| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. субхууд̇ад̇т̇зраг̇аат̇ааван̣н̣анаа
2. Subhūtattheragāthāvaṇṇanā
аяог̇зд̇иаад̣̇игаа ааяасмад̇о субхууд̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о гассабасса бхаг̇авад̇о гаалз б̣аараан̣асияам̣ г̇ахабад̇имахаасаалагулз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇у санд̇игз д̇хаммам̣ суд̇ваа басаннамаанасо саран̣зсу жа сийлзсу жа бад̇идтааяа маасз маасз адтагкад̇д̇ум̣ жад̇уж̇ж̇аад̇ияаг̇анд̇хзна сад̇т̇у г̇анд̇хагудим̣ обун̃ж̇аабзси. со д̇зна бун̃н̃агаммзна ниб̣б̣ад̇д̇аниб̣б̣ад̇д̇адтаанз суг̇анд̇хасарийро худ̇ваа, имасмим̣ б̣уд̣̇д̇хуббаад̣̇з маг̇ад̇харадтз г̇ахабад̇игулз ниб̣б̣ад̇д̇ид̇ваа субхууд̇од̇и лад̣̇д̇ханаамо ваяаббад̇д̇о, ниссаран̣аж̇жхаасаяад̇ааяа гхарааваасам̣ бахааяа д̇ид̇т̇иязсу баб̣б̣аж̇ид̇ваа д̇ад̇т̇а саарам̣ алабханд̇о, сад̇т̇у санд̇игз убад̇иссаголид̇асзлаад̣̇игз б̣ахуу саман̣аб̣раахман̣з баб̣б̣аж̇ид̇ваа сааман̃н̃асукам̣ анубхаванд̇з д̣̇исваа саасанз бадилад̣̇д̇хасад̣̇д̇хо баб̣б̣аж̇ид̇ваа аажарияубаж̇жхааяз аараад̇хзд̇ваа гаммадтаанам̣ г̇ахзд̇ваа вивзгаваасам̣ васанд̇о вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.55.272-308) –
Ayogetiādikā āyasmato subhūtattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto kassapassa bhagavato kāle bārāṇasiyaṃ gahapatimahāsālakule nibbattitvā viññutaṃ patto ekadivasaṃ satthu santike dhammaṃ sutvā pasannamānaso saraṇesu ca sīlesu ca patiṭṭhāya māse māse aṭṭhakkhattuṃ catujjātiyagandhena satthu gandhakuṭiṃ opuñjāpesi. So tena puññakammena nibbattanibbattaṭṭhāne sugandhasarīro hutvā, imasmiṃ buddhuppāde magadharaṭṭhe gahapatikule nibbattitvā subhūtoti laddhanāmo vayappatto, nissaraṇajjhāsayatāya gharāvāsaṃ pahāya titthiyesu pabbajitvā tattha sāraṃ alabhanto, satthu santike upatissakolitaselādike bahū samaṇabrāhmaṇe pabbajitvā sāmaññasukhaṃ anubhavante disvā sāsane paṭiladdhasaddho pabbajitvā ācariyupajjhāye ārādhetvā kammaṭṭhānaṃ gahetvā vivekavāsaṃ vasanto vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 2.55.272-308) –
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘ануб̣яан̃ж̇анасамбанно, б̣аад̇д̇им̣саваралагкан̣о;
‘‘Anubyañjanasampanno, bāttiṃsavaralakkhaṇo;
б̣яаамаббабхаабаривуд̇о, рам̣сиж̇ааласамод̇т̇адо.
Byāmappabhāparivuto, raṃsijālasamotthaṭo.
‘‘ассаасзд̇аа яат̇аа жанд̣̇о, суурияова бабхан̇гаро;
‘‘Assāsetā yathā cando, sūriyova pabhaṅkaro;
ниб̣б̣аабзд̇аа яат̇аа мзгхо, сааг̇арова г̇ун̣аагаро.
Nibbāpetā yathā megho, sāgarova guṇākaro.
‘‘д̇харан̣ийрива сийлзна, химаваава самаад̇хинаа;
‘‘Dharaṇīriva sīlena, himavāva samādhinā;
аагаасо вияа бан̃н̃ааяа, асан̇г̇о анило яат̇аа.
Ākāso viya paññāya, asaṅgo anilo yathā.
‘‘д̇ад̣̇аахам̣ б̣аараан̣асияам̣, убабанно махаагулз;
‘‘Tadāhaṃ bārāṇasiyaṃ, upapanno mahākule;
бахууд̇ад̇ханад̇хан̃н̃асмим̣, наанаарад̇анасан̃жаяз.
Pahūtadhanadhaññasmiṃ, nānāratanasañcaye.
‘‘махад̇аа бариваарзна, нисиннам̣ логанааяагам̣;
‘‘Mahatā parivārena, nisinnaṃ lokanāyakaṃ;
убзжжа д̇хаммамассосим̣, амад̇ам̣ва манохарам̣.
Upecca dhammamassosiṃ, amataṃva manoharaṃ.
‘‘д̣̇вад̇д̇им̣салагкан̣ад̇харо, санагкад̇д̇ова жанд̣̇имаа;
‘‘Dvattiṃsalakkhaṇadharo, sanakkhattova candimā;
ануб̣яан̃ж̇анасамбанно, сааларааж̇аава пуллид̇о.
Anubyañjanasampanno, sālarājāva phullito.
‘‘рам̣сиж̇аалабаригкид̇д̇о, д̣̇ид̇д̇ова ганагаажало;
‘‘Raṃsijālaparikkhitto, dittova kanakācalo;
б̣яаамаббабхаабаривуд̇о, сад̇арам̣сий д̣̇иваагаро.
Byāmappabhāparivuto, sataraṃsī divākaro.
‘‘сон̣н̣аанано ж̇инаваро, саман̣ийва силужжаяо;
‘‘Soṇṇānano jinavaro, samaṇīva siluccayo;
гарун̣аабун̣н̣ахад̣̇аяо, г̇ун̣зна вияа сааг̇аро.
Karuṇāpuṇṇahadayo, guṇena viya sāgaro.
‘‘логависсуд̇агид̇д̇и жа, синзруува наг̇уд̇д̇амо;
‘‘Lokavissutakitti ca, sinerūva naguttamo;
яасасаа вид̇т̇ад̇о вийро, аагаасасад̣̇исо муни.
Yasasā vitthato vīro, ākāsasadiso muni.
‘‘асан̇г̇ажид̇д̇о саб̣б̣ад̇т̇а, анило вияа нааяаго;
‘‘Asaṅgacitto sabbattha, anilo viya nāyako;
бад̇идтаа саб̣б̣абхууд̇аанам̣, махийва мунисад̇д̇амо.
Patiṭṭhā sabbabhūtānaṃ, mahīva munisattamo.
‘‘анубалид̇д̇о логзна, д̇оязна бад̣̇умам̣ яат̇аа;
‘‘Anupalitto lokena, toyena padumaṃ yathā;
гуваад̣̇аг̇ажчад̣̇ахано, аг̇г̇игканд̇хова собхад̇и.
Kuvādagacchadahano, aggikkhandhova sobhati.
‘‘аг̇ад̣̇о вияа саб̣б̣ад̇т̇а, гилзсависанаасаго;
‘‘Agado viya sabbattha, kilesavisanāsako;
г̇анд̇хамаад̣̇анасзлова, г̇ун̣аг̇анд̇хавибхуусид̇о.
Gandhamādanaselova, guṇagandhavibhūsito.
‘‘г̇ун̣аанам̣ аагаро вийро, рад̇анаанам̣ва сааг̇аро;
‘‘Guṇānaṃ ākaro vīro, ratanānaṃva sāgaro;
синд̇хуува ванарааж̇ийнам̣, гилзсамалахаараго.
Sindhūva vanarājīnaṃ, kilesamalahārako.
‘‘виж̇аяийва махааяод̇хо, маарасзнаавамад̣̇д̣̇ано;
‘‘Vijayīva mahāyodho, mārasenāvamaddano;
жаггавад̇д̇ийва со рааж̇аа, б̣ож̇жхан̇г̇арад̇аниссаро.
Cakkavattīva so rājā, bojjhaṅgaratanissaro.
‘‘махаабхисаггасан̇гаасо, д̣̇осаб̣яаад̇хид̇игижчаго;
‘‘Mahābhisakkasaṅkāso, dosabyādhitikicchako;
саллагад̇д̇о яат̇аа взж̇ж̇о, д̣̇идтиг̇ан̣д̣авипаалаго.
Sallakatto yathā vejjo, diṭṭhigaṇḍaviphālako.
‘‘со д̇ад̣̇аа логабаж̇ж̇од̇о, санараамарасаггад̇о;
‘‘So tadā lokapajjoto, sanarāmarasakkato;
барисаасу нараад̣̇ижжо, д̇хаммам̣ д̣̇зсаяад̇з ж̇ино.
Parisāsu narādicco, dhammaṃ desayate jino.
‘‘д̣̇аанам̣ д̣̇ад̇ваа махаабхог̇о, сийлзна суг̇ад̇уубаг̇о;
‘‘Dānaṃ datvā mahābhogo, sīlena sugatūpago;
бхааванааяа жа ниб̣б̣аад̇и, ижжзваманусаасат̇а.
Bhāvanāya ca nibbāti, iccevamanusāsatha.
‘‘д̣̇зсанам̣ д̇ам̣ махассаад̣̇ам̣, аад̣̇имаж̇жханд̇асобханам̣;
‘‘Desanaṃ taṃ mahassādaṃ, ādimajjhantasobhanaṃ;
сун̣анд̇и барисаа саб̣б̣аа, амад̇ам̣ва махаарасам̣.
Suṇanti parisā sabbā, amataṃva mahārasaṃ.
‘‘суд̇ваа сумад̇хурам̣ д̇хаммам̣, басанно ж̇инасаасанз;
‘‘Sutvā sumadhuraṃ dhammaṃ, pasanno jinasāsane;
суг̇ад̇ам̣ саран̣ам̣ г̇анд̇ваа, яааваж̇ийвам̣ намассахам̣.
Sugataṃ saraṇaṃ gantvā, yāvajīvaṃ namassahaṃ.
‘‘мунино г̇анд̇хагудияаа, обун̃ж̇зсим̣ д̇ад̣̇аа махим̣;
‘‘Munino gandhakuṭiyā, opuñjesiṃ tadā mahiṃ;
жад̇уж̇ж̇аад̇зна г̇анд̇хзна, маасз адта д̣̇инзсвахам̣.
Catujjātena gandhena, māse aṭṭha dinesvahaṃ.
‘‘бан̣ид̇хааяа суг̇анд̇хад̇д̇ам̣, сарийрависсаг̇анд̇хино;
‘‘Paṇidhāya sugandhattaṃ, sarīravissagandhino;
д̇ад̣̇аа ж̇ино вияаагааси, суг̇анд̇хад̇анулаабхид̇ам̣.
Tadā jino viyākāsi, sugandhatanulābhitaṃ.
‘‘яо яам̣ г̇анд̇хагудибхуумим̣, г̇анд̇хзнобун̃ж̇ад̇з сагим̣;
‘‘Yo yaṃ gandhakuṭibhūmiṃ, gandhenopuñjate sakiṃ;
д̇зна гаммавибаагзна, убабанно д̇ахим̣ д̇ахим̣.
Tena kammavipākena, upapanno tahiṃ tahiṃ.
‘‘суг̇анд̇хад̣̇зхо саб̣б̣ад̇т̇а, бхависсад̇и аяам̣ наро;
‘‘Sugandhadeho sabbattha, bhavissati ayaṃ naro;
г̇ун̣аг̇анд̇хаяуд̇д̇о худ̇ваа, ниб̣б̣ааяиссад̇инаасаво.
Guṇagandhayutto hutvā, nibbāyissatināsavo.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, ж̇аад̇о виббагулз ахам̣;
‘‘Pacchime ca bhave dāni, jāto vippakule ahaṃ;
г̇аб̣бхам̣ мз васад̇о маад̇аа, д̣̇зхзнааси суг̇анд̇хид̇аа.
Gabbhaṃ me vasato mātā, dehenāsi sugandhitā.
‘‘яад̣̇аа жа маад̇угужчимхаа, нигкамаами д̇ад̣̇аа бурий;
‘‘Yadā ca mātukucchimhā, nikkhamāmi tadā purī;
саавад̇т̇и саб̣б̣аг̇анд̇хзхи, ваасид̇аа вияа вааяат̇а.
Sāvatthi sabbagandhehi, vāsitā viya vāyatha.
‘‘бубпавассан̃жа сурабхи, д̣̇иб̣б̣аг̇анд̇хам̣ манорамам̣;
‘‘Pupphavassañca surabhi, dibbagandhaṃ manoramaṃ;
д̇хуубаани жа махаг̇гхаани, убавааяим̣су д̇аавад̣̇з.
Dhūpāni ca mahagghāni, upavāyiṃsu tāvade.
‘‘д̣̇зваа жа саб̣б̣аг̇анд̇хзхи, д̇хуубабубпзхи д̇ам̣ гхарам̣;
‘‘Devā ca sabbagandhehi, dhūpapupphehi taṃ gharaṃ;
ваасаяим̣су суг̇анд̇хзна, яасмим̣ ж̇аад̇о ахам̣ гхарз.
Vāsayiṃsu sugandhena, yasmiṃ jāto ahaṃ ghare.
‘‘яад̣̇аа жа д̇арун̣о бхад̣̇д̣̇о, батамз яоб̣б̣анз тид̇о;
‘‘Yadā ca taruṇo bhaddo, paṭhame yobbane ṭhito;
д̇ад̣̇аа сзлам̣ сабарисам̣, винзд̇ваа нарасаарат̇и.
Tadā selaṃ saparisaṃ, vinetvā narasārathi.
‘‘д̇зхи саб̣б̣зхи баривуд̇о, саавад̇т̇ибурамааг̇ад̇о;
‘‘Tehi sabbehi parivuto, sāvatthipuramāgato;
д̇ад̣̇аа б̣уд̣̇д̇хаанубхаавам̣ д̇ам̣, д̣̇исваа баб̣б̣аж̇ид̇о ахам̣.
Tadā buddhānubhāvaṃ taṃ, disvā pabbajito ahaṃ.
‘‘сийлам̣ самаад̇хибан̃н̃ан̃жа, вимуд̇д̇ин̃жа ануд̇д̇арам̣;
‘‘Sīlaṃ samādhipaññañca, vimuttiñca anuttaraṃ;
бхаавзд̇ваа жад̇уро д̇хаммз, баабун̣им̣ аасавагкаяам̣.
Bhāvetvā caturo dhamme, pāpuṇiṃ āsavakkhayaṃ.
‘‘яад̣̇аа баб̣б̣аж̇ид̇о жаахам̣, яад̣̇аа жа арахаа ахум̣;
‘‘Yadā pabbajito cāhaṃ, yadā ca arahā ahuṃ;
ниб̣б̣ааяиссам̣ яад̣̇аа жаахам̣, г̇анд̇хавассо д̇ад̣̇аа аху.
Nibbāyissaṃ yadā cāhaṃ, gandhavasso tadā ahu.
‘‘сарийраг̇анд̇хо жа сад̣̇аад̇исзд̇и мз, махаарахам̣ жанд̣̇анажамбагуббалам̣;
‘‘Sarīragandho ca sadātiseti me, mahārahaṃ candanacampakuppalaṃ;
д̇ат̇зва г̇анд̇хз ид̇арз жа саб̣б̣асо, басаяха вааяаами д̇ад̇о д̇ахим̣ д̇ахим̣.
Tatheva gandhe itare ca sabbaso, pasayha vāyāmi tato tahiṃ tahiṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа д̇ид̇т̇иязсу баб̣б̣аж̇ид̇ваа ад̇д̇ано бад̇д̇ам̣ ад̇д̇агиламат̇аануяог̇ам̣ д̣̇угкам̣, саасанз баб̣б̣аж̇ид̇ваа бад̇д̇ам̣ жхаанаад̣̇исукан̃жа жинд̇зд̇ваа ад̇д̇ано бадибад̇д̇ибажжавзгкан̣амукзна ан̃н̃ам̣ б̣яаагаронд̇о –
Arahattaṃ pana patvā titthiyesu pabbajitvā attano pattaṃ attakilamathānuyogaṃ dukkhaṃ, sāsane pabbajitvā pattaṃ jhānādisukhañca cintetvā attano paṭipattipaccavekkhaṇamukhena aññaṃ byākaronto –
320.
320.
‘‘аяог̇з яун̃ж̇амад̇д̇аанам̣, бурисо гижжамижчаго;
‘‘Ayoge yuñjamattānaṃ, puriso kiccamicchako;
жарам̣ жз наад̇хиг̇ажчзяяа, д̇ам̣ мз д̣̇уб̣бхаг̇алагкан̣ам̣.
Caraṃ ce nādhigaccheyya, taṃ me dubbhagalakkhaṇaṃ.
321.
321.
‘‘аб̣б̣уул̣хам̣ агхаг̇ад̇ам̣ виж̇ид̇ам̣, зган̃жз оссаж̇зяяа галийва сияаа;
‘‘Abbūḷhaṃ aghagataṃ vijitaṃ, ekañce ossajeyya kalīva siyā;
саб̣б̣ааниби жз оссаж̇зяяа анд̇хова сияаа, самависамасса ад̣̇ассанад̇о.
Sabbānipi ce ossajeyya andhova siyā, samavisamassa adassanato.
322.
322.
‘‘яан̃хи гаяираа д̇ан̃хи вад̣̇з, яам̣ на гаяираа на д̇ам̣ вад̣̇з;
‘‘Yañhi kayirā tañhi vade, yaṃ na kayirā na taṃ vade;
агаронд̇ам̣ бхаасамаанам̣, бариж̇аананд̇и бан̣д̣ид̇аа.
Akarontaṃ bhāsamānaṃ, parijānanti paṇḍitā.
323.
323.
‘‘яат̇ааби ружирам̣ бубпам̣, ван̣н̣аванд̇ам̣ аг̇анд̇хагам̣;
‘‘Yathāpi ruciraṃ pupphaṃ, vaṇṇavantaṃ agandhakaṃ;
звам̣ субхаасид̇аа ваажаа, апалаа ход̇и агуб̣б̣ад̇о.
Evaṃ subhāsitā vācā, aphalā hoti akubbato.
324.
324.
‘‘яат̇ааби ружирам̣ бубпам̣, ван̣н̣аванд̇ам̣ суг̇анд̇хагам̣;
‘‘Yathāpi ruciraṃ pupphaṃ, vaṇṇavantaṃ sugandhakaṃ;
звам̣ субхаасид̇аа ваажаа, сапалаа ход̇и губ̣б̣ад̇о’’д̇и. –
Evaṃ subhāsitā vācā, saphalā hoti kubbato’’ti. –
имаа бан̃жа г̇аат̇аа абхааси.
Imā pañca gāthā abhāsi.
д̇ад̇т̇а аяог̇зд̇и аяун̃ж̇ид̇аб̣б̣з асзвид̇аб̣б̣з анд̇ад̣̇ваяз. ид̇ха бана ад̇д̇агиламат̇аануяог̇авасзна ад̇т̇о взд̣̇ид̇аб̣б̣о. яун̃ж̇анд̇и д̇асмим̣ ад̇д̇аанам̣ яун̃ж̇анд̇о яож̇знд̇о д̇ат̇аа бадибаж̇ж̇анд̇о. гижжамижчагод̇и убхаяахид̇аавахам̣ гижжам̣ ижчанд̇о, д̇аббадибагкад̇о аяог̇з жарам̣ жаранд̇о жз бхавзяяа. наад̇хиг̇ажчзяяаад̇и яат̇аад̇хиббзд̇ам̣ хид̇асукам̣ на баабун̣зяяаад̇и н̃ааяо. д̇асмаа яам̣ ахам̣ д̇ид̇т̇ияамад̇аван̃жид̇о аяог̇з яун̃ж̇им̣, д̇ам̣ мз д̣̇уб̣бхаг̇алагкан̣ам̣ абун̃н̃асабхааво. ‘‘буримагаммаб̣яаамохид̇о аяог̇з яун̃ж̇и’’нд̇и д̣̇ассзд̇и.
Tattha ayogeti ayuñjitabbe asevitabbe antadvaye. Idha pana attakilamathānuyogavasena attho veditabbo. Yuñjanti tasmiṃ attānaṃ yuñjanto yojento tathā paṭipajjanto. Kiccamicchakoti ubhayahitāvahaṃ kiccaṃ icchanto, tappaṭipakkhato ayoge caraṃ caranto ce bhaveyya. Nādhigaccheyyāti yathādhippetaṃ hitasukhaṃ na pāpuṇeyyāti ñāyo. Tasmā yaṃ ahaṃ titthiyamatavañcito ayoge yuñjiṃ, taṃ me dubbhagalakkhaṇaṃ apuññasabhāvo. ‘‘Purimakammabyāmohito ayoge yuñji’’nti dasseti.
аб̣б̣уул̣хам̣ агхаг̇ад̇ам̣ виж̇ид̇анд̇и виб̣аад̇ханасабхаавад̇ааяа агхаа наама рааг̇аад̣̇аяо, агхаани зва агхаг̇ад̇ам̣, агхаг̇ад̇аанам̣ виж̇ид̇ам̣ сам̣саараббавад̇д̇и, д̇зсам̣ виж̇аяо гусалад̇хаммаабхибхаво. ‘‘агхаг̇ад̇ам̣ виж̇ид̇а’’нд̇и анунаасигалобам̣ агад̇ваа вуд̇д̇ам̣. д̇ам̣ аб̣б̣уул̣хам̣ ануд̣̇д̇хад̇ам̣ язна, д̇ам̣ аб̣б̣уул̣хаагхаг̇ад̇ам̣ виж̇ид̇ам̣ гад̇ваа звам̣бхууд̇о худ̇ваа, гилзсз асамужчинд̣̇ид̇ваад̇и ад̇т̇о. зган̃жз оссаж̇зяяаад̇и ад̣̇уд̇ияад̇ааяа бад̇хаанад̇ааяа жа згам̣ аббамаад̣̇ам̣ саммаабаяог̇амзва ваа оссаж̇зяяа барижжаж̇зяяа жз. галийва со буг̇г̇ало гаал̣аган̣н̣ий вияа сияаа. саб̣б̣ааниби жз оссаж̇зяяаад̇и саб̣б̣ааниби вимуд̇д̇ияаа барибаажагаани сад̣̇д̇хаавийрияасад̇исамаад̇хибан̃н̃инд̣̇рияаани оссаж̇зяяа жз, абхааванааяа чад̣д̣зяяа жз, анд̇хова сияаа самависамасса ад̣̇ассанад̇о.
Abbūḷhaṃ aghagataṃ vijitanti vibādhanasabhāvatāya aghā nāma rāgādayo, aghāni eva aghagataṃ, aghagatānaṃ vijitaṃ saṃsārappavatti, tesaṃ vijayo kusaladhammābhibhavo. ‘‘Aghagataṃ vijita’’nti anunāsikalopaṃ akatvā vuttaṃ. Taṃ abbūḷhaṃ anuddhataṃ yena, taṃ abbūḷhāghagataṃ vijitaṃ katvā evaṃbhūto hutvā, kilese asamucchinditvāti attho. Ekañce ossajeyyāti adutiyatāya padhānatāya ca ekaṃ appamādaṃ sammāpayogameva vā ossajeyya pariccajeyya ce. Kalīva so puggalo kāḷakaṇṇī viya siyā. Sabbānipi ce ossajeyyāti sabbānipi vimuttiyā paripācakāni saddhāvīriyasatisamādhipaññindriyāni ossajeyya ce, abhāvanāya chaḍḍeyya ce, andhova siyā samavisamassa adassanato.
яат̇аад̇и обаммасамбадибаад̣̇анад̇т̇з нибаад̇о. ружиранд̇и собханам̣. ван̣н̣аванд̇анд̇и ван̣н̣асан̣таанасамбаннам̣. аг̇анд̇хаганд̇и г̇анд̇харахид̇ам̣ баалибхад̣̇д̣̇агаг̇ириган̣н̣игаж̇аяасуманаад̣̇ибхзд̣̇ам̣. звам̣ субхаасид̇аа ваажаад̇и субхаасид̇аа ваажаа наама д̇збидагам̣ б̣уд̣̇д̇хаважанам̣ ван̣н̣асан̣таанасамбаннабубпасад̣̇исам̣. яат̇аа хи аг̇анд̇хагам̣ бубпам̣ д̇хаарзнд̇асса сарийрз г̇анд̇хо на парад̇и, звам̣ зд̇амби яо саггажжасаванаад̣̇ийхи жа самаажарад̇и, д̇асса саггажжам̣ асамаажаранд̇асса яам̣ д̇ад̇т̇а гад̇д̇аб̣б̣ам̣, д̇ам̣ агуб̣б̣ад̇о суд̇аг̇анд̇хам̣ бадибад̇д̇иг̇анд̇хан̃жа на аавахад̇и апалаа ход̇и. д̇зна вуд̇д̇ам̣ ‘‘звам̣ субхаасид̇аа ваажаа, апалаа ход̇и агуб̣б̣ад̇о’’д̇и.
Yathāti opammasampaṭipādanatthe nipāto. Ruciranti sobhanaṃ. Vaṇṇavantanti vaṇṇasaṇṭhānasampannaṃ. Agandhakanti gandharahitaṃ pālibhaddakagirikaṇṇikajayasumanādibhedaṃ. Evaṃ subhāsitā vācāti subhāsitā vācā nāma tepiṭakaṃ buddhavacanaṃ vaṇṇasaṇṭhānasampannapupphasadisaṃ. Yathā hi agandhakaṃ pupphaṃ dhārentassa sarīre gandho na pharati, evaṃ etampi yo sakkaccasavanādīhi ca samācarati, tassa sakkaccaṃ asamācarantassa yaṃ tattha kattabbaṃ, taṃ akubbato sutagandhaṃ paṭipattigandhañca na āvahati aphalā hoti. Tena vuttaṃ ‘‘evaṃ subhāsitā vācā, aphalā hoti akubbato’’ti.
суг̇анд̇хаганд̇и суманажамбаганийлуббалабубпаад̣̇ибхзд̣̇ам̣. званд̇и яат̇аа д̇ам̣ бубпам̣ д̇хаарзнд̇асса сарийрз г̇анд̇хо парад̇и, звам̣ д̇збидагаб̣уд̣̇д̇хаважанасан̇каад̇аа субхаасид̇аа ваажааби яо саггажжасаванаад̣̇ийхи д̇ад̇т̇а гад̇д̇аб̣б̣ам̣ гарод̇и, асса буг̇г̇аласса сапалаа ход̇и, суд̇аг̇анд̇хабадибад̇д̇иг̇анд̇хаанам̣ ааваханад̇о махабпалаа ход̇и махаанисам̣саа. д̇асмаа яат̇оваад̣̇ам̣ бадибаж̇ж̇зяяа, яат̇аагаарий д̇ат̇ааваад̣̇ий жа бхавзяяаад̇и. сзсам̣ вуд̇д̇анаяамзва.
Sugandhakanti sumanacampakanīluppalapupphādibhedaṃ. Evanti yathā taṃ pupphaṃ dhārentassa sarīre gandho pharati, evaṃ tepiṭakabuddhavacanasaṅkhātā subhāsitā vācāpi yo sakkaccasavanādīhi tattha kattabbaṃ karoti, assa puggalassa saphalā hoti, sutagandhapaṭipattigandhānaṃ āvahanato mahapphalā hoti mahānisaṃsā. Tasmā yathovādaṃ paṭipajjeyya, yathākārī tathāvādī ca bhaveyyāti. Sesaṃ vuttanayameva.
субхууд̇ад̇т̇зраг̇аат̇ааван̣н̣анаа нидтид̇аа.
Subhūtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. субхууд̇ад̇т̇зраг̇аат̇аа • 2. Subhūtattheragāthā
