| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
3. субхаасид̇асуд̇д̇аван̣н̣анаа
3. Subhāsitasuttavaṇṇanā
звам̣ мз суд̇анд̇и субхаасид̇асуд̇д̇ам̣. ад̇д̇аж̇жхаасаяад̇о жасса уббад̇д̇и. бхаг̇аваа хи субхаасид̇аббияо, со ад̇д̇ано субхаасид̇асамуд̣̇аажаараббагаасанзна сад̇д̇аанам̣ д̣̇уб̣бхаасид̇асамуд̣̇аажаарам̣ бадисзд̇хзнд̇о имам̣ суд̇д̇амабхааси. д̇ад̇т̇а звам̣ мз суд̇анд̇иаад̣̇и сан̇г̇ийд̇игаараважанам̣. д̇ад̇т̇а д̇ад̇ра ко бхаг̇аваа…бз… бхад̣̇анд̇зд̇и д̇з бхигкууд̇и зд̇ам̣ абуб̣б̣ам̣, сзсам̣ вуд̇д̇анаяамзва. д̇асмаа абуб̣б̣абад̣̇аван̣н̣анад̇т̇амид̣̇ам̣ вужжад̇и – д̇ад̇раад̇и д̣̇зсагаалабарид̣̇ийбанам̣. д̇ан̃хи яам̣ самаяам̣ вихарад̇и, д̇ад̇ра самаяз, яасмин̃жа аараамз вихарад̇и, д̇ад̇ра аараамзд̇и д̣̇ийбзд̇и. бхаасид̇аб̣б̣аяуд̇д̇з ваа д̣̇зсагаалз д̣̇ийбзд̇и. на хи бхаг̇аваа аяуд̇д̇з д̣̇зсз гаалз ваа д̇хаммам̣ бхаасад̇и. ‘‘агаало ко, д̇аава, б̣аахияаа’’д̇иаад̣̇и (уд̣̇аа. 10) жзд̇т̇а саад̇хагам̣. код̇и бад̣̇абууран̣амад̇д̇з авад̇хааран̣аад̣̇игаалад̇т̇з ваа нибаад̇о. бхаг̇аваад̇и логаг̇арубарид̣̇ийбанам̣. бхигкууд̇и гат̇аасаванаяуд̇д̇абуг̇г̇алабарид̣̇ийбанам̣. ааманд̇зсийд̇и аалаби абхааси самб̣од̇хзси.
Evaṃme sutanti subhāsitasuttaṃ. Attajjhāsayato cassa uppatti. Bhagavā hi subhāsitappiyo, so attano subhāsitasamudācārappakāsanena sattānaṃ dubbhāsitasamudācāraṃ paṭisedhento imaṃ suttamabhāsi. Tattha evaṃ me sutantiādi saṅgītikāravacanaṃ. Tattha tatra kho bhagavā…pe… bhadanteti te bhikkhūti etaṃ apubbaṃ, sesaṃ vuttanayameva. Tasmā apubbapadavaṇṇanatthamidaṃ vuccati – tatrāti desakālaparidīpanaṃ. Tañhi yaṃ samayaṃ viharati, tatra samaye, yasmiñca ārāme viharati, tatra ārāmeti dīpeti. Bhāsitabbayutte vā desakāle dīpeti. Na hi bhagavā ayutte dese kāle vā dhammaṃ bhāsati. ‘‘Akālo kho, tāva, bāhiyā’’tiādi (udā. 10) cettha sādhakaṃ. Khoti padapūraṇamatte avadhāraṇādikālatthe vā nipāto. Bhagavāti lokagaruparidīpanaṃ. Bhikkhūti kathāsavanayuttapuggalaparidīpanaṃ. Āmantesīti ālapi abhāsi sambodhesi.
бхигкавод̇и ааманд̇анаагаарабарид̣̇ийбанам̣. д̇ан̃жа бхигканасийлад̇аад̣̇иг̇ун̣аяог̇асид̣̇д̇хад̇д̇аа вуд̇д̇ам̣. д̇зна нзсам̣ хийнаад̇хигаж̇анасзвид̇ам̣ вуд̇д̇им̣ багаасзнд̇о уд̣̇д̇хад̇ад̣̇ийнабхааваниг̇г̇ахам̣ гарод̇и. ‘‘бхигкаво’’д̇и иминаа жа гарун̣аавибпаарасоммахад̣̇аяанаяананибаад̇абуб̣б̣ан̇г̇амзна важанзна д̇з ад̇д̇ано мукаабхимукз гарид̇ваа д̇знзва гат̇зд̇угамяад̇аад̣̇ийбагзна важанзна д̇зсам̣ сод̇угамяад̇ам̣ ж̇анзд̇и, д̇знзва жа самб̣од̇ханад̇т̇зна важанзна саад̇хугасаванаманасигаарзби д̇з нияож̇зд̇и. саад̇хугасаванаманасигаарааяад̇д̇аа хи саасанасамбад̇д̇и. абарзсуби д̣̇звамануссзсу виж̇ж̇амаанзсу гасмаа бхигкуу зва ааманд̇зсийд̇и жз? ж̇здтасздтаасаннасад̣̇аасаннихид̇абхаавад̇о. саб̣б̣абарисасаад̇хааран̣аа хи аяам̣ д̇хаммад̣̇зсанаа, на баадибуг̇г̇алигаа. барисааяа жа ж̇здтаа бхигкуу батамуббаннад̇д̇аа, сздтаа анаг̇аарияабхаавам̣ аад̣̇им̣ гад̇ваа сад̇т̇у жарияаанувид̇хааяагад̇д̇аа сагаласаасанабадиг̇г̇аахагад̇д̇аа жа. аасаннаа д̇ад̇т̇а нисиннзсу сад̇т̇у санд̇игад̇д̇аа, сад̣̇аа саннихид̇аа сад̇т̇у санд̇игааважарад̇д̇аа. д̇зна бхаг̇аваа саб̣б̣абарисасаад̇хааран̣ам̣ д̇хаммам̣ д̣̇зсзнд̇о бхигкуу зва ааманд̇зси. абижа бхааж̇анам̣ д̇з имааяа гат̇ааяа яат̇аанусидтам̣ бадибад̇д̇исаб̣бхаавад̇од̇иби д̇з зва ааманд̇зси. бхад̣̇анд̇зд̇и г̇аараваад̇хиважанамзд̇ам̣. д̇з бхигкууд̇и яз бхаг̇аваа ааманд̇зси, д̇з звам̣ бхаг̇аванд̇ам̣ аалабанд̇аа бхаг̇авад̇о бажжассосунд̇и.
Bhikkhavoti āmantanākāraparidīpanaṃ. Tañca bhikkhanasīlatādiguṇayogasiddhattā vuttaṃ. Tena nesaṃ hīnādhikajanasevitaṃ vuttiṃ pakāsento uddhatadīnabhāvaniggahaṃ karoti. ‘‘Bhikkhavo’’ti iminā ca karuṇāvipphārasommahadayanayananipātapubbaṅgamena vacanena te attano mukhābhimukhe karitvā teneva kathetukamyatādīpakena vacanena tesaṃ sotukamyataṃ janeti, teneva ca sambodhanatthena vacanena sādhukasavanamanasikārepi te niyojeti. Sādhukasavanamanasikārāyattā hi sāsanasampatti. Aparesupi devamanussesu vijjamānesu kasmā bhikkhū eva āmantesīti ce? Jeṭṭhaseṭṭhāsannasadāsannihitabhāvato. Sabbaparisasādhāraṇā hi ayaṃ dhammadesanā, na pāṭipuggalikā. Parisāya ca jeṭṭhā bhikkhū paṭhamuppannattā, seṭṭhā anagāriyabhāvaṃ ādiṃ katvā satthu cariyānuvidhāyakattā sakalasāsanapaṭiggāhakattā ca. Āsannā tattha nisinnesu satthu santikattā, sadā sannihitā satthu santikāvacarattā. Tena bhagavā sabbaparisasādhāraṇaṃ dhammaṃ desento bhikkhū eva āmantesi. Apica bhājanaṃ te imāya kathāya yathānusiṭṭhaṃ paṭipattisabbhāvatotipi te eva āmantesi. Bhadanteti gāravādhivacanametaṃ. Te bhikkhūti ye bhagavā āmantesi, te evaṃ bhagavantaṃ ālapantā bhagavato paccassosunti.
жад̇уухи ан̇г̇зхийд̇и жад̇уухи гааран̣зхи аваяавзхи ваа. мусааваад̣̇аавзраман̣иаад̣̇ийни хи жад̇д̇аари субхаасид̇аваажааяа гааран̣аани. сажжаважанаад̣̇аяо жад̇д̇ааро аваяаваа, гааран̣ад̇т̇з жа ан̇г̇асад̣̇д̣̇о. жад̇уухийд̇и ниссаггаважанам̣ ход̇и, аваяавад̇т̇з гаран̣аважанам̣. саманнааг̇ад̇аад̇и самануааг̇ад̇аа бавад̇д̇аа яуд̇д̇аа жа. ваажаад̇и самуллабанаваажаа. яаа саа ‘‘ваажаа г̇ираа б̣яаббат̇о’’д̇и (д̇ха. са. 636) жа, ‘‘нзлаа ган̣н̣асукаа’’д̇и (д̣̇ий. ни. 1.9; ма. ни. 3.14) жа звамаад̣̇ийсу ааг̇ажчад̇и. яаа бана ‘‘ваажааяа жз гад̇ам̣ гамма’’нд̇и (д̇ха. са. адта. 1 гааяагаммад̣̇ваара) звам̣ вин̃н̃ад̇д̇и жа, ‘‘яаа жад̇уухи важийд̣̇ужжарид̇зхи аарад̇и вирад̇и…бз… аяам̣ вужжад̇и саммааваажаа’’д̇и (д̇ха. са. 299; вибха. 206) звам̣ вирад̇и жа, ‘‘парусаваажаа, бхигкавз, аасзвид̇аа бхаавид̇аа б̣ахулийгад̇аа нираяасам̣вад̇д̇анигаа ход̇ий’’д̇и (а. ни. 8.40) звам̣ жзд̇анаа жа ваажаад̇и ааг̇ажчад̇и, саа ид̇ха на ад̇хиббзд̇аа. гасмаа? абхаасид̇аб̣б̣ад̇о. субхаасид̇аа ход̇ийд̇и судту бхаасид̇аа ход̇и. д̇знассаа ад̇т̇ааваханад̇ам̣ д̣̇ийбзд̇и. на д̣̇уб̣бхаасид̇аад̇и на д̣̇удту бхаасид̇аа. д̇знассаа анад̇т̇аанааваханад̇ам̣ д̣̇ийбзд̇и. анаваж̇ж̇аад̇и важ̇ж̇асан̇каад̇арааг̇аад̣̇ид̣̇осавирахид̇аа. д̇знассаа гааран̣асуд̣̇д̇хим̣ вуд̇д̇ад̣̇осаабхааван̃жа д̣̇ийбзд̇и. анануваж̇ж̇аа жаад̇и ануваад̣̇авимуд̇д̇аа. д̇знассаа саб̣б̣аагаарасамбад̇д̇им̣ д̣̇ийбзд̇и. вин̃н̃уунанд̇и бан̣д̣ид̇аанам̣. д̇зна нинд̣̇аабасам̣саасу б̣аалаа аббамаан̣аад̇и д̣̇ийбзд̇и.
Catūhiaṅgehīti catūhi kāraṇehi avayavehi vā. Musāvādāveramaṇiādīni hi cattāri subhāsitavācāya kāraṇāni. Saccavacanādayo cattāro avayavā, kāraṇatthe ca aṅgasaddo. Catūhīti nissakkavacanaṃ hoti, avayavatthe karaṇavacanaṃ. Samannāgatāti samanuāgatā pavattā yuttā ca. Vācāti samullapanavācā. Yā sā ‘‘vācā girā byappatho’’ti (dha. sa. 636) ca, ‘‘nelā kaṇṇasukhā’’ti (dī. ni. 1.9; ma. ni. 3.14) ca evamādīsu āgacchati. Yā pana ‘‘vācāya ce kataṃ kamma’’nti (dha. sa. aṭṭha. 1 kāyakammadvāra) evaṃ viññatti ca, ‘‘yā catūhi vacīduccaritehi ārati virati…pe… ayaṃ vuccati sammāvācā’’ti (dha. sa. 299; vibha. 206) evaṃ virati ca, ‘‘pharusavācā, bhikkhave, āsevitā bhāvitā bahulīkatā nirayasaṃvattanikā hotī’’ti (a. ni. 8.40) evaṃ cetanā ca vācāti āgacchati, sā idha na adhippetā. Kasmā? Abhāsitabbato. Subhāsitā hotīti suṭṭhu bhāsitā hoti. Tenassā atthāvahanataṃ dīpeti. Na dubbhāsitāti na duṭṭhu bhāsitā. Tenassā anatthānāvahanataṃ dīpeti. Anavajjāti vajjasaṅkhātarāgādidosavirahitā. Tenassā kāraṇasuddhiṃ vuttadosābhāvañca dīpeti. Ananuvajjā cāti anuvādavimuttā. Tenassā sabbākārasampattiṃ dīpeti. Viññūnanti paṇḍitānaṃ. Tena nindāpasaṃsāsu bālā appamāṇāti dīpeti.
гад̇амзхи жад̇уухийд̇и гат̇зд̇угамяад̇аабужчаа. ид̇хаад̇и имасмим̣ саасанз. бхигкавзд̇и язсам̣ гат̇зд̇угаамо, д̇ад̣̇аалабанам̣. бхигкууд̇и вуд̇д̇аббагаараваажаабхаасанагабуг̇г̇аланид̣̇ассанам̣. субхаасид̇ам̣язва бхаасад̇ийд̇и буг̇г̇алаад̇хидтаанааяа д̣̇зсанааяа жад̇уусу ваажан̇г̇зсу ан̃н̃ад̇аран̇г̇анид̣̇д̣̇зсаважанам̣. но д̣̇уб̣бхаасид̇анд̇и д̇ассзва ваажан̇г̇асса бадибагкабхаасананивааран̣ам̣. д̇зна ‘‘мусааваад̣̇аад̣̇аяоби гад̣̇аажи вад̇д̇аб̣б̣аа’’д̇и д̣̇идтим̣ нисзд̇хзд̇и. ‘‘но д̣̇уб̣бхаасид̇а’’нд̇и иминаа ваа мижчааваажаббахаанам̣ д̣̇ийбзд̇и, ‘‘субхаасид̇а’’нд̇и иминаа бахийнамижчааваажзна сад̇аа бхаасид̇аб̣б̣аважаналагкан̣ам̣. д̇ат̇аа баабасса агаран̣ам̣, гусаласса убасамбад̣̇ам̣ . ан̇г̇абарид̣̇ийбанад̇т̇ам̣ бана абхаасид̇аб̣б̣ам̣ буб̣б̣з авад̇ваа бхаасид̇аб̣б̣амзвааха. зса наяо д̇хаммам̣язваад̇иаад̣̇ийсуби.
Katamehi catūhīti kathetukamyatāpucchā. Idhāti imasmiṃ sāsane. Bhikkhaveti yesaṃ kathetukāmo, tadālapanaṃ. Bhikkhūti vuttappakāravācābhāsanakapuggalanidassanaṃ. Subhāsitaṃyeva bhāsatīti puggalādhiṭṭhānāya desanāya catūsu vācaṅgesu aññataraṅganiddesavacanaṃ. No dubbhāsitanti tasseva vācaṅgassa paṭipakkhabhāsananivāraṇaṃ. Tena ‘‘musāvādādayopi kadāci vattabbā’’ti diṭṭhiṃ nisedheti. ‘‘No dubbhāsita’’nti iminā vā micchāvācappahānaṃ dīpeti, ‘‘subhāsita’’nti iminā pahīnamicchāvācena satā bhāsitabbavacanalakkhaṇaṃ. Tathā pāpassa akaraṇaṃ, kusalassa upasampadaṃ . Aṅgaparidīpanatthaṃ pana abhāsitabbaṃ pubbe avatvā bhāsitabbamevāha. Esa nayo dhammaṃyevātiādīsupi.
зд̇т̇а жа ‘‘субхаасид̇ам̣язва бхаасад̇и но д̣̇уб̣бхаасид̇а’’нд̇и иминаа бисун̣ад̣̇осарахид̇ам̣ самаг̇г̇агаран̣аважанам̣ вуд̇д̇ам̣, ‘‘д̇хаммам̣язва бхаасад̇и но ад̇хамма’’нд̇и иминаа сампад̣̇осарахид̇ам̣ д̇хаммад̇о анабзд̇ам̣ манд̇ааважанам̣ вуд̇д̇ам̣, ид̇арзхи д̣̇вийхи парусаалигарахид̇аани бияасажжаважанаани вуд̇д̇аани. имзхи код̇иаад̣̇инаа бана д̇аани ан̇г̇аани бажжагкад̇о д̣̇ассзнд̇о д̇ам̣ ваажам̣ ниг̇амзд̇и. висзсад̇о жзд̇т̇а ‘‘имзхи ко, бхигкавз , жад̇уухи ан̇г̇зхи саманнааг̇ад̇аа ваажаа субхаасид̇аа ход̇ий’’д̇и бхан̣анд̇о яад̣̇ан̃н̃з бадин̃н̃аад̣̇ийхи аваяавзхи наамаад̣̇ийхи бад̣̇зхи лин̇г̇аважанавибхад̇д̇игаалагаарагаад̣̇ийхи самбад̇д̇ийхи жа саманнааг̇ад̇ам̣ ваажам̣ ‘‘субхаасид̇а’’нд̇и ман̃н̃анд̇и, д̇ам̣ д̇хаммад̇о бадисзд̇хзд̇и. аваяаваад̣̇исамбаннааби хи бзсун̃н̃аад̣̇исаманнааг̇ад̇аа ваажаа д̣̇уб̣бхаасид̇аава ход̇и ад̇д̇ано барзсан̃жа анад̇т̇аавахад̇д̇аа. имзхи бана жад̇уухи ан̇г̇зхи саманнааг̇ад̇аа сажзби милагкубхаасаабарияаабаннаа гхадажздигааг̇ийд̇игабарияаабаннаа ваа ход̇и, д̇ат̇ааби субхаасид̇аа зва логияалогуд̇д̇арахид̇асукаавахад̇д̇аа. сийхал̣ад̣̇ийбз маг̇г̇абассз сассам̣ рагканд̇ияаа сийхал̣ажздигааяа сийхал̣агзнзва ж̇аад̇иж̇араамаран̣абадисам̣яуд̇д̇ам̣ г̇ийд̇ам̣ г̇ааяанд̇ияаа суд̇ваа маг̇г̇ам̣ г̇ажчанд̇аа садтимад̇д̇аа вибассагабхигкуу жзд̇т̇а арахад̇д̇ам̣ бад̇д̇аа нид̣̇ассанам̣. д̇ат̇аа д̇иссо наама аарад̣̇д̇хавибассаго бхигку бад̣̇умасарасамийбзна г̇ажчанд̇о бад̣̇умасарз бад̣̇умаани бхан̃ж̇ид̇ваа бхан̃ж̇ид̇ваа –
Ettha ca ‘‘subhāsitaṃyeva bhāsati no dubbhāsita’’nti iminā pisuṇadosarahitaṃ samaggakaraṇavacanaṃ vuttaṃ, ‘‘dhammaṃyeva bhāsati no adhamma’’nti iminā samphadosarahitaṃ dhammato anapetaṃ mantāvacanaṃ vuttaṃ, itarehi dvīhi pharusālikarahitāni piyasaccavacanāni vuttāni. Imehi khotiādinā pana tāni aṅgāni paccakkhato dassento taṃ vācaṃ nigameti. Visesato cettha ‘‘imehi kho, bhikkhave , catūhi aṅgehi samannāgatā vācā subhāsitā hotī’’ti bhaṇanto yadaññe paṭiññādīhi avayavehi nāmādīhi padehi liṅgavacanavibhattikālakārakādīhi sampattīhi ca samannāgataṃ vācaṃ ‘‘subhāsita’’nti maññanti, taṃ dhammato paṭisedheti. Avayavādisampannāpi hi pesuññādisamannāgatā vācā dubbhāsitāva hoti attano paresañca anatthāvahattā. Imehi pana catūhi aṅgehi samannāgatā sacepi milakkhubhāsāpariyāpannā ghaṭaceṭikāgītikapariyāpannā vā hoti, tathāpi subhāsitā eva lokiyalokuttarahitasukhāvahattā. Sīhaḷadīpe maggapasse sassaṃ rakkhantiyā sīhaḷaceṭikāya sīhaḷakeneva jātijarāmaraṇapaṭisaṃyuttaṃ gītaṃ gāyantiyā sutvā maggaṃ gacchantā saṭṭhimattā vipassakabhikkhū cettha arahattaṃ pattā nidassanaṃ. Tathā tisso nāma āraddhavipassako bhikkhu padumasarasamīpena gacchanto padumasare padumāni bhañjitvā bhañjitvā –
‘‘баад̇о пуллам̣ гоганад̣̇ам̣, суурияаалогзна бхаж̇ж̇ияад̇з;
‘‘Pāto phullaṃ kokanadaṃ, sūriyālokena bhajjiyate;
звам̣ мануссад̇д̇аг̇ад̇аа сад̇д̇аа, ж̇араабхивзг̇зна мад̣̇д̣̇ийяанд̇ий’’д̇и. –
Evaṃ manussattagatā sattā, jarābhivegena maddīyantī’’ti. –
имам̣ г̇ийд̇ам̣ г̇ааяанд̇ияаа жздигааяа суд̇ваа арахад̇д̇ам̣ бад̇д̇о, б̣уд̣̇д̇ханд̇арз жа ан̃н̃ад̇аро бурисо сад̇д̇ахи буд̇д̇зхи сад̣̇д̇хим̣ ванаа ааг̇амма ан̃н̃ад̇арааяа ид̇т̇ияаа мусалзна д̇ан̣д̣улз годдзнд̇ияаа –
Imaṃ gītaṃ gāyantiyā ceṭikāya sutvā arahattaṃ patto, buddhantare ca aññataro puriso sattahi puttehi saddhiṃ vanā āgamma aññatarāya itthiyā musalena taṇḍule koṭṭentiyā –
‘‘ж̇арааяа баримад̣̇д̣̇ид̇ам̣ зд̇ам̣, милаад̇ачавижамманиссид̇ам̣;
‘‘Jarāya parimadditaṃ etaṃ, milātachavicammanissitaṃ;
маран̣зна бхиж̇ж̇ад̇и зд̇ам̣, мажжусса гхасамаамисам̣.
Maraṇena bhijjati etaṃ, maccussa ghasamāmisaṃ.
‘‘гимийнам̣ аалаяам̣ зд̇ам̣, наанаагун̣абзна буурид̇ам̣;
‘‘Kimīnaṃ ālayaṃ etaṃ, nānākuṇapena pūritaṃ;
асужисса бхааж̇анам̣ зд̇ам̣, гад̣̇алигканд̇хасамам̣ ид̣̇а’’нд̇и. –
Asucissa bhājanaṃ etaṃ, kadalikkhandhasamaṃ ida’’nti. –
имам̣ г̇ийд̇игам̣ суд̇ваа саха буд̇д̇зхи бажжзгаб̣од̇хим̣ бад̇д̇о, ан̃н̃з жа ийд̣̇исзхи убааязхи арияабхуумим̣ бад̇д̇аа нид̣̇ассанам̣. анажчарияам̣ банзд̇ам̣, яам̣ бхаг̇авад̇аа аасаяаанусаяагусалзна ‘‘саб̣б̣з сан̇каараа анижжаа’’д̇иаад̣̇инаа наязна вуд̇д̇аа г̇аат̇ааяо суд̇ваа бан̃жасад̇аа бхигкуу арахад̇д̇ам̣ баабун̣им̣су, ан̃н̃з жа канд̇хааяад̇анаад̣̇ибадисам̣яуд̇д̇аа гат̇аа суд̇ваа анзгз д̣̇звамануссаад̇и. звам̣ имзхи жад̇уухи ан̇г̇зхи саманнааг̇ад̇аа ваажаа сажзби милагкубхаасаабарияаабаннаа, гхадажздигааг̇ийд̇игабарияаабаннаа ваа ход̇и, д̇ат̇ааби ‘‘субхаасид̇аа’’д̇и взд̣̇ид̇аб̣б̣аа. субхаасид̇ад̇д̇аа зва жа анаваж̇ж̇аа жа анануваж̇ж̇аа жа вин̃н̃уунам̣ ад̇т̇ад̇т̇игаанам̣ гулабуд̇д̇аанам̣ ад̇т̇абадисаран̣аанам̣, но б̣яан̃ж̇анабадисаран̣аананд̇и.
Imaṃ gītikaṃ sutvā saha puttehi paccekabodhiṃ patto, aññe ca īdisehi upāyehi ariyabhūmiṃ pattā nidassanaṃ. Anacchariyaṃ panetaṃ, yaṃ bhagavatā āsayānusayakusalena ‘‘sabbe saṅkhārā aniccā’’tiādinā nayena vuttā gāthāyo sutvā pañcasatā bhikkhū arahattaṃ pāpuṇiṃsu, aññe ca khandhāyatanādipaṭisaṃyuttā kathā sutvā aneke devamanussāti. Evaṃ imehi catūhi aṅgehi samannāgatā vācā sacepi milakkhubhāsāpariyāpannā, ghaṭaceṭikāgītikapariyāpannā vā hoti, tathāpi ‘‘subhāsitā’’ti veditabbā. Subhāsitattā eva ca anavajjā ca ananuvajjā ca viññūnaṃ atthatthikānaṃ kulaputtānaṃ atthapaṭisaraṇānaṃ, no byañjanapaṭisaraṇānanti.
ид̣̇амавожа бхаг̇аваад̇и ид̣̇ам̣ субхаасид̇алагкан̣ам̣ бхаг̇аваа авожа. ид̣̇ам̣ вад̇ваана суг̇ад̇о, ат̇аабарам̣ зд̇ад̣̇авожа сад̇т̇аад̇и ид̣̇ан̃жа лагкан̣ам̣ вад̇ваа ат̇а ан̃н̃амби зд̇ам̣ авожа сад̇т̇аа. ид̣̇аани вад̇д̇аб̣б̣аг̇аат̇ам̣ д̣̇ассзд̇ваа саб̣б̣амзд̇ам̣ сан̇г̇ийд̇игаарагаа аахам̣су. д̇ад̇т̇а абаранд̇и г̇аат̇ааб̣анд̇хаважанам̣ санд̇хааяа вужжад̇и. д̇ам̣ д̣̇увид̇хам̣ ход̇и – бажчаа ааг̇ад̇абарисам̣ ассаванасуссаванааад̇хааран̣ад̣̇ал̣хийгаран̣аад̣̇ийни ваа санд̇хааяа д̇ад̣̇ад̇т̇ад̣̇ийбагамзва жа. буб̣б̣з гзнажи гааран̣зна барихаабид̇асса ад̇т̇асса д̣̇ийбанзна ад̇т̇ависзсад̣̇ийбаган̃жа ‘‘бурисасса хи ж̇аад̇асса, гутаарий ж̇ааяад̇з мукз’’д̇иаад̣̇ийсу (су. ни. 662) вияа. ид̇ха бана д̇ад̣̇ад̇т̇ад̣̇ийбагамзва.
Idamavocabhagavāti idaṃ subhāsitalakkhaṇaṃ bhagavā avoca. Idaṃ vatvāna sugato, athāparaṃ etadavoca satthāti idañca lakkhaṇaṃ vatvā atha aññampi etaṃ avoca satthā. Idāni vattabbagāthaṃ dassetvā sabbametaṃ saṅgītikārakā āhaṃsu. Tattha aparanti gāthābandhavacanaṃ sandhāya vuccati. Taṃ duvidhaṃ hoti – pacchā āgataparisaṃ assavanasussavanaādhāraṇadaḷhīkaraṇādīni vā sandhāya tadatthadīpakameva ca. Pubbe kenaci kāraṇena parihāpitassa atthassa dīpanena atthavisesadīpakañca ‘‘purisassa hi jātassa, kuṭhārī jāyate mukhe’’tiādīsu (su. ni. 662) viya. Idha pana tadatthadīpakameva.
453. д̇ад̇т̇а санд̇од̇и б̣уд̣̇д̇хаад̣̇аяо. д̇з хи субхаасид̇ам̣ ‘‘уд̇д̇амам̣ сздта’’нд̇и ван̣н̣аяанд̇и. д̣̇уд̇ияам̣ д̇ад̇ияам̣ жад̇уд̇т̇анд̇и ид̣̇ам̣ бана буб̣б̣з нид̣̇д̣̇идтаггамам̣ убаад̣̇ааяа вуд̇д̇ам̣. г̇аат̇аабарияосаанз бана ван̇г̇ийсад̇т̇зро бхаг̇авад̇о субхаасид̇з басийд̣̇и.
453. Tattha santoti buddhādayo. Te hi subhāsitaṃ ‘‘uttamaṃ seṭṭha’’nti vaṇṇayanti. Dutiyaṃ tatiyaṃ catutthanti idaṃ pana pubbe niddiṭṭhakkamaṃ upādāya vuttaṃ. Gāthāpariyosāne pana vaṅgīsatthero bhagavato subhāsite pasīdi.
со яам̣ басаннаагаарам̣ агааси, яан̃жа важанам̣ бхаг̇аваа абхааси, д̇ам̣ д̣̇ассзнд̇аа сан̇г̇ийд̇игаарагаа ‘‘ат̇а ко ааяасмаа’’д̇иаад̣̇имаахам̣су. д̇ад̇т̇а бадибхаад̇и манд̇и мама бхааг̇о багаасад̇и . бадибхаад̇у д̇анд̇и д̇ава бхааг̇о багаасад̇у. сааруббаахийд̇и анужчавигаахи. абхид̇т̇авийд̇и басам̣си.
So yaṃ pasannākāraṃ akāsi, yañca vacanaṃ bhagavā abhāsi, taṃ dassentā saṅgītikārakā ‘‘atha kho āyasmā’’tiādimāhaṃsu. Tattha paṭibhāti manti mama bhāgo pakāsati . Paṭibhātu tanti tava bhāgo pakāsatu. Sāruppāhīti anucchavikāhi. Abhitthavīti pasaṃsi.
454. на д̇аабаязд̇и виббадисаарзна на д̇аабзяяа. на вихим̣сзяяаад̇и ан̃н̃аман̃н̃ам̣ бхинд̣̇анд̇о на б̣аад̇хзяяа. саа вз ваажаад̇и саа ваажаа згам̣сзнзва субхаасид̇аа. зд̇д̇аавад̇аа абисун̣аваажааяа бхаг̇аванд̇ам̣ т̇омзд̇и.
454.Na tāpayeti vippaṭisārena na tāpeyya. Na vihiṃseyyāti aññamaññaṃ bhindanto na bādheyya. Sā ve vācāti sā vācā ekaṃseneva subhāsitā. Ettāvatā apisuṇavācāya bhagavantaṃ thometi.
455. бадинанд̣̇ид̇аад̇и хадтзна хад̣̇аязна бадимукам̣ г̇анд̇ваа нанд̣̇ид̇аа самбияааяид̇аа. яам̣ анаад̣̇ааяа баабаани, барзсам̣ бхаасад̇з бияанд̇и яам̣ ваажам̣ бхаасанд̇о барзсам̣ баабаани аббияаани бадиггуулаани парусаважанаани анаад̣̇ааяа ад̇т̇аб̣яан̃ж̇анамад̇хурам̣ бияамзва важанам̣ бхаасад̇и, д̇ам̣ бияаваажамзва бхаасзяяаад̇и вуд̇д̇ам̣ ход̇и. имааяа г̇аат̇ааяа бияаважанзна бхаг̇аванд̇ам̣ абхид̇т̇ави.
455.Paṭinanditāti haṭṭhena hadayena paṭimukhaṃ gantvā nanditā sampiyāyitā. Yaṃ anādāya pāpāni, paresaṃ bhāsate piyanti yaṃ vācaṃ bhāsanto paresaṃ pāpāni appiyāni paṭikkūlāni pharusavacanāni anādāya atthabyañjanamadhuraṃ piyameva vacanaṃ bhāsati, taṃ piyavācameva bhāseyyāti vuttaṃ hoti. Imāya gāthāya piyavacanena bhagavantaṃ abhitthavi.
456. амад̇аад̇и амад̇асад̣̇исаа саад̣̇убхаавзна. вуд̇д̇амби жзд̇ам̣ ‘‘сажжам̣ хавз саад̣̇уд̇арам̣ расаана’’нд̇и (сам̣. ни. 1.73; су. ни. 184). ниб̣б̣аанаамад̇абажжаяад̇д̇аа ваа амад̇аа. зса д̇хаммо сананд̇анод̇и яааяам̣ сажжаваажаа наама, зса бораан̣о д̇хаммо жарияаа бавзн̣ий, ид̣̇амзва хи бораан̣аанам̣ аажин̣н̣ам̣, на д̇з алигам̣ бхаасим̣су. д̇знзвааха – ‘‘сажжз ад̇т̇з жа д̇хаммз жа, аху санд̇о бад̇идтид̇аа’’д̇и. д̇ад̇т̇а сажжз бад̇идтид̇ад̇д̇аа зва ад̇д̇ано жа барзсан̃жа ад̇т̇з бад̇идтид̇аа. ад̇т̇з бад̇идтид̇ад̇д̇аа зва жа д̇хаммз бад̇идтид̇аа хонд̇ийд̇и взд̣̇ид̇аб̣б̣аа. барам̣ ваа д̣̇ваяам̣ сажжависзсанамижжзва взд̣̇ид̇аб̣б̣ам̣. сажжз бад̇идтид̇аа. гийд̣̇исз? ад̇т̇з жа д̇хаммз жа, яам̣ барзсам̣ ад̇т̇ад̇о анабзд̇ад̇д̇аа ад̇т̇ам̣ анубарод̇хам̣ гарод̇ийд̇и вуд̇д̇ам̣ ход̇и. сад̇иби жа анубарод̇хагарад̇д̇з д̇хаммад̇о анабзд̇ад̇д̇аа д̇хаммам̣, яам̣ д̇хаммигамзва ад̇т̇ам̣ саад̇хзд̇ийд̇и вуд̇д̇ам̣ ход̇и. имааяа г̇аат̇ааяа сажжаважанзна бхаг̇аванд̇ам̣ абхид̇т̇ави.
456.Amatāti amatasadisā sādubhāvena. Vuttampi cetaṃ ‘‘saccaṃ have sādutaraṃ rasāna’’nti (saṃ. ni. 1.73; su. ni. 184). Nibbānāmatapaccayattā vā amatā. Esa dhammo sanantanoti yāyaṃ saccavācā nāma, esa porāṇo dhammo cariyā paveṇī, idameva hi porāṇānaṃ āciṇṇaṃ, na te alikaṃ bhāsiṃsu. Tenevāha – ‘‘sacce atthe ca dhamme ca, ahu santo patiṭṭhitā’’ti. Tattha sacce patiṭṭhitattā eva attano ca paresañca atthe patiṭṭhitā. Atthe patiṭṭhitattā eva ca dhamme patiṭṭhitā hontīti veditabbā. Paraṃ vā dvayaṃ saccavisesanamicceva veditabbaṃ. Sacce patiṭṭhitā. Kīdise? Atthe ca dhamme ca, yaṃ paresaṃ atthato anapetattā atthaṃ anuparodhaṃ karotīti vuttaṃ hoti. Satipi ca anuparodhakaratte dhammato anapetattā dhammaṃ, yaṃ dhammikameva atthaṃ sādhetīti vuttaṃ hoti. Imāya gāthāya saccavacanena bhagavantaṃ abhitthavi.
457. кзманд̇и абхаяам̣ нирубад̣̇д̣̇авам̣. гзна гааран̣знаад̇и жз? ниб̣б̣аанаббад̇д̇ияаа д̣̇угкассанд̇агирияааяа, яасмаа гилзсаниб̣б̣аанам̣ баабзд̇и, ваддад̣̇угкасса жа анд̇агирияааяа сам̣вад̇д̇ад̇ийд̇и ад̇т̇о. ат̇а ваа яам̣ б̣уд̣̇д̇хо ниб̣б̣аанаббад̇д̇ияаа д̣̇угкассанд̇агирияааяаад̇и д̣̇виннам̣ ниб̣б̣аанад̇хаад̇уунамад̇т̇ааяа кзмамаг̇г̇аббагаасанад̇о кзмам̣ ваажам̣ бхаасад̇и, саа вз ваажаанамуд̇д̇амаад̇и саа ваажаа саб̣б̣аваажаанам̣ сздтаад̇и звамзд̇т̇а ад̇т̇о взд̣̇ид̇аб̣б̣о. имааяа г̇аат̇ааяа манд̇ааважанзна бхаг̇аванд̇ам̣ абхид̇т̇аванд̇о арахад̇д̇анигуудзна д̣̇зсанам̣ нидтаабзсийд̇и аяамзд̇т̇а абуб̣б̣абад̣̇аван̣н̣анаа. сзсам̣ вуд̇д̇анаязнзва взд̣̇ид̇аб̣б̣анд̇и.
457.Khemanti abhayaṃ nirupaddavaṃ. Kena kāraṇenāti ce? Nibbānappattiyā dukkhassantakiriyāya, yasmā kilesanibbānaṃ pāpeti, vaṭṭadukkhassa ca antakiriyāya saṃvattatīti attho. Atha vā yaṃ buddho nibbānappattiyā dukkhassantakiriyāyāti dvinnaṃ nibbānadhātūnamatthāya khemamaggappakāsanato khemaṃ vācaṃ bhāsati, sā ve vācānamuttamāti sā vācā sabbavācānaṃ seṭṭhāti evamettha attho veditabbo. Imāya gāthāya mantāvacanena bhagavantaṃ abhitthavanto arahattanikūṭena desanaṃ niṭṭhāpesīti ayamettha apubbapadavaṇṇanā. Sesaṃ vuttanayeneva veditabbanti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа субхаасид̇асуд̇д̇аван̣н̣анаа нидтид̇аа.
Suttanipāta-aṭṭhakathāya subhāsitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 3. субхаасид̇асуд̇д̇ам̣ • 3. Subhāsitasuttaṃ
