| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. субхасуд̇д̇аван̣н̣анаа
9. Subhasuttavaṇṇanā
462. д̇уд̣̇исан̃н̃аад̇о г̇аамо ниг̇амо зд̇ассаад̇и д̇од̣̇зяяо, д̇асса ад̇д̇аж̇о д̇од̣̇зяяабуд̇д̇од̇и ааха ‘‘д̇уд̣̇иг̇аамаа’’д̇иаад̣̇и. аараад̇хагод̇и сам̣раад̇хаго. д̇хамманисанд̇и яасмаа самбаад̣̇анзна барибууран̣зна ижчид̇аа, д̇асмаа вуд̇д̇ам̣ ‘‘самбаад̣̇аго барибуураго’’д̇и. н̃ааяад̇и нижчаязна г̇амзд̇и ниб̣б̣аанам̣, д̇ам̣ ваа н̃ааяад̇и бадивиж̇жхийяад̇и зд̇знаад̇и н̃ааяо, д̇ад̇о зд̇асса самбаад̣̇агахзд̇убхаавад̇о н̃ааяо д̇хаммо арияамаг̇г̇о д̇ам̣ н̃ааяам̣ д̇хаммам̣. д̇знааха ‘‘гааран̣ад̇хамма’’нд̇и. анаваж̇ж̇анд̇и аваж̇ж̇абадибагкам̣.
462. Tudisaññāto gāmo nigamo etassāti todeyyo, tassa attajo todeyyaputtoti āha ‘‘tudigāmā’’tiādi. Ārādhakoti saṃrādhako. Dhammanisanti yasmā sampādanena paripūraṇena icchitā, tasmā vuttaṃ ‘‘sampādako paripūrako’’ti. Ñāyati nicchayena gameti nibbānaṃ, taṃ vā ñāyati paṭivijjhīyati etenāti ñāyo, tato etassa sampādakahetubhāvato ñāyo dhammo ariyamaggo taṃ ñāyaṃ dhammaṃ. Tenāha ‘‘kāraṇadhamma’’nti. Anavajjanti avajjapaṭipakkhaṃ.
463. ваддажаарагад̇о нияяаад̇ийд̇и нияяаанигам̣ ийгаарасса рассад̇д̇ам̣ яа-гаарасса жа га-гаарам̣ гад̇ваа. нияяаанз ваа нияуд̇д̇ам̣, нияяаанам̣ сийланд̇и ваа нияяаанигам̣, д̇аббадибагкад̇о анияяаанигам̣. саа бана ад̇т̇ад̇о агусалагирияаад̇и ааха ‘‘агусалабадибад̣̇а’’нд̇и.
463. Vaṭṭacārakato niyyātīti niyyānikaṃ īkārassa rassattaṃ ya-kārassa ca ka-kāraṃ katvā. Niyyāne vā niyuttaṃ, niyyānaṃ sīlanti vā niyyānikaṃ, tappaṭipakkhato aniyyānikaṃ. Sā pana atthato akusalakiriyāti āha ‘‘akusalapaṭipada’’nti.
б̣ахубхаававаажаго ид̇ха махаасад̣̇д̣̇о ‘‘махааж̇ано’’д̇иаад̣̇ийсувияаад̇и ааха ‘‘маханд̇зхи б̣ахуухий’’д̇и. ад̇т̇од̇и баяож̇анам̣. маханд̇аанийд̇и б̣ахулаани. гижжаанийд̇и гаад̇аб̣б̣аани. ад̇хигаран̣аанийд̇и ад̇хигаараж̇ийвигааруубаани. гхарааваасагаммамзва бан̃жаб̣алигаран̣ад̣̇асаад̇т̇адтаанабхаавад̇о логаяаад̇рааяа жа самбавад̇д̇идтаанабхаавад̇о ж̇ийвид̇авуд̇д̇ияаа ваа хзд̇убхаавад̇о гхарааваасагаммадтаанам̣.
Bahubhāvavācako idha mahāsaddo ‘‘mahājano’’tiādīsuviyāti āha ‘‘mahantehi bahūhī’’ti. Atthoti payojanaṃ. Mahantānīti bahulāni. Kiccānīti kātabbāni. Adhikaraṇānīti adhikārajīvikārūpāni. Gharāvāsakammameva pañcabalikaraṇadasaatthaṭṭhānabhāvato lokayātrāya ca sampavattiṭṭhānabhāvato jīvitavuttiyā vā hetubhāvato gharāvāsakammaṭṭhānaṃ.
‘‘аббагзнаби мзд̇хаавий, баабхад̇зна вижагкан̣о;
‘‘Appakenapi medhāvī, pābhatena vicakkhaṇo;
самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и. (ж̇аа. 1.1.4);
Samuṭṭhāpeti attānaṃ, aṇuṃ aggiṃva sandhama’’nti. (jā. 1.1.4);
г̇аат̇ааяа вуд̇д̇анаязна жуул̣анд̇зваасигасса вияа.
Gāthāya vuttanayena cūḷantevāsikassa viya.
464. аяонисо бавад̇д̇ид̇ам̣ ваан̣иж̇ж̇агаммам̣ вияа абааяабхууд̇ам̣ гасигаммам̣ нид̣̇ассанабхаавз табзд̇ваа аяонисоманасигаран̣авасзна бавад̇д̇ам̣ гхарааваасагижжам̣ санд̇хааяааха – ‘‘яат̇аа гаси…бз… звам̣ гхарааваасагаммадтаанамбий’’д̇и. б̣раахман̣абхад̇д̇о ахосийд̇и со гира б̣ахуу б̣раахман̣з д̇ханам̣ д̣̇ад̇ваа яан̃н̃ам̣ гаарзси. убарийд̇и ‘‘убари убадтаад̇ийд̇и вад̣̇зхий’’д̇и б̣раахман̣зхи ад̇д̇ано самаязна аажигкаабид̇оби яат̇аа убадтид̇амзва гат̇зд̇ваа гаалам̣ гад̇ваа нираяз ниб̣б̣ад̇д̇о, ат̇а б̣раахман̣аа – ‘‘иминаа амхаагам̣ яан̃н̃з д̣̇осо д̣̇инно’’д̇и гуж̇жхид̇ваа д̇асса гал̣зварам̣ сусаанам̣ нзд̇ум̣ наад̣̇ам̣су. ат̇асса н̃аад̇агзхи сахассз д̣̇иннз д̇ам̣ сахассам̣ г̇ахзд̇ваа г̇зхад̇о нийхарид̇ум̣ ад̣̇ам̣су. гассабасаммаасамб̣уд̣̇д̇хагаалз чад̇д̇им̣са ид̇т̇ияо ‘‘згаа вад̇т̇ам̣ ад̣̇ааси, згаа г̇анд̇хам̣, згаа суманамаала’’нд̇иаад̣̇инаа д̇ам̣ д̇ам̣ д̣̇аанамаяам̣ бун̃н̃ам̣ гад̇ваа ааяубарияосаанз д̇аавад̇им̣сабхаванз саггасса д̣̇зваран̃н̃о барижааригаа худ̇ваа ниб̣б̣ад̇д̇им̣су сахассаажчараабаривааригаа, саггасса д̣̇зваран̃н̃о взж̇аяанд̇арат̇ам̣ бзсзд̇ваа баггосаабид̇зна г̇уд̇д̇илаажарияабхууд̇зна махааб̣од̇хисад̇д̇зна бужчид̇аа д̇ам̣ д̇ам̣ ад̇д̇анаа гад̇ам̣ бун̃н̃ам̣ б̣яаагарим̣су. д̇ам̣ санд̇хааяа вуд̇д̇ам̣ ‘‘сагалааяа г̇уд̇д̇илавимаанагат̇ааяа д̣̇ийбзд̇аб̣б̣а’’нд̇и. ван̣иж̇ж̇агаммадтаанам̣ вибаж̇ж̇амаананд̇и зд̇т̇а д̇асса вибаж̇ж̇амаанаагааро хздтаа вуд̇д̇о. звам̣ баб̣б̣аж̇ж̇агаммадтаанамби вибаж̇ж̇амаанам̣ аббапалам̣ ход̇ийд̇и аанзд̇ваа самб̣анд̇хо. сийлзсу абарибуурагааринод̇иаад̣̇и д̇асса вибаж̇ж̇анаагаарад̣̇ассанам̣. жхаанаад̣̇исуканд̇и зд̇т̇а аад̣̇и-сад̣̇д̣̇зна абхин̃н̃аавибассанаад̣̇исукасса вияа саб̣рахмажаарийхи сад̣̇д̇хим̣ сийласамбад̣̇аад̣̇исукасса сан̇г̇ахо д̣̇адтаб̣б̣о. арахад̇д̇амби баабун̣аад̇и баг̇зва сзгкабут̇уж̇ж̇анасамбад̇д̇ияод̇и ад̇хиббааяо.
464. Ayoniso pavattitaṃ vāṇijjakammaṃ viya apāyabhūtaṃ kasikammaṃ nidassanabhāve ṭhapetvā ayonisomanasikaraṇavasena pavattaṃ gharāvāsakiccaṃ sandhāyāha – ‘‘yathā kasi…pe… evaṃ gharāvāsakammaṭṭhānampī’’ti. Brāhmaṇabhatto ahosīti so kira bahū brāhmaṇe dhanaṃ datvā yaññaṃ kāresi. Uparīti ‘‘upari upaṭṭhātīti vadehī’’ti brāhmaṇehi attano samayena ācikkhāpitopi yathā upaṭṭhitameva kathetvā kālaṃ katvā niraye nibbatto, atha brāhmaṇā – ‘‘iminā amhākaṃ yaññe doso dinno’’ti kujjhitvā tassa kaḷevaraṃ susānaṃ netuṃ nādaṃsu. Athassa ñātakehi sahasse dinne taṃ sahassaṃ gahetvā gehato nīharituṃ adaṃsu. Kassapasammāsambuddhakāle chattiṃsa itthiyo ‘‘ekā vatthaṃ adāsi, ekā gandhaṃ, ekā sumanamāla’’ntiādinā taṃ taṃ dānamayaṃ puññaṃ katvā āyupariyosāne tāvatiṃsabhavane sakkassa devarañño paricārikā hutvā nibbattiṃsu sahassaaccharāparivārikā, sakkassa devarañño vejayantarathaṃ pesetvā pakkosāpitena guttilācariyabhūtena mahābodhisattena pucchitā taṃ taṃ attanā kataṃ puññaṃ byākariṃsu. Taṃ sandhāya vuttaṃ ‘‘sakalāya guttilavimānakathāya dīpetabba’’nti. Vaṇijjakammaṭṭhānaṃ vipajjamānanti ettha tassa vipajjamānākāro heṭṭhā vutto. Evaṃ pabbajjakammaṭṭhānampi vipajjamānaṃ appaphalaṃ hotīti ānetvā sambandho. Sīlesu aparipūrakārinotiādi tassa vipajjanākāradassanaṃ. Jhānādisukhanti ettha ādi-saddena abhiññāvipassanādisukhassa viya sabrahmacārīhi saddhiṃ sīlasampadādisukhassa saṅgaho daṭṭhabbo. Arahattampi pāpuṇāti pageva sekkhaputhujjanasampattiyoti adhippāyo.
жааг̇асийсзнаад̇и бад̇хаанабхууд̇зна жааг̇зна д̣̇аанзна д̇ам̣ авассаяам̣ гад̇ваа. зд̇т̇а д̇з на гожи апаасугабхаавод̇и. уж̇угам̣ гад̇ваа авируд̣̇д̇хам̣ гад̇ваа, самбаяож̇зд̇ваад̇и ад̇т̇о. д̇абажарияанд̇и аг̇г̇ибарижаран̣ам̣, д̇абажарияан̃жа б̣рахмажарияаг̇г̇ахан̣аа д̣̇удтуллабхаавад̇о.
Cāgasīsenāti padhānabhūtena cāgena dānena taṃ avassayaṃ katvā. Ettha te na koci aphāsukabhāvoti. Ujukaṃ katvā aviruddhaṃ katvā, sampayojetvāti attho. Tapacariyanti aggiparicaraṇaṃ, tapacariyañca brahmacariyaggahaṇā duṭṭhullabhāvato.
466. аж̇аананабхааванд̇и асаб̣б̣ан̃н̃убхаавам̣. бхаг̇авад̇о бана саб̣б̣ан̃н̃убхааво сад̣̇звагз логз ж̇алад̇алз багкид̇д̇ад̇злам̣ вияа бад̇т̇арид̇ваа тид̇о, на мз ид̣̇ам̣ бад̇ируубам̣, д̇ад̇о баривад̇д̇иссаамийд̇и ‘‘б̣раахман̣о, бхо, г̇од̇амаа’’д̇иаад̣̇имааха. бажжаахарид̇ум̣ бадибагкзна абахарид̇ум̣. сзд̇абогкарасад̣̇исод̇и бун̣д̣арийгабад̇д̇асад̣̇исаван̣н̣о. суваддид̇аад̇и ваддабхааваяуд̇д̇адтаанз суваддаа. наамагам̣язваад̇и наамамад̇д̇амзва важанамад̇д̇амзва. д̇ат̇аабхууд̇аанам̣ бхаавассаби абхаавзна нихийнам̣ наама ход̇и, наама-сад̣̇д̣̇о нихийнабарияааяо. д̇знааха – ‘‘лаамагам̣язваа’’д̇и.
466.Ajānanabhāvanti asabbaññubhāvaṃ. Bhagavato pana sabbaññubhāvo sadevake loke jalatale pakkhittatelaṃ viya pattharitvā ṭhito, na me idaṃ patirūpaṃ, tato parivattissāmīti ‘‘brāhmaṇo, bho, gotamā’’tiādimāha. Paccāharituṃ paṭipakkhena apaharituṃ. Setapokkharasadisoti puṇḍarīkapattasadisavaṇṇo. Suvaṭṭitāti vaṭṭabhāvayuttaṭṭhāne suvaṭṭā. Nāmakaṃyevāti nāmamattameva vacanamattameva. Tathābhūtānaṃ bhāvassapi abhāvena nihīnaṃ nāma hoti, nāma-saddo nihīnapariyāyo. Tenāha – ‘‘lāmakaṃyevā’’ti.
467. гад̇амаа ваажаа д̇зсам̣ сзяяод̇и д̇зсам̣ жан̇гияаад̣̇ийнам̣ б̣раахман̣амахаасаалаанам̣ вужжамаанавибхааг̇аасу ваажаасу гад̇амаа ваажаа сзяяод̇и. ‘‘сзяяаа’’д̇и лин̇г̇авибаллаасзна вуд̇д̇ам̣. саммуд̇ияаад̇и авилан̇гхид̇асаад̇хумарияаад̣̇ааяа логасаммуд̇ияаа. д̇знааха ‘‘логавохаарзнаа’’д̇и. манд̇аад̇и манд̇аасан̇каад̇ааяа бан̃н̃ааяа манд̇зд̇ваа ж̇аанид̇ваа. д̇знааха ‘‘д̇улаяид̇ваа’’д̇и. ад̇т̇асам̣хид̇анд̇и хзд̇усан̃хид̇ам̣. д̇ам̣ бана згам̣сад̇о яуд̇д̇ияуд̇д̇ам̣ ход̇ийд̇и ааха – ‘‘гааран̣аниссид̇а’’нд̇и. аавуд̇од̇иаад̣̇ийсу аад̣̇ид̇о абхимукам̣ н̃аан̣аг̇ад̇ияаа виб̣анд̇ханзна аавуд̇о, аавариязна висзсад̇о н̃аан̣аг̇ад̇ияаа ниб̣анд̇ханзна нивуд̇о, звам̣ опудо балиг̇ун̣тид̇о. барияонад̣̇д̇ход̇и саманд̇ад̇о онад̣̇д̇хо чаад̣̇ид̇о. д̇знааха ‘‘баливзтид̇о’’д̇и.
467.Katamā vācā tesaṃ seyyoti tesaṃ caṅkiyādīnaṃ brāhmaṇamahāsālānaṃ vuccamānavibhāgāsu vācāsu katamā vācā seyyoti. ‘‘Seyyā’’ti liṅgavipallāsena vuttaṃ. Sammutiyāti avilaṅghitasādhumariyādāya lokasammutiyā. Tenāha ‘‘lokavohārenā’’ti. Mantāti mantāsaṅkhātāya paññāya mantetvā jānitvā. Tenāha ‘‘tulayitvā’’ti. Atthasaṃhitanti hetusañhitaṃ. Taṃ pana ekaṃsato yuttiyuttaṃ hotīti āha – ‘‘kāraṇanissita’’nti. Āvutotiādīsu ādito abhimukhaṃ ñāṇagatiyā vibandhanena āvuto, āvariyena visesato ñāṇagatiyā nibandhanena nivuto, evaṃ ophuṭo paliguṇṭhito. Pariyonaddhoti samantato onaddho chādito. Tenāha ‘‘paliveṭhito’’ti.
468. сажз зд̇ам̣ гааран̣амад̇т̇ийд̇и ‘‘ниссадтад̇ин̣агадтубаад̣̇аано аг̇г̇и ж̇алад̇ий’’д̇и зд̇ам̣ гааран̣ам̣ сажз ад̇т̇и яад̣̇и сияаа, со абаро д̇ин̣агадтубаад̣̇аано аг̇г̇и яад̣̇и бхавзяяа. сад̣̇осо саад̣̇ийнаво сабариггилзсо. барисуд̣̇д̇ход̇и убаггилзсаабхаавзна саб̣б̣асо суд̣̇д̇хо. ж̇аад̇и аад̣̇ийнам̣ абхаавзнаад̇и ж̇аад̇ибажжаяаанам̣ гаммагилзсаанам̣ ниг̇г̇амзна.
468.Sace etaṃ kāraṇamatthīti ‘‘nissaṭṭhatiṇakaṭṭhupādāno aggi jalatī’’ti etaṃ kāraṇaṃ sace atthi yadi siyā, so aparo tiṇakaṭṭhupādāno aggi yadi bhaveyya. Sadoso sādīnavo saparikkileso. Parisuddhoti upakkilesābhāvena sabbaso suddho. Jāti ādīnaṃ abhāvenāti jātipaccayānaṃ kammakilesānaṃ niggamena.
469. на нижжалаа д̇идтанд̇ийд̇и д̇ад̇т̇а багкибид̇аб̣б̣асса лаб̣бхамаанад̇д̇аа яат̇аабан̃н̃ад̇д̇ам̣ худ̇ваа нижжалаа агамбияаа на д̇идтанд̇и. д̇ам̣ д̣̇осам̣ д̇ам̣ уунад̇аад̣̇осам̣.
469.Naniccalā tiṭṭhantīti tattha pakkhipitabbassa labbhamānattā yathāpaññattaṃ hutvā niccalā akampiyā na tiṭṭhanti. Taṃ dosaṃ taṃ ūnatādosaṃ.
ан̃н̃асмим̣ асад̇ийд̇и ад̇т̇абхан̃ж̇агамусааваад̣̇з асад̇и. со хи ад̇д̇ано санд̇агасса ад̣̇аад̇угаамад̇аад̣̇ивасзна бавад̇д̇асса агаммабат̇аббад̇д̇асса мусааваад̣̇абхаавасса вибарийд̇о ан̃н̃о ид̇ха ад̇хиббзд̇о. д̇ат̇аа хи ид̇аро язбхуяязна вал̣ан̃ж̇ид̇аб̣б̣ад̇о вохарид̇аб̣б̣ад̇о вал̣ан̃ж̇агамусааваад̣̇од̇и ааха. на гад̣̇аажи мусааваад̣̇ийд̇и д̣̇вз гат̇аа на гат̇знд̇и. б̣аахирагаанам̣ анаваж̇ж̇ад̇абасаммад̇ааяаби ниссид̇од̇и вад̇д̇ум̣ ааха ‘‘сийлаваа д̇абаниссид̇аго ход̇и’’д̇и. вивадамукаа манд̇аж̇жхзнаман̣д̣ид̇аа саб̣б̣асо саж̇жхааяаа хонд̇и, на ид̇арзд̇и ааха ‘‘баб̣б̣аж̇ид̇аа нижжам̣ саж̇жхааяанд̇ий’’д̇и.
Aññasmiṃ asatīti atthabhañjakamusāvāde asati. So hi attano santakassa adātukāmatādivasena pavattassa akammapathappattassa musāvādabhāvassa viparīto añño idha adhippeto. Tathā hi itaro yebhuyyena vaḷañjitabbato voharitabbato vaḷañjakamusāvādoti āha. Na kadāci musāvādīti dve kathā na kathenti. Bāhirakānaṃ anavajjatapasammatāyapi nissitoti vattuṃ āha ‘‘sīlavā tapanissitako hoti’’ti. Vivaṭamukhā mantajjhenamaṇḍitā sabbaso sajjhāyā honti, na itareti āha ‘‘pabbajitā niccaṃ sajjhāyantī’’ti.
470. жирам̣ нигканд̇од̇и ниг̇г̇ад̇о худ̇ваа жирагаалз. на саб̣б̣асо бажжагкаа хонд̇и сад̇исаммохад̇о маг̇г̇аанан̃жа ан̃н̃ат̇аа гаран̣ад̇о. жирааяид̇ад̇д̇анд̇и ‘‘аяам̣ маг̇г̇о’’д̇и гат̇анасса жирааяанам̣. вид̇т̇ааяид̇ад̇д̇анд̇и асаббадибхаанам̣. д̇ам̣ бана саубамааха д̣̇ассзд̇ум̣ ‘‘яат̇аа’’д̇иаад̣̇и вуд̇д̇ам̣.
470.Ciraṃ nikkhantoti niggato hutvā cirakāle. Na sabbaso paccakkhā honti satisammohato maggānañca aññathā karaṇato. Cirāyitattanti ‘‘ayaṃ maggo’’ti kathanassa cirāyanaṃ. Vitthāyitattanti asappaṭibhānaṃ. Taṃ pana saupamāha dassetuṃ ‘‘yathā’’tiādi vuttaṃ.
б̣аласамбаннод̇и гааяаб̣алзна саманнааг̇ад̇о. бамаан̣агад̇ам̣ гаммам̣ наама бамаан̣агараанам̣ рааг̇аад̣̇игилзсаанам̣ авигкамбхид̇ад̇д̇аа ‘‘бамаан̣агад̇ам̣ гаммам̣ наама гаамааважара’’нд̇и ааха, д̇зсам̣ бана вигкамбхид̇ад̇д̇аа вуд̇д̇ам̣ ‘‘аббамаан̣агад̇ам̣ гаммам̣ наама руубааруубааважара’’нд̇и. д̇ад̇т̇ааби висзсад̇о аббаман̃н̃аабхааванаа самбхавад̇ийд̇и ааха ‘‘д̇зсубий’’д̇иаад̣̇и. нирийхагад̇д̇аа яат̇аа аббамаан̣асаман̃н̃аа лаб̣бхад̇и, д̇ам̣ д̣̇ассзд̇ум̣ ‘‘бамаан̣ам̣…бз… вужжад̇ий’’д̇и ааха. на охийяад̇и на д̇идтад̇ийд̇и гад̇уубажид̇амби гаамааважарагаммам̣ яат̇аад̇хиг̇ад̇з махаг̇г̇ад̇аж̇жхаанз абарихийнз д̇ам̣ абхибхавид̇ваа аасийд̣̇зд̇ваа бассз охийяагам̣ гад̇ваа бадисанд̇хим̣ д̣̇аад̇ум̣ самад̇т̇абхаавзна на д̇идтад̇и. лаг̇г̇ид̇унд̇и ааварид̇ум̣ . таад̇унд̇и бад̇идтаад̇ум̣. парид̇ваад̇и бадибпарид̇ваа. барияаад̣̇ияид̇ваад̇и д̇асса саамад̇т̇ияам̣ кзбзд̇ваа. гаммасса барияаад̣̇ияанам̣ наама вибаагуббаад̣̇аб̣анд̇ханамзваад̇и ааха – ‘‘д̇асса вибаагам̣ бадиб̣аахид̇ваа’’д̇и. сзсам̣ сувин̃н̃зяяамзва.
Balasampannoti kāyabalena samannāgato. Pamāṇakataṃ kammaṃ nāma pamāṇakarānaṃ rāgādikilesānaṃ avikkhambhitattā ‘‘pamāṇakataṃ kammaṃ nāma kāmāvacara’’nti āha, tesaṃ pana vikkhambhitattā vuttaṃ ‘‘appamāṇakataṃ kammaṃ nāma rūpārūpāvacara’’nti. Tatthāpi visesato appamaññābhāvanā sambhavatīti āha ‘‘tesupī’’tiādi. Nirīhakattā yathā appamāṇasamaññā labbhati, taṃ dassetuṃ ‘‘pamāṇaṃ…pe… vuccatī’’ti āha. Na ohīyati na tiṭṭhatīti katūpacitampi kāmāvacarakammaṃ yathādhigate mahaggatajjhāne aparihīne taṃ abhibhavitvā āsīdetvā passe ohīyakaṃ katvā paṭisandhiṃ dātuṃ samatthabhāvena na tiṭṭhati. Laggitunti āvarituṃ . Ṭhātunti patiṭṭhātuṃ. Pharitvāti paṭippharitvā. Pariyādiyitvāti tassa sāmatthiyaṃ khepetvā. Kammassa pariyādiyanaṃ nāma vipākuppādabandhanamevāti āha – ‘‘tassa vipākaṃ paṭibāhitvā’’ti. Sesaṃ suviññeyyameva.
субхасуд̇д̇аван̣н̣анааяа лийнад̇т̇аббагаасанаа самад̇д̇аа.
Subhasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. субхасуд̇д̇ам̣ • 9. Subhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. субхасуд̇д̇аван̣н̣анаа • 9. Subhasuttavaṇṇanā
