| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. সুভসুত্তং
3. Subhasuttaṃ
১৩৯. এৰং মে সুতং – একং সমযং ভগৰা উরুৰেলাযং ৰিহরতি নজ্জা নেরঞ্জরায তীরে অজপালনিগ্রোধমূলে পঠমাভিসম্বুদ্ধো। তেন খো পন সমযেন ভগৰা রত্তন্ধকারতিমিসাযং অব্ভোকাসে নিসিন্নো হোতি, দেৰো চ একমেকং ফুসাযতি। অথ খো মারো পাপিমা, ভগৰতো ভযং ছম্ভিতত্তং লোমহংসং উপ্পাদেতুকামো, যেন ভগৰা তেনুপসঙ্কমি; উপসঙ্কমিত্ৰা ভগৰতো অৰিদূরে উচ্চাৰচা ৰণ্ণনিভা উপদংসেতি, সুভা চেৰ অসুভা চ। অথ খো ভগৰা ‘‘মারো অযং পাপিমা’’ ইতি ৰিদিত্ৰা মারং পাপিমন্তং গাথাহি অজ্ঝভাসি –
139. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Tena kho pana samayena bhagavā rattandhakāratimisāyaṃ abbhokāse nisinno hoti, devo ca ekamekaṃ phusāyati. Atha kho māro pāpimā, bhagavato bhayaṃ chambhitattaṃ lomahaṃsaṃ uppādetukāmo, yena bhagavā tenupasaṅkami; upasaṅkamitvā bhagavato avidūre uccāvacā vaṇṇanibhā upadaṃseti, subhā ceva asubhā ca. Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāhi ajjhabhāsi –
‘‘সংসরং দীঘমদ্ধানং, ৰণ্ণং কত্ৰা সুভাসুভং।
‘‘Saṃsaraṃ dīghamaddhānaṃ, vaṇṇaṃ katvā subhāsubhaṃ;
অলং তে তেন পাপিম, নিহতো ত্ৰমসি অন্তক॥
Alaṃ te tena pāpima, nihato tvamasi antaka.
‘‘যে চ কাযেন ৰাচায, মনসা চ সুসংৰুতা।
‘‘Ye ca kāyena vācāya, manasā ca susaṃvutā;
অথ খো মারো…পে॰… তত্থেৰন্তরধাযীতি।
Atha kho māro…pe… tatthevantaradhāyīti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. সুভসুত্তৰণ্ণনা • 3. Subhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. সুভসুত্তৰণ্ণনা • 3. Subhasuttavaṇṇanā
