| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೪. ಸುಭೂತಿಸುತ್ತವಣ್ಣನಾ
4. Subhūtisuttavaṇṇanā
೧೪. ಚತುತ್ಥೇ ಕೋ ನಾಮಾಯಂ ಸುಭೂತೀ ಭಿಕ್ಖೂತಿ ಜಾನನ್ತೋಪಿ ಸತ್ಥಾ ಕಥಾಸಮುಟ್ಠಾಪನತ್ಥಂ ಪುಚ್ಛತಿ। ಸುದತ್ತಸ್ಸ ಉಪಾಸಕಸ್ಸ ಪುತ್ತೋತಿ ಅನಾಥಪಿಣ್ಡಿಕಂ ಸನ್ಧಾಯಾಹ। ಅನಾಥಪಿಣ್ಡಿಕಸ್ಸ ಹಿ ಪುತ್ತೋ ಅತ್ತನೋ ಚೂಳಪಿತು ಸನ್ತಿಕೇ ಪಬ್ಬಜಿತೋ, ಅಥ ನಂ ಸುಭೂತಿತ್ಥೇರೋ ಆದಾಯ ಸತ್ಥು ಸನ್ತಿಕಂ ಅಗಮಾಸಿ। ಸದ್ಧಾಪದಾನೇಸೂತಿ ಸದ್ಧಾನಂ ಪುಗ್ಗಲಾನಂ ಅಪದಾನೇಸು ಲಕ್ಖಣೇಸು।
14. Catutthe ko nāmāyaṃ subhūtī bhikkhūti jānantopi satthā kathāsamuṭṭhāpanatthaṃ pucchati. Sudattassa upāsakassa puttoti anāthapiṇḍikaṃ sandhāyāha. Anāthapiṇḍikassa hi putto attano cūḷapitu santike pabbajito, atha naṃ subhūtitthero ādāya satthu santikaṃ agamāsi. Saddhāpadānesūti saddhānaṃ puggalānaṃ apadānesu lakkhaṇesu.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೪. ಸುಭೂತಿಸುತ್ತಂ • 4. Subhūtisuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೪. ಪಠಮಮಹಾನಾಮಸುತ್ತಾದಿವಣ್ಣನಾ • 1-4. Paṭhamamahānāmasuttādivaṇṇanā
