| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
7. субхууд̇исуд̇д̇аван̣н̣анаа
7. Subhūtisuttavaṇṇanā
57. сад̇д̇амз субхууд̇ийд̇и д̇асса т̇зрасса наамам̣. со хи ааяасмаа бад̣̇умуд̇д̇арасса бхаг̇авад̇о баад̣̇амуулз гад̇аабхинийхааро габбасад̇асахассам̣ убажид̇абун̃н̃асамбхааро имасмим̣ б̣уд̣̇д̇хуббаад̣̇з ул̣ааравибхавз г̇ахабад̇игулз уббанно бхаг̇авад̇о д̇хаммад̣̇зсанам̣ суд̇ваа сам̣взг̇аж̇аад̇о гхараа нигкамма баб̣б̣аж̇ид̇ваа гад̇аад̇хигаарад̇д̇аа гхадзнд̇о вааяаманд̇о на жирассзва чал̣абхин̃н̃о ж̇аад̇о, б̣рахмавихаарабхааванааяа бана уггам̣сабаарамиббад̇д̇ияаа ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ аран̣авихаарийнам̣ яад̣̇ид̣̇ам̣ субхууд̇ий’’д̇и (а. ни. 1.201) аран̣авихаарз бхаг̇авад̇аа зд̇ад̣̇аг̇г̇з табид̇о. со згад̣̇ивасам̣ сааяанхасамаяам̣ д̣̇иваадтаанад̇о вихааран̇г̇ан̣ам̣ од̇ин̣н̣о жад̇убарисамаж̇жхз бхаг̇аванд̇ам̣ д̇хаммам̣ д̣̇зсзнд̇ам̣ д̣̇исваа ‘‘д̣̇зсанаабарияосаанз вудтахид̇ваа ванд̣̇иссаамий’’д̇и гаалабарижчзд̣̇ам̣ гад̇ваа бхаг̇авад̇о авид̣̇уурз ан̃н̃ад̇арасмим̣ ругкамуулз нисинно паласамаабад̇д̇им̣ самаабаж̇ж̇и. д̇зна вуд̇д̇ам̣ – ‘‘д̇зна ко бана самаязна ааяасмаа субхууд̇и…бз… самаабаж̇ж̇ид̇ваа’’д̇и.
57. Sattame subhūtīti tassa therassa nāmaṃ. So hi āyasmā padumuttarassa bhagavato pādamūle katābhinīhāro kappasatasahassaṃ upacitapuññasambhāro imasmiṃ buddhuppāde uḷāravibhave gahapatikule uppanno bhagavato dhammadesanaṃ sutvā saṃvegajāto gharā nikkhamma pabbajitvā katādhikārattā ghaṭento vāyamanto na cirasseva chaḷabhiñño jāto, brahmavihārabhāvanāya pana ukkaṃsapāramippattiyā ‘‘etadaggaṃ, bhikkhave, mama sāvakānaṃ bhikkhūnaṃ araṇavihārīnaṃ yadidaṃ subhūtī’’ti (a. ni. 1.201) araṇavihāre bhagavatā etadagge ṭhapito. So ekadivasaṃ sāyanhasamayaṃ divāṭṭhānato vihāraṅgaṇaṃ otiṇṇo catuparisamajjhe bhagavantaṃ dhammaṃ desentaṃ disvā ‘‘desanāpariyosāne vuṭṭhahitvā vandissāmī’’ti kālaparicchedaṃ katvā bhagavato avidūre aññatarasmiṃ rukkhamūle nisinno phalasamāpattiṃ samāpajji. Tena vuttaṃ – ‘‘tena kho pana samayena āyasmā subhūti…pe… samāpajjitvā’’ti.
д̇ад̇т̇а д̣̇уд̇ияаж̇жхаанад̇о бадтааяа руубааважарасамаад̇хи саб̣б̣оби аруубааважарасамаад̇хи авид̇аггасамаад̇хи зва. ид̇ха бана жад̇уд̇т̇аж̇жхаанабаад̣̇аго арахад̇д̇апаласамаад̇хи ‘‘авид̇аггасамаад̇хий’’д̇и ад̇хиббзд̇о. д̣̇уд̇ияаж̇жхаанаад̣̇ийхи бахийнаа мижчаавид̇аггаа на д̇аава суббахийнаа ажжанд̇абахаанаабхаавад̇о, арияамаг̇г̇зна бана бахийнаа зва буна бахаанагижжаабхаавад̇о. д̇асмаа аг̇г̇амаг̇г̇абарияосаанабхууд̇о арахад̇д̇апаласамаад̇хи саб̣б̣зсам̣ мижчаавид̇аггаанам̣ бахаананд̇з уббаннад̇д̇аа висзсад̇о ‘‘авид̇аггасамаад̇хий’’д̇и вад̇д̇аб̣б̣ад̇ам̣ арахад̇и, баг̇зва жад̇уд̇т̇аж̇жхаанабаад̣̇аго. д̇зна вуд̇д̇ам̣ – ‘‘ид̇ха бана жад̇уд̇т̇аж̇жхаанабаад̣̇аго арахад̇д̇апаласамаад̇хи ‘авид̇аггасамаад̇хий’д̇и ад̇хиббзд̇о’’д̇и.
Tattha dutiyajjhānato paṭṭhāya rūpāvacarasamādhi sabbopi arūpāvacarasamādhi avitakkasamādhi eva. Idha pana catutthajjhānapādako arahattaphalasamādhi ‘‘avitakkasamādhī’’ti adhippeto. Dutiyajjhānādīhi pahīnā micchāvitakkā na tāva suppahīnā accantapahānābhāvato, ariyamaggena pana pahīnā eva puna pahānakiccābhāvato. Tasmā aggamaggapariyosānabhūto arahattaphalasamādhi sabbesaṃ micchāvitakkānaṃ pahānante uppannattā visesato ‘‘avitakkasamādhī’’ti vattabbataṃ arahati, pageva catutthajjhānapādako. Tena vuttaṃ – ‘‘idha pana catutthajjhānapādako arahattaphalasamādhi ‘avitakkasamādhī’ti adhippeto’’ti.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о субхууд̇исса саб̣б̣амижчаавид̇аггасаб̣б̣асам̣гилзсабахаанасан̇каад̇ам̣ ад̇т̇ам̣ саб̣б̣аагаарад̇о ж̇аанид̇ваа д̇ад̣̇ад̇т̇ад̣̇ийбагам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ āyasmato subhūtissa sabbamicchāvitakkasabbasaṃkilesapahānasaṅkhātaṃ atthaṃ sabbākārato jānitvā tadatthadīpakaṃ imaṃ udānaṃ udānesi.
д̇ад̇т̇а яасса вид̇аггаа вид̇хуубид̇аад̇и язна арияабуг̇г̇алзна, яасса ваа арияабуг̇г̇аласса гаамавид̇аггаад̣̇аяо саб̣б̣зби мижчаавид̇аггаа вид̇хуубид̇аа арияамаг̇г̇ан̃аан̣зна санд̇аабид̇аа самужчиннаа. аж̇жхад̇д̇ам̣ сувигаббид̇аа асзсаад̇и нияагаж̇жхад̇д̇асан̇каад̇з ад̇д̇ано санд̇аанз уббаж̇ж̇анаарахаа сувигаббид̇аа судту вигаббид̇аа асзсад̇о, гин̃жиби асзсзд̇ваа сусамужчиннаад̇и ад̇т̇о. д̇ам̣ сан̇г̇амад̇ижжа аруубасан̃н̃ийд̇и зд̇т̇а нд̇и нибаад̇амад̇д̇ам̣. ат̇а ваа хзд̇уад̇т̇о д̇ам̣сад̣̇д̣̇о. яасмаа анавасзсзна мижчаавид̇аггаа самужчиннаа, д̇асмаа рааг̇асан̇г̇аад̣̇игам̣ бан̃жавид̇хам̣ сан̇г̇ам̣, саб̣б̣амби ваа гилзсасан̇г̇ам̣ ад̇ижжа ад̇иггамид̇ваа ад̇иггаманахзд̇у руубасабхааваабхаавад̇о руббанасан̇каад̇асса жа вигаарасса д̇ад̇т̇а абхаавад̇о ниб̣б̣игаарахзд̇убхаавад̇о ваа ‘‘арууба’’нд̇и лад̣̇д̇ханаамам̣ ниб̣б̣аанам̣ аарамман̣ам̣ гад̇ваа бавад̇д̇аахи маг̇г̇апаласан̃н̃аахи аруубасан̃н̃ий. жад̇уяог̇аад̇иг̇ад̇од̇и гаамаяог̇о бхаваяог̇о д̣̇идтияог̇о авиж̇ж̇ааяог̇од̇и жад̇д̇ааро яог̇з яат̇аарахам̣ жад̇уухиби маг̇г̇зхи ад̇иггамид̇ваа г̇ад̇о. на ж̇аад̇у мзд̇ийд̇и магааро бад̣̇асанд̇хигаро, ж̇аад̇у згам̣сзнзва бунаб̣бхавааяа на зд̇и, ааяад̇им̣ бунаб̣бхаваабхиниб̣б̣ад̇д̇и д̇асса над̇т̇ийд̇и ад̇т̇о. ‘‘на ж̇аад̇и мзд̇ий’’д̇иби батанд̇и, со звад̇т̇о. ид̇и бхаг̇аваа ааяасмад̇о субхууд̇исса арахад̇д̇апаласамаабад̇д̇ивихаарам̣ анубаад̣̇исзсаниб̣б̣аанан̃жа аараб̣бха бийд̇ивзг̇ависсадтам̣ уд̣̇аанам̣ уд̣̇аанзси.
Tattha yassa vitakkā vidhūpitāti yena ariyapuggalena, yassa vā ariyapuggalassa kāmavitakkādayo sabbepi micchāvitakkā vidhūpitā ariyamaggañāṇena santāpitā samucchinnā. Ajjhattaṃ suvikappitā asesāti niyakajjhattasaṅkhāte attano santāne uppajjanārahā suvikappitā suṭṭhu vikappitā asesato, kiñcipi asesetvā susamucchinnāti attho. Taṃ saṅgamaticca arūpasaññīti ettha nti nipātamattaṃ. Atha vā hetuattho taṃsaddo. Yasmā anavasesena micchāvitakkā samucchinnā, tasmā rāgasaṅgādikaṃ pañcavidhaṃ saṅgaṃ, sabbampi vā kilesasaṅgaṃ aticca atikkamitvā atikkamanahetu rūpasabhāvābhāvato ruppanasaṅkhātassa ca vikārassa tattha abhāvato nibbikārahetubhāvato vā ‘‘arūpa’’nti laddhanāmaṃ nibbānaṃ ārammaṇaṃ katvā pavattāhi maggaphalasaññāhi arūpasaññī. Catuyogātigatoti kāmayogo bhavayogo diṭṭhiyogo avijjāyogoti cattāro yoge yathārahaṃ catūhipi maggehi atikkamitvā gato. Na jātu metīti makāro padasandhikaro, jātu ekaṃseneva punabbhavāya na eti, āyatiṃ punabbhavābhinibbatti tassa natthīti attho. ‘‘Na jāti metī’’tipi paṭhanti, so evattho. Iti bhagavā āyasmato subhūtissa arahattaphalasamāpattivihāraṃ anupādisesanibbānañca ārabbha pītivegavissaṭṭhaṃ udānaṃ udānesi.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 7. субхууд̇исуд̇д̇ам̣ • 7. Subhūtisuttaṃ
