho pana, bhikkhave, vepacittinā asurindena gāthāya asurā anumodiṃsu, devā tuṇhī ahesuṃ. Atha kho, bhikkhave, vepacitti asurindo sakkaṃ devānamindaṃ etadavoca – ‘bhaṇa, devānaminda, gātha’nti. Evaṃ vutte, bhikkhave, sakko devānamindo imā gāthāyo abhāsi –
‘‘гаамам̣ ман̃н̃ад̇у ваа маа ваа, бхаяаа мяааяам̣ д̇ид̇игкад̇и;
‘‘Kāmaṃ maññatu vā mā vā, bhayā myāyaṃ titikkhati;
сад̣̇ад̇т̇абарамаа ад̇т̇аа, канд̇яаа бхияяо на виж̇ж̇ад̇и.
Sadatthaparamā atthā, khantyā bhiyyo na vijjati.
‘‘яо хавз б̣алаваа санд̇о, д̣̇уб̣б̣аласса д̇ид̇игкад̇и;
‘‘Yo have balavā santo, dubbalassa titikkhati;
д̇амааху барамам̣ канд̇им̣, нижжам̣ камад̇и д̣̇уб̣б̣ало.
Tamāhu paramaṃ khantiṃ, niccaṃ khamati dubbalo.
‘‘аб̣алам̣ д̇ам̣ б̣алам̣ ааху, яасса б̣аалаб̣алам̣ б̣алам̣;
‘‘Abalaṃ taṃ balaṃ āhu, yassa bālabalaṃ balaṃ;
б̣аласса д̇хаммаг̇уд̇д̇асса, бадивад̇д̇аа на виж̇ж̇ад̇и.
Balassa dhammaguttassa, paṭivattā na vijjati.
‘‘д̇ассзва д̇зна баабияо, яо гуд̣̇д̇хам̣ бадигуж̇жхад̇и;
‘‘Tasseva tena pāpiyo, yo kuddhaṃ paṭikujjhati;
гуд̣̇д̇хам̣ аббадигуж̇жханд̇о, сан̇г̇аамам̣ ж̇зд̇и д̣̇уж̇ж̇аяам̣.
Kuddhaṃ appaṭikujjhanto, saṅgāmaṃ jeti dujjayaṃ.
‘‘убхиннамад̇т̇ам̣ жарад̇и, ад̇д̇ано жа барасса жа;
‘‘Ubhinnamatthaṃ carati, attano ca parassa ca;
барам̣ сан̇губид̇ам̣ н̃ад̇ваа, яо сад̇о убасаммад̇и.
Paraṃ saṅkupitaṃ ñatvā, yo sato upasammati.
‘‘убхиннам̣ д̇игижчанд̇аанам̣, ад̇д̇ано жа барасса жа;
‘‘Ubhinnaṃ tikicchantānaṃ, attano ca parassa ca;
ж̇анаа ман̃н̃анд̇и б̣аалод̇и, яз д̇хаммасса аговид̣̇аа’’д̇и.
Janā maññanti bāloti, ye dhammassa akovidā’’ti.
‘‘бхаасид̇аасу ко бана, бхигкавз, саггзна д̣̇зваанаминд̣̇зна г̇аат̇аасу, д̣̇зваа анумод̣̇им̣су, асураа д̇ун̣хий ахзсум̣. ат̇а ко, бхигкавз, д̣̇зваанан̃жа асураанан̃жа баарисаж̇ж̇аа зд̇ад̣̇авожум̣ – ‘бхаасид̇аа ко взбажид̇д̇инаа асуринд̣̇зна г̇аат̇ааяо. д̇аа жа ко сад̣̇ан̣д̣ааважараа сасад̇т̇ааважараа, ид̇и бхан̣д̣анам̣ ид̇и виг̇г̇ахо ид̇и галахо. бхаасид̇аа ко 1 саггзна д̣̇зваанаминд̣̇зна г̇аат̇ааяо. д̇аа жа ко ад̣̇ан̣д̣ааважараа асад̇т̇ааважараа, ид̇и абхан̣д̣анам̣ ид̇и авиг̇г̇ахо ид̇и агалахо. саггасса д̣̇зваанаминд̣̇асса субхаасид̇зна ж̇аяо’д̇и. ид̇и ко, бхигкавз саггасса д̣̇зваанаминд̣̇асса субхаасид̇зна ж̇аяо ахосий’’д̇и.
‘‘Bhāsitāsu kho pana, bhikkhave, sakkena devānamindena gāthāsu, devā anumodiṃsu, asurā tuṇhī ahesuṃ. Atha kho, bhikkhave, devānañca asurānañca pārisajjā etadavocuṃ – ‘bhāsitā kho vepacittinā asurindena gāthāyo. Tā ca kho sadaṇḍāvacarā sasatthāvacarā, iti bhaṇḍanaṃ iti viggaho iti kalaho. Bhāsitā kho 2 sakkena devānamindena gāthāyo. Tā ca kho adaṇḍāvacarā asatthāvacarā, iti abhaṇḍanaṃ iti aviggaho iti akalaho. Sakkassa devānamindassa subhāsitena jayo’ti. Iti kho, bhikkhave sakkassa devānamindassa subhāsitena jayo ahosī’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. субхаасид̇аж̇аяасуд̇д̇аван̣н̣анаа • 5. Subhāsitajayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. субхаасид̇аж̇аяасуд̇д̇аван̣н̣анаа • 5. Subhāsitajayasuttavaṇṇanā
