| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
10. субхасуд̇д̇аван̣н̣анаа
10. Subhasuttavaṇṇanā
субхамаан̣авагавад̇т̇уван̣н̣анаа
Subhamāṇavakavatthuvaṇṇanā
444. ‘‘ажирабариниб̣б̣уд̇з’’д̇и сад̇т̇у бариниб̣б̣уд̇абхаавасса жирагаалад̇аабадигкзбзна аасаннад̇аа д̣̇ассид̇аа, гаалабарижчзд̣̇о на д̣̇ассид̇од̇и д̇ам̣ барижчзд̣̇ад̇о д̣̇ассзд̇ум̣ ‘‘бариниб̣б̣аанад̇о уд̣̇д̇хам̣ маасамад̇д̇з гаалз’’д̇и вуд̇д̇ам̣. д̇ад̇т̇а мад̇д̇а-г̇г̇ахан̣зна гааласса асамбун̣н̣ад̇ам̣ ж̇од̇зд̇и. д̇уд̣̇исан̃н̃ид̇о г̇аамо ниваасо зд̇ассаад̇и д̇од̣̇зяяо. д̇ам̣ банзса яасмаа сон̣ад̣̇ан̣д̣о вияа жамбам̣, гуудад̣̇анд̇о вияа жа каан̣умад̇ам̣ аж̇жхаавасад̇и, д̇асмаа вуд̇д̇ам̣ ‘‘д̇асса ад̇хибад̇ид̇д̇аа’’д̇и иссарабхаавад̇од̇и ад̇т̇о. самаахааранд̇и саннижаяам̣. бан̣д̣ид̇о гхарамаавасзд̇и яасмаа аббад̇араббад̇арзби ваяамаанз бхог̇аа кияанд̇и, аббад̇араббад̇арзби сан̃жияамаанз вад̣дханд̇и, д̇асмаа вин̃н̃уж̇аад̇иго гин̃жи ваяам̣ агад̇ваа ааяамзва уббаад̣̇знд̇о гхарааваасам̣ ануд̇идтзяяаад̇и лобхаад̣̇зсид̇ам̣ бадибад̇д̇им̣ убад̣̇исад̇и.
444.‘‘Aciraparinibbute’’ti satthu parinibbutabhāvassa cirakālatāpaṭikkhepena āsannatā dassitā, kālaparicchedo na dassitoti taṃ paricchedato dassetuṃ ‘‘parinibbānato uddhaṃ māsamatte kāle’’ti vuttaṃ. Tattha matta-ggahaṇena kālassa asampuṇṇataṃ joteti. Tudisaññito gāmo nivāso etassāti todeyyo. Taṃ panesa yasmā soṇadaṇḍo viya campaṃ, kūṭadanto viya ca khāṇumataṃ ajjhāvasati, tasmā vuttaṃ ‘‘tassa adhipatittā’’ti issarabhāvatoti attho. Samāhāranti sannicayaṃ. Paṇḍito gharamāvaseti yasmā appatarappatarepi vayamāne bhogā khiyanti, appatarappatarepi sañciyamāne vaḍḍhanti, tasmā viññujātiko kiñci vayaṃ akatvā āyameva uppādento gharāvāsaṃ anutiṭṭheyyāti lobhādesitaṃ paṭipattiṃ upadisati.
ад̣̇аанамзва сигкаабзд̇ваа лобхаабхибхууд̇ад̇ааяа д̇асмим̣язва гхарз сунако худ̇ваа ниб̣б̣ад̇д̇и. лобхавасигасса хи д̣̇уг̇г̇ад̇и баадиган̇каа. ад̇ивияа бияааяад̇и буб̣б̣абарижаязна. бин̣д̣ааяа баависи субхам̣ маан̣авам̣ ануг̇г̇ан̣хид̇угаамо. нираяз ниб̣б̣ад̇д̇иссаси гад̇огаасасса гаммасса бадиб̣аахид̇ум̣ асаггун̣зяяабхаавад̇о.
Adānameva sikkhāpetvā lobhābhibhūtatāya tasmiṃyeva ghare sunakho hutvā nibbatti. Lobhavasikassa hi duggati pāṭikaṅkhā. Ativiya piyāyati pubbaparicayena. Piṇḍāya pāvisi subhaṃ māṇavaṃ anuggaṇhitukāmo. Niraye nibbattissasi katokāsassa kammassa paṭibāhituṃ asakkuṇeyyabhāvato.
б̣раахман̣ажаарид̇д̇асса бхаавид̇ад̇ам̣ санд̇хааяа, д̇ат̇аа бид̇арам̣ уггам̣сзнд̇о жа ‘‘б̣рахмалогз ниб̣б̣ад̇д̇о’’д̇и ааха. д̇ам̣ бавад̇д̇им̣ бужчийд̇и суд̇амзд̇ам̣ маяаа ‘‘маяхам̣ бид̇аа сунако худ̇ваа ниб̣б̣ад̇д̇о’’д̇и д̇умхзхи вуд̇д̇ам̣, гимид̣̇ам̣ сажжанд̇и бужчи. д̇ат̇зва вад̇ваад̇и яат̇аа буб̣б̣з сунакасса вуд̇д̇ам̣, д̇ат̇зва вад̇ваа. ависам̣ваад̣̇анад̇т̇анд̇и сажжаабанад̇т̇ам̣ ‘‘д̇од̣̇зяяаб̣раахман̣о сунако худ̇ваа ниб̣б̣ад̇д̇о’’д̇и ад̇д̇ано важанасса ависам̣ваад̣̇анад̇т̇ам̣ ависам̣ваад̣̇абхаавасса д̣̇ассанад̇т̇анд̇и ад̇т̇о. саб̣б̣ам̣ д̣̇ассзсийд̇и б̣уд̣̇д̇хаанубхаавзна со сунако д̇ам̣ саб̣б̣ам̣ нзд̇ваа д̣̇ассзси, на ж̇аад̇иссарад̇ааяа. бхаг̇аванд̇ам̣ д̣̇исваа бхуггаран̣ам̣ бана буримаж̇аад̇исид̣̇д̇хаваасанаавасзна. жуд̣̇д̣̇аса бан̃хз бужчид̇ваад̇и ‘‘д̣̇иссанд̇и хи бхо г̇од̇ама мануссаа аббааяугаа, д̣̇иссанд̇и д̣̇ийгхааяугаа. д̣̇иссанд̇и б̣авхааб̣аад̇хаа, д̣̇иссанд̇и аббааб̣аад̇хаа. д̣̇иссанд̇и д̣̇уб̣б̣ан̣н̣аа, д̣̇иссанд̇и ван̣н̣аванд̇о. д̣̇иссанд̇и аббзсагкаа, д̣̇иссанд̇и махзсагкаа. д̣̇иссанд̇и аббабхог̇аа, д̣̇иссанд̇и махаабхог̇аа. д̣̇иссанд̇и нийжагулийнаа, д̣̇иссанд̇и ужжаагулийнаа. д̣̇иссанд̇и д̣̇уббан̃н̃аа, д̣̇иссанд̇и бан̃н̃ааванд̇о’’д̇и (ма. ни. 3.289). имз жуд̣̇д̣̇аса бан̃хз бужчид̇ваа, ан̇г̇асубхад̇ааяа гирзса ‘‘субхо’’д̇и наамам̣ лабхи.
Brāhmaṇacārittassa bhāvitataṃ sandhāya, tathā pitaraṃ ukkaṃsento ca ‘‘brahmaloke nibbatto’’ti āha. Taṃ pavattiṃ pucchīti sutametaṃ mayā ‘‘mayhaṃ pitā sunakho hutvā nibbatto’’ti tumhehi vuttaṃ, kimidaṃ saccanti pucchi. Tathevavatvāti yathā pubbe sunakhassa vuttaṃ, tatheva vatvā. Avisaṃvādanatthanti saccāpanatthaṃ ‘‘todeyyabrāhmaṇo sunakho hutvā nibbatto’’ti attano vacanassa avisaṃvādanatthaṃ avisaṃvādabhāvassa dassanatthanti attho. Sabbaṃ dassesīti buddhānubhāvena so sunakho taṃ sabbaṃ netvā dassesi, na jātissaratāya. Bhagavantaṃ disvā bhukkaraṇaṃ pana purimajātisiddhavāsanāvasena. Cuddasa pañhe pucchitvāti ‘‘dissanti hi bho gotama manussā appāyukā, dissanti dīghāyukā. Dissanti bavhābādhā, dissanti appābādhā. Dissanti dubbaṇṇā, dissanti vaṇṇavanto. Dissanti appesakkhā, dissanti mahesakkhā. Dissanti appabhogā, dissanti mahābhogā. Dissanti nīcakulīnā, dissanti uccākulīnā. Dissanti duppaññā, dissanti paññāvanto’’ti (ma. ni. 3.289). Ime cuddasa pañhe pucchitvā, aṅgasubhatāya kiresa ‘‘subho’’ti nāmaṃ labhi.
445. ‘‘згаа жа мз ган̇каа ад̇т̇ий’’д̇и иминаа убари бужчияамаанасса бан̃хасса баг̇зва д̇зна абхисан̇кад̇абхаавам̣ д̣̇ассзд̇и. висабхааг̇авзд̣̇анаад̇и д̣̇угкавзд̣̇анаа. саа хи гусалагамманиб̣б̣ад̇д̇з ад̇д̇абхаавз уббаж̇ж̇анагасукавзд̣̇анаабадибагкабхаавад̇о ‘‘висабхааг̇авзд̣̇анаа’’д̇и. гааяам̣ г̇аал̣хаа худ̇ваа б̣аад̇хад̇и бийл̣зд̇ийд̇и ‘‘ааб̣аад̇хо’’д̇и жа вужжад̇и. згад̣̇зсз уббаж̇ж̇ид̇ваад̇и сарийрасса згад̣̇зсз удтид̇ааби аяабаддзна ааб̣анд̇хид̇ваа вияа г̇ан̣хаад̇и абаривад̇д̇абхаавагаран̣ад̇о, зд̇зна б̣алаварог̇о ааб̣аад̇хо наамаад̇и д̣̇ассзд̇и. гижчаж̇ийвид̇агарод̇и асукаж̇ийвид̇аавахо, зд̇зна д̣̇уб̣б̣ало аббамад̇д̇аго рог̇о аад̇ан̇год̇и д̣̇ассзд̇и. удтаананд̇и саяананисаж̇ж̇аад̣̇ид̇о удтаханам̣, д̇зна яат̇аа д̇ат̇аа абараабарам̣ сарийрасса баривад̇д̇анам̣ вад̣̇ад̇и. г̇аруганд̇и бхаарияам̣ гижчасид̣̇д̇хигам̣ . гааяз б̣алам̣ на ход̇ийд̇и зд̇т̇ааби ‘‘г̇илаанассзваа’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. хздтаа жад̇уухи бад̣̇зхи апаасувихаараабхаавам̣ бужчид̇ваа ид̣̇аани паасувихаарасаб̣бхаавам̣ бужчад̇и, д̇зна сависзсо паасувихааро бужчид̇од̇и д̣̇адтаб̣б̣о, асад̇иби ад̇исаяад̇т̇аж̇од̇анз сад̣̇д̣̇з ад̇исаяад̇т̇асса лаб̣бханад̇о яат̇аа ‘‘абхируубааяа д̣̇зяяам̣ д̣̇аад̇аб̣б̣а’’нд̇и.
445.‘‘Ekā ca me kaṅkhā atthī’’ti iminā upari pucchiyamānassa pañhassa pageva tena abhisaṅkhatabhāvaṃ dasseti. Visabhāgavedanāti dukkhavedanā. Sā hi kusalakammanibbatte attabhāve uppajjanakasukhavedanāpaṭipakkhabhāvato ‘‘visabhāgavedanā’’ti. Kāyaṃ gāḷhā hutvā bādhati pīḷetīti ‘‘ābādho’’ti ca vuccati. Ekadese uppajjitvāti sarīrassa ekadese uṭṭhitāpi ayapaṭṭena ābandhitvā viya gaṇhāti aparivattabhāvakaraṇato, etena balavarogo ābādho nāmāti dasseti. Kicchajīvitakaroti asukhajīvitāvaho, etena dubbalo appamattako rogo ātaṅkoti dasseti. Uṭṭhānanti sayananisajjādito uṭṭhahanaṃ, tena yathā tathā aparāparaṃ sarīrassa parivattanaṃ vadati. Garukanti bhāriyaṃ kicchasiddhikaṃ . Kāye balaṃ na hotīti etthāpi ‘‘gilānassevā’’ti padaṃ ānetvā sambandhitabbaṃ. Heṭṭhā catūhi padehi aphāsuvihārābhāvaṃ pucchitvā idāni phāsuvihārasabbhāvaṃ pucchati, tena saviseso phāsuvihāro pucchitoti daṭṭhabbo, asatipi atisayatthajotane sadde atisayatthassa labbhanato yathā ‘‘abhirūpāya deyyaṃ dātabba’’nti.
447. гаалан̃жа самаяан̃жа убаад̣̇ааяаад̇и. зд̇т̇а гаало наама убасан̇гаманасса яуд̇д̇абад̇д̇агаало. самаяо наама д̇ассзва бажжаяасаамаг̇г̇ий, ад̇т̇ад̇о д̇аж̇ж̇ам̣ сарийраб̣алан̃жзва д̇аббажжаяабариссаяаабхааво жа. убаад̣̇аанам̣ наама н̃аан̣зна д̇зсам̣ г̇ахан̣ам̣ саллагкан̣анд̇и д̣̇ассзд̇ум̣ ‘‘гаалан̃жаа’’д̇иаад̣̇и вуд̇д̇ам̣. париссад̇ийд̇и вад̣дхиссад̇и.
447.Kālañca samayañca upādāyāti. Ettha kālo nāma upasaṅkamanassa yuttapattakālo. Samayo nāma tasseva paccayasāmaggī, atthato tajjaṃ sarīrabalañceva tappaccayaparissayābhāvo ca. Upādānaṃ nāma ñāṇena tesaṃ gahaṇaṃ sallakkhaṇanti dassetuṃ ‘‘kālañcā’’tiādi vuttaṃ. Pharissatīti vaḍḍhissati.
448. жзд̇ияарадтзд̇и жзд̇ирадтз. яа-гаарзна хи бад̣̇ам̣ вад̣дхзд̇ваа вуд̇д̇ам̣. жзд̇ирадтад̇о ан̃н̃ам̣ висум̣язвзгам̣ радтанд̇и жа вад̣̇анд̇и. маран̣абадисам̣яуд̇д̇анд̇и маран̣ам̣ наама д̇аад̣̇исаанам̣ рог̇а васзнзва ход̇ийд̇и язна рог̇зна д̇ам̣ ж̇аад̇ам̣, д̇асса саруубабужчаа, гааран̣абужчаа, маран̣ахзд̇угажид̇д̇асанд̇аабабужчаа, д̇асса жа санд̇аабасса саб̣б̣алогасаад̇хааран̣ад̇аа, д̇ат̇аа маран̣асса жа аббад̇игаарад̇аад̇и звам̣ аад̣̇инаа маран̣абадисам̣яуд̇д̇ам̣ саммод̣̇анийяам̣ гат̇ам̣ гат̇зсийд̇и д̣̇ассзд̇ум̣ ‘‘бхо аананд̣̇аа’’д̇иаад̣̇и вуд̇д̇ам̣. на ранд̇хаг̇авзсий мааро вияа, на виймам̣санаад̇хиббааяо уд̇д̇арамаан̣аво вияаад̇и ад̇хиббааяо. язсу д̇хаммзсууд̇и вимогкубааязсу нияяаанад̇хаммзсу. д̇харанд̇ийд̇и д̇идтанд̇и, бавад̇д̇анд̇ийд̇и ад̇т̇о.
448.Cetiyaraṭṭheti cetiraṭṭhe. Ya-kārena hi padaṃ vaḍḍhetvā vuttaṃ. Cetiraṭṭhato aññaṃ visuṃyevekaṃ raṭṭhanti ca vadanti. Maraṇapaṭisaṃyuttanti maraṇaṃ nāma tādisānaṃ roga vaseneva hotīti yena rogena taṃ jātaṃ, tassa sarūpapucchā, kāraṇapucchā, maraṇahetukacittasantāpapucchā, tassa ca santāpassa sabbalokasādhāraṇatā, tathā maraṇassa ca appatikāratāti evaṃ ādinā maraṇapaṭisaṃyuttaṃ sammodanīyaṃ kathaṃ kathesīti dassetuṃ ‘‘bho ānandā’’tiādi vuttaṃ. Na randhagavesī māro viya, na vīmaṃsanādhippāyo uttaramāṇavo viyāti adhippāyo. Yesu dhammesūti vimokkhupāyesu niyyānadhammesu. Dharantīti tiṭṭhanti, pavattantīti attho.
449. ад̇т̇аббаяуд̇д̇ад̇ааяа сад̣̇д̣̇абаяог̇асса сад̣̇д̣̇аббаб̣анд̇халагкан̣аани д̇ийн̣и бидагаани д̇ад̣̇ад̇т̇абхууд̇зхи сийлаад̣̇ийхи д̇хаммагканд̇хзхи сан̇г̇аяханд̇ийд̇и вуд̇д̇ам̣ ‘‘д̇ийн̣и бидагаани д̇ийхи канд̇хзхи сан̇г̇ахзд̇ваа’’д̇и. сан̇кид̇д̇зна гат̇ид̇анд̇и ‘‘д̇ин̣н̣ам̣ канд̇хаана’’нд̇и звам̣ г̇ахан̣ад̇о сааман̃н̃ад̇о жаад̇и сан̇кзбзнзва гат̇ид̇ам̣. ‘‘гад̇амзсам̣ д̇ин̣н̣а’’нд̇и аяам̣ ад̣̇идтаж̇од̇анаа бужчаа, на гат̇зд̇угамяад̇аа бужчаад̇и вуд̇д̇ам̣ ‘‘вид̇т̇аарад̇о бужчиссаамий ‘д̇и жинд̇зд̇ваа ‘гад̇амзсам̣ д̇ин̣н̣а’нд̇и аахаа’’д̇и. гат̇зд̇угамяад̇аабхаавз банасса т̇зрасса важанад̇аа сияаа.
449. Atthappayuttatāya saddapayogassa saddappabandhalakkhaṇāni tīṇi piṭakāni tadatthabhūtehi sīlādīhi dhammakkhandhehi saṅgayhantīti vuttaṃ ‘‘tīṇi piṭakāni tīhi khandhehi saṅgahetvā’’ti. Saṅkhittena kathitanti ‘‘tiṇṇaṃ khandhāna’’nti evaṃ gahaṇato sāmaññato cāti saṅkhepeneva kathitaṃ. ‘‘Katamesaṃ tiṇṇa’’nti ayaṃ adiṭṭhajotanā pucchā, na kathetukamyatā pucchāti vuttaṃ ‘‘vitthārato pucchissāmī ‘ti cintetvā ‘katamesaṃ tiṇṇa’nti āhā’’ti. Kathetukamyatābhāve panassa therassa vacanatā siyā.
сийлагканд̇хаван̣н̣анаа
Sīlakkhandhavaṇṇanā
450-453. сийлагканд̇хассаад̇и зд̇т̇а ид̇и-сад̣̇д̣̇о аад̣̇иад̇т̇о, багаарад̇т̇о ваа, д̇зна ‘‘арияасса самаад̇хигканд̇хасса…бз… бад̇идтаабзсий’’д̇и аяам̣ зд̇д̇аго баато д̣̇ассид̇од̇и д̣̇адтаб̣б̣ам̣ д̇знааха ‘‘д̇зсу д̣̇ассид̇зсуу’’д̇и, уд̣̇д̣̇зсавасзнаад̇и ад̇хиббааяо. бхаг̇авад̇аа вуд̇д̇анаязнзваад̇и сааман̃н̃апалад̣̇зсанаад̣̇ийсу бхаг̇авад̇аа д̣̇зсид̇анаязнзва, д̇знасса суд̇д̇асса сад̇т̇убхаасид̇абхаавам̣ ж̇инаважанабхаавам̣ д̣̇ассзд̇и. саасанз на сийламзва саарод̇и арияамаг̇г̇асаарз бхаг̇авад̇о саасанз яат̇аа д̣̇ассид̇ам̣ сийлам̣ сааро зва на ход̇и сааравад̇о махад̇о ругкасса бабадигадтаанияад̇д̇аа. яад̣̇и звам̣ гасмаа ид̇ха г̇ахид̇анд̇и ааха ‘‘гзвалан̃хзд̇ам̣ бад̇идтаамад̇д̇агамзваа’’д̇и. жхаанаад̣̇иуд̇д̇аримануссад̇хаммз ад̇хиг̇анд̇угаамасса ад̇хидтаанамад̇д̇ам̣ д̇ад̇т̇а аббад̇идтид̇асса д̇зсам̣ асамбхавад̇о. ат̇а ваа на сийламзва саарод̇и гааман̃жзд̇т̇а саасанз ‘‘маг̇г̇асийлам̣, паласийла’’нд̇и ид̣̇ам̣ логуд̇д̇арасийламби саарамзва, д̇ат̇ааби на сийлагканд̇хо зва сааро ат̇а ко самаад̇хигканд̇хоби бан̃н̃аагканд̇хоби сааро зваад̇и звамзд̇т̇а ад̇т̇о д̣̇адтаб̣б̣о. буримо зва сааро, д̇знааха ‘‘ид̇о уд̇д̇арий’’д̇иаад̣̇и.
450-453.Sīlakkhandhassāti ettha iti-saddo ādiattho, pakārattho vā, tena ‘‘ariyassa samādhikkhandhassa…pe… patiṭṭhāpesī’’ti ayaṃ ettako pāṭho dassitoti daṭṭhabbaṃ tenāha ‘‘tesu dassitesū’’ti, uddesavasenāti adhippāyo. Bhagavatā vuttanayenevāti sāmaññaphaladesanādīsu bhagavatā desitanayeneva, tenassa suttassa satthubhāsitabhāvaṃ jinavacanabhāvaṃ dasseti. Sāsane na sīlameva sāroti ariyamaggasāre bhagavato sāsane yathā dassitaṃ sīlaṃ sāro eva na hoti sāravato mahato rukkhassa papaṭikaṭṭhāniyattā. Yadi evaṃ kasmā idha gahitanti āha ‘‘kevalañhetaṃ patiṭṭhāmattakamevā’’ti. Jhānādiuttarimanussadhamme adhigantukāmassa adhiṭṭhānamattaṃ tattha appatiṭṭhitassa tesaṃ asambhavato. Atha vā na sīlameva sāroti kāmañcettha sāsane ‘‘maggasīlaṃ, phalasīla’’nti idaṃ lokuttarasīlampi sārameva, tathāpi na sīlakkhandho eva sāro atha kho samādhikkhandhopi paññākkhandhopi sāro evāti evamettha attho daṭṭhabbo. Purimo eva sāro, tenāha ‘‘ito uttarī’’tiādi.
самаад̇хигканд̇хаван̣н̣анаа
Samādhikkhandhavaṇṇanā
454. гасмаа банзд̇т̇а т̇зро самаад̇хигканд̇хам̣ будто инд̣̇рияасам̣вараад̣̇игз виссаж̇ж̇зси, нану звам̣ санд̇з ан̃н̃ам̣ будто ан̃н̃ам̣ б̣яаагаронд̇о амб̣ам̣ будто лаб̣уж̇ам̣ б̣яаагаронд̇о вияа ход̇ийд̇и ийд̣̇исий жод̣̇анаа ид̇ха аногаасаад̇и д̣̇ассзнд̇о ‘‘гат̇ан̃жа маан̣ава бхигку…бз… самаад̇хигканд̇хам̣ д̣̇ассзд̇угаамо аарабхий’’д̇и ааха, д̇знзд̇т̇а инд̣̇рияасам̣вараад̣̇аяоби самаад̇хиубагаарад̇ам̣ убаад̣̇ааяа самаад̇хигканд̇хабагкигаани уд̣̇д̣̇идтаанийд̇и д̣̇ассзд̇и руубаж̇жхаанаанзва ааг̇ад̇аани, на аруубаж̇жхаанаани руубааважаражад̇уд̇т̇аж̇жхаанад̣̇зсанаананд̇арам̣ абхин̃н̃аад̣̇зсанааяа авасарод̇и гад̇ваа. руубааважаражад̇уд̇т̇аж̇жхаанабаад̣̇игаа хи сабарибхан̣д̣аа чаби абхин̃н̃ааяо. логияаа абхин̃н̃аа бана сиж̇жхамаанаа яасмаа адтасу самаабад̇д̇ийсу жуд̣̇д̣̇асавид̇хзна жид̇д̇абарид̣̇аманзна винаа на иж̇жханд̇и, д̇асмаа абхин̃н̃аасу д̣̇зсияамаанаасу аруубаж̇жхаанааниби д̣̇зсид̇аанзва хонд̇и наананд̇арияабхаавад̇о, д̇знааха ‘‘аанзд̇ваа бана д̣̇ийбзд̇аб̣б̣ааний’’д̇и. вуд̇д̇анаязна д̣̇зсид̇аанзва гад̇ваа сам̣ван̣н̣агзхи багаасзд̇аб̣б̣аанийд̇и ад̇т̇о. адтагат̇ааяам̣ бана ‘‘жад̇уд̇т̇аж̇жхаанам̣ убасамбаж̇ж̇а вихарад̇ий’’д̇и иминаава аруубаж̇жхаанамби сан̇г̇ахид̇анд̇и д̣̇ассзд̇ум̣ ‘‘жад̇уд̇т̇аж̇жхаанзна хий’’д̇иаад̣̇и вуд̇д̇ам̣. жад̇уд̇т̇аж̇жхаанан̃хи руубавирааг̇абхааванаавасзна бавад̇д̇ам̣ ‘‘аруубаж̇жхаана’’нд̇и вужжад̇ийд̇и.
454. Kasmā panettha thero samādhikkhandhaṃ puṭṭho indriyasaṃvarādike vissajjesi, nanu evaṃ sante aññaṃ puṭṭho aññaṃ byākaronto ambaṃ puṭṭho labujaṃ byākaronto viya hotīti īdisī codanā idha anokāsāti dassento ‘‘kathañca māṇava bhikkhu…pe… samādhikkhandhaṃ dassetukāmoārabhī’’ti āha, tenettha indriyasaṃvarādayopi samādhiupakārataṃ upādāya samādhikkhandhapakkhikāni uddiṭṭhānīti dasseti rūpajjhānāneva āgatāni, na arūpajjhānāni rūpāvacaracatutthajjhānadesanānantaraṃ abhiññādesanāya avasaroti katvā. Rūpāvacaracatutthajjhānapādikā hi saparibhaṇḍā chapi abhiññāyo. Lokiyā abhiññā pana sijjhamānā yasmā aṭṭhasu samāpattīsu cuddasavidhena cittaparidamanena vinā na ijjhanti, tasmā abhiññāsu desiyamānāsu arūpajjhānānipi desitāneva honti nānantariyabhāvato, tenāha ‘‘ānetvā pana dīpetabbānī’’ti. Vuttanayena desitāneva katvā saṃvaṇṇakehi pakāsetabbānīti attho. Aṭṭhakathāyaṃ pana ‘‘catutthajjhānaṃ upasampajja viharatī’’ti imināva arūpajjhānampi saṅgahitanti dassetuṃ ‘‘catutthajjhānena hī’’tiādi vuttaṃ. Catutthajjhānañhi rūpavirāgabhāvanāvasena pavattaṃ ‘‘arūpajjhāna’’nti vuccatīti.
471-480. на жид̇д̇згаг̇г̇ад̇аамад̇д̇агзнзваад̇и зд̇т̇а хздтаа вуд̇д̇анаяаанусаарзна ад̇т̇о взд̣̇ид̇аб̣б̣о. логияасса самаад̇хигканд̇хасса ад̇хиббзд̇ад̇д̇аа ‘‘на жид̇д̇з…бз… ад̇т̇ий’’д̇и вуд̇д̇ам̣. арияа-сад̣̇д̣̇о жзд̇т̇а суд̣̇д̇хабарияааяо, на логуд̇д̇арабарияааяо. д̇ат̇аа хздтааби логияаабхин̃н̃аабадисамбхид̣̇аахи винаава арахад̇д̇з ад̇хиг̇ад̇з над̇т̇зва уд̇д̇арим̣гаран̣ийяанд̇и саггаа вад̇д̇ум̣ яад̣̇ад̇т̇ам̣ бхаг̇авад̇и б̣рахмажарияам̣ вуссад̇и, д̇асса сид̣̇д̇хад̇д̇аа. ид̇ха бана логияаабхин̃н̃ааби ааг̇ад̇аа зва. сзсам̣ сувин̃н̃зяяамзва.
471-480.Na cittekaggatāmattakenevāti ettha heṭṭhā vuttanayānusārena attho veditabbo. Lokiyassa samādhikkhandhassa adhippetattā ‘‘na citte…pe… atthī’’ti vuttaṃ. Ariya-saddo cettha suddhapariyāyo, na lokuttarapariyāyo. Tathā heṭṭhāpi lokiyābhiññāpaṭisambhidāhi vināva arahatte adhigate nattheva uttariṃkaraṇīyanti sakkā vattuṃ yadatthaṃ bhagavati brahmacariyaṃ vussati, tassa siddhattā. Idha pana lokiyābhiññāpi āgatā eva. Sesaṃ suviññeyyameva.
субхасуд̇д̇аван̣н̣анааяа лийнад̇т̇аббагаасанаа.
Subhasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 10. субхасуд̇д̇ам̣ • 10. Subhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 10. субхасуд̇д̇аван̣н̣анаа • 10. Subhasuttavaṇṇanā
