| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. සුභසුත්‌තං
3. Subhasuttaṃ
139. එවං මෙ සුතං – එකං සමයං භගවා උරුවෙලායං විහරති නජ්‌ජා නෙරඤ්‌ජරාය තීරෙ අජපාලනිග්‍රොධමූලෙ පඨමාභිසම්‌බුද්‌ධො. තෙන ඛො පන සමයෙන භගවා රත්‌තන්‌ධකාරතිමිසායං අබ්‌භොකාසෙ නිසින්‌නො හොති, දෙවො ච එකමෙකං ඵුසායති. අථ ඛො මාරො පාපිමා, භගවතො භයං ඡම්‌භිතත්‌තං ලොමහංසං උප්‌පාදෙතුකාමො, යෙන භගවා තෙනුපසඞ්‌කමි; උපසඞ්‌කමිත්‌වා භගවතො අවිදූරෙ උච්‌චාවචා වණ්‌ණනිභා උපදංසෙති, සුභා චෙව අසුභා ච. අථ ඛො භගවා ‘‘මාරො අයං පාපිමා’’ ඉති විදිත්‌වා මාරං පාපිමන්‌තං ගාථාහි අජ්‌ඣභාසි –
139. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Tena kho pana samayena bhagavā rattandhakāratimisāyaṃ abbhokāse nisinno hoti, devo ca ekamekaṃ phusāyati. Atha kho māro pāpimā, bhagavato bhayaṃ chambhitattaṃ lomahaṃsaṃ uppādetukāmo, yena bhagavā tenupasaṅkami; upasaṅkamitvā bhagavato avidūre uccāvacā vaṇṇanibhā upadaṃseti, subhā ceva asubhā ca. Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāhi ajjhabhāsi –
‘‘සංසරං දීඝමද්‌ධානං, වණ්‌ණං කත්‌වා සුභාසුභං;
‘‘Saṃsaraṃ dīghamaddhānaṃ, vaṇṇaṃ katvā subhāsubhaṃ;
අලං තෙ තෙන පාපිම, නිහතො ත්‌වමසි අන්‌තක.
Alaṃ te tena pāpima, nihato tvamasi antaka.
‘‘යෙ ච කායෙන වාචාය, මනසා ච සුසංවුතා;
‘‘Ye ca kāyena vācāya, manasā ca susaṃvutā;
අථ ඛො මාරො…පෙ.… තත්‌ථෙවන්‌තරධායීති.
Atha kho māro…pe… tatthevantaradhāyīti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3. සුභසුත්‌තවණ්‌ණනා • 3. Subhasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. සුභසුත්‌තවණ්‌ණනා • 3. Subhasuttavaṇṇanā
