| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. субхаасид̇асуд̇д̇ам̣
5. Subhāsitasuttaṃ
213. саавад̇т̇инид̣̇аанам̣. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
213. Sāvatthinidānaṃ. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘жад̇уухи, бхигкавз, ан̇г̇зхи саманнааг̇ад̇аа ваажаа субхаасид̇аа ход̇и, но д̣̇уб̣бхаасид̇аа; анаваж̇ж̇аа жа анануваж̇ж̇аа жа вин̃н̃уунам̣. гад̇амзхи жад̇уухи? ид̇ха, бхигкавз, бхигку субхаасид̇ам̣язва бхаасад̇и но д̣̇уб̣бхаасид̇ам̣, д̇хаммам̣язва бхаасад̇и но ад̇хаммам̣, бияам̣язва бхаасад̇и но аббияам̣, сажжам̣язва бхаасад̇и но алигам̣. имзхи ко, бхигкавз, жад̇уухи ан̇г̇зхи саманнааг̇ад̇аа ваажаа субхаасид̇аа ход̇и, но д̣̇уб̣бхаасид̇аа, анаваж̇ж̇аа жа анануваж̇ж̇аа жа вин̃н̃ууна’’нд̇и. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
‘‘Catūhi, bhikkhave, aṅgehi samannāgatā vācā subhāsitā hoti, no dubbhāsitā; anavajjā ca ananuvajjā ca viññūnaṃ. Katamehi catūhi? Idha, bhikkhave, bhikkhu subhāsitaṃyeva bhāsati no dubbhāsitaṃ, dhammaṃyeva bhāsati no adhammaṃ, piyaṃyeva bhāsati no appiyaṃ, saccaṃyeva bhāsati no alikaṃ. Imehi kho, bhikkhave, catūhi aṅgehi samannāgatā vācā subhāsitā hoti, no dubbhāsitā, anavajjā ca ananuvajjā ca viññūna’’nti. Idamavoca bhagavā, idaṃ vatvāna sugato athāparaṃ etadavoca satthā –
‘‘субхаасид̇ам̣ уд̇д̇амамааху санд̇о,
‘‘Subhāsitaṃ uttamamāhu santo,
д̇хаммам̣ бхан̣з наад̇хаммам̣ д̇ам̣ д̣̇уд̇ияам̣;
Dhammaṃ bhaṇe nādhammaṃ taṃ dutiyaṃ;
бияам̣ бхан̣з нааббияам̣ д̇ам̣ д̇ад̇ияам̣,
Piyaṃ bhaṇe nāppiyaṃ taṃ tatiyaṃ,
сажжам̣ бхан̣з наалигам̣ д̇ам̣ жад̇уд̇т̇а’’нд̇и.
Saccaṃ bhaṇe nālikaṃ taṃ catuttha’’nti.
ат̇а ко ааяасмаа ван̇г̇ийсо удтааяаасанаа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘бадибхаад̇и мам̣ бхаг̇аваа, бадибхаад̇и мам̣ суг̇ад̇аа’’д̇и. ‘‘бадибхаад̇у д̇ам̣ ван̇г̇ийсаа’’д̇и бхаг̇аваа авожа. ат̇а ко ааяасмаа ван̇г̇ийсо бхаг̇аванд̇ам̣ саммукаа сааруббаахи г̇аат̇аахи абхид̇т̇ави –
Atha kho āyasmā vaṅgīso uṭṭhāyāsanā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā bhagavantaṃ etadavoca – ‘‘paṭibhāti maṃ bhagavā, paṭibhāti maṃ sugatā’’ti. ‘‘Paṭibhātu taṃ vaṅgīsā’’ti bhagavā avoca. Atha kho āyasmā vaṅgīso bhagavantaṃ sammukhā sāruppāhi gāthāhi abhitthavi –
‘‘д̇амзва ваажам̣ бхаасзяяа, яааяад̇д̇аанам̣ на д̇аабаяз;
‘‘Tameva vācaṃ bhāseyya, yāyattānaṃ na tāpaye;
барз жа на вихим̣сзяяа, саа вз ваажаа субхаасид̇аа.
Pare ca na vihiṃseyya, sā ve vācā subhāsitā.
‘‘бияаваажам̣ва бхаасзяяа, яаа ваажаа бадинанд̣̇ид̇аа;
‘‘Piyavācaṃva bhāseyya, yā vācā paṭinanditā;
яам̣ анаад̣̇ааяа баабаани, барзсам̣ бхаасад̇з бияам̣.
Yaṃ anādāya pāpāni, paresaṃ bhāsate piyaṃ.
‘‘сажжам̣ вз амад̇аа ваажаа, зса д̇хаммо сананд̇ано;
‘‘Saccaṃ ve amatā vācā, esa dhammo sanantano;
сажжз ад̇т̇з жа д̇хаммз жа, ааху санд̇о бад̇идтид̇аа.
Sacce atthe ca dhamme ca, āhu santo patiṭṭhitā.
‘‘яам̣ б̣уд̣̇д̇хо бхаасад̇з ваажам̣, кзмам̣ ниб̣б̣аанабад̇д̇ияаа;
‘‘Yaṃ buddho bhāsate vācaṃ, khemaṃ nibbānapattiyā;
д̣̇угкассанд̇агирияааяа, саа вз ваажаанамуд̇д̇амаа’’д̇и.
Dukkhassantakiriyāya, sā ve vācānamuttamā’’ti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. субхаасид̇асуд̇д̇аван̣н̣анаа • 5. Subhāsitasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. субхаасид̇асуд̇д̇аван̣н̣анаа • 5. Subhāsitasuttavaṇṇanā
