| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. субхаасид̇аж̇аяасуд̇д̇аван̣н̣анаа
5. Subhāsitajayasuttavaṇṇanā
251. ‘‘чзгад̇ааяаа’’д̇и вад̇ваа д̇асса вад̇д̇ум̣ чзгабхаавам̣ д̣̇ассзд̇ум̣ ‘‘звам̣ гирассаа’’д̇иаад̣̇имааха. г̇ааханд̇и лад̣̇д̇хим̣. можзд̇ваад̇и яасса буна ‘‘жоро’’д̇и уд̇д̇ари вад̇д̇ум̣ на саггод̇и, звам̣ виможзд̇ваад̇и батамам̣ вад̇д̇ум̣ на саггаа. г̇арууд̇и бхаарияам̣, д̣̇уггаранд̇и ад̇т̇о. бажчаад̇и ‘‘барассаа’’д̇и вуд̇д̇о со гин̃жи батамам̣ вад̣̇анд̇о ад̇д̇ано ад̇хиббааяам̣ бавзд̣̇зд̇и наама, д̇ам̣ яат̇аасад̇д̇и вид̣̇ид̇амано д̇асса уд̇д̇ари вад̇д̇ум̣ саггод̇и. д̇знааха ‘‘барасса важанам̣ ануг̇анд̇ваа бана бажчаа сукам̣ вад̇д̇у’’нд̇и. аби жа асуринд̣̇зна ‘‘ход̇у, д̣̇зваанаминд̣̇а, субхаасид̇зна ж̇аяо’’д̇и батамам̣ вуд̇д̇ам̣, висзсо жа буб̣б̣ам̣ убанзнд̇ам̣ анувад̇д̇ад̇и. важаси гусало сагго д̣̇зварааж̇аа д̇ам̣ висзсам̣ д̇знзва буб̣б̣ам̣ убанаяаабзнд̇о убалаабанавасзна ‘‘д̇умхз квзд̇т̇аа’’д̇иаад̣̇имааха. буб̣б̣ад̣̇зваад̇и саггабамукааяа д̣̇звабарисааяа логз буб̣б̣зва уббаннад̇д̇аа ‘‘буб̣б̣ад̣̇зваа’’д̇и басам̣саважанам̣. взбажид̇д̇им̣ санд̇хааяа ‘‘д̇умхз’’д̇и ‘‘буб̣б̣ад̣̇зваа’’д̇и жа вуд̇д̇ад̇д̇аа ‘‘д̇умхаагам̣ д̇аава бавзн̣иааг̇ад̇ам̣ бхан̣ат̇аа’’д̇и вуд̇д̇ам̣. г̇ааравадтаанияад̇д̇аа взбажид̇д̇ино б̣ахуважанабаяог̇о. д̣̇ан̣д̣зна аважааро аважаран̣ам̣ д̣̇ан̣д̣ааважаро, над̇т̇и зд̇т̇а вуд̇д̇о д̣̇ан̣д̣ааважарод̇и ад̣̇ан̣д̣ааважараа, саггзна вуд̇д̇аа г̇аат̇ааяо.
251.‘‘Chekatāyā’’ti vatvā tassa vattuṃ chekabhāvaṃ dassetuṃ ‘‘evaṃ kirassā’’tiādimāha. Gāhanti laddhiṃ. Mocetvāti yassa puna ‘‘coro’’ti uttari vattuṃ na sakkoti, evaṃ vimocetvāti paṭhamaṃ vattuṃ na sakkā. Garūti bhāriyaṃ, dukkaranti attho. Pacchāti ‘‘parassā’’ti vutto so kiñci paṭhamaṃ vadanto attano adhippāyaṃ pavedeti nāma, taṃ yathāsatti viditamano tassa uttari vattuṃ sakkoti. Tenāha ‘‘parassa vacanaṃ anugantvā pana pacchā sukhaṃ vattu’’nti. Api ca asurindena ‘‘hotu, devānaminda, subhāsitena jayo’’ti paṭhamaṃ vuttaṃ, viseso ca pubbaṃ upanentaṃ anuvattati. Vacasi kusalo sakko devarājā taṃ visesaṃ teneva pubbaṃ upanayāpento upalāpanavasena ‘‘tumhe khvetthā’’tiādimāha. Pubbadevāti sakkapamukhāya devaparisāya loke pubbeva uppannattā ‘‘pubbadevā’’ti pasaṃsavacanaṃ. Vepacittiṃ sandhāya ‘‘tumhe’’ti ‘‘pubbadevā’’ti ca vuttattā ‘‘tumhākaṃ tāva paveṇiāgataṃ bhaṇathā’’ti vuttaṃ. Gāravaṭṭhāniyattā vepacittino bahuvacanapayogo. Daṇḍena avacāro avacaraṇaṃ daṇḍāvacaro, natthi ettha vutto daṇḍāvacaroti adaṇḍāvacarā, sakkena vuttā gāthāyo.
субхаасид̇аж̇аяасуд̇д̇аван̣н̣анаа нидтид̇аа.
Subhāsitajayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. субхаасид̇аж̇аяасуд̇д̇ам̣ • 5. Subhāsitajayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. субхаасид̇аж̇аяасуд̇д̇аван̣н̣анаа • 5. Subhāsitajayasuttavaṇṇanā
