| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. སུབྷསུཏྟཾ
3. Subhasuttaṃ
༡༣༩. ཨེཝཾ མེ སུཏཾ – ཨེཀཾ སམཡཾ བྷགཝཱ ཨུརུཝེལཱཡཾ ཝིཧརཏི ནཛྫཱ ནེརཉྫརཱཡ ཏཱིརེ ཨཛཔཱལནིགྲོདྷམཱུལེ པཋམཱབྷིསམྦུདྡྷོ། ཏེན ཁོ པན སམཡེན བྷགཝཱ རཏྟནྡྷཀཱརཏིམིསཱཡཾ ཨབྦྷོཀཱསེ ནིསིནྣོ ཧོཏི, དེཝོ ཙ ཨེཀམེཀཾ ཕུསཱཡཏི། ཨཐ ཁོ མཱརོ པཱཔིམཱ, བྷགཝཏོ བྷཡཾ ཚམྦྷིཏཏྟཾ ལོམཧཾསཾ ཨུཔྤཱདེཏུཀཱམོ, ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝཏོ ཨཝིདཱུརེ ཨུཙྩཱཝཙཱ ཝཎྞནིབྷཱ ཨུཔདཾསེཏི, སུབྷཱ ཙེཝ ཨསུབྷཱ ཙ། ཨཐ ཁོ བྷགཝཱ ‘‘མཱརོ ཨཡཾ པཱཔིམཱ’’ ཨིཏི ཝིདིཏྭཱ མཱརཾ པཱཔིམནྟཾ གཱཐཱཧི ཨཛ྄ཛྷབྷཱསི –
139. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Tena kho pana samayena bhagavā rattandhakāratimisāyaṃ abbhokāse nisinno hoti, devo ca ekamekaṃ phusāyati. Atha kho māro pāpimā, bhagavato bhayaṃ chambhitattaṃ lomahaṃsaṃ uppādetukāmo, yena bhagavā tenupasaṅkami; upasaṅkamitvā bhagavato avidūre uccāvacā vaṇṇanibhā upadaṃseti, subhā ceva asubhā ca. Atha kho bhagavā ‘‘māro ayaṃ pāpimā’’ iti viditvā māraṃ pāpimantaṃ gāthāhi ajjhabhāsi –
‘‘སཾསརཾ དཱིགྷམདྡྷཱནཾ, ཝཎྞཾ ཀཏྭཱ སུབྷཱསུབྷཾ།
‘‘Saṃsaraṃ dīghamaddhānaṃ, vaṇṇaṃ katvā subhāsubhaṃ;
ཨལཾ ཏེ ཏེན པཱཔིམ, ནིཧཏོ ཏྭམསི ཨནྟཀ༎
Alaṃ te tena pāpima, nihato tvamasi antaka.
‘‘ཡེ ཙ ཀཱཡེན ཝཱཙཱཡ, མནསཱ ཙ སུསཾཝུཏཱ།
‘‘Ye ca kāyena vācāya, manasā ca susaṃvutā;
ཨཐ ཁོ མཱརོ…པེ॰… ཏཏྠེཝནྟརདྷཱཡཱིཏི།
Atha kho māro…pe… tatthevantaradhāyīti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. སུབྷསུཏྟཝཎྞནཱ • 3. Subhasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. སུབྷསུཏྟཝཎྞནཱ • 3. Subhasuttavaṇṇanā
