| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5. субхаасид̇асуд̇д̇аван̣н̣анаа
5. Subhāsitasuttavaṇṇanā
213. ан̇г̇ийяанд̇и хзд̇убхаавзна ааг̇амабхаавзна аваяавабхаавзна ваа н̃ааяанд̇ийд̇и ан̇г̇аани, гааран̣аани, аваяаваа ваад̇и ааха ‘‘ан̇г̇зхийд̇и гааран̣зхи, аваяавзхи ваа’’д̇и. вирад̇ияо субхаасид̇аваажааяа буб̣б̣ам̣ бад̇идтид̇аа хонд̇ийд̇и мусааваад̣̇аавзраман̣иаад̣̇аяо д̇ассаа висзсахзд̇ууд̇и ааха ‘‘мусааваад̣̇аа…бз… гааран̣ааний’’д̇и. яасмаа арияавохаараа висзсад̇о жзд̇анаасабхааваа, д̇асмаа важийсужарид̇асамуд̣̇ааяасса сажжаваажаад̣̇аяо ан̇г̇абхууд̇аад̇и ааха ‘‘сажжаважанаад̣̇аяо жад̇д̇ааро аваяаваа’’д̇и. ниссаггаважананд̇и хзд̇умхи ниссаггаважанам̣. д̇знааха ‘‘самануааг̇ад̇аа бавад̇д̇аа’’д̇и. ваажаа хи д̇ааяа вирад̇ияаа саммаа ануруубад̇о ааг̇ад̇аа бавад̇д̇аад̇и ‘‘саманнааг̇ад̇аа’’д̇и вужжад̇и. гаран̣аважананд̇и сахаяог̇з гаран̣аважанам̣. д̇знааха ‘‘яуд̇д̇аа’’д̇и. сахаж̇аад̇ааби хи жзд̇анаа яат̇аасамаад̣̇иннааяа вирад̇ияаа саммаа ануруубад̇о яуд̇д̇аад̇и вад̇д̇ум̣ арахад̇и.
213. Aṅgīyanti hetubhāvena āgamabhāvena avayavabhāvena vā ñāyantīti aṅgāni, kāraṇāni, avayavā vāti āha ‘‘aṅgehīti kāraṇehi, avayavehi vā’’ti. Viratiyo subhāsitavācāya pubbaṃ patiṭṭhitā hontīti musāvādāveramaṇiādayo tassā visesahetūti āha ‘‘musāvādā…pe… kāraṇānī’’ti. Yasmā ariyavohārā visesato cetanāsabhāvā, tasmā vacīsucaritasamudāyassa saccavācādayo aṅgabhūtāti āha ‘‘saccavacanādayo cattāro avayavā’’ti. Nissakkavacananti hetumhi nissakkavacanaṃ. Tenāha ‘‘samanuāgatā pavattā’’ti. Vācā hi tāya viratiyā sammā anurūpato āgatā pavattāti ‘‘samannāgatā’’ti vuccati. Karaṇavacananti sahayoge karaṇavacanaṃ. Tenāha ‘‘yuttā’’ti. Sahajātāpi hi cetanā yathāsamādinnāya viratiyā sammā anurūpato yuttāti vattuṃ arahati.
самуллабанаваажаад̇и сад̣̇д̣̇аваажаа, саа вужжад̇ийд̇и ваажаа наама. вин̃н̃ад̇д̇и бана вужжад̇и зд̇ааяаад̇и ваажаа наама, д̇ат̇аа вирад̇и жзд̇анааваажаа. на саа ид̇ха ад̇хиббзд̇аад̇и саа жзд̇анааваажаа вин̃н̃ад̇д̇иваажаа вияа ид̇ха имасмим̣ суд̇д̇з на ад̇хиббзд̇аа ‘‘субхаасид̇аа ход̇ий’’д̇и важанад̇о. д̇знааха ‘‘абхаасид̇аб̣б̣ад̇о’’д̇и. судту бхаасид̇аад̇и саммаа н̃ааязна бхаасид̇аа важийсужарид̇абхаавад̇о. ад̇т̇аавахад̇анд̇и хид̇аавахагаалам̣ бад̇и ааха. гааран̣асуд̣̇д̇хинд̇и яонисоманасигаарзна гааран̣ависуд̣̇д̇хим̣. д̣̇осаабхааванд̇и аг̇ад̇иг̇аманаад̣̇ид̣̇осаабхаавам̣. рааг̇ад̣̇осаад̣̇ивинимуд̇д̇ан̃хи д̇ам̣ бхаасад̇о анурод̇хавирод̇хавиваж̇ж̇анад̇о аг̇ад̇иг̇аманам̣ д̣̇уурасамуг̇гхаадид̇амзваад̇и. ануваад̣̇авимуд̇д̇аад̇и абаваад̣̇авирахид̇аа. саб̣б̣аагаарасамбад̇д̇им̣ д̣̇ийбзд̇и, асад̇и хи саб̣б̣аагаарасамбад̇ияам̣ ануваж̇ж̇ад̇ааби.
Samullapanavācāti saddavācā, sā vuccatīti vācā nāma. Viññatti pana vuccati etāyāti vācā nāma, tathā virati cetanāvācā. Na sā idha adhippetāti sā cetanāvācā viññattivācā viya idha imasmiṃ sutte na adhippetā ‘‘subhāsitā hotī’’ti vacanato. Tenāha ‘‘abhāsitabbato’’ti. Suṭṭhu bhāsitāti sammā ñāyena bhāsitā vacīsucaritabhāvato. Atthāvahatanti hitāvahakālaṃ pati āha. Kāraṇasuddhinti yonisomanasikārena kāraṇavisuddhiṃ. Dosābhāvanti agatigamanādidosābhāvaṃ. Rāgadosādivinimuttañhi taṃ bhāsato anurodhavirodhavivajjanato agatigamanaṃ dūrasamugghāṭitamevāti. Anuvādavimuttāti apavādavirahitā. Sabbākārasampattiṃ dīpeti, asati hi sabbākārasampatiyaṃ anuvajjatāpi.
гин̃жааби буб̣б̣з д̇хаммаад̇хидтаанаа д̣̇зсанаа аарад̣̇д̇хаа, буг̇г̇алаж̇жхаасаяад̇о бана буг̇г̇алаад̇хидтаанааяа…бз… важанамзд̇ам̣. гааман̃жзд̇т̇а ‘‘ан̃н̃ад̇аранид̣̇д̣̇осаважана’’нд̇и ависзсад̇о вуд̇д̇ам̣, ‘‘д̇хаммам̣язва бхаасад̇ий’’д̇иаад̣̇инаа бана ад̇хаммад̣̇осаад̣̇ирахид̇ааяа ваажааяа вужжамаанад̇д̇аа ид̇хааби субхаасид̇аа ваажаа ад̇хиббзд̇аад̇и. ‘‘субхаасид̇ам̣язваа’’д̇и авад̇хааран̣зна нивад̇д̇ид̇ам̣ саруубад̇о д̣̇ассзд̇и ‘‘но д̣̇уб̣бхаасид̇а’’нд̇и иминаа. д̇знааха ‘‘д̇ассзва ваажан̇г̇асса бадибагкабхаасананивааран̣а’’нд̇и. бадияог̇ийнивад̇д̇анад̇т̇о хи зва-сад̣̇д̣̇о, д̇зна бисун̣аваажаабадигкзбо д̣̇ассид̇о. ‘‘субхаасид̇а’’нд̇и ваа иминаа жад̇уб̣б̣ид̇хам̣ важийсужарид̇ам̣ г̇ахид̇анд̇и ‘‘но д̣̇уб̣бхаасид̇анд̇и иминаа мижчааваажаббахаанам̣ д̣̇ийбзд̇ий’’д̇и вуд̇д̇ам̣. саб̣б̣аважийсужарид̇асаад̇хааран̣аважанан̃хи субхаасид̇анд̇и. д̇зна барабхзд̣̇анаад̣̇игам̣ асаб̣бхаад̣̇иган̃жа б̣од̇хисад̇д̇аанам̣ важанам̣ абисун̣аад̣̇ивисаяанд̇и д̣̇адтаб̣б̣ам̣. бхаасид̇аб̣б̣аважаналагкан̣анд̇и бхаасид̇аб̣б̣асса важанасса сабхаавалагкан̣ам̣ д̣̇ийбзд̇ийд̇и аанзд̇ваа самб̣анд̇хо. яад̣̇и звам̣ нану абхаасид̇аб̣б̣ам̣ батамам̣ вад̇ваа бхаасид̇аб̣б̣ам̣ бажчаа вад̇д̇аб̣б̣ам̣ яат̇аа ‘‘ваамам̣ мун̃жа, д̣̇агкин̣ам̣ г̇ан̣хаа’’д̇и ааха ‘‘ан̇г̇абарид̣̇ийбанад̇т̇ам̣ банаа’’д̇иаад̣̇и.
Kiñcāpi pubbe dhammādhiṭṭhānā desanā āraddhā, puggalajjhāsayato pana puggalādhiṭṭhānāya…pe… vacanametaṃ. Kāmañcettha ‘‘aññataraniddosavacana’’nti avisesato vuttaṃ, ‘‘dhammaṃyeva bhāsatī’’tiādinā pana adhammadosādirahitāya vācāya vuccamānattā idhāpi subhāsitā vācā adhippetāti. ‘‘Subhāsitaṃyevā’’ti avadhāraṇena nivattitaṃ sarūpato dasseti ‘‘no dubbhāsita’’nti iminā. Tenāha ‘‘tasseva vācaṅgassa paṭipakkhabhāsananivāraṇa’’nti. Paṭiyogīnivattanattho hi eva-saddo, tena pisuṇavācāpaṭikkhepo dassito. ‘‘Subhāsita’’nti vā iminā catubbidhaṃ vacīsucaritaṃ gahitanti ‘‘no dubbhāsitanti iminā micchāvācappahānaṃ dīpetī’’ti vuttaṃ. Sabbavacīsucaritasādhāraṇavacanañhi subhāsitanti. Tena parabhedanādikaṃ asabbhādikañca bodhisattānaṃ vacanaṃ apisuṇādivisayanti daṭṭhabbaṃ. Bhāsitabbavacanalakkhaṇanti bhāsitabbassa vacanassa sabhāvalakkhaṇaṃ dīpetīti ānetvā sambandho. Yadi evaṃ nanu abhāsitabbaṃ paṭhamaṃ vatvā bhāsitabbaṃ pacchā vattabbaṃ yathā ‘‘vāmaṃ muñca, dakkhiṇaṃ gaṇhā’’ti āha ‘‘aṅgaparidīpanatthaṃ panā’’tiādi.
батамзнаад̇и ‘‘субхаасид̇а’’нд̇и бад̣̇зна. д̇хаммад̇о анабзд̇анд̇и ад̇д̇ано барзсан̃жа хид̇асукаавахад̇хаммад̇о анабзд̇ам̣. манд̇ааважананд̇и манд̇ааяа бавад̇д̇зд̇аб̣б̣аважанам̣. бан̃н̃аваа авигин̣н̣аваажо хи на жа анад̇т̇аавахам̣ ваажам̣ бхаасад̇и. ид̇арзхи д̣̇вийхийд̇и д̇ад̇ияажад̇уд̇т̇абад̣̇зхи. ‘‘имзхи код̇иаад̣̇ийнийд̇и гаран̣з зд̇ам̣ убаяог̇аважана’’нд̇и гзжи. д̇ам̣ ваажанд̇и яат̇аавуд̇д̇ам̣ жад̇уран̇г̇игам̣. яан̃жа ваажам̣ ман̃н̃анд̇ийд̇и самб̣анд̇хо. ан̃н̃зд̇и ид̇о б̣аахирагаа н̃ааяаваад̣̇ино агкаражинд̇агаа жа. ‘‘бадин̃н̃аахзд̇ууд̣̇аахаран̣уубанаяаниг̇аманаани аваяаваа ваагяассаа’’д̇и вад̣̇анд̇и. наамаад̣̇ийхийд̇и наамаакяаад̇абад̣̇зхи. лин̇г̇ам̣ ид̇т̇илин̇г̇аад̣̇и важанам̣ згаважанаад̣̇и. батамаад̣̇и вибхад̇д̇и ад̇ийд̇аад̣̇и гаалам̣. гад̇д̇аа самбад̣̇аанам̣ абаад̣̇аанам̣ гаран̣ам̣ ад̇хигаран̣ам̣ гамман̃жа гаарагам̣. самбад̇д̇ийхи саманнааг̇ад̇анд̇и зд̇з аваяаваад̣̇игз самбаад̣̇зд̇ваа вуд̇д̇ам̣. д̇ам̣ бадисзд̇хзд̇ийд̇и д̇ам̣ яат̇аавуд̇д̇ависзсамби ваажам̣ ‘‘имзхи ко’’д̇и вад̣̇анд̇о бхаг̇аваа бадисзд̇хзд̇и. ко-сад̣̇д̣̇о хзд̇т̇а авад̇хааран̣ад̇т̇о. д̇знааха ‘‘аваяаваад̣̇ий’’д̇иаад̣̇и. яаа гаажи асабхааванируд̇д̇илагкан̣аа. саа милагкубхаасаа. сийхал̣агзнзваад̇и сийхал̣абхаасааяа барияаабаннзна важанзна. арахад̇д̇ам̣ баабун̣им̣сууд̇и сам̣саарз ад̇ивияа сан̃ж̇аад̇асам̣взг̇аа д̇анниссаран̣з ниннабон̣амаанасаа худ̇ваа вибассанам̣ уссуггаабзд̇ваа маг̇г̇абадибаадияаа арахад̇д̇ам̣ баабун̣им̣су.
Paṭhamenāti ‘‘subhāsita’’nti padena. Dhammato anapetanti attano paresañca hitasukhāvahadhammato anapetaṃ. Mantāvacananti mantāya pavattetabbavacanaṃ. Paññavā avikiṇṇavāco hi na ca anatthāvahaṃ vācaṃ bhāsati. Itarehi dvīhīti tatiyacatutthapadehi. ‘‘Imehi khotiādīnīti karaṇe etaṃ upayogavacana’’nti keci. Taṃ vācanti yathāvuttaṃ caturaṅgikaṃ. Yañca vācaṃ maññantīti sambandho. Aññeti ito bāhirakā ñāyavādino akkharacintakā ca. ‘‘Paṭiññāhetuudāharaṇūpanayanigamanāni avayavā vākyassā’’ti vadanti. Nāmādīhīti nāmākhyātapadehi. Liṅgaṃ itthiliṅgādi vacanaṃ ekavacanādi. Paṭhamādi vibhatti atītādi kālaṃ. Kattā sampadānaṃ apādānaṃ karaṇaṃ adhikaraṇaṃ kammañca kārakaṃ. Sampattīhi samannāgatanti ete avayavādike sampādetvā vuttaṃ. Taṃ paṭisedhetīti taṃ yathāvuttavisesampi vācaṃ ‘‘imehi kho’’ti vadanto bhagavā paṭisedheti. Kho-saddo hettha avadhāraṇattho. Tenāha ‘‘avayavādī’’tiādi. Yā kāci asabhāvaniruttilakkhaṇā. Sā milakkhubhāsā. Sīhaḷakenevāti sīhaḷabhāsāya pariyāpannena vacanena. Arahattaṃ pāpuṇiṃsūti saṃsāre ativiya sañjātasaṃvegā tannissaraṇe ninnapoṇamānasā hutvā vipassanaṃ ussukkāpetvā maggapaṭipāṭiyā arahattaṃ pāpuṇiṃsu.
баад̇ова пуллид̇агоганад̣̇анд̇и баад̇ова сам̣пуллабад̣̇умам̣. бхиж̇ж̇ияад̇зд̇и ниб̣бхиж̇ж̇ияад̇и ниб̣бхиг̇г̇о ж̇ааяад̇и. мануссад̇д̇ам̣ г̇ад̇аад̇и мануссад̇д̇абхаавам̣ убаг̇ад̇аа.
Pātova phullitakokanadanti pātova saṃphullapadumaṃ. Bhijjiyateti nibbhijjiyati nibbhiggo jāyati. Manussattaṃ gatāti manussattabhāvaṃ upagatā.
б̣уд̣̇д̇ханд̇арзд̇и б̣уд̣̇д̇хуббаад̣̇анд̇арз д̣̇виннам̣ б̣уд̣̇д̇хуббаад̣̇аанам̣ анд̇араа. д̇ад̣̇аа хи бажжзгаб̣уд̣̇д̇хаанам̣ саасанз, на б̣уд̣̇д̇хасаасанз д̣̇иббамаанз.
Buddhantareti buddhuppādantare dvinnaṃ buddhuppādānaṃ antarā. Tadā hi paccekabuddhānaṃ sāsane, na buddhasāsane dippamāne.
ж̇арааяа баримад̣̇д̣̇ид̇анд̇и яат̇аа хад̇т̇ажаран̣аад̣̇иан̇г̇аани сит̇илаани хонд̇и, жагкаад̣̇ийни инд̣̇рияаани сависаяаг̇г̇ахан̣з асамад̇т̇аани хонд̇и, яоб̣б̣анам̣ саб̣б̣асо виг̇ад̇ам̣, гааяаб̣алам̣ абаг̇ад̇ам̣, сад̇имад̇ид̇хид̇иаад̣̇аяо виббаяуд̇д̇аа, буб̣б̣з ад̇д̇ано оваад̣̇абадигараа буд̇д̇ад̣̇аараад̣̇аяоби абасаад̣̇агаа, барзхи вудтаабанийяасам̣взсанийяад̇аа бунад̣̇зва б̣аалабхааваббад̇д̇и жа хонд̇и, звам̣ ж̇арааяа саб̣б̣асо вимад̣̇д̣̇ид̇ам̣. зд̇анд̇и сарийрам̣ вад̣̇ад̇и. милаад̇ачавижамманиссид̇анд̇и ж̇ин̣н̣абхаавзна аббамам̣салохид̇ад̇д̇аа милаад̇зхи г̇ад̇аяоб̣б̣анзхи д̇хаммзхи санниссид̇ам̣. гхаасамаамисанд̇и гхаасабхууд̇ам̣ аамисам̣ мажжунаа г̇илид̇ваа вияа бад̇идтабзд̇аб̣б̣ад̇о. гзсаломаад̣̇инаанаагун̣абабуурид̇ам̣. д̇ад̇о зва асужибхааж̇анам̣ зд̇ам̣. саб̣б̣ат̇ааби ниссаарад̇ааяа гад̣̇алигканд̇хасамам̣.
Jarāya parimadditanti yathā hatthacaraṇādiaṅgāni sithilāni honti, cakkhādīni indriyāni savisayaggahaṇe asamatthāni honti, yobbanaṃ sabbaso vigataṃ, kāyabalaṃ apagataṃ, satimatidhitiādayo vippayuttā, pubbe attano ovādapaṭikarā puttadārādayopi apasādakā, parehi vuṭṭhāpanīyasaṃvesanīyatā punadeva bālabhāvappatti ca honti, evaṃ jarāya sabbaso vimadditaṃ. Etanti sarīraṃ vadati. Milātachavicammanissitanti jiṇṇabhāvena appamaṃsalohitattā milātehi gatayobbanehi dhammehi sannissitaṃ. Ghāsamāmisanti ghāsabhūtaṃ āmisaṃ maccunā gilitvā viya patiṭṭhapetabbato. Kesalomādinānākuṇapapūritaṃ. Tato eva asucibhājanaṃ etaṃ. Sabbathāpi nissāratāya kadalikkhandhasamaṃ.
анужчавигаахийд̇и саммаасамб̣уд̣̇д̇хасса ануруубаахи. на д̇аабзяяаад̇и жид̇д̇ан̃жа гааяан̃жа на д̇аабзяяа. д̇аабанаа жзд̇т̇а самбад̇и ааяад̇и жа висаад̣̇анаа. на б̣аад̇хзяяаад̇и ‘‘наабхибхавзяяаа’’д̇и бад̣̇асса ад̇т̇ад̣̇ассанам̣. абисун̣аваажаавасзнаад̇и саб̣б̣асо бахийнабисун̣аваажад̇аавасзна. баабаанийд̇и лаамагаани нигидтагаани. д̇знааха ‘‘аббияааний’’д̇иаад̣̇и. анаад̣̇ааяаад̇и аг̇г̇ахзд̇ваа.
Anucchavikāhīti sammāsambuddhassa anurūpāhi. Na tāpeyyāti cittañca kāyañca na tāpeyya. Tāpanā cettha sampati āyati ca visādanā. Na bādheyyāti ‘‘nābhibhaveyyā’’ti padassa atthadassanaṃ. Apisuṇavācāvasenāti sabbaso pahīnapisuṇavācatāvasena. Pāpānīti lāmakāni nikiṭṭhakāni. Tenāha ‘‘appiyānī’’tiādi. Anādāyāti aggahetvā.
саад̇хубхаавзнаад̇и нид̣̇д̣̇осамад̇хурабхаавзна. амад̇асад̣̇исаад̇и сад̣̇исз д̇аб̣б̣охаарод̇и, гааран̣з вааяам̣ гаарияавохаарод̇и ааха ‘‘ниб̣б̣аанаамад̇абажжаяад̇д̇аа ваа’’д̇и. бажжаяавасзна хи саа д̇ад̣̇аа д̣̇ассанаббавад̇д̇и. жарияаад̇и жаарид̇д̇ам̣. бораан̣аа наама батамагаббигаа, б̣уд̣̇д̇хаад̣̇аяо ваа арияаа.
Sādhubhāvenāti niddosamadhurabhāvena. Amatasadisāti sadise tabbohāroti, kāraṇe vāyaṃ kāriyavohāroti āha ‘‘nibbānāmatapaccayattā vā’’ti. Paccayavasena hi sā tadā dassanappavatti. Cariyāti cārittaṃ. Porāṇā nāma paṭhamakappikā, buddhādayo vā ariyā.
бад̇идтид̇аад̇и нижжалабхаавзна адтим̣ гад̇ваа бажжаяааяад̇д̇абхаавад̇о ависам̣ваад̣̇анагаа. убхаяат̇аа бадибад̇д̇им̣ ааха ‘‘ад̇д̇ано жа барзсан̃жа ад̇т̇з бад̇идтид̇аа’’д̇и. ад̇т̇з д̣̇идтад̇хаммигасамбарааяигаад̣̇ихид̇з бад̇идтид̇ад̇д̇аа зва д̇хаммз авихим̣саад̣̇ид̇хаммз бад̇идтид̇аа. анубарод̇хагаранд̇и зд̇зна хид̇абарияааяояам̣ ад̇т̇а-сад̣̇д̣̇од̇и д̣̇ассзд̇и. д̇хаммиганд̇и д̇хаммад̇о анабзд̇ам̣, ад̇т̇ад̇хаммуубасам̣хид̇ам̣ ваа.
Patiṭṭhitāti niccalabhāvena aṭṭhiṃ katvā paccayāyattabhāvato avisaṃvādanakā. Ubhayathā paṭipattiṃ āha ‘‘attano ca paresañca atthe patiṭṭhitā’’ti. Atthe diṭṭhadhammikasamparāyikādihite patiṭṭhitattā eva dhamme avihiṃsādidhamme patiṭṭhitā. Anuparodhakaranti etena hitapariyāyoyaṃ attha-saddoti dasseti. Dhammikanti dhammato anapetaṃ, atthadhammūpasaṃhitaṃ vā.
ниб̣б̣аанаббад̇д̇ияаад̇и ниб̣б̣аанаббад̇д̇ияад̇т̇ам̣. д̣̇угкасса анд̇агирияааяа анд̇агаран̣ад̇т̇ам̣. яасмаа б̣уд̣̇д̇хо кзмааяа бхаасад̇и, д̇асмаа кзмуббад̇д̇ихзд̇уяаа кзмаа, д̇асмаа саа саб̣б̣аваажаанам̣ уд̇д̇амаад̇и звамбзд̇т̇а ад̇т̇о д̣̇адтаб̣б̣о. манд̇ааважанавасзнаад̇и саб̣б̣ад̣̇осарахид̇авасзна.
Nibbānappattiyāti nibbānappattiyatthaṃ. Dukkhassa antakiriyāya antakaraṇatthaṃ. Yasmā buddho khemāya bhāsati, tasmā khemuppattihetuyā khemā, tasmā sā sabbavācānaṃ uttamāti evampettha attho daṭṭhabbo. Mantāvacanavasenāti sabbadosarahitavasena.
субхаасид̇асуд̇д̇аван̣н̣анаа нидтид̇аа.
Subhāsitasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. субхаасид̇асуд̇д̇ам̣ • 5. Subhāsitasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. субхаасид̇асуд̇д̇аван̣н̣анаа • 5. Subhāsitasuttavaṇṇanā
