| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
10. субхасуд̇д̇ам̣
10. Subhasuttaṃ
субхамаан̣ававад̇т̇у
Subhamāṇavavatthu
444. звам̣ мз суд̇ам̣ – згам̣ самаяам̣ ааяасмаа аананд̣̇о саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз ажирабариниб̣б̣уд̇з бхаг̇авад̇и. д̇зна ко бана самаязна субхо маан̣аво д̇од̣̇зяяабуд̇д̇о саавад̇т̇ияам̣ бадивасад̇и гзнажид̣̇зва гаран̣ийязна.
444. Evaṃ me sutaṃ – ekaṃ samayaṃ āyasmā ānando sāvatthiyaṃ viharati jetavane anāthapiṇḍikassa ārāme aciraparinibbute bhagavati. Tena kho pana samayena subho māṇavo todeyyaputto sāvatthiyaṃ paṭivasati kenacideva karaṇīyena.
445. ат̇а ко субхо маан̣аво д̇од̣̇зяяабуд̇д̇о ан̃н̃ад̇арам̣ маан̣авагам̣ ааманд̇зси – ‘‘зхи д̇вам̣, маан̣авага, язна саман̣о аананд̣̇о д̇знубасан̇гама; убасан̇гамид̇ваа мама важанзна саман̣ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘субхо маан̣аво д̇од̣̇зяяабуд̇д̇о бхаванд̇ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и. зван̃жа вад̣̇зхи – ‘саад̇ху гира бхавам̣ аананд̣̇о язна субхасса маан̣авасса д̇од̣̇зяяабуд̇д̇асса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и.
445. Atha kho subho māṇavo todeyyaputto aññataraṃ māṇavakaṃ āmantesi – ‘‘ehi tvaṃ, māṇavaka, yena samaṇo ānando tenupasaṅkama; upasaṅkamitvā mama vacanena samaṇaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘subho māṇavo todeyyaputto bhavantaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘sādhu kira bhavaṃ ānando yena subhassa māṇavassa todeyyaputtassa nivesanaṃ tenupasaṅkamatu anukampaṃ upādāyā’’’ti.
446. ‘‘звам̣, бхо’’д̇и ко со маан̣аваго субхасса маан̣авасса д̇од̣̇зяяабуд̇д̇асса бадиссуд̇ваа язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко со маан̣аваго ааяасманд̇ам̣ аананд̣̇ам̣ зд̇ад̣̇авожа – ‘‘субхо маан̣аво д̇од̣̇зяяабуд̇д̇о бхаванд̇ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и; зван̃жа вад̣̇зд̇и – ‘саад̇ху гира бхавам̣ аананд̣̇о язна субхасса маан̣авасса д̇од̣̇зяяабуд̇д̇асса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и.
446. ‘‘Evaṃ, bho’’ti kho so māṇavako subhassa māṇavassa todeyyaputtassa paṭissutvā yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho so māṇavako āyasmantaṃ ānandaṃ etadavoca – ‘‘subho māṇavo todeyyaputto bhavantaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati; evañca vadeti – ‘sādhu kira bhavaṃ ānando yena subhassa māṇavassa todeyyaputtassa nivesanaṃ tenupasaṅkamatu anukampaṃ upādāyā’’’ti.
447. звам̣ вуд̇д̇з, ааяасмаа аананд̣̇о д̇ам̣ маан̣авагам̣ зд̇ад̣̇авожа – ‘‘агаало ко, маан̣авага . ад̇т̇и мз аж̇ж̇а бхзсаж̇ж̇амад̇д̇аа бийд̇аа. аббзванаама свзби убасан̇гамзяяаама гаалан̃жа самаяан̃жа убаад̣̇ааяаа’’д̇и.
447. Evaṃ vutte, āyasmā ānando taṃ māṇavakaṃ etadavoca – ‘‘akālo kho, māṇavaka . Atthi me ajja bhesajjamattā pītā. Appevanāma svepi upasaṅkameyyāma kālañca samayañca upādāyā’’ti.
‘‘звам̣, бхо’’д̇и ко со маан̣аваго ааяасмад̇о аананд̣̇асса бадиссуд̇ваа удтааяаасанаа язна субхо маан̣аво д̇од̣̇зяяабуд̇д̇о д̇знубасан̇гами ; убасан̇гамид̇ваа субхам̣ маан̣авам̣ д̇од̣̇зяяабуд̇д̇ам̣ зд̇ад̣̇авожа, ‘‘авожумхаа ко маяам̣ бход̇о важанзна д̇ам̣ бхаванд̇ам̣ аананд̣̇ам̣ – ‘субхо маан̣аво д̇од̣̇зяяабуд̇д̇о бхаванд̇ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇и, зван̃жа вад̣̇зд̇и – ‘‘саад̇ху гира бхавам̣ аананд̣̇о язна субхасса маан̣авасса д̇од̣̇зяяабуд̇д̇асса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и. звам̣ вуд̇д̇з, бхо, саман̣о аананд̣̇о мам̣ зд̇ад̣̇авожа – ‘агаало ко, маан̣авага. ад̇т̇и мз аж̇ж̇а бхзсаж̇ж̇амад̇д̇аа бийд̇аа. аббзванаама свзби убасан̇гамзяяаама гаалан̃жа самаяан̃жа убаад̣̇ааяаа’д̇и. зд̇д̇аавад̇ааби ко, бхо, гад̇амзва зд̇ам̣, яад̇о ко со бхавам̣ аананд̣̇о огаасамагааси сваад̇анааяаби убасан̇гаманааяаа’’д̇и.
‘‘Evaṃ, bho’’ti kho so māṇavako āyasmato ānandassa paṭissutvā uṭṭhāyāsanā yena subho māṇavo todeyyaputto tenupasaṅkami ; upasaṅkamitvā subhaṃ māṇavaṃ todeyyaputtaṃ etadavoca, ‘‘avocumhā kho mayaṃ bhoto vacanena taṃ bhavantaṃ ānandaṃ – ‘subho māṇavo todeyyaputto bhavantaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati, evañca vadeti – ‘‘sādhu kira bhavaṃ ānando yena subhassa māṇavassa todeyyaputtassa nivesanaṃ tenupasaṅkamatu anukampaṃ upādāyā’’’ti. Evaṃ vutte, bho, samaṇo ānando maṃ etadavoca – ‘akālo kho, māṇavaka. Atthi me ajja bhesajjamattā pītā. Appevanāma svepi upasaṅkameyyāma kālañca samayañca upādāyā’ti. Ettāvatāpi kho, bho, katameva etaṃ, yato kho so bhavaṃ ānando okāsamakāsi svātanāyapi upasaṅkamanāyā’’ti.
448. ат̇а ко ааяасмаа аананд̣̇о д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа жзд̇агзна бхигкунаа бажчаасаман̣зна язна субхасса маан̣авасса д̇од̣̇зяяабуд̇д̇асса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и.
448. Atha kho āyasmā ānando tassā rattiyā accayena pubbaṇhasamayaṃ nivāsetvā pattacīvaramādāya cetakena bhikkhunā pacchāsamaṇena yena subhassa māṇavassa todeyyaputtassa nivesanaṃ tenupasaṅkami; upasaṅkamitvā paññatte āsane nisīdi.
ат̇а ко субхо маан̣аво д̇од̣̇зяяабуд̇д̇о язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко субхо маан̣аво д̇од̣̇зяяабуд̇д̇о ааяасманд̇ам̣ аананд̣̇ам̣ зд̇ад̣̇авожа – ‘‘бхаван̃хи аананд̣̇о д̇асса бход̇о г̇од̇амасса д̣̇ийгхарад̇д̇ам̣ убадтааго санд̇игааважаро самийбажаарий. бхавамзд̇ам̣ аананд̣̇о ж̇аанзяяа, язсам̣ со бхавам̣ г̇од̇амо д̇хаммаанам̣ ван̣н̣аваад̣̇ий ахоси, яад̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзси. гад̇амзсаанам̣ ко, бхо аананд̣̇а, д̇хаммаанам̣ со бхавам̣ г̇од̇амо ван̣н̣аваад̣̇ий ахоси; гад̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзсий’’д̇и?
Atha kho subho māṇavo todeyyaputto yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho subho māṇavo todeyyaputto āyasmantaṃ ānandaṃ etadavoca – ‘‘bhavañhi ānando tassa bhoto gotamassa dīgharattaṃ upaṭṭhāko santikāvacaro samīpacārī. Bhavametaṃ ānando jāneyya, yesaṃ so bhavaṃ gotamo dhammānaṃ vaṇṇavādī ahosi, yattha ca imaṃ janataṃ samādapesi nivesesi patiṭṭhāpesi. Katamesānaṃ kho, bho ānanda, dhammānaṃ so bhavaṃ gotamo vaṇṇavādī ahosi; kattha ca imaṃ janataṃ samādapesi nivesesi patiṭṭhāpesī’’ti?
449. ‘‘д̇ин̣н̣ам̣ ко, маан̣ава, канд̇хаанам̣ со бхаг̇аваа ван̣н̣аваад̣̇ий ахоси; зд̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзси. гад̇амзсам̣ д̇ин̣н̣ам̣? арияасса сийлагканд̇хасса, арияасса самаад̇хигканд̇хасса, арияасса бан̃н̃аагканд̇хасса. имзсам̣ ко, маан̣ава, д̇ин̣н̣ам̣ канд̇хаанам̣ со бхаг̇аваа ван̣н̣аваад̣̇ий ахоси; зд̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзсий’’д̇и.
449. ‘‘Tiṇṇaṃ kho, māṇava, khandhānaṃ so bhagavā vaṇṇavādī ahosi; ettha ca imaṃ janataṃ samādapesi nivesesi patiṭṭhāpesi. Katamesaṃ tiṇṇaṃ? Ariyassa sīlakkhandhassa, ariyassa samādhikkhandhassa, ariyassa paññākkhandhassa. Imesaṃ kho, māṇava, tiṇṇaṃ khandhānaṃ so bhagavā vaṇṇavādī ahosi; ettha ca imaṃ janataṃ samādapesi nivesesi patiṭṭhāpesī’’ti.
сийлагканд̇хо
Sīlakkhandho
450. ‘‘гад̇амо бана со, бхо аананд̣̇а, арияо сийлагканд̇хо, яасса со бхавам̣ г̇од̇амо ван̣н̣аваад̣̇ий ахоси, яад̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзсий’’д̇и?
450. ‘‘Katamo pana so, bho ānanda, ariyo sīlakkhandho, yassa so bhavaṃ gotamo vaṇṇavādī ahosi, yattha ca imaṃ janataṃ samādapesi nivesesi patiṭṭhāpesī’’ti?
‘‘ид̇ха, маан̣ава, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о. со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и – ‘самб̣аад̇хо гхарааваасо раж̇обат̇о, аб̣бхогаасо баб̣б̣аж̇ж̇аа, наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и. со звам̣ баб̣б̣аж̇ид̇о самаано баад̇имогкасам̣варасам̣вуд̇о вихарад̇и, аажаараг̇ожарасамбанно, анумад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу, гааяагаммаважийгаммзна саманнааг̇ад̇о гусалзна, барисуд̣̇д̇хааж̇ийво, сийласамбанно, инд̣̇риязсу г̇уд̇д̇ад̣̇вааро, сад̇исамбаж̇ан̃н̃зна саманнааг̇ад̇о, санд̇удто.
‘‘Idha, māṇava, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Taṃ dhammaṃ suṇāti gahapati vā gahapatiputto vā aññatarasmiṃ vā kule paccājāto. So taṃ dhammaṃ sutvā tathāgate saddhaṃ paṭilabhati. So tena saddhāpaṭilābhena samannāgato iti paṭisañcikkhati – ‘sambādho gharāvāso rajopatho, abbhokāso pabbajjā, nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So aparena samayena appaṃ vā bhogakkhandhaṃ pahāya mahantaṃ vā bhogakkhandhaṃ pahāya appaṃ vā ñātiparivaṭṭaṃ pahāya mahantaṃ vā ñātiparivaṭṭaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati. So evaṃ pabbajito samāno pātimokkhasaṃvarasaṃvuto viharati, ācāragocarasampanno, anumattesu vajjesu bhayadassāvī, samādāya sikkhati sikkhāpadesu, kāyakammavacīkammena samannāgato kusalena, parisuddhājīvo, sīlasampanno, indriyesu guttadvāro, satisampajaññena samannāgato, santuṭṭho.
451. ‘‘гат̇ан̃жа, маан̣ава, бхигку сийласамбанно ход̇и? ид̇ха, маан̣ава, бхигку баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и, нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно, саб̣б̣абаан̣абхууд̇ахид̇аанугамбий вихарад̇и. яамби, маан̣ава, бхигку баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и, нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно, саб̣б̣абаан̣абхууд̇ахид̇аанугамбий вихарад̇и; ид̣̇амбисса ход̇и сийласмим̣. (яат̇аа 194 яаава 210 анужчзд̣̇зсу звам̣ вид̇т̇аарзд̇аб̣б̣ам̣).
451. ‘‘Kathañca, māṇava, bhikkhu sīlasampanno hoti? Idha, māṇava, bhikkhu pāṇātipātaṃ pahāya pāṇātipātā paṭivirato hoti, nihitadaṇḍo nihitasattho lajjī dayāpanno, sabbapāṇabhūtahitānukampī viharati. Yampi, māṇava, bhikkhu pāṇātipātaṃ pahāya pāṇātipātā paṭivirato hoti, nihitadaṇḍo nihitasattho lajjī dayāpanno, sabbapāṇabhūtahitānukampī viharati; idampissa hoti sīlasmiṃ. (Yathā 194 yāva 210 anucchedesu evaṃ vitthāretabbaṃ).
‘‘яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и, сзяяат̇ид̣̇ам̣ – санд̇игаммам̣ бан̣ид̇хигаммам̣ бхууд̇агаммам̣ бхууригаммам̣ вассагаммам̣ воссагаммам̣ вад̇т̇угаммам̣ вад̇т̇убаригаммам̣ аажаманам̣ нхаабанам̣ ж̇уханам̣ ваманам̣ вирзжанам̣ уд̣̇д̇хам̣вирзжанам̣ ад̇ховирзжанам̣ сийсавирзжанам̣ ган̣н̣ад̇злам̣ нзд̇д̇ад̇аббанам̣ над̇т̇угаммам̣ ан̃ж̇анам̣ бажжан̃ж̇анам̣ саалаагияам̣ саллагад̇д̇ияам̣ д̣̇аарагад̇игижчаа муулабхзсаж̇ж̇аанам̣ ануббад̣̇аанам̣ осад̇хийнам̣ бадимогко ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. яамби, маан̣ава, бхигку яат̇аа ваа банзгз бхонд̇о саман̣аб̣раахман̣аа сад̣̇д̇хаад̣̇зяяаани бхож̇анаани бхун̃ж̇ид̇ваа д̇з зваруубааяа д̇иражчаанавиж̇ж̇ааяа мижчааж̇ийвзна ж̇ийвид̇ам̣ габбзнд̇и, сзяяат̇ид̣̇ам̣, санд̇игаммам̣ бан̣ид̇хигаммам̣…бз… осад̇хийнам̣ бадимогко ид̇и ваа ид̇и зваруубааяа д̇иражчаанавиж̇ж̇ааяа мижчааж̇ийваа бадивирад̇о ход̇и. ид̣̇амбисса ход̇и сийласмим̣.
‘‘Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṃ kappenti, seyyathidaṃ – santikammaṃ paṇidhikammaṃ bhūtakammaṃ bhūrikammaṃ vassakammaṃ vossakammaṃ vatthukammaṃ vatthuparikammaṃ ācamanaṃ nhāpanaṃ juhanaṃ vamanaṃ virecanaṃ uddhaṃvirecanaṃ adhovirecanaṃ sīsavirecanaṃ kaṇṇatelaṃ nettatappanaṃ natthukammaṃ añjanaṃ paccañjanaṃ sālākiyaṃ sallakattiyaṃ dārakatikicchā mūlabhesajjānaṃ anuppadānaṃ osadhīnaṃ paṭimokkho iti vā iti evarūpāya tiracchānavijjāya micchājīvā paṭivirato hoti. Yampi, māṇava, bhikkhu yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpāya tiracchānavijjāya micchājīvena jīvitaṃ kappenti, seyyathidaṃ, santikammaṃ paṇidhikammaṃ…pe… osadhīnaṃ paṭimokkho iti vā iti evarūpāya tiracchānavijjāya micchājīvā paṭivirato hoti. Idampissa hoti sīlasmiṃ.
452. ‘‘са ко со 1, маан̣ава, бхигку звам̣ сийласамбанно на гуд̇ожи бхаяам̣ саманубассад̇и, яад̣̇ид̣̇ам̣ сийласам̣варад̇о. сзяяат̇ааби, маан̣ава, рааж̇аа кад̇д̇ияо муд̣̇д̇хаавасид̇д̇о нихад̇абажжаамид̇д̇о на гуд̇ожи бхаяам̣ саманубассад̇и, яад̣̇ид̣̇ам̣ бажжад̇т̇игад̇о. звамзва ко, маан̣ава, бхигку звам̣ сийласамбанно на гуд̇ожи бхаяам̣ саманубассад̇и, яад̣̇ид̣̇ам̣ сийласам̣варад̇о. со иминаа ариязна сийлагканд̇хзна саманнааг̇ад̇о аж̇жхад̇д̇ам̣ анаваж̇ж̇асукам̣ бадисам̣взд̣̇зд̇и. звам̣ ко, маан̣ава, бхигку сийласамбанно ход̇и.
452. ‘‘Sa kho so 2, māṇava, bhikkhu evaṃ sīlasampanno na kutoci bhayaṃ samanupassati, yadidaṃ sīlasaṃvarato. Seyyathāpi, māṇava, rājā khattiyo muddhāvasitto nihatapaccāmitto na kutoci bhayaṃ samanupassati, yadidaṃ paccatthikato. Evameva kho, māṇava, bhikkhu evaṃ sīlasampanno na kutoci bhayaṃ samanupassati, yadidaṃ sīlasaṃvarato. So iminā ariyena sīlakkhandhena samannāgato ajjhattaṃ anavajjasukhaṃ paṭisaṃvedeti. Evaṃ kho, māṇava, bhikkhu sīlasampanno hoti.
453. ‘‘аяам̣ ко со, маан̣ава, арияо сийлагканд̇хо яасса со бхаг̇аваа ван̣н̣аваад̣̇ий ахоси, яад̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзси. ад̇т̇и жзвзд̇т̇а уд̇д̇аригаран̣ийяа’’нд̇и.
453. ‘‘Ayaṃ kho so, māṇava, ariyo sīlakkhandho yassa so bhagavā vaṇṇavādī ahosi, yattha ca imaṃ janataṃ samādapesi nivesesi patiṭṭhāpesi. Atthi cevettha uttarikaraṇīya’’nti.
‘‘ажчарияам̣, бхо аананд̣̇а, аб̣бхуд̇ам̣, бхо аананд̣̇а! со жааяам̣, бхо аананд̣̇а, арияо сийлагканд̇хо барибун̣н̣о, но абарибун̣н̣о. звам̣ барибун̣н̣ам̣ жаахам̣, бхо, аананд̣̇а, арияам̣ сийлагканд̇хам̣ ид̇о б̣ахид̣̇д̇хаа ан̃н̃зсу саман̣аб̣раахман̣зсу на саманубассаами. звам̣ барибун̣н̣ан̃жа, бхо аананд̣̇а, арияам̣ сийлагканд̇хам̣ ид̇о б̣ахид̣̇д̇хаа ан̃н̃з саман̣аб̣раахман̣аа ад̇д̇ани саманубассзяяум̣, д̇з д̇аавад̇агзнзва ад̇д̇аманаа ассу – ‘аламзд̇д̇аавад̇аа, гад̇амзд̇д̇аавад̇аа, ануббад̇д̇о но сааман̃н̃ад̇т̇о, над̇т̇и но гин̃жи уд̇д̇аригаран̣ийяа’нд̇и. ат̇а жа бана бхавам̣ аананд̣̇о звамааха – ‘ад̇т̇и жзвзд̇т̇а уд̇д̇аригаран̣ийяа’’’нд̇и 3.
‘‘Acchariyaṃ, bho ānanda, abbhutaṃ, bho ānanda! So cāyaṃ, bho ānanda, ariyo sīlakkhandho paripuṇṇo, no aparipuṇṇo. Evaṃ paripuṇṇaṃ cāhaṃ, bho, ānanda, ariyaṃ sīlakkhandhaṃ ito bahiddhā aññesu samaṇabrāhmaṇesu na samanupassāmi. Evaṃ paripuṇṇañca, bho ānanda, ariyaṃ sīlakkhandhaṃ ito bahiddhā aññe samaṇabrāhmaṇā attani samanupasseyyuṃ, te tāvatakeneva attamanā assu – ‘alamettāvatā, katamettāvatā, anuppatto no sāmaññattho, natthi no kiñci uttarikaraṇīya’nti. Atha ca pana bhavaṃ ānando evamāha – ‘atthi cevettha uttarikaraṇīya’’’nti 4.
самаад̇хигканд̇хо
Samādhikkhandho
454. ‘‘гад̇амо бана со, бхо аананд̣̇а, арияо самаад̇хигканд̇хо, яасса со бхавам̣ г̇од̇амо ван̣н̣аваад̣̇ий ахоси, яад̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзсий’’д̇и?
454. ‘‘Katamo pana so, bho ānanda, ariyo samādhikkhandho, yassa so bhavaṃ gotamo vaṇṇavādī ahosi, yattha ca imaṃ janataṃ samādapesi nivesesi patiṭṭhāpesī’’ti?
‘‘гат̇ан̃жа, маан̣ава, бхигку инд̣̇риязсу г̇уд̇д̇ад̣̇вааро ход̇и? ид̇ха, маан̣ава, бхигку жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий; яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий; яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. со иминаа ариязна инд̣̇рияасам̣варзна саманнааг̇ад̇о аж̇жхад̇д̇ам̣ аб̣яаасзгасукам̣ бадисам̣взд̣̇зд̇и. звам̣ ко, маан̣ава, бхигку инд̣̇риязсу г̇уд̇д̇ад̣̇вааро ход̇и.
‘‘Kathañca, māṇava, bhikkhu indriyesu guttadvāro hoti? Idha, māṇava, bhikkhu cakkhunā rūpaṃ disvā na nimittaggāhī hoti nānubyañjanaggāhī; yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na nimittaggāhī hoti nānubyañjanaggāhī; yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. So iminā ariyena indriyasaṃvarena samannāgato ajjhattaṃ abyāsekasukhaṃ paṭisaṃvedeti. Evaṃ kho, māṇava, bhikkhu indriyesu guttadvāro hoti.
455. ‘‘гат̇ан̃жа, маан̣ава, бхигку сад̇исамбаж̇ан̃н̃зна саманнааг̇ад̇о ход̇и? ид̇ха, маан̣ава, бхигку абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и, самин̃ж̇ид̇з басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и. звам̣ ко, маан̣ава, бхигку сад̇исамбаж̇ан̃н̃зна саманнааг̇ад̇о ход̇и.
455. ‘‘Kathañca, māṇava, bhikkhu satisampajaññena samannāgato hoti? Idha, māṇava, bhikkhu abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti. Evaṃ kho, māṇava, bhikkhu satisampajaññena samannāgato hoti.
456. ‘‘гат̇ан̃жа, маан̣ава, бхигку санд̇удто ход̇и? ид̇ха, маан̣ава, бхигку санд̇удто ход̇и гааяабарихааригзна жийварзна гужчибарихааригзна бин̣д̣абаад̇зна. со язна язнзва баггамад̇и, самаад̣̇ааязва баггамад̇и. сзяяат̇ааби, маан̣ава, багкий сагун̣о язна язнзва д̣зд̇и, сабад̇д̇абхаарова д̣зд̇и ; звамзва ко, маан̣ава, бхигку санд̇удто ход̇и гааяабарихааригзна жийварзна гужчибарихааригзна бин̣д̣абаад̇зна. со язна язнзва баггамад̇и, самаад̣̇ааязва баггамад̇и. звам̣ ко, маан̣ава, бхигку санд̇удто ход̇и.
456. ‘‘Kathañca, māṇava, bhikkhu santuṭṭho hoti? Idha, māṇava, bhikkhu santuṭṭho hoti kāyaparihārikena cīvarena kucchiparihārikena piṇḍapātena. So yena yeneva pakkamati, samādāyeva pakkamati. Seyyathāpi, māṇava, pakkhī sakuṇo yena yeneva ḍeti, sapattabhārova ḍeti ; evameva kho, māṇava, bhikkhu santuṭṭho hoti kāyaparihārikena cīvarena kucchiparihārikena piṇḍapātena. So yena yeneva pakkamati, samādāyeva pakkamati. Evaṃ kho, māṇava, bhikkhu santuṭṭho hoti.
457. ‘‘со иминаа жа ариязна сийлагканд̇хзна саманнааг̇ад̇о, иминаа жа ариязна инд̣̇рияасам̣варзна саманнааг̇ад̇о, иминаа жа ариязна сад̇исамбаж̇ан̃н̃зна саманнааг̇ад̇о, имааяа жа арияааяа санд̇удтияаа саманнааг̇ад̇о вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇аббадигганд̇о нисийд̣̇ад̇и баллан̇гам̣ аабхуж̇ид̇ваа, уж̇ум̣ гааяам̣ бан̣ид̇хааяа, баримукам̣ сад̇им̣ убадтабзд̇ваа.
457. ‘‘So iminā ca ariyena sīlakkhandhena samannāgato, iminā ca ariyena indriyasaṃvarena samannāgato, iminā ca ariyena satisampajaññena samannāgato, imāya ca ariyāya santuṭṭhiyā samannāgato vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So pacchābhattaṃ piṇḍapātappaṭikkanto nisīdati pallaṅkaṃ ābhujitvā, ujuṃ kāyaṃ paṇidhāya, parimukhaṃ satiṃ upaṭṭhapetvā.
458. ‘‘со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и абхиж̇жхааяа жид̇д̇ам̣ барисод̇хзд̇и. б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и саб̣б̣абаан̣абхууд̇ахид̇аанугамбий б̣яаабаад̣̇абад̣̇осаа жид̇д̇ам̣ барисод̇хзд̇и. т̇инамид̣̇д̇хам̣ бахааяа виг̇ад̇ат̇инамид̣̇д̇хо вихарад̇и аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и. уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ вуубасанд̇ажид̇д̇о уд̣̇д̇хажжагуггужжаа жид̇д̇ам̣ барисод̇хзд̇и. вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
458. ‘‘So abhijjhaṃ loke pahāya vigatābhijjhena cetasā viharati abhijjhāya cittaṃ parisodheti. Byāpādapadosaṃ pahāya abyāpannacitto viharati sabbapāṇabhūtahitānukampī byāpādapadosā cittaṃ parisodheti. Thinamiddhaṃ pahāya vigatathinamiddho viharati ālokasaññī sato sampajāno, thinamiddhā cittaṃ parisodheti. Uddhaccakukkuccaṃ pahāya anuddhato viharati ajjhattaṃ vūpasantacitto uddhaccakukkuccā cittaṃ parisodheti. Vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
459. ‘‘сзяяат̇ааби, маан̣ава, бурисо ин̣ам̣ аад̣̇ааяа гамманд̇з баяож̇зяяа. д̇асса д̇з гамманд̇аа самиж̇жхзяяум̣. со яаани жа бораан̣аани ин̣амуулаани д̇аани жа б̣яанд̇им̣ гарзяяа, сияаа жасса уд̇д̇арим̣ авасидтам̣ д̣̇аарабхаран̣ааяа. д̇асса звамасса – ‘ахам̣ ко буб̣б̣з ин̣ам̣ аад̣̇ааяа гамманд̇з баяож̇зсим̣ . д̇асса мз д̇з гамманд̇аа самиж̇жхим̣су. сохам̣ яаани жа бораан̣аани ин̣амуулаани д̇аани жа б̣яанд̇им̣ агаасим̣, ад̇т̇и жа мз уд̇д̇арим̣ авасидтам̣ д̣̇аарабхаран̣ааяаа’д̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.
459. ‘‘Seyyathāpi, māṇava, puriso iṇaṃ ādāya kammante payojeyya. Tassa te kammantā samijjheyyuṃ. So yāni ca porāṇāni iṇamūlāni tāni ca byantiṃ kareyya, siyā cassa uttariṃ avasiṭṭhaṃ dārabharaṇāya. Tassa evamassa – ‘ahaṃ kho pubbe iṇaṃ ādāya kammante payojesiṃ . Tassa me te kammantā samijjhiṃsu. Sohaṃ yāni ca porāṇāni iṇamūlāni tāni ca byantiṃ akāsiṃ, atthi ca me uttariṃ avasiṭṭhaṃ dārabharaṇāyā’ti. So tatonidānaṃ labhetha pāmojjaṃ, adhigaccheyya somanassaṃ.
460. ‘‘сзяяат̇ааби, маан̣ава, бурисо ааб̣аад̇хиго асса д̣̇угкид̇о б̣аал̣хаг̇илаано; бхад̇д̇ан̃жасса нажчаад̣̇зяяа, на жасса гааяз б̣аламад̇д̇аа. со абарзна самаязна д̇амхаа ааб̣аад̇хаа мужжзяяа, бхад̇д̇ан̃жасса чаад̣̇зяяа, сияаа жасса гааяз б̣аламад̇д̇аа. д̇асса звамасса – ‘ахам̣ ко буб̣б̣з ааб̣аад̇хиго ахосим̣ д̣̇угкид̇о б̣аал̣хаг̇илаано, бхад̇д̇ан̃жа мз нажчаад̣̇зси, на жа мз ааси гааяз б̣аламад̇д̇аа. сомхи зд̇арахи д̇амхаа ааб̣аад̇хаа муд̇д̇о бхад̇д̇ан̃жа мз чаад̣̇зд̇и, ад̇т̇и жа мз гааяз б̣аламад̇д̇аа’д̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.
460. ‘‘Seyyathāpi, māṇava, puriso ābādhiko assa dukkhito bāḷhagilāno; bhattañcassa nacchādeyya, na cassa kāye balamattā. So aparena samayena tamhā ābādhā mucceyya, bhattañcassa chādeyya, siyā cassa kāye balamattā. Tassa evamassa – ‘ahaṃ kho pubbe ābādhiko ahosiṃ dukkhito bāḷhagilāno, bhattañca me nacchādesi, na ca me āsi kāye balamattā. Somhi etarahi tamhā ābādhā mutto bhattañca me chādeti, atthi ca me kāye balamattā’ti. So tatonidānaṃ labhetha pāmojjaṃ, adhigaccheyya somanassaṃ.
461. ‘‘сзяяат̇ааби, маан̣ава, бурисо б̣анд̇ханааг̇аарз б̣ад̣̇д̇хо асса. со абарзна самаязна д̇амхаа б̣анд̇ханааг̇аараа мужжзяяа сод̇т̇инаа аб̣бхаязна, на жасса гин̃жи бхог̇аанам̣ ваяо. д̇асса звамасса – ‘ахам̣ ко буб̣б̣з б̣анд̇ханааг̇аарз б̣ад̣̇д̇хо ахосим̣. сомхи зд̇арахи д̇амхаа б̣анд̇ханааг̇аараа муд̇д̇о сод̇т̇инаа аб̣бхаязна, над̇т̇и жа мз гин̃жи бхог̇аанам̣ ваяо’д̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.
461. ‘‘Seyyathāpi, māṇava, puriso bandhanāgāre baddho assa. So aparena samayena tamhā bandhanāgārā mucceyya sotthinā abbhayena, na cassa kiñci bhogānaṃ vayo. Tassa evamassa – ‘ahaṃ kho pubbe bandhanāgāre baddho ahosiṃ. Somhi etarahi tamhā bandhanāgārā mutto sotthinā abbhayena, natthi ca me kiñci bhogānaṃ vayo’ti. So tatonidānaṃ labhetha pāmojjaṃ, adhigaccheyya somanassaṃ.
462. ‘‘сзяяат̇ааби, маан̣ава, бурисо д̣̇аасо асса анад̇д̇аад̇хийно бараад̇хийно на язнагаамам̣г̇амо. со абарзна самаязна д̇амхаа д̣̇аасаб̣яаа мужжзяяа, ад̇д̇аад̇хийно абараад̇хийно бхуж̇иссо язнагаамам̣г̇амо. д̇асса звамасса – ‘ахам̣ ко буб̣б̣з д̣̇аасо ахосим̣ анад̇д̇аад̇хийно бараад̇хийно на язнагаамам̣г̇амо. сомхи зд̇арахи д̇амхаа д̣̇аасаб̣яаа муд̇д̇о ад̇д̇аад̇хийно абараад̇хийно бхуж̇иссо язнагаамам̣г̇амо’д̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.
462. ‘‘Seyyathāpi, māṇava, puriso dāso assa anattādhīno parādhīno na yenakāmaṃgamo. So aparena samayena tamhā dāsabyā mucceyya, attādhīno aparādhīno bhujisso yenakāmaṃgamo. Tassa evamassa – ‘ahaṃ kho pubbe dāso ahosiṃ anattādhīno parādhīno na yenakāmaṃgamo. Somhi etarahi tamhā dāsabyā mutto attādhīno aparādhīno bhujisso yenakāmaṃgamo’ti. So tatonidānaṃ labhetha pāmojjaṃ, adhigaccheyya somanassaṃ.
463. ‘‘сзяяат̇ааби, маан̣ава, бурисо сад̇хано сабхог̇о ганд̇аарад̣̇д̇хаанамаг̇г̇ам̣ бадибаж̇ж̇зяяа д̣̇уб̣бхигкам̣ саббадибхаяам̣. со абарзна самаязна д̇ам̣ ганд̇аарам̣ нид̇т̇арзяяа, сод̇т̇инаа г̇ааманд̇ам̣ анубаабун̣зяяа кзмам̣ аббадибхаяам̣. д̇асса звамасса – ‘ахам̣ ко буб̣б̣з сад̇хано сабхог̇о ганд̇аарад̣̇д̇хаанамаг̇г̇ам̣ бадибаж̇ж̇им̣ д̣̇уб̣бхигкам̣ саббадибхаяам̣. сомхи зд̇арахи ганд̇аарам̣ нид̇т̇ин̣н̣о, сод̇т̇инаа г̇ааманд̇ам̣ ануббад̇д̇о кзмам̣ аббадибхаяа’нд̇и. со д̇ад̇онид̣̇аанам̣ лабхзт̇а баамож̇ж̇ам̣, ад̇хиг̇ажчзяяа соманассам̣.
463. ‘‘Seyyathāpi, māṇava, puriso sadhano sabhogo kantāraddhānamaggaṃ paṭipajjeyya dubbhikkhaṃ sappaṭibhayaṃ. So aparena samayena taṃ kantāraṃ nitthareyya, sotthinā gāmantaṃ anupāpuṇeyya khemaṃ appaṭibhayaṃ. Tassa evamassa – ‘ahaṃ kho pubbe sadhano sabhogo kantāraddhānamaggaṃ paṭipajjiṃ dubbhikkhaṃ sappaṭibhayaṃ. Somhi etarahi kantāraṃ nitthiṇṇo, sotthinā gāmantaṃ anuppatto khemaṃ appaṭibhaya’nti. So tatonidānaṃ labhetha pāmojjaṃ, adhigaccheyya somanassaṃ.
464. ‘‘звамзва ко, маан̣ава, бхигку яат̇аа ин̣ам̣ яат̇аа рог̇ам̣ яат̇аа б̣анд̇ханааг̇аарам̣ яат̇аа д̣̇аасаб̣яам̣ яат̇аа ганд̇аарад̣̇д̇хаанамаг̇г̇ам̣, звам̣ имз бан̃жа нийваран̣з аббахийнз ад̇д̇ани саманубассад̇и.
464. ‘‘Evameva kho, māṇava, bhikkhu yathā iṇaṃ yathā rogaṃ yathā bandhanāgāraṃ yathā dāsabyaṃ yathā kantāraddhānamaggaṃ, evaṃ ime pañca nīvaraṇe appahīne attani samanupassati.
465. ‘‘сзяяат̇ааби, маан̣ава, яат̇аа аан̣ан̣яам̣ яат̇аа аарог̇яам̣ яат̇аа б̣анд̇ханаамогкам̣ яат̇аа бхуж̇иссам̣ яат̇аа кзманд̇абхуумим̣. звамзва бхигку имз бан̃жа нийваран̣з бахийнз ад̇д̇ани саманубассад̇и.
465. ‘‘Seyyathāpi, māṇava, yathā āṇaṇyaṃ yathā ārogyaṃ yathā bandhanāmokkhaṃ yathā bhujissaṃ yathā khemantabhūmiṃ. Evameva bhikkhu ime pañca nīvaraṇe pahīne attani samanupassati.
466. ‘‘д̇ассимз бан̃жа нийваран̣з бахийнз ад̇д̇ани саманубассад̇о баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇зд̇и, сукино жид̇д̇ам̣ самаад̇хияад̇и.
466. ‘‘Tassime pañca nīvaraṇe pahīne attani samanupassato pāmojjaṃ jāyati, pamuditassa pīti jāyati, pītimanassa kāyo passambhati, passaddhakāyo sukhaṃ vedeti, sukhino cittaṃ samādhiyati.
467. ‘‘со вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. со имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и.
467. ‘‘So vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. So imameva kāyaṃ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṃ hoti.
‘‘сзяяат̇ааби, маан̣ава, д̣̇агко нхаабаго ваа нхаабаганд̇зваасий ваа гам̣сат̇аалз нхаанийяажун̣н̣аани аагирид̇ваа уд̣̇агзна барибпосагам̣ барибпосагам̣ санд̣̇зяяа. сааяам̣ нхаанийяабин̣д̣и снзхаануг̇ад̇аа снзхабарзд̇аа санд̇араб̣аахираа пудаа снзхзна, на жа баг̇гхаран̣ий. звамзва ко, маан̣ава, бхигку имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и. яамби, маан̣ава, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. со имамзва гааяам̣ вивзгаж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса вивзгаж̇зна бийд̇исукзна абпудам̣ ход̇и. ид̣̇амбисса ход̇и самаад̇хисмим̣.
‘‘Seyyathāpi, māṇava, dakkho nhāpako vā nhāpakantevāsī vā kaṃsathāle nhānīyacuṇṇāni ākiritvā udakena paripphosakaṃ paripphosakaṃ sandeyya. Sāyaṃ nhānīyapiṇḍi snehānugatā snehaparetā santarabāhirā phuṭā snehena, na ca paggharaṇī. Evameva kho, māṇava, bhikkhu imameva kāyaṃ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṃ hoti. Yampi, māṇava, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. So imameva kāyaṃ vivekajena pītisukhena abhisandeti parisandeti paripūreti parippharati, nāssa kiñci sabbāvato kāyassa vivekajena pītisukhena apphuṭaṃ hoti. Idampissa hoti samādhismiṃ.
468. ‘‘буна жабарам̣, маан̣ава, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. со имамзва гааяам̣ самаад̇хиж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса самаад̇хиж̇зна бийд̇исукзна абпудам̣ ход̇и.
468. ‘‘Puna caparaṃ, māṇava, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. So imameva kāyaṃ samādhijena pītisukhena abhisandeti parisandeti paripūreti parippharati, nāssa kiñci sabbāvato kāyassa samādhijena pītisukhena apphuṭaṃ hoti.
‘‘сзяяат̇ааби , маан̣ава, уд̣̇агарахад̣̇о г̇амбхийро уб̣бхид̣̇од̣̇аго. д̇асса нзвасса бурад̇т̇имааяа д̣̇исааяа уд̣̇агасса ааяамукам̣, на д̣̇агкин̣ааяа д̣̇исааяа уд̣̇агасса ааяамукам̣, на бажчимааяа д̣̇исааяа уд̣̇агасса ааяамукам̣, на уд̇д̇арааяа д̣̇исааяа уд̣̇агасса ааяамукам̣, д̣̇зво жа на гаалзна гаалам̣ саммаа д̇хаарам̣ анубавзжчзяяа. ат̇а ко д̇амхаава уд̣̇агарахад̣̇аа сийд̇аа ваарид̇хаараа уб̣бхиж̇ж̇ид̇ваа д̇амзва уд̣̇агарахад̣̇ам̣ сийд̇зна вааринаа абхисанд̣̇зяяа барисанд̣̇зяяа барибуурзяяа барибпарзяяа, наасса гин̃жи саб̣б̣аавад̇о уд̣̇агарахад̣̇асса сийд̇зна вааринаа абпудам̣ асса. звамзва ко, маан̣ава, бхигку…бз… яамби, маан̣ава, бхигку вид̇аггавижаараанам̣ вуубасамаа… бз… д̣̇уд̇ияам̣ жхаанам̣ убасамбаж̇ж̇а вихарад̇и, со имамзва гааяам̣ самаад̇хиж̇зна бийд̇исукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса самаад̇хиж̇зна бийд̇исукзна абпудам̣ ход̇и. ид̣̇амбисса ход̇и самаад̇хисмим̣.
‘‘Seyyathāpi , māṇava, udakarahado gambhīro ubbhidodako. Tassa nevassa puratthimāya disāya udakassa āyamukhaṃ, na dakkhiṇāya disāya udakassa āyamukhaṃ, na pacchimāya disāya udakassa āyamukhaṃ, na uttarāya disāya udakassa āyamukhaṃ, devo ca na kālena kālaṃ sammā dhāraṃ anupaveccheyya. Atha kho tamhāva udakarahadā sītā vāridhārā ubbhijjitvā tameva udakarahadaṃ sītena vārinā abhisandeyya parisandeyya paripūreyya paripphareyya, nāssa kiñci sabbāvato udakarahadassa sītena vārinā apphuṭaṃ assa. Evameva kho, māṇava, bhikkhu…pe… yampi, māṇava, bhikkhu vitakkavicārānaṃ vūpasamā… pe… dutiyaṃ jhānaṃ upasampajja viharati, so imameva kāyaṃ samādhijena pītisukhena abhisandeti parisandeti paripūreti parippharati, nāssa kiñci sabbāvato kāyassa samādhijena pītisukhena apphuṭaṃ hoti. Idampissa hoti samādhismiṃ.
469. ‘‘буна жабарам̣, маан̣ава, бхигку бийд̇ияаа жа вирааг̇аа убзгкаго жа вихарад̇и сад̇о самбаж̇аано , сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘‘убзгкаго сад̇имаа сукавихаарий’’д̇и, д̇ад̇ияам̣ жхаанам̣ убасамбаж̇ж̇а вихарад̇и. со имамзва гааяам̣ ниббийд̇игзна сукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса ниббийд̇игзна сукзна абпудам̣ ход̇и.
469. ‘‘Puna caparaṃ, māṇava, bhikkhu pītiyā ca virāgā upekkhako ca viharati sato sampajāno , sukhañca kāyena paṭisaṃvedeti, yaṃ taṃ ariyā ācikkhanti – ‘‘upekkhako satimā sukhavihārī’’ti, tatiyaṃ jhānaṃ upasampajja viharati. So imameva kāyaṃ nippītikena sukhena abhisandeti parisandeti paripūreti parippharati, nāssa kiñci sabbāvato kāyassa nippītikena sukhena apphuṭaṃ hoti.
‘‘сзяяат̇ааби, маан̣ава, уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇онимуг̇г̇абосийни, д̇аани яаава жаг̇г̇аа яаава жа муулаа сийд̇зна вааринаа абхисаннаани барисаннаани барибуураани барибпудаани, наасса гин̃жи саб̣б̣аавад̇ам̣ уббалаанам̣ ваа бад̣̇умаанам̣ ваа бун̣д̣арийгаанам̣ ваа сийд̇зна вааринаа абпудам̣ асса. звамзва ко, маан̣ава, бхигку…бз… яамби, маан̣ава, бхигку бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. со имамзва гааяам̣ ниббийд̇игзна сукзна абхисанд̣̇зд̇и барисанд̣̇зд̇и барибуурзд̇и барибпарад̇и, наасса гин̃жи саб̣б̣аавад̇о гааяасса ниббийд̇игзна сукзна абпудам̣ ход̇и. ид̣̇амбисса ход̇и самаад̇хисмим̣.
‘‘Seyyathāpi, māṇava, uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni antonimuggaposīni, tāni yāva caggā yāva ca mūlā sītena vārinā abhisannāni parisannāni paripūrāni paripphuṭāni, nāssa kiñci sabbāvataṃ uppalānaṃ vā padumānaṃ vā puṇḍarīkānaṃ vā sītena vārinā apphuṭaṃ assa. Evameva kho, māṇava, bhikkhu…pe… yampi, māṇava, bhikkhu pītiyā ca virāgā…pe… tatiyaṃ jhānaṃ upasampajja viharati. So imameva kāyaṃ nippītikena sukhena abhisandeti parisandeti paripūreti parippharati, nāssa kiñci sabbāvato kāyassa nippītikena sukhena apphuṭaṃ hoti. Idampissa hoti samādhismiṃ.
470. ‘‘буна жабарам̣, маан̣ава, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. со имамзва гааяам̣ барисуд̣̇д̇хзна жзд̇асаа барияод̣̇аад̇зна парид̇ваа нисинно ход̇и; наасса гин̃жи саб̣б̣аавад̇о гааяасса барисуд̣̇д̇хзна жзд̇асаа барияод̣̇аад̇зна абпудам̣ ход̇и.
470. ‘‘Puna caparaṃ, māṇava, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. So imameva kāyaṃ parisuddhena cetasā pariyodātena pharitvā nisinno hoti; nāssa kiñci sabbāvato kāyassa parisuddhena cetasā pariyodātena apphuṭaṃ hoti.
‘‘сзяяат̇ааби, маан̣ава, бурисо од̣̇аад̇зна вад̇т̇зна сасийсам̣ баарубид̇ваа нисинно асса, наасса гин̃жи саб̣б̣аавад̇о гааяасса од̣̇аад̇зна вад̇т̇зна абпудам̣ асса. звамзва ко, маан̣ава, бхигку…бз… яамби, маан̣ава, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. со имамзва гааяам̣ барисуд̣̇д̇хзна жзд̇асаа барияод̣̇аад̇зна парид̇ваа нисинно ход̇и; наасса гин̃жи саб̣б̣аавад̇о гааяасса барисуд̣̇д̇хзна жзд̇асаа барияод̣̇аад̇зна абпудам̣ ход̇и. ид̣̇амбисса ход̇и самаад̇хисмим̣.
‘‘Seyyathāpi, māṇava, puriso odātena vatthena sasīsaṃ pārupitvā nisinno assa, nāssa kiñci sabbāvato kāyassa odātena vatthena apphuṭaṃ assa. Evameva kho, māṇava, bhikkhu…pe… yampi, māṇava, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. So imameva kāyaṃ parisuddhena cetasā pariyodātena pharitvā nisinno hoti; nāssa kiñci sabbāvato kāyassa parisuddhena cetasā pariyodātena apphuṭaṃ hoti. Idampissa hoti samādhismiṃ.
471. ‘‘аяам̣ ко со, маан̣ава, арияо самаад̇хигканд̇хо яасса со бхаг̇аваа ван̣н̣аваад̣̇ий ахоси , яад̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзси. ад̇т̇и жзвзд̇т̇а уд̇д̇аригаран̣ийяа’’нд̇и.
471. ‘‘Ayaṃ kho so, māṇava, ariyo samādhikkhandho yassa so bhagavā vaṇṇavādī ahosi , yattha ca imaṃ janataṃ samādapesi nivesesi patiṭṭhāpesi. Atthi cevettha uttarikaraṇīya’’nti.
‘‘ажчарияам̣, бхо аананд̣̇а, аб̣бхуд̇ам̣, бхо аананд̣̇а! со жааяам̣, бхо аананд̣̇а, арияо самаад̇хигканд̇хо барибун̣н̣о, но абарибун̣н̣о. звам̣ барибун̣н̣ам̣ жаахам̣, бхо аананд̣̇а, арияам̣ самаад̇хигканд̇хам̣ ид̇о б̣ахид̣̇д̇хаа ан̃н̃зсу саман̣аб̣раахман̣зсу на саманубассаами. звам̣ барибун̣н̣ан̃жа, бхо аананд̣̇а, арияам̣ самаад̇хигканд̇хам̣ ид̇о б̣ахид̣̇д̇хаа ан̃н̃з саман̣аб̣раахман̣аа ад̇д̇ани саманубассзяяум̣, д̇з д̇аавад̇агзнзва ад̇д̇аманаа ассу – ‘аламзд̇д̇аавад̇аа, гад̇амзд̇д̇аавад̇аа, ануббад̇д̇о но сааман̃н̃ад̇т̇о, над̇т̇и но гин̃жи уд̇д̇аригаран̣ийяа’нд̇и. ат̇а жа бана бхавам̣ аананд̣̇о звамааха – ‘ад̇т̇и жзвзд̇т̇а уд̇д̇аригаран̣ийяа’’’нд̇и.
‘‘Acchariyaṃ, bho ānanda, abbhutaṃ, bho ānanda! So cāyaṃ, bho ānanda, ariyo samādhikkhandho paripuṇṇo, no aparipuṇṇo. Evaṃ paripuṇṇaṃ cāhaṃ, bho ānanda, ariyaṃ samādhikkhandhaṃ ito bahiddhā aññesu samaṇabrāhmaṇesu na samanupassāmi. Evaṃ paripuṇṇañca, bho ānanda, ariyaṃ samādhikkhandhaṃ ito bahiddhā aññe samaṇabrāhmaṇā attani samanupasseyyuṃ, te tāvatakeneva attamanā assu – ‘alamettāvatā, katamettāvatā, anuppatto no sāmaññattho, natthi no kiñci uttarikaraṇīya’nti. Atha ca pana bhavaṃ ānando evamāha – ‘atthi cevettha uttarikaraṇīya’’’nti.
бан̃н̃аагканд̇хо
Paññākkhandho
472. ‘‘гад̇амо бана со, бхо аананд̣̇а, арияо бан̃н̃аагканд̇хо, яасса бхо бхавам̣ г̇од̇амо ван̣н̣аваад̣̇ий ахоси, яад̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзсий’’д̇и?
472. ‘‘Katamo pana so, bho ānanda, ariyo paññākkhandho, yassa bho bhavaṃ gotamo vaṇṇavādī ahosi, yattha ca imaṃ janataṃ samādapesi nivesesi patiṭṭhāpesī’’ti?
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и. со звам̣ баж̇аанаад̇и – ‘аяам̣ ко мз гааяо руубий жаад̇умахаабхууд̇иго маад̇аабзд̇д̇игасамбхаво од̣̇анагуммаасуубажаяо анижжужчаад̣̇анабаримад̣̇д̣̇анабхзд̣̇анавид̣̇д̇хам̣санад̇хаммо; ид̣̇ан̃жа бана мз вин̃н̃аан̣ам̣ зд̇т̇а сид̇ам̣ зд̇т̇а бадиб̣ад̣̇д̇ха’нд̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte ñāṇadassanāya cittaṃ abhinīharati abhininnāmeti. So evaṃ pajānāti – ‘ayaṃ kho me kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedanaviddhaṃsanadhammo; idañca pana me viññāṇaṃ ettha sitaṃ ettha paṭibaddha’nti.
‘‘сзяяат̇ааби, маан̣ава, ман̣и взл̣урияо субхо ж̇аад̇имаа адтам̣со субаригаммагад̇о ажчо виббасанно анаавило саб̣б̣аагаарасамбанно. д̇ад̇раасса суд̇д̇ам̣ аавуд̇ам̣ нийлам̣ ваа бийд̇ам̣ ваа лохид̇ам̣ ваа од̣̇аад̇ам̣ ваа бан̣д̣усуд̇д̇ам̣ ваа. д̇амзнам̣ жагкумаа бурисо хад̇т̇з гарид̇ваа бажжавзгкзяяа – ‘аяам̣ ко ман̣и взл̣урияо субхо ж̇аад̇имаа адтам̣со субаригаммагад̇о ажчо виббасанно анаавило саб̣б̣аагаарасамбанно. д̇ад̇рид̣̇ам̣ суд̇д̇ам̣ аавуд̇ам̣ нийлам̣ ваа бийд̇ам̣ ваа лохид̇ам̣ ваа од̣̇аад̇ам̣ ваа бан̣д̣усуд̇д̇ам̣ ваа’д̇и. звамзва ко, маан̣ава, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и. со звам̣ баж̇аанаад̇и – ‘аяам̣ ко мз гааяо руубий жаад̇умахаабхууд̇иго маад̇аабзд̇д̇игасамбхаво од̣̇анагуммаасуубажаяо анижжужчаад̣̇анабаримад̣̇д̣̇анабхзд̣̇ана-вид̣̇д̇хам̣санад̇хаммо. ид̣̇ан̃жа бана мз вин̃н̃аан̣ам̣ зд̇т̇а сид̇ам̣ зд̇т̇а бадиб̣ад̣̇д̇ха’нд̇и. яамби, маан̣ава, бхигку звам̣ самаахид̇з жид̇д̇з…бз… аанзн̃ж̇аббад̇д̇з н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и. со звам̣ баж̇аанаад̇и…бз… зд̇т̇а бадиб̣ад̣̇д̇ханд̇и. ид̣̇амбисса ход̇и бан̃н̃ааяа.
‘‘Seyyathāpi, māṇava, maṇi veḷuriyo subho jātimā aṭṭhaṃso suparikammakato accho vippasanno anāvilo sabbākārasampanno. Tatrāssa suttaṃ āvutaṃ nīlaṃ vā pītaṃ vā lohitaṃ vā odātaṃ vā paṇḍusuttaṃ vā. Tamenaṃ cakkhumā puriso hatthe karitvā paccavekkheyya – ‘ayaṃ kho maṇi veḷuriyo subho jātimā aṭṭhaṃso suparikammakato accho vippasanno anāvilo sabbākārasampanno. Tatridaṃ suttaṃ āvutaṃ nīlaṃ vā pītaṃ vā lohitaṃ vā odātaṃ vā paṇḍusuttaṃ vā’ti. Evameva kho, māṇava, bhikkhu evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte ñāṇadassanāya cittaṃ abhinīharati abhininnāmeti. So evaṃ pajānāti – ‘ayaṃ kho me kāyo rūpī cātumahābhūtiko mātāpettikasambhavo odanakummāsūpacayo aniccucchādanaparimaddanabhedana-viddhaṃsanadhammo. Idañca pana me viññāṇaṃ ettha sitaṃ ettha paṭibaddha’nti. Yampi, māṇava, bhikkhu evaṃ samāhite citte…pe… āneñjappatte ñāṇadassanāya cittaṃ abhinīharati abhininnāmeti. So evaṃ pajānāti…pe… ettha paṭibaddhanti. Idampissa hoti paññāya.
473. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з маномаяам̣ гааяам̣ абхиниммаанааяа жид̇д̇ам̣ абхинийхарад̇и абхининнаамзд̇и. со имамхаа гааяаа ан̃н̃ам̣ гааяам̣ абхинимминаад̇и руубим̣ маномаяам̣ саб̣б̣ан̇г̇абажжан̇г̇им̣ ахийнинд̣̇рияам̣.
473. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte manomayaṃ kāyaṃ abhinimmānāya cittaṃ abhinīharati abhininnāmeti. So imamhā kāyā aññaṃ kāyaṃ abhinimmināti rūpiṃ manomayaṃ sabbaṅgapaccaṅgiṃ ahīnindriyaṃ.
‘‘сзяяат̇ааби , маан̣ава, бурисо мун̃ж̇амхаа ийсигам̣ баваахзяяа. д̇асса звамасса – ‘аяам̣ мун̃ж̇о аяам̣ ийсигаа; ан̃н̃о мун̃ж̇о ан̃н̃аа ийсигаа; мун̃ж̇амхаа д̇взва ийсигаа баваал̣хаа’д̇и. сзяяат̇аа ваа бана, маан̣ава, бурисо асим̣ госияаа баваахзяяа. д̇асса звамасса – ‘аяам̣ аси, аяам̣ госи; ан̃н̃о аси, ан̃н̃аа госи; госияаа д̇взва аси баваал̣хо’д̇и. сзяяат̇аа ваа бана, маан̣ава, бурисо ахим̣ гаран̣д̣аа уд̣̇д̇харзяяа. д̇асса звамасса – ‘аяам̣ ахи, аяам̣ гаран̣д̣о; ан̃н̃о ахи, ан̃н̃о гаран̣д̣о; гаран̣д̣аа д̇взва ахи уб̣бхад̇о’д̇и . звамзва ко, маан̣ава, бхигку…бз… яамби, маан̣ава, бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з маномаяам̣ гааяам̣ абхиниммаанааяа жид̇д̇ам̣ абхинийхарад̇и абхининнаамзд̇и…бз…. ид̣̇амбисса ход̇и бан̃н̃ааяа.
‘‘Seyyathāpi , māṇava, puriso muñjamhā īsikaṃ pavāheyya. Tassa evamassa – ‘ayaṃ muñjo ayaṃ īsikā; añño muñjo aññā īsikā; muñjamhā tveva īsikā pavāḷhā’ti. Seyyathā vā pana, māṇava, puriso asiṃ kosiyā pavāheyya. Tassa evamassa – ‘ayaṃ asi, ayaṃ kosi; añño asi, aññā kosi; kosiyā tveva asi pavāḷho’ti. Seyyathā vā pana, māṇava, puriso ahiṃ karaṇḍā uddhareyya. Tassa evamassa – ‘ayaṃ ahi, ayaṃ karaṇḍo; añño ahi, añño karaṇḍo; karaṇḍā tveva ahi ubbhato’ti . Evameva kho, māṇava, bhikkhu…pe… yampi, māṇava, bhikkhu evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte manomayaṃ kāyaṃ abhinimmānāya cittaṃ abhinīharati abhininnāmeti…pe…. Idampissa hoti paññāya.
474. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з ид̣̇д̇хивид̇хааяа жид̇д̇ам̣ абхинийхарад̇и абхининнаамзд̇и. со анзгавихид̇ам̣ ид̣̇д̇хивид̇хам̣ бажжанубход̇и. згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и. аавибхаавам̣ д̇иробхаавам̣ д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и сзяяат̇ааби аагаасз. бат̇авияааби уммуж̇ж̇анимуж̇ж̇ам̣ гарод̇и, сзяяат̇ааби уд̣̇агз. уд̣̇агзби абхиж̇ж̇амаанз г̇ажчад̇и сзяяат̇ааби бат̇авияам̣. аагаасзби баллан̇гзна гамад̇и сзяяат̇ааби багкий сагун̣о. имзби жанд̣̇имасуурияз звам̣ махид̣̇д̇хигз звам̣ махаанубхаавз баан̣инаа бараамасад̇и баримаж̇ж̇ад̇и. яаава б̣рахмалогааби гааязна васам̣ вад̇д̇зд̇и.
474. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte iddhividhāya cittaṃ abhinīharati abhininnāmeti. So anekavihitaṃ iddhividhaṃ paccanubhoti. Ekopi hutvā bahudhā hoti, bahudhāpi hutvā eko hoti. Āvibhāvaṃ tirobhāvaṃ tirokuṭṭaṃ tiropākāraṃ tiropabbataṃ asajjamāno gacchati seyyathāpi ākāse. Pathaviyāpi ummujjanimujjaṃ karoti, seyyathāpi udake. Udakepi abhijjamāne gacchati seyyathāpi pathaviyaṃ. Ākāsepi pallaṅkena kamati seyyathāpi pakkhī sakuṇo. Imepi candimasūriye evaṃ mahiddhike evaṃ mahānubhāve pāṇinā parāmasati parimajjati. Yāva brahmalokāpi kāyena vasaṃ vatteti.
‘‘сзяяат̇ааби , маан̣ава, д̣̇агко гумбхагааро ваа гумбхагааранд̇зваасий ваа субаригаммагад̇ааяа мад̇д̇игааяа яан̃н̃ад̣̇зва бхааж̇анавигад̇им̣ ааган̇кзяяа, д̇ам̣ д̇ад̣̇зва гарзяяа абхинибпаад̣̇зяяа. сзяяат̇аа ваа бана, маан̣ава, д̣̇агко д̣̇анд̇агааро ваа д̣̇анд̇агааранд̇зваасий ваа субаригаммагад̇асмим̣ д̣̇анд̇асмим̣ яан̃н̃ад̣̇зва д̣̇анд̇авигад̇им̣ ааган̇кзяяа, д̇ам̣ д̇ад̣̇зва гарзяяа абхинибпаад̣̇зяяа. сзяяат̇аа ваа бана, маан̣ава, д̣̇агко суван̣н̣агааро ваа суван̣н̣агааранд̇зваасий ваа субаригаммагад̇асмим̣ суван̣н̣асмим̣ яан̃н̃ад̣̇зва суван̣н̣авигад̇им̣ ааган̇кзяяа, д̇ам̣ д̇ад̣̇зва гарзяяа абхинибпаад̣̇зяяа. звамзва ко, маан̣ава, бхигку …бз… яамби маан̣ава бхигку звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з ид̣̇д̇хивид̇хааяа жид̇д̇ам̣ абхинийхарад̇и абхининнаамзд̇и. со анзгавихид̇ам̣ ид̣̇д̇хивид̇хам̣ бажжанубход̇и. згоби худ̇ваа б̣ахуд̇хаа ход̇и …бз… яаава б̣рахмалогааби гааязна васам̣ вад̇д̇зд̇и. ид̣̇амбисса ход̇и бан̃н̃ааяа.
‘‘Seyyathāpi , māṇava, dakkho kumbhakāro vā kumbhakārantevāsī vā suparikammakatāya mattikāya yaññadeva bhājanavikatiṃ ākaṅkheyya, taṃ tadeva kareyya abhinipphādeyya. Seyyathā vā pana, māṇava, dakkho dantakāro vā dantakārantevāsī vā suparikammakatasmiṃ dantasmiṃ yaññadeva dantavikatiṃ ākaṅkheyya, taṃ tadeva kareyya abhinipphādeyya. Seyyathā vā pana, māṇava, dakkho suvaṇṇakāro vā suvaṇṇakārantevāsī vā suparikammakatasmiṃ suvaṇṇasmiṃ yaññadeva suvaṇṇavikatiṃ ākaṅkheyya, taṃ tadeva kareyya abhinipphādeyya. Evameva kho, māṇava, bhikkhu …pe… yampi māṇava bhikkhu evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte iddhividhāya cittaṃ abhinīharati abhininnāmeti. So anekavihitaṃ iddhividhaṃ paccanubhoti. Ekopi hutvā bahudhā hoti …pe… yāva brahmalokāpi kāyena vasaṃ vatteti. Idampissa hoti paññāya.
475. ‘‘со звам̣ самаахид̇з жид̇д̇з…бз… аанзн̃ж̇аббад̇д̇з д̣̇иб̣б̣ааяа сод̇ад̇хаад̇уяаа жид̇д̇ам̣ абхинийхарад̇и абхининнаамзд̇и. со д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аад̇и д̣̇иб̣б̣з жа маанусз жа яз д̣̇уурз санд̇игз жа. сзяяат̇ааби, маан̣ава, бурисо ад̣̇д̇хаанамаг̇г̇аббадибанно. со сун̣зяяа бхзрисад̣̇д̣̇амби муд̣̇ин̇г̇асад̣̇д̣̇амби сан̇кабан̣авад̣̇инд̣̇имасад̣̇д̣̇амби. д̇асса звамасса – ‘бхзрисад̣̇д̣̇о ид̇иби муд̣̇ин̇г̇асад̣̇д̣̇о ид̇иби сан̇кабан̣авад̣̇инд̣̇имасад̣̇д̣̇о ид̇и’би 5. звамзва ко, маан̣ава, бхигку…бз…. яамби маан̣ава, бхигку звам̣ самаахид̇з жид̇д̇з…бз… аанзн̃ж̇аббад̇д̇з д̣̇иб̣б̣ааяа сод̇ад̇хаад̇уяаа жид̇д̇ам̣ абхинийхарад̇и абхининнаамзд̇и. со д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аад̇и д̣̇иб̣б̣з жа маанусз жа яз д̣̇уурз санд̇игз жа. ид̣̇амбисса ход̇и бан̃н̃ааяа.
475. ‘‘So evaṃ samāhite citte…pe… āneñjappatte dibbāya sotadhātuyā cittaṃ abhinīharati abhininnāmeti. So dibbāya sotadhātuyā visuddhāya atikkantamānusikāya ubho sadde suṇāti dibbe ca mānuse ca ye dūre santike ca. Seyyathāpi, māṇava, puriso addhānamaggappaṭipanno. So suṇeyya bherisaddampi mudiṅgasaddampi saṅkhapaṇavadindimasaddampi. Tassa evamassa – ‘bherisaddo itipi mudiṅgasaddo itipi saṅkhapaṇavadindimasaddo iti’pi 6. Evameva kho, māṇava, bhikkhu…pe…. Yampi māṇava, bhikkhu evaṃ samāhite citte…pe… āneñjappatte dibbāya sotadhātuyā cittaṃ abhinīharati abhininnāmeti. So dibbāya sotadhātuyā visuddhāya atikkantamānusikāya ubho sadde suṇāti dibbe ca mānuse ca ye dūre santike ca. Idampissa hoti paññāya.
476. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з жзд̇обарияан̃аан̣ааяа жид̇д̇ам̣ абхинийхарад̇и абхининнаамзд̇и. со барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанаад̇и, ‘сарааг̇ам̣ ваа жид̇д̇ам̣ сарааг̇ам̣ жид̇д̇а’нд̇и баж̇аанаад̇и, ‘вийд̇арааг̇ам̣ ваа жид̇д̇ам̣ вийд̇арааг̇ам̣ жид̇д̇а’нд̇и баж̇аанаад̇и, ‘сад̣̇осам̣ ваа жид̇д̇ам̣ сад̣̇осам̣ жид̇д̇а’нд̇и баж̇аанаад̇и, ‘вийд̇ад̣̇осам̣ ваа жид̇д̇ам̣ вийд̇ад̣̇осам̣ жид̇д̇а’нд̇и баж̇аанаад̇и, ‘самохам̣ ваа жид̇д̇ам̣ самохам̣ жид̇д̇а’нд̇и баж̇аанаад̇и, ‘вийд̇амохам̣ ваа жид̇д̇ам̣ вийд̇амохам̣ жид̇д̇а’нд̇и баж̇аанаад̇и, ‘сан̇кид̇д̇ам̣ ваа жид̇д̇ам̣ сан̇кид̇д̇ам̣ жид̇д̇а’нд̇и баж̇аанаад̇и, ‘вигкид̇д̇ам̣ ваа жид̇д̇ам̣ вигкид̇д̇ам̣ жид̇д̇а’нд̇и баж̇аанаад̇и, ‘махаг̇г̇ад̇ам̣ ваа жид̇д̇ам̣ махаг̇г̇ад̇ам̣ жид̇д̇а’нд̇и баж̇аанаад̇и, ‘амахаг̇г̇ад̇ам̣ ваа жид̇д̇ам̣ амахаг̇г̇ад̇ам̣ жид̇д̇а’нд̇и баж̇аанаад̇и, ‘сауд̇д̇арам̣ ваа жид̇д̇ам̣ сауд̇д̇арам̣ жид̇д̇а’нд̇и баж̇аанаад̇и, ‘ануд̇д̇арам̣ ваа жид̇д̇ам̣ ануд̇д̇арам̣ жид̇д̇а’нд̇и баж̇аанаад̇и, ‘самаахид̇ам̣ ваа жид̇д̇ам̣ самаахид̇ам̣ жид̇д̇а’нд̇и баж̇аанаад̇и, ‘асамаахид̇ам̣ ваа жид̇д̇ам̣ асамаахид̇ам̣ жид̇д̇а’нд̇и баж̇аанаад̇и, ‘вимуд̇д̇ам̣ ваа жид̇д̇ам̣ вимуд̇д̇ам̣ жид̇д̇а’нд̇и баж̇аанаад̇и, ‘авимуд̇д̇ам̣ ваа жид̇д̇ам̣ авимуд̇д̇ам̣ жид̇д̇а’нд̇и баж̇аанаад̇и.
476. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte cetopariyañāṇāya cittaṃ abhinīharati abhininnāmeti. So parasattānaṃ parapuggalānaṃ cetasā ceto paricca pajānāti, ‘sarāgaṃ vā cittaṃ sarāgaṃ citta’nti pajānāti, ‘vītarāgaṃ vā cittaṃ vītarāgaṃ citta’nti pajānāti, ‘sadosaṃ vā cittaṃ sadosaṃ citta’nti pajānāti, ‘vītadosaṃ vā cittaṃ vītadosaṃ citta’nti pajānāti, ‘samohaṃ vā cittaṃ samohaṃ citta’nti pajānāti, ‘vītamohaṃ vā cittaṃ vītamohaṃ citta’nti pajānāti, ‘saṅkhittaṃ vā cittaṃ saṅkhittaṃ citta’nti pajānāti, ‘vikkhittaṃ vā cittaṃ vikkhittaṃ citta’nti pajānāti, ‘mahaggataṃ vā cittaṃ mahaggataṃ citta’nti pajānāti, ‘amahaggataṃ vā cittaṃ amahaggataṃ citta’nti pajānāti, ‘sauttaraṃ vā cittaṃ sauttaraṃ citta’nti pajānāti, ‘anuttaraṃ vā cittaṃ anuttaraṃ citta’nti pajānāti, ‘samāhitaṃ vā cittaṃ samāhitaṃ citta’nti pajānāti, ‘asamāhitaṃ vā cittaṃ asamāhitaṃ citta’nti pajānāti, ‘vimuttaṃ vā cittaṃ vimuttaṃ citta’nti pajānāti, ‘avimuttaṃ vā cittaṃ avimuttaṃ citta’nti pajānāti.
‘‘сзяяат̇ааби, маан̣ава, ид̇т̇ий ваа бурисо ваа д̣̇ахаро яуваа ман̣д̣анаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇агабад̇д̇з сагам̣ муканимид̇д̇ам̣ бажжавзгкамаано саган̣игам̣ ваа саган̣иганд̇и ж̇аанзяяа, аган̣игам̣ ваа аган̣иганд̇и ж̇аанзяяа. звамзва ко, маан̣ава, бхигку…бз… яамби, маан̣ава, бхигку звам̣ самаахид̇з…бз… аанзн̃ж̇аббад̇д̇з жзд̇обарияан̃аан̣ааяа жид̇д̇ам̣ абхинийхарад̇и абхининнаамзд̇и. со барасад̇д̇аанам̣ бурабуг̇г̇алаанам̣ жзд̇асаа жзд̇о барижжа баж̇аанаад̇и, сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанаад̇и…бз… авимуд̇д̇ам̣ ваа жид̇д̇ам̣ авимуд̇д̇ам̣ жид̇д̇анд̇и баж̇аанаад̇и. ид̣̇амбисса ход̇и бан̃н̃ааяа.
‘‘Seyyathāpi, māṇava, itthī vā puriso vā daharo yuvā maṇḍanajātiko ādāse vā parisuddhe pariyodāte acche vā udakapatte sakaṃ mukhanimittaṃ paccavekkhamāno sakaṇikaṃ vā sakaṇikanti jāneyya, akaṇikaṃ vā akaṇikanti jāneyya. Evameva kho, māṇava, bhikkhu…pe… yampi, māṇava, bhikkhu evaṃ samāhite…pe… āneñjappatte cetopariyañāṇāya cittaṃ abhinīharati abhininnāmeti. So parasattānaṃ purapuggalānaṃ cetasā ceto paricca pajānāti, sarāgaṃ vā cittaṃ sarāgaṃ cittanti pajānāti…pe… avimuttaṃ vā cittaṃ avimuttaṃ cittanti pajānāti. Idampissa hoti paññāya.
477. ‘‘со звам̣ самаахид̇з жид̇д̇з…бз… аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхинийхарад̇и абхининнаамзд̇и. со анзгавихид̇ам̣ буб̣б̣зниваасам̣ ануссарад̇и. сзяяат̇ид̣̇ам̣, згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о. со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о; со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и.
477. ‘‘So evaṃ samāhite citte…pe… āneñjappatte pubbenivāsānussatiñāṇāya cittaṃ abhinīharati abhininnāmeti. So anekavihitaṃ pubbenivāsaṃ anussarati. Seyyathidaṃ, ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto. So tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto; so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarati.
‘‘сзяяат̇ааби, маан̣ава, бурисо сагамхаа г̇аамаа ан̃н̃ам̣ г̇аамам̣ г̇ажчзяяа; д̇амхааби г̇аамаа ан̃н̃ам̣ г̇аамам̣ г̇ажчзяяа; со д̇амхаа г̇аамаа сагам̣язва г̇аамам̣ бажжааг̇ажчзяяа . д̇асса звамасса – ‘ахам̣ ко сагамхаа г̇аамаа амум̣ г̇аамам̣ аг̇ажчим̣, д̇ад̇ра звам̣ адтаасим̣ звам̣ нисийд̣̇им̣ звам̣ абхаасим̣ звам̣ д̇ун̣хий ахосим̣. со д̇амхааби г̇аамаа амум̣ г̇аамам̣ г̇ажчим̣, д̇ад̇рааби звам̣ адтаасим̣ звам̣ нисийд̣̇им̣ звам̣ абхаасим̣ звам̣ д̇ун̣хий ахосим̣. сомхи д̇амхаа г̇аамаа сагам̣язва г̇аамам̣ бажжааг̇ад̇о’д̇и. звамзва ко, маан̣ава, бхигку…бз… яамби, маан̣ава, бхигку звам̣ самаахид̇з жид̇д̇з…бз… аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхинийхарад̇и абхининнаамзд̇и . со анзгавихид̇ам̣ буб̣б̣зниваасам̣ ануссарад̇и. сзяяат̇ид̣̇ам̣ – згамби ж̇аад̇им̣…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. ид̣̇амбисса ход̇и бан̃н̃ааяа.
‘‘Seyyathāpi, māṇava, puriso sakamhā gāmā aññaṃ gāmaṃ gaccheyya; tamhāpi gāmā aññaṃ gāmaṃ gaccheyya; so tamhā gāmā sakaṃyeva gāmaṃ paccāgaccheyya . Tassa evamassa – ‘ahaṃ kho sakamhā gāmā amuṃ gāmaṃ agacchiṃ, tatra evaṃ aṭṭhāsiṃ evaṃ nisīdiṃ evaṃ abhāsiṃ evaṃ tuṇhī ahosiṃ. So tamhāpi gāmā amuṃ gāmaṃ gacchiṃ, tatrāpi evaṃ aṭṭhāsiṃ evaṃ nisīdiṃ evaṃ abhāsiṃ evaṃ tuṇhī ahosiṃ. Somhi tamhā gāmā sakaṃyeva gāmaṃ paccāgato’ti. Evameva kho, māṇava, bhikkhu…pe… yampi, māṇava, bhikkhu evaṃ samāhite citte…pe… āneñjappatte pubbenivāsānussatiñāṇāya cittaṃ abhinīharati abhininnāmeti . So anekavihitaṃ pubbenivāsaṃ anussarati. Seyyathidaṃ – ekampi jātiṃ…pe… iti sākāraṃ sauddesaṃ anekavihitaṃ pubbenivāsaṃ anussarati. Idampissa hoti paññāya.
478. ‘‘со звам̣ самаахид̇з жид̇д̇з…бз… аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхинийхарад̇и абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа. д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа. д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и.
478. ‘‘So evaṃ samāhite citte…pe… āneñjappatte sattānaṃ cutūpapātañāṇāya cittaṃ abhinīharati abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti – ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā. Te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā. Te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti.
‘‘сзяяат̇ааби, маан̣ава, маж̇жхзсин̇гхаадагз баасаад̣̇о, д̇ад̇т̇а жагкумаа бурисо тид̇о бассзяяа мануссз г̇зхам̣ бависанд̇зби нигкаманд̇зби рат̇игааяаби вийт̇им̣ сан̃жаранд̇з маж̇жхзсин̇гхаадагз нисиннзби. д̇асса звамасса – ‘зд̇з мануссаа г̇зхам̣ бависанд̇и, зд̇з нигкаманд̇и, зд̇з рат̇игааяа вийт̇им̣ сан̃жаранд̇и, зд̇з маж̇жхзсин̇гхаадагз нисиннаа’д̇и. звамзва ко, маан̣ава, бхигку…бз… яамби, маан̣ава, бхигку звам̣ самаахид̇з жид̇д̇з…бз… аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхинийхарад̇и абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з, яат̇аагаммуубаг̇з сад̇д̇з баж̇аанаад̇и. ид̣̇амбисса ход̇и бан̃н̃ааяа.
‘‘Seyyathāpi, māṇava, majjhesiṅghāṭake pāsādo, tattha cakkhumā puriso ṭhito passeyya manusse gehaṃ pavisantepi nikkhamantepi rathikāyapi vīthiṃ sañcarante majjhesiṅghāṭake nisinnepi. Tassa evamassa – ‘ete manussā gehaṃ pavisanti, ete nikkhamanti, ete rathikāya vīthiṃ sañcaranti, ete majjhesiṅghāṭake nisinnā’ti. Evameva kho, māṇava, bhikkhu…pe… yampi, māṇava, bhikkhu evaṃ samāhite citte…pe… āneñjappatte sattānaṃ cutūpapātañāṇāya cittaṃ abhinīharati abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate, yathākammūpage satte pajānāti. Idampissa hoti paññāya.
479. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхинийхарад̇и абхининнаамзд̇и. со ид̣̇ам̣ д̣̇угканд̇и яат̇аабхууд̇ам̣ баж̇аанаад̇и, аяам̣ д̣̇угкасамуд̣̇аяод̇и яат̇аабхууд̇ам̣ баж̇аанаад̇и, аяам̣ д̣̇угканирод̇ход̇и яат̇аабхууд̇ам̣ баж̇аанаад̇и, аяам̣ д̣̇угканирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и; имз аасаваад̇и яат̇аабхууд̇ам̣ баж̇аанаад̇и, аяам̣ аасавасамуд̣̇аяод̇и яат̇аабхууд̇ам̣ баж̇аанаад̇и, аяам̣ аасаванирод̇ход̇и яат̇аабхууд̇ам̣ баж̇аанаад̇и , аяам̣ аасаванирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и, вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и.
479. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhinīharati abhininnāmeti. So idaṃ dukkhanti yathābhūtaṃ pajānāti, ayaṃ dukkhasamudayoti yathābhūtaṃ pajānāti, ayaṃ dukkhanirodhoti yathābhūtaṃ pajānāti, ayaṃ dukkhanirodhagāminī paṭipadāti yathābhūtaṃ pajānāti; ime āsavāti yathābhūtaṃ pajānāti, ayaṃ āsavasamudayoti yathābhūtaṃ pajānāti, ayaṃ āsavanirodhoti yathābhūtaṃ pajānāti , ayaṃ āsavanirodhagāminī paṭipadāti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati, vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.
‘‘сзяяат̇ааби, маан̣ава, баб̣б̣ад̇асан̇кзбз уд̣̇агарахад̣̇о ажчо виббасанно анаавило. д̇ад̇т̇а жагкумаа бурисо д̇ийрз тид̇о бассзяяа сиббигасамб̣угамби сагкарагат̇аламби мажчаг̇умб̣амби жаранд̇амби д̇идтанд̇амби. д̇асса звамасса – ‘аяам̣ ко уд̣̇агарахад̣̇о ажчо виббасанно анаавило. д̇ад̇римз сиббигасамб̣угааби сагкарагат̇алааби мажчаг̇умб̣ааби жаранд̇иби д̇идтанд̇ибий’д̇и. звамзва ко, маан̣ава, бхигку…бз… яамби, маан̣ава, бхигку звам̣ самаахид̇з жид̇д̇з…бз… аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхинийхарад̇и абхининнаамзд̇и. со ид̣̇ам̣ д̣̇угканд̇и яат̇аабхууд̇ам̣ баж̇аанаад̇и…бз… аасаванирод̇хаг̇ааминий бадибад̣̇аад̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и, вимуд̇д̇асмим̣ вимуд̇д̇амид̇и н̃аан̣ам̣ ход̇и, ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и . ид̣̇амбисса ход̇и бан̃н̃ааяа.
‘‘Seyyathāpi, māṇava, pabbatasaṅkhepe udakarahado accho vippasanno anāvilo. Tattha cakkhumā puriso tīre ṭhito passeyya sippikasambukampi sakkharakathalampi macchagumbampi carantampi tiṭṭhantampi. Tassa evamassa – ‘ayaṃ kho udakarahado accho vippasanno anāvilo. Tatrime sippikasambukāpi sakkharakathalāpi macchagumbāpi carantipi tiṭṭhantipī’ti. Evameva kho, māṇava, bhikkhu…pe… yampi, māṇava, bhikkhu evaṃ samāhite citte…pe… āneñjappatte āsavānaṃ khayañāṇāya cittaṃ abhinīharati abhininnāmeti. So idaṃ dukkhanti yathābhūtaṃ pajānāti…pe… āsavanirodhagāminī paṭipadāti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati, vimuttasmiṃ vimuttamiti ñāṇaṃ hoti, ‘khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti . Idampissa hoti paññāya.
480. ‘‘аяам̣ ко, со маан̣ава, арияо бан̃н̃аагканд̇хо яасса со бхаг̇аваа ван̣н̣аваад̣̇ий ахоси, яад̇т̇а жа имам̣ ж̇анад̇ам̣ самаад̣̇абзси нивзсзси бад̇идтаабзси. над̇т̇и жзвзд̇т̇а уд̇д̇аригаран̣ийяа’’нд̇и.
480. ‘‘Ayaṃ kho, so māṇava, ariyo paññākkhandho yassa so bhagavā vaṇṇavādī ahosi, yattha ca imaṃ janataṃ samādapesi nivesesi patiṭṭhāpesi. Natthi cevettha uttarikaraṇīya’’nti.
‘‘ажчарияам̣ , бхо аананд̣̇а, аб̣бхуд̇ам̣, бхо аананд̣̇а! со жааяам̣, бхо аананд̣̇а, арияо бан̃н̃аагканд̇хо барибун̣н̣о, но абарибун̣н̣о. звам̣ барибун̣н̣ам̣ жаахам̣, бхо аананд̣̇а, арияам̣ бан̃н̃аагканд̇хам̣ ид̇о б̣ахид̣̇д̇хаа ан̃н̃зсу саман̣аб̣раахман̣зсу на саманубассаами. над̇т̇и жзвзд̇т̇а 7 уд̇д̇аригаран̣ийяам̣ 8. абхигганд̇ам̣, бхо аананд̣̇а, абхигганд̇ам̣, бхо аананд̣̇а! сзяяат̇ааби, бхо аананд̣̇а, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа ‘жагкуманд̇о руубаани д̣̇агканд̇ий’д̇и. звамзвам̣ бход̇аа аананд̣̇зна анзгабарияааязна д̇хаммо багаасид̇о. зсаахам̣, бхо аананд̣̇а, д̇ам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ аананд̣̇о д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
‘‘Acchariyaṃ , bho ānanda, abbhutaṃ, bho ānanda! So cāyaṃ, bho ānanda, ariyo paññākkhandho paripuṇṇo, no aparipuṇṇo. Evaṃ paripuṇṇaṃ cāhaṃ, bho ānanda, ariyaṃ paññākkhandhaṃ ito bahiddhā aññesu samaṇabrāhmaṇesu na samanupassāmi. Natthi cevettha 9 uttarikaraṇīyaṃ 10. Abhikkantaṃ, bho ānanda, abhikkantaṃ, bho ānanda! Seyyathāpi, bho ānanda, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya ‘cakkhumanto rūpāni dakkhantī’ti. Evamevaṃ bhotā ānandena anekapariyāyena dhammo pakāsito. Esāhaṃ, bho ānanda, taṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ ānando dhāretu ajjatagge pāṇupetaṃ saraṇaṃ gata’’nti.
субхасуд̇д̇ам̣ нидтид̇ам̣ д̣̇асамам̣.
Subhasuttaṃ niṭṭhitaṃ dasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 10. субхасуд̇д̇аван̣н̣анаа • 10. Subhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 10. субхасуд̇д̇аван̣н̣анаа • 10. Subhasuttavaṇṇanā
