| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. субхаасид̇асуд̇д̇аван̣н̣анаа
5. Subhāsitasuttavaṇṇanā
213. бан̃жамз ан̇г̇зхийд̇и гааран̣зхи, аваяавзхи ваа. мусааваад̣̇аавзраман̣иаад̣̇ийни хи жад̇д̇аари субхаасид̇аваажааяа гааран̣аани, сажжаважанаад̣̇аяо жад̇д̇ааро аваяаваа. гааран̣ад̇т̇з жа ан̇г̇асад̣̇д̣̇з ‘‘жад̇уухий’’д̇и ниссаггаважанам̣ ход̇и, аваяавад̇т̇з гаран̣аважанам̣. саманнааг̇ад̇аад̇и самануааг̇ад̇аа бавад̇д̇аа яуд̇д̇аа жа. ваажаад̇и самуллабанаваажаа, яаа ‘‘ваажаа г̇ираа б̣яаббат̇о’’д̇и (д̇ха. са. 636) жа, ‘‘нзлаа ган̣н̣асукаа’’д̇и (д̣̇ий. ни. 1.9) жа ааг̇ад̇аа. ‘‘яаа бана ваажааяа жз гад̇ам̣ гамма’’нд̇и звам̣ вин̃н̃ад̇д̇и жа ‘‘яаа жад̇уухи важийд̣̇ужжарид̇зхи аарад̇и…бз… аяам̣ вужжад̇и саммааваажаа’’д̇и (вибха. 206) звам̣ вирад̇и жа, ‘‘парусаваажаа, бхигкавз, аасзвид̇аа бхаавид̇аа б̣ахулийгад̇аа нираяасам̣вад̇д̇анигаа ход̇ий’’д̇и (а. ни. 8.40) звам̣ жзд̇анаа жа ваажаад̇и ааг̇ад̇аа, на саа ид̇ха ад̇хиббзд̇аа. гасмаа? абхаасид̇аб̣б̣ад̇о. субхаасид̇аад̇и судту бхаасид̇аа. д̇знассаа ад̇т̇аавахад̇ам̣ д̣̇ийбзд̇и. но д̣̇уб̣бхаасид̇аад̇и на д̣̇удту бхаасид̇аа. д̇знассаа анад̇т̇ааваханабахаанад̇ам̣ д̣̇ийбзд̇и. анаваж̇ж̇аад̇и рааг̇аад̣̇иваж̇ж̇арахид̇аа. иминаассаа гааран̣асуд̣̇д̇хим̣ жад̇уд̣̇осаабхааван̃жа д̣̇ийбзд̇и. анануваж̇ж̇аад̇и ануваад̣̇авимуд̇д̇аа . иминаассаа саб̣б̣аагаарасамбад̇д̇им̣ д̣̇ийбзд̇и. вин̃н̃уунанд̇и бан̣д̣ид̇аанам̣. д̇зна нинд̣̇аабасам̣саасу б̣аалаа аббамаан̣аад̇и д̣̇ийбзд̇и.
213. Pañcame aṅgehīti kāraṇehi, avayavehi vā. Musāvādāveramaṇiādīni hi cattāri subhāsitavācāya kāraṇāni, saccavacanādayo cattāro avayavā. Kāraṇatthe ca aṅgasadde ‘‘catūhī’’ti nissakkavacanaṃ hoti, avayavatthe karaṇavacanaṃ. Samannāgatāti samanuāgatā pavattā yuttā ca. Vācāti samullapanavācā, yā ‘‘vācā girā byappatho’’ti (dha. sa. 636) ca, ‘‘nelā kaṇṇasukhā’’ti (dī. ni. 1.9) ca āgatā. ‘‘Yā pana vācāya ce kataṃ kamma’’nti evaṃ viññatti ca ‘‘yā catūhi vacīduccaritehi ārati…pe… ayaṃ vuccati sammāvācā’’ti (vibha. 206) evaṃ virati ca, ‘‘pharusavācā, bhikkhave, āsevitā bhāvitā bahulīkatā nirayasaṃvattanikā hotī’’ti (a. ni. 8.40) evaṃ cetanā ca vācāti āgatā, na sā idha adhippetā. Kasmā? Abhāsitabbato. Subhāsitāti suṭṭhu bhāsitā. Tenassā atthāvahataṃ dīpeti. No dubbhāsitāti na duṭṭhu bhāsitā. Tenassā anatthāvahanapahānataṃ dīpeti. Anavajjāti rāgādivajjarahitā. Imināssā kāraṇasuddhiṃ catudosābhāvañca dīpeti. Ananuvajjāti anuvādavimuttā . Imināssā sabbākārasampattiṃ dīpeti. Viññūnanti paṇḍitānaṃ. Tena nindāpasaṃsāsu bālā appamāṇāti dīpeti.
субхаасид̇ам̣язва бхаасад̇ийд̇и буг̇г̇алаад̇хидтаанааяа д̣̇зсанааяа жад̇уусу ваажан̇г̇зсу ан̃н̃ад̇аранид̣̇д̣̇осаважанамзд̇ам̣. но д̣̇уб̣бхаасид̇анд̇и д̇ассзва ваажан̇г̇асса бадибагкабхаасананивааран̣ам̣. но д̣̇уб̣бхаасид̇анд̇и иминаа мижчааваажаббахаанам̣ д̣̇ийбзд̇и. субхаасид̇анд̇и иминаа бахийнамижчааваажзна бхаасид̇аб̣б̣аважаналагкан̣ам̣. ан̇г̇абарид̣̇ийбанад̇т̇ам̣ банзд̇т̇а абхаасид̇аб̣б̣ам̣ буб̣б̣з авад̇ваа бхаасид̇аб̣б̣амзвааха. зса наяо д̇хаммам̣язваад̇иаад̣̇ийсуби. зд̇т̇а жа батамзна бисун̣ад̣̇осарахид̇ам̣ самаг̇г̇агаран̣ам̣ важанам̣ вуд̇д̇ам̣, д̣̇уд̇иязна сампаббалаабад̣̇осарахид̇ам̣ д̇хаммад̇о анабзд̇ам̣ манд̇ааважанам̣, ид̇арзхи д̣̇вийхи парусаалигарахид̇аани бияасажжаважанаани. имзхи код̇и аад̣̇инаа д̇аани ан̇г̇аани бажжагкад̇о д̣̇ассзнд̇о д̇ам̣ ваажам̣ ниг̇амзд̇и. яан̃жа ан̃н̃з бадин̃н̃аад̣̇ийхи аваяавзхи, наамаад̣̇ийхи бад̣̇зхи, лин̇г̇аважанавибхад̇д̇игаалагаарагасамбад̇д̇ийхи жа саманнааг̇ад̇ам̣ мусааваад̣̇аад̣̇иваажамби субхаасид̇анд̇и ман̃н̃анд̇и, д̇ам̣ бадисзд̇хзд̇и. аваяаваад̣̇исаманнааг̇ад̇ааби хи д̇ат̇ааруубий ваажаа д̣̇уб̣бхаасид̇аава ход̇и ад̇д̇ано жа барзсан̃жа анад̇т̇аавахад̇д̇аа. имзхи бана жад̇уухан̇г̇зхи саманнааг̇ад̇аа сажзби милагкубхаасаабарияаабаннаа гхадажздигааг̇ийд̇игабарияаабаннааби ход̇и, д̇ат̇ааби субхаасид̇аава логияалогуд̇д̇арахид̇асукаавахад̇д̇аа. д̇ат̇аа хи маг̇г̇абассз сассам̣ рагканд̇ияаа сийхал̣ажздигааяа сийхал̣агзнзва ж̇аад̇иж̇араамаран̣аяуд̇д̇ам̣ г̇ийд̇игам̣ г̇ааяанд̇ияаа сад̣̇д̣̇ам̣ суд̇ваа маг̇г̇ам̣ г̇ажчанд̇аа садтимад̇д̇аа вибассагаа бхигкуу арахад̇д̇ам̣ баабун̣им̣су. д̇ат̇аа д̇иссо наама аарад̣̇д̇хавибассаго бхигку бад̣̇умасарасамийбзна г̇ажчанд̇о бад̣̇умасарз бад̣̇умаани бхан̃ж̇ид̇ваа –
Subhāsitaṃyevabhāsatīti puggalādhiṭṭhānāya desanāya catūsu vācaṅgesu aññataraniddosavacanametaṃ. No dubbhāsitanti tasseva vācaṅgassa paṭipakkhabhāsananivāraṇaṃ. No dubbhāsitanti iminā micchāvācappahānaṃ dīpeti. Subhāsitanti iminā pahīnamicchāvācena bhāsitabbavacanalakkhaṇaṃ. Aṅgaparidīpanatthaṃ panettha abhāsitabbaṃ pubbe avatvā bhāsitabbamevāha. Esa nayo dhammaṃyevātiādīsupi. Ettha ca paṭhamena pisuṇadosarahitaṃ samaggakaraṇaṃ vacanaṃ vuttaṃ, dutiyena samphappalāpadosarahitaṃ dhammato anapetaṃ mantāvacanaṃ, itarehi dvīhi pharusālikarahitāni piyasaccavacanāni. Imehi khoti ādinā tāni aṅgāni paccakkhato dassento taṃ vācaṃ nigameti. Yañca aññe paṭiññādīhi avayavehi, nāmādīhi padehi, liṅgavacanavibhattikālakārakasampattīhi ca samannāgataṃ musāvādādivācampi subhāsitanti maññanti, taṃ paṭisedheti. Avayavādisamannāgatāpi hi tathārūpī vācā dubbhāsitāva hoti attano ca paresañca anatthāvahattā. Imehi pana catūhaṅgehi samannāgatā sacepi milakkhubhāsāpariyāpannā ghaṭaceṭikāgītikapariyāpannāpi hoti, tathāpi subhāsitāva lokiyalokuttarahitasukhāvahattā. Tathā hi maggapasse sassaṃ rakkhantiyā sīhaḷaceṭikāya sīhaḷakeneva jātijarāmaraṇayuttaṃ gītikaṃ gāyantiyā saddaṃ sutvā maggaṃ gacchantā saṭṭhimattā vipassakā bhikkhū arahattaṃ pāpuṇiṃsu. Tathā tisso nāma āraddhavipassako bhikkhu padumasarasamīpena gacchanto padumasare padumāni bhañjitvā –
‘‘баад̇ова пуллид̇агоганад̣̇ам̣, суурияаалогзна бхиж̇ж̇ияад̇з;
‘‘Pātova phullitakokanadaṃ, sūriyālokena bhijjiyate;
звам̣ мануссад̇д̇ам̣ г̇ад̇аа сад̇д̇аа, ж̇араабхивзг̇зна мад̣̇д̣̇ияанд̇ий’’д̇и. –
Evaṃ manussattaṃ gatā sattā, jarābhivegena maddiyantī’’ti. –
имам̣ г̇ийд̇игам̣ г̇ааяанд̇ияаа жздигааяа суд̇ваа арахад̇д̇ам̣ бад̇д̇о.
Imaṃ gītikaṃ gāyantiyā ceṭikāya sutvā arahattaṃ patto.
б̣уд̣̇д̇ханд̇арзби ан̃н̃ад̇аро бурисо сад̇д̇ахи буд̇д̇зхи сад̣̇д̇хим̣ адавид̇о ааг̇амма ан̃н̃ад̇арааяа ид̇т̇ияаа мусалзна д̇ан̣д̣улз годдзнд̇ияаа –
Buddhantarepi aññataro puriso sattahi puttehi saddhiṃ aṭavito āgamma aññatarāya itthiyā musalena taṇḍule koṭṭentiyā –
‘‘ж̇арааяа баримад̣̇д̣̇ид̇ам̣ зд̇ам̣, милаад̇ачавижамманиссид̇ам̣;
‘‘Jarāya parimadditaṃ etaṃ, milātachavicammanissitaṃ;
маран̣зна бхиж̇ж̇ад̇и зд̇ам̣, мажжусса гхаасамаамисам̣.
Maraṇena bhijjati etaṃ, maccussa ghāsamāmisaṃ.
‘‘гимийнам̣ аалаяам̣ зд̇ам̣, наанаагун̣абзна буурид̇ам̣;
‘‘Kimīnaṃ ālayaṃ etaṃ, nānākuṇapena pūritaṃ;
асужисса бхааж̇анам̣ зд̇ам̣, гад̣̇алигканд̇хасамам̣ ид̣̇а’’нд̇и. –
Asucissa bhājanaṃ etaṃ, kadalikkhandhasamaṃ ida’’nti. –
имам̣ г̇ийд̇игам̣ суд̇ваа бажжавзгканд̇о саха буд̇д̇зхи бажжзгаб̣од̇хим̣ бад̇д̇о. звам̣ имзхи жад̇уухи ан̇г̇зхи саманнааг̇ад̇аа ваажаа сажзби милагкубхаасаабарияаабаннаа гхадажздигааг̇ийд̇игабарияаабаннааби ход̇и, д̇ат̇ааби субхаасид̇аад̇и взд̣̇ид̇аб̣б̣аа. субхаасид̇ад̇д̇аа зва жа анаваж̇ж̇аа жа анануваж̇ж̇аа жа вин̃н̃уунам̣ ад̇т̇ад̇т̇игаанам̣ ад̇т̇абадисаран̣аанам̣, но б̣яан̃ж̇анабадисаран̣аананд̇и.
Imaṃ gītikaṃ sutvā paccavekkhanto saha puttehi paccekabodhiṃ patto. Evaṃ imehi catūhi aṅgehi samannāgatā vācā sacepi milakkhubhāsāpariyāpannā ghaṭaceṭikāgītikapariyāpannāpi hoti, tathāpi subhāsitāti veditabbā. Subhāsitattā eva ca anavajjā ca ananuvajjā ca viññūnaṃ atthatthikānaṃ atthapaṭisaraṇānaṃ, no byañjanapaṭisaraṇānanti.
сааруббаахийд̇и анужчавигаахи. абхид̇т̇авийд̇и басам̣си. на д̇аабаязд̇и виббадисаарзна на д̇аабзяяа на виб̣аад̇хзяяа. барзд̇и барзхи бхинд̣̇анд̇о наабхибхавзяяа на б̣аад̇хзяяа. ид̇и имааяа г̇аат̇ааяа абисун̣аваажаавасзна бхаг̇аванд̇ам̣ т̇омзд̇и. бадинанд̣̇ид̇аад̇и бияааяид̇аа. яам̣ анаад̣̇ааяаад̇и яам̣ ваажам̣ бхаасанд̇о барзсам̣ баабаани аббияаани парусаважанаани анаад̣̇ааяа ад̇т̇аб̣яан̃ж̇анамад̇хурам̣ бияамзва бхаасад̇и, д̇ам̣ ваажам̣ бхаасзяяаад̇и бияаваажаавасзна абхид̇т̇ави.
Sāruppāhīti anucchavikāhi. Abhitthavīti pasaṃsi. Na tāpayeti vippaṭisārena na tāpeyya na vibādheyya. Pareti parehi bhindanto nābhibhaveyya na bādheyya. Iti imāya gāthāya apisuṇavācāvasena bhagavantaṃ thometi. Paṭinanditāti piyāyitā. Yaṃ anādāyāti yaṃ vācaṃ bhāsanto paresaṃ pāpāni appiyāni pharusavacanāni anādāya atthabyañjanamadhuraṃ piyameva bhāsati, taṃ vācaṃ bhāseyyāti piyavācāvasena abhitthavi.
амад̇аад̇и саад̇хубхаавзна амад̇асад̣̇исаа. вуд̇д̇амби хзд̇ам̣ – ‘‘сажжам̣ хавз саад̣̇уд̇арам̣ расаана’’нд̇и (сам̣. ни. 1.246) ниб̣б̣аанаамад̇абажжаяад̇д̇аа ваа амад̇аа. зса д̇хаммо сананд̇анод̇и яаа аяам̣ сажжаваажаа наама, зса бораан̣о д̇хаммо жарияаа бавзн̣ий. ид̣̇амзва хи бораан̣аанам̣ аажин̣н̣ам̣, на д̇з алигам̣ бхаасим̣су. д̇знзвааха – сажжз ад̇т̇з жа д̇хаммз жа, ааху санд̇о бад̇идтид̇аад̇и.
Amatāti sādhubhāvena amatasadisā. Vuttampi hetaṃ – ‘‘saccaṃ have sādutaraṃ rasāna’’nti (saṃ. ni. 1.246) nibbānāmatapaccayattā vā amatā. Esa dhammo sanantanoti yā ayaṃ saccavācā nāma, esa porāṇo dhammo cariyā paveṇī. Idameva hi porāṇānaṃ āciṇṇaṃ, na te alikaṃ bhāsiṃsu. Tenevāha – sacce atthe ca dhamme ca, āhu santo patiṭṭhitāti.
д̇ад̇т̇а сажжз бад̇идтид̇ад̇д̇аава ад̇д̇ано жа барзсан̃жа ад̇т̇з бад̇идтид̇аа, ад̇т̇з бад̇идтид̇ад̇д̇аа зва д̇хаммз бад̇идтид̇аа хонд̇ийд̇и взд̣̇ид̇аб̣б̣аа. сажжависзсанамзва ваа зд̇ам̣. ид̣̇ам̣ хи вуд̇д̇ам̣ ход̇и – сажжз бад̇идтид̇аа, гийд̣̇исз? ад̇т̇з жа д̇хаммз жа, яам̣ барзсам̣ ад̇т̇ад̇о анабзд̇ад̇д̇аа ад̇т̇ам̣ анубарод̇хагарам̣ , д̇хаммад̇о анабзд̇ад̇д̇аа д̇хаммам̣ д̇хаммигамзва ад̇т̇ам̣ саад̇хзд̇ийд̇и. ид̇и имааяа г̇аат̇ааяа сажжаважанавасзна абхид̇т̇ави.
Tattha sacce patiṭṭhitattāva attano ca paresañca atthe patiṭṭhitā, atthe patiṭṭhitattā eva dhamme patiṭṭhitā hontīti veditabbā. Saccavisesanameva vā etaṃ. Idaṃ hi vuttaṃ hoti – sacce patiṭṭhitā, kīdise? Atthe ca dhamme ca, yaṃ paresaṃ atthato anapetattā atthaṃ anuparodhakaraṃ , dhammato anapetattā dhammaṃ dhammikameva atthaṃ sādhetīti. Iti imāya gāthāya saccavacanavasena abhitthavi.
кзманд̇и абхаяам̣ нирубад̣̇д̣̇авам̣. гзна гааран̣знаад̇и жз. ниб̣б̣аанабад̇д̇ияаа д̣̇угкассанд̇агирияааяа, яасмаа гилзсаниб̣б̣аанам̣ баабзд̇и, ваддад̣̇угкасса жа анд̇агирияааяа сам̣вад̇д̇ад̇ийд̇и ад̇т̇о. ат̇а ваа яам̣ б̣уд̣̇д̇хо ниб̣б̣аанабад̇д̇ияаа д̣̇угкассанд̇агирияааяаад̇и д̣̇виннам̣ ниб̣б̣аанад̇хаад̇уунам̣ ад̇т̇ааяа кзмамаг̇г̇аббагаасанад̇о кзмам̣ ваажам̣ бхаасад̇и, саа вз ваажаанамуд̇д̇амаад̇и саа ваажаа саб̣б̣аваажаанам̣ сздтаад̇и звамзд̇т̇а ад̇т̇о д̣̇адтаб̣б̣о. ид̇и имааяа г̇аат̇ааяа манд̇ааважанавасзна бхаг̇аванд̇ам̣ абхид̇т̇аванд̇о арахад̇д̇анигуудзна д̣̇зсанам̣ нидтабзсийд̇и. бан̃жамам̣.
Khemanti abhayaṃ nirupaddavaṃ. Kena kāraṇenāti ce. Nibbānapattiyā dukkhassantakiriyāya, yasmā kilesanibbānaṃ pāpeti, vaṭṭadukkhassa ca antakiriyāya saṃvattatīti attho. Atha vā yaṃ buddho nibbānapattiyā dukkhassantakiriyāyāti dvinnaṃ nibbānadhātūnaṃ atthāya khemamaggappakāsanato khemaṃ vācaṃ bhāsati, sā ve vācānamuttamāti sā vācā sabbavācānaṃ seṭṭhāti evamettha attho daṭṭhabbo. Iti imāya gāthāya mantāvacanavasena bhagavantaṃ abhitthavanto arahattanikūṭena desanaṃ niṭṭhapesīti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. субхаасид̇асуд̇д̇ам̣ • 5. Subhāsitasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. субхаасид̇асуд̇д̇аван̣н̣анаа • 5. Subhāsitasuttavaṇṇanā
