| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
1. згаганибаад̇о
1. Ekakanipāto
1. батамаваг̇г̇о
1. Paṭhamavaggo
1. субхууд̇ид̇т̇зраг̇аат̇ааван̣н̣анаа
1. Subhūtittheragāthāvaṇṇanā
ид̣̇аани чаннаа мз гудигаад̇иаад̣̇инаяаббавад̇д̇аанам̣ т̇зраг̇аат̇аанам̣ ад̇т̇аван̣н̣анаа ход̇и. саа банааяам̣ ад̇т̇аван̣н̣анаа яасмаа д̇аасам̣ д̇аасам̣ г̇аат̇аанам̣ адтуббад̇д̇им̣ багаасзд̇ваа вужжамаанаа баагадаа ход̇и сувин̃н̃зяяаа жа. д̇асмаа д̇ад̇т̇а д̇ад̇т̇а адтуббад̇д̇им̣ багаасзд̇ваа ад̇т̇аван̣н̣анам̣ гариссаамаад̇и.
Idāni channāme kuṭikātiādinayappavattānaṃ theragāthānaṃ atthavaṇṇanā hoti. Sā panāyaṃ atthavaṇṇanā yasmā tāsaṃ tāsaṃ gāthānaṃ aṭṭhuppattiṃ pakāsetvā vuccamānā pākaṭā hoti suviññeyyā ca. Tasmā tattha tattha aṭṭhuppattiṃ pakāsetvā atthavaṇṇanaṃ karissāmāti.
д̇ад̇т̇а чаннаа мз гудигаад̇иг̇аат̇ааяа гаа уббад̇д̇и? вужжад̇з – ид̇о гира габбасад̇асахассамад̇т̇агз ануббаннзязва бад̣̇умуд̇д̇арз бхаг̇авад̇и логанаат̇з хам̣савад̇ийнаамагз наг̇арз ан̃н̃ад̇арасса б̣раахман̣амахаасааласса зго буд̇д̇о уббаж̇ж̇и. д̇асса ‘‘нанд̣̇амаан̣аво’’д̇и наамам̣ агам̣су. со ваяаббад̇д̇о д̇аяо взд̣̇з уг̇г̇ан̣хид̇ваа д̇ад̇т̇а саарам̣ абассанд̇о ад̇д̇ано бариваарабхууд̇зхи жад̇ужад̇д̇аалийсааяа маан̣авагасахассзхи сад̣̇д̇хим̣ баб̣б̣ад̇абаад̣̇з исибаб̣б̣аж̇ж̇ам̣ баб̣б̣аж̇ид̇ваа адта самаабад̇д̇ияо бан̃жа жа абхин̃н̃ааяо ниб̣б̣ад̇д̇зси. анд̇зваасигаанамби гаммадтаанам̣ аажигки. д̇зби на жирзнзва жхааналаабхино ахзсум̣.
Tattha channā me kuṭikātigāthāya kā uppatti? Vuccate – ito kira kappasatasahassamatthake anuppanneyeva padumuttare bhagavati lokanāthe haṃsavatīnāmake nagare aññatarassa brāhmaṇamahāsālassa eko putto uppajji. Tassa ‘‘nandamāṇavo’’ti nāmaṃ akaṃsu. So vayappatto tayo vede uggaṇhitvā tattha sāraṃ apassanto attano parivārabhūtehi catucattālīsāya māṇavakasahassehi saddhiṃ pabbatapāde isipabbajjaṃ pabbajitvā aṭṭha samāpattiyo pañca ca abhiññāyo nibbattesi. Antevāsikānampi kammaṭṭhānaṃ ācikkhi. Tepi na cireneva jhānalābhino ahesuṃ.
д̇зна жа самаязна бад̣̇умуд̇д̇аро бхаг̇аваа логз уббаж̇ж̇ид̇ваа хам̣савад̇ийнаг̇арам̣ убаниссааяа вихаранд̇о згад̣̇ивасам̣ бажжуусасамаяз логам̣ вологзнд̇о нанд̣̇ад̇аабасасса анд̇зваасигаж̇адилаанам̣ арахад̇д̇уубаниссаяам̣ нанд̣̇ад̇аабасасса жа д̣̇вийхан̇г̇зхи саманнааг̇ад̇асса саавагадтаананд̇арасса бад̇т̇анам̣ д̣̇исваа баад̇ова сарийрабадиж̇аг̇г̇анам̣ гад̇ваа буб̣б̣ан̣хасамаяз бад̇д̇ажийварамаад̣̇ааяа ан̃н̃ам̣ ган̃жи анааманд̇зд̇ваа сийхо вияа згажаро нанд̣̇ад̇аабасасса анд̇зваасигзсу палаапалад̇т̇ааяа г̇ад̇зсу ‘‘б̣уд̣̇д̇хабхаавам̣ мз ж̇аанаад̇уу’’д̇и бассанд̇ассзва нанд̣̇ад̇аабасасса аагаасад̇о од̇арид̇ваа бат̇авияам̣ бад̇идтааси. нанд̣̇ад̇аабасо б̣уд̣̇д̇хаанубхааван̃жзва лагкан̣абаарибуурин̃жа д̣̇исваа лагкан̣аманд̇з саммасид̇ваа ‘‘имзхи лагкан̣зхи саманнааг̇ад̇о наама аг̇аарам̣ аж̇жхаавасанд̇о рааж̇аа ход̇и жаггавад̇д̇ий, баб̣б̣аж̇анд̇о логз вивадажчад̣̇о саб̣б̣ан̃н̃уу б̣уд̣̇д̇хо ход̇и. аяам̣ бурисааж̇аанийяо ниссам̣саяам̣ б̣уд̣̇д̇ход̇и н̃ад̇ваа бажжуг̇г̇аманам̣ гад̇ваа, бан̃жабад̇идтид̇зна ванд̣̇ид̇ваа, аасанам̣ бан̃н̃аабзд̇ваа, ад̣̇ааси. нисийд̣̇и бхаг̇аваа бан̃н̃ад̇д̇з аасанз. нанд̣̇ад̇аабасоби ад̇д̇ано анужчавигам̣ аасанам̣ г̇ахзд̇ваа згаманд̇ам̣ нисийд̣̇и.
Tena ca samayena padumuttaro bhagavā loke uppajjitvā haṃsavatīnagaraṃ upanissāya viharanto ekadivasaṃ paccūsasamaye lokaṃ volokento nandatāpasassa antevāsikajaṭilānaṃ arahattūpanissayaṃ nandatāpasassa ca dvīhaṅgehi samannāgatassa sāvakaṭṭhānantarassa patthanaṃ disvā pātova sarīrapaṭijagganaṃ katvā pubbaṇhasamaye pattacīvaramādāya aññaṃ kañci anāmantetvā sīho viya ekacaro nandatāpasassa antevāsikesu phalāphalatthāya gatesu ‘‘buddhabhāvaṃ me jānātū’’ti passantasseva nandatāpasassa ākāsato otaritvā pathaviyaṃ patiṭṭhāsi. Nandatāpaso buddhānubhāvañceva lakkhaṇapāripūriñca disvā lakkhaṇamante sammasitvā ‘‘imehi lakkhaṇehi samannāgato nāma agāraṃ ajjhāvasanto rājā hoti cakkavattī, pabbajanto loke vivaṭacchado sabbaññū buddho hoti. Ayaṃ purisājānīyo nissaṃsayaṃ buddhoti ñatvā paccuggamanaṃ katvā, pañcapatiṭṭhitena vanditvā, āsanaṃ paññāpetvā, adāsi. Nisīdi bhagavā paññatte āsane. Nandatāpasopi attano anucchavikaṃ āsanaṃ gahetvā ekamantaṃ nisīdi.
д̇асмим̣ самаяз жад̇ужад̇д̇аалийсасахассаж̇адилаа бан̣ийд̇абан̣ийд̇аани ож̇аванд̇аани палаапалаани г̇ахзд̇ваа аажарияасса санд̇игам̣ самбад̇д̇аа б̣уд̣̇д̇хаанан̃жзва аажарияасса жа нисиннаасанам̣ ологзнд̇аа аахам̣су – ‘‘аажарияа, маяам̣ ‘имасмим̣ логз д̇умхзхи маханд̇ад̇аро над̇т̇ий’д̇и вижараама, аяам̣ бана бурисо д̇умхзхи маханд̇ад̇аро ман̃н̃з’’д̇и. нанд̣̇ад̇аабасо, ‘‘д̇аад̇аа, гим̣ вад̣̇зт̇а, саасабзна сад̣̇д̇хим̣ адтасадтисад̇асахассаяож̇ануб̣б̣зд̇хам̣ синзрум̣ убамзд̇ум̣ ижчат̇а, саб̣б̣ан̃н̃уб̣уд̣̇д̇хзна сад̣̇д̇хим̣ маа мам̣ убамид̇т̇аа’’д̇и ааха. ат̇а д̇з д̇аабасаа ‘‘сажз аяам̣ ораго абхависса, на амхаагам̣ аажарияо звам̣ убамам̣ аахарзяяа, яаава махаа вад̇ааяам̣ бурисааж̇аанийяо’’д̇и баад̣̇зсу нибад̇ид̇ваа сирасаа ванд̣̇им̣су. ат̇а д̇з аажарияо ааха – ‘‘д̇аад̇аа, амхаагам̣ б̣уд̣̇д̇хаанам̣ анужчавиго д̣̇зяяад̇хаммо над̇т̇и, бхаг̇аваа жа бхигкаажааравзлааяам̣ ид̇хааг̇ад̇о, д̇асмаа маяам̣ яат̇ааб̣алам̣ д̣̇зяяад̇хаммам̣ д̣̇ассаама, д̇умхз яам̣ яам̣ бан̣ийд̇ам̣ палаапалам̣ аанийд̇ам̣, д̇ам̣ д̇ам̣ аахарат̇аа’’д̇и вад̇ваа аахараабзд̇ваа хад̇т̇з д̇ховид̇ваа саяам̣ д̇ат̇ааг̇ад̇асса бад̇д̇з бад̇идтаабзси. сад̇т̇аараа палаапалз бадиг̇г̇ахид̇амад̇д̇з д̣̇звад̇аа д̣̇иб̣б̣ож̇ам̣ багкибим̣су. д̇аабасо уд̣̇агамби саяамзва бариссаавзд̇ваа ад̣̇ааси. д̇ад̇о бхож̇анагижжам̣ нидтаабзд̇ваа нисиннз сад̇т̇ари саб̣б̣з анд̇зваасигз баггосид̇ваа сад̇т̇у санд̇игз сааран̣ийяам̣ гат̇ам̣ гат̇знд̇о нисийд̣̇и. сад̇т̇аа ‘‘бхигкусан̇гхо ааг̇ажчад̇уу’’д̇и жинд̇зси. бхигкуу сад̇т̇у жид̇д̇ам̣ н̃ад̇ваа сад̇асахассамад̇д̇аа кийн̣аасаваа ааг̇анд̇ваа сад̇т̇аарам̣ ванд̣̇ид̇ваа згаманд̇ам̣ адтам̣су.
Tasmiṃ samaye catucattālīsasahassajaṭilā paṇītapaṇītāni ojavantāni phalāphalāni gahetvā ācariyassa santikaṃ sampattā buddhānañceva ācariyassa ca nisinnāsanaṃ olokentā āhaṃsu – ‘‘ācariya, mayaṃ ‘imasmiṃ loke tumhehi mahantataro natthī’ti vicarāma, ayaṃ pana puriso tumhehi mahantataro maññe’’ti. Nandatāpaso, ‘‘tātā, kiṃ vadetha, sāsapena saddhiṃ aṭṭhasaṭṭhisatasahassayojanubbedhaṃ sineruṃ upametuṃ icchatha, sabbaññubuddhena saddhiṃ mā maṃ upamitthā’’ti āha. Atha te tāpasā ‘‘sace ayaṃ orako abhavissa, na amhākaṃ ācariyo evaṃ upamaṃ āhareyya, yāva mahā vatāyaṃ purisājānīyo’’ti pādesu nipatitvā sirasā vandiṃsu. Atha te ācariyo āha – ‘‘tātā, amhākaṃ buddhānaṃ anucchaviko deyyadhammo natthi, bhagavā ca bhikkhācāravelāyaṃ idhāgato, tasmā mayaṃ yathābalaṃ deyyadhammaṃ dassāma, tumhe yaṃ yaṃ paṇītaṃ phalāphalaṃ ānītaṃ, taṃ taṃ āharathā’’ti vatvā āharāpetvā hatthe dhovitvā sayaṃ tathāgatassa patte patiṭṭhāpesi. Satthārā phalāphale paṭiggahitamatte devatā dibbojaṃ pakkhipiṃsu. Tāpaso udakampi sayameva parissāvetvā adāsi. Tato bhojanakiccaṃ niṭṭhāpetvā nisinne satthari sabbe antevāsike pakkositvā satthu santike sāraṇīyaṃ kathaṃ kathento nisīdi. Satthā ‘‘bhikkhusaṅgho āgacchatū’’ti cintesi. Bhikkhū satthu cittaṃ ñatvā satasahassamattā khīṇāsavā āgantvā satthāraṃ vanditvā ekamantaṃ aṭṭhaṃsu.
нанд̣̇ад̇аабасо анд̇зваасигз ааманд̇зси – ‘‘д̇аад̇аа, б̣уд̣̇д̇хаанам̣ нисиннаасанамби нийжам̣, саман̣асад̇асахассассаби аасанам̣ над̇т̇и, д̇умхзхи аж̇ж̇а ул̣аарам̣ бхаг̇авад̇о бхигкусан̇гхасса жа саггаарам̣ гаад̇ум̣ ваддад̇и , баб̣б̣ад̇абаад̣̇ад̇о ван̣н̣аг̇анд̇хасамбаннаани бубпаани аахарат̇аа’’д̇и. ажинд̇зяяад̇д̇аа ид̣̇д̇хивисаяасса мухуд̇д̇знзва ван̣н̣аг̇анд̇хасамбаннаани бубпаани аахарид̇ваа б̣уд̣̇д̇хаанам̣ яож̇анаббамаан̣ам̣ бубпаасанам̣ бан̃н̃аабзсум̣. аг̇г̇асаавагаанам̣ д̇иг̇аавуд̇ам̣, сзсабхигкуунам̣ ад̣дхаяож̇анигаад̣̇ибхзд̣̇ам̣, сан̇гханавагасса усабхамад̇д̇ам̣ ахоси. звам̣ бан̃н̃ад̇д̇зсу аасанзсу нанд̣̇ад̇аабасо д̇ат̇ааг̇ад̇асса бурад̇о ан̃ж̇алим̣ баг̇г̇аяха тид̇о, ‘‘бханд̇з, маяхам̣ д̣̇ийгхарад̇д̇ам̣ хид̇ааяа сукааяа имам̣ бубпаасанам̣ абхирухат̇аа’’д̇и ааха. нисийд̣̇и бхаг̇аваа бубпаасанз. звам̣ нисиннз сад̇т̇ари сад̇т̇у аагаарам̣ н̃ад̇ваа бхигкуу ад̇д̇ано ад̇д̇ано бад̇д̇аасанз нисийд̣̇им̣су. нанд̣̇ад̇аабасо маханд̇ам̣ бубпачад̇д̇ам̣ г̇ахзд̇ваа д̇ат̇ааг̇ад̇асса мад̇т̇агз д̇хаарзнд̇о адтааси. сад̇т̇аа ‘‘д̇аабасаанам̣ аяам̣ саггааро махабпало ход̇уу’’д̇и нирод̇хасамаабад̇д̇им̣ самаабаж̇ж̇и. сад̇т̇у самаабаннабхаавам̣ н̃ад̇ваа бхигкууби самаабаж̇ж̇им̣су. д̇ат̇ааг̇ад̇з сад̇д̇аахам̣ нирод̇хам̣ самаабаж̇ж̇ид̇ваа нисиннз анд̇зваасигаа бхигкаажаарагаалз самбад̇д̇з ванамуулапалаапалам̣ барибхун̃ж̇ид̇ваа сзсагаалз б̣уд̣̇д̇хаанам̣ ан̃ж̇алим̣ баг̇г̇аяха д̇идтанд̇и. нанд̣̇ад̇аабасо бана бхигкаажаарамби аг̇анд̇ваа бубпачад̇д̇ам̣ д̇хаарзнд̇о сад̇д̇аахам̣ бийд̇исукзнзва вийд̇инаамзд̇и.
Nandatāpaso antevāsike āmantesi – ‘‘tātā, buddhānaṃ nisinnāsanampi nīcaṃ, samaṇasatasahassassapi āsanaṃ natthi, tumhehi ajja uḷāraṃ bhagavato bhikkhusaṅghassa ca sakkāraṃ kātuṃ vaṭṭati , pabbatapādato vaṇṇagandhasampannāni pupphāni āharathā’’ti. Acinteyyattā iddhivisayassa muhutteneva vaṇṇagandhasampannāni pupphāni āharitvā buddhānaṃ yojanappamāṇaṃ pupphāsanaṃ paññāpesuṃ. Aggasāvakānaṃ tigāvutaṃ, sesabhikkhūnaṃ aḍḍhayojanikādibhedaṃ, saṅghanavakassa usabhamattaṃ ahosi. Evaṃ paññattesu āsanesu nandatāpaso tathāgatassa purato añjaliṃ paggayha ṭhito, ‘‘bhante, mayhaṃ dīgharattaṃ hitāya sukhāya imaṃ pupphāsanaṃ abhiruhathā’’ti āha. Nisīdi bhagavā pupphāsane. Evaṃ nisinne satthari satthu ākāraṃ ñatvā bhikkhū attano attano pattāsane nisīdiṃsu. Nandatāpaso mahantaṃ pupphachattaṃ gahetvā tathāgatassa matthake dhārento aṭṭhāsi. Satthā ‘‘tāpasānaṃ ayaṃ sakkāro mahapphalo hotū’’ti nirodhasamāpattiṃ samāpajji. Satthu samāpannabhāvaṃ ñatvā bhikkhūpi samāpajjiṃsu. Tathāgate sattāhaṃ nirodhaṃ samāpajjitvā nisinne antevāsikā bhikkhācārakāle sampatte vanamūlaphalāphalaṃ paribhuñjitvā sesakāle buddhānaṃ añjaliṃ paggayha tiṭṭhanti. Nandatāpaso pana bhikkhācārampi agantvā pupphachattaṃ dhārento sattāhaṃ pītisukheneva vītināmeti.
сад̇т̇аа нирод̇хад̇о вудтааяа аран̣авихаариан̇г̇зна д̣̇агкин̣зяяан̇г̇зна жаад̇и д̣̇вийхи ан̇г̇зхи саманнааг̇ад̇ам̣ згам̣ саавагам̣ ‘‘исиг̇ан̣асса бубпаасанаанумод̣̇анам̣ гарохий’’д̇и аан̣аабзси. со жаггавад̇д̇иран̃н̃о санд̇игаа бадилад̣̇д̇хамахаалаабхо махааяод̇хо вияа д̇удтамаанасо ад̇д̇ано висаяз тад̇ваа д̇збидагам̣ б̣уд̣̇д̇хаважанам̣ саммасид̇ваа анумод̣̇анам̣ агааси. д̇асса д̣̇зсанаавасаанз сад̇т̇аа саяам̣ д̇хаммам̣ д̣̇зсзси. д̣̇зсанаабарияосаанз саб̣б̣з жад̇ужад̇д̇аалийсасахассад̇аабасаа арахад̇д̇ам̣ баабун̣им̣су. сад̇т̇аа ‘‘зт̇а, бхигкаво’’д̇и хад̇т̇ам̣ басаарзси. д̇зсам̣ д̇аавад̣̇зва гзсамассу анд̇арад̇хааяи. адта баригкаараа гааяз бадимуггаава ахзсум̣ садтивассад̇т̇зраа вияа сад̇т̇аарам̣ бариваараяим̣су. нанд̣̇ад̇аабасо бана вигкид̇д̇ажид̇д̇ад̇ааяа висзсам̣ наад̇хиг̇ажчи. д̇асса гира аран̣авихаарид̇т̇зрасса санд̇игз д̇хаммам̣ сод̇ум̣ аарад̣̇д̇хагаалад̇о бадтааяа ‘‘ахо вад̇аахамби анааг̇ад̇з уббаж̇ж̇анагаб̣уд̣̇д̇хасса саасанз иминаа саавагзна лад̣̇д̇хад̇хурам̣ лабхзяяа’’нд̇и жид̇д̇ам̣ уд̣̇абаад̣̇и. со д̇зна баривид̇аггзна маг̇г̇апалабадивзд̇хам̣ гаад̇ум̣ наасагки. д̇ат̇ааг̇ад̇ам̣ бана ванд̣̇ид̇ваа саммукз тад̇ваа ааха – ‘‘бханд̇з, язна бхигкунаа исиг̇ан̣асса бубпаасанаанумод̣̇анаа гад̇аа, го наамааяам̣ д̇умхаагам̣ саасанз’’д̇и. ‘‘аран̣авихаариан̇г̇з д̣̇агкин̣зяяаан̇г̇з жа зд̇ад̣̇аг̇г̇ам̣ бад̇д̇о зсо бхигкуу’’д̇и. ‘‘бханд̇з, явааяам̣ маяаа сад̇д̇аахам̣ бубпачад̇д̇ам̣ д̇хаарзнд̇зна саггааро гад̇о, д̇зна ад̇хигаарзна на ан̃н̃ам̣ самбад̇д̇им̣ бад̇т̇зми, анааг̇ад̇з бана згасса б̣уд̣̇д̇хасса саасанз аяам̣ т̇зро вияа д̣̇вийхан̇г̇зхи саманнааг̇ад̇о сааваго бхавзяяа’’нд̇и бад̇т̇анамагааси.
Satthā nirodhato vuṭṭhāya araṇavihāriaṅgena dakkhiṇeyyaṅgena cāti dvīhi aṅgehi samannāgataṃ ekaṃ sāvakaṃ ‘‘isigaṇassa pupphāsanānumodanaṃ karohī’’ti āṇāpesi. So cakkavattirañño santikā paṭiladdhamahālābho mahāyodho viya tuṭṭhamānaso attano visaye ṭhatvā tepiṭakaṃ buddhavacanaṃ sammasitvā anumodanaṃ akāsi. Tassa desanāvasāne satthā sayaṃ dhammaṃ desesi. Desanāpariyosāne sabbe catucattālīsasahassatāpasā arahattaṃ pāpuṇiṃsu. Satthā ‘‘etha, bhikkhavo’’ti hatthaṃ pasāresi. Tesaṃ tāvadeva kesamassu antaradhāyi. Aṭṭha parikkhārā kāye paṭimukkāva ahesuṃ saṭṭhivassattherā viya satthāraṃ parivārayiṃsu. Nandatāpaso pana vikkhittacittatāya visesaṃ nādhigacchi. Tassa kira araṇavihārittherassa santike dhammaṃ sotuṃ āraddhakālato paṭṭhāya ‘‘aho vatāhampi anāgate uppajjanakabuddhassa sāsane iminā sāvakena laddhadhuraṃ labheyya’’nti cittaṃ udapādi. So tena parivitakkena maggaphalapaṭivedhaṃ kātuṃ nāsakkhi. Tathāgataṃ pana vanditvā sammukhe ṭhatvā āha – ‘‘bhante, yena bhikkhunā isigaṇassa pupphāsanānumodanā katā, ko nāmāyaṃ tumhākaṃ sāsane’’ti. ‘‘Araṇavihāriaṅge dakkhiṇeyyaaṅge ca etadaggaṃ patto eso bhikkhū’’ti. ‘‘Bhante, yvāyaṃ mayā sattāhaṃ pupphachattaṃ dhārentena sakkāro kato, tena adhikārena na aññaṃ sampattiṃ patthemi, anāgate pana ekassa buddhassa sāsane ayaṃ thero viya dvīhaṅgehi samannāgato sāvako bhaveyya’’nti patthanamakāsi.
сад̇т̇аа ‘‘самиж̇жхиссад̇и ну, ко имасса д̇аабасасса бад̇т̇анаа’’д̇и анааг̇ад̇ам̣сан̃аан̣ам̣ бзсзд̇ваа ологзнд̇о габбасад̇асахассам̣ ад̇иггамид̇ваа самиж̇жханагабхаавам̣ д̣̇исваа нанд̣̇ад̇аабасам̣ ааха – ‘‘на д̇з аяам̣ бад̇т̇анаа могхаа бхависсад̇и, анааг̇ад̇з габбасад̇асахассам̣ ад̇иггамид̇ваа г̇од̇амо наама б̣уд̣̇д̇хо уббаж̇ж̇иссад̇и, д̇асса санд̇игз самиж̇жхиссад̇ий’’д̇и вад̇ваа д̇хаммагат̇ам̣ гат̇зд̇ваа бхигкусан̇гхабаривуд̇о аагаасам̣ багканд̣̇и. нанд̣̇ад̇аабасо яаава жагкубат̇асамад̇иггамаа сад̇т̇аарам̣ бхигкусан̇гхан̃жа уд̣̇д̣̇исса ан̃ж̇алим̣ баг̇г̇аяха адтааси. со абарабхааг̇з гаалзна гаалам̣ сад̇т̇аарам̣ убасан̇гамид̇ваа д̇хаммам̣ сун̣и. абарихийнаж̇жхаанова гаалан̇гад̇ваа б̣рахмалогз ниб̣б̣ад̇д̇о. д̇ад̇о бана жуд̇о абарааниби бан̃жа ж̇аад̇исад̇аани баб̣б̣аж̇ид̇ваа ааран̃н̃аго ахоси. гассабасаммаасамб̣уд̣̇д̇хагаалзби баб̣б̣аж̇ид̇ваа ааран̃н̃аго худ̇ваа г̇ад̇абажжааг̇ад̇авад̇д̇ам̣ буурзси. зд̇ам̣ гира вад̇д̇ам̣ абарибуурзд̇ваа махаасаавагабхаавам̣ баабун̣анд̇аа наама над̇т̇и. г̇ад̇абажжааг̇ад̇авад̇д̇ам̣ бана ааг̇амадтагат̇аасу вуд̇д̇анаязнзва взд̣̇ид̇аб̣б̣ам̣. со вийсад̇ивассасахассаани г̇ад̇абажжааг̇ад̇авад̇д̇ам̣ буурзд̇ваа гаалан̇гад̇ваа гаамааважарад̣̇звалогз д̇аавад̇им̣сабхаванз ниб̣б̣ад̇д̇и. вуд̇д̇ан̃хзд̇ам̣ абад̣̇аанз (аба. т̇зра 1.3.151) –
Satthā ‘‘samijjhissati nu, kho imassa tāpasassa patthanā’’ti anāgataṃsañāṇaṃ pesetvā olokento kappasatasahassaṃ atikkamitvā samijjhanakabhāvaṃ disvā nandatāpasaṃ āha – ‘‘na te ayaṃ patthanā moghā bhavissati, anāgate kappasatasahassaṃ atikkamitvā gotamo nāma buddho uppajjissati, tassa santike samijjhissatī’’ti vatvā dhammakathaṃ kathetvā bhikkhusaṅghaparivuto ākāsaṃ pakkhandi. Nandatāpaso yāva cakkhupathasamatikkamā satthāraṃ bhikkhusaṅghañca uddissa añjaliṃ paggayha aṭṭhāsi. So aparabhāge kālena kālaṃ satthāraṃ upasaṅkamitvā dhammaṃ suṇi. Aparihīnajjhānova kālaṅkatvā brahmaloke nibbatto. Tato pana cuto aparānipi pañca jātisatāni pabbajitvā āraññako ahosi. Kassapasammāsambuddhakālepi pabbajitvā āraññako hutvā gatapaccāgatavattaṃ pūresi. Etaṃ kira vattaṃ aparipūretvā mahāsāvakabhāvaṃ pāpuṇantā nāma natthi. Gatapaccāgatavattaṃ pana āgamaṭṭhakathāsu vuttanayeneva veditabbaṃ. So vīsativassasahassāni gatapaccāgatavattaṃ pūretvā kālaṅkatvā kāmāvacaradevaloke tāvatiṃsabhavane nibbatti. Vuttañhetaṃ apadāne (apa. thera 1.3.151) –
‘‘химаванд̇ассаавид̣̇уурз , нисабхо наама баб̣б̣ад̇о;
‘‘Himavantassāvidūre , nisabho nāma pabbato;
ассамо сугад̇о маяхам̣, бан̣н̣асаалаа сумаабид̇аа.
Assamo sukato mayhaṃ, paṇṇasālā sumāpitā.
‘‘госияо наама наамзна, ж̇адило уг̇г̇ад̇аабано;
‘‘Kosiyo nāma nāmena, jaṭilo uggatāpano;
згаагияо ад̣̇уд̇ияо, васаами нисабхз д̇ад̣̇аа.
Ekākiyo adutiyo, vasāmi nisabhe tadā.
‘‘палам̣ муулан̃жа бан̣н̣ан̃жа, на бхун̃ж̇аами ахам̣ д̇ад̣̇аа;
‘‘Phalaṃ mūlañca paṇṇañca, na bhuñjāmi ahaṃ tadā;
бавад̇д̇ам̣ва субаад̇аахам̣, убаж̇ийваами д̇аавад̣̇з.
Pavattaṃva supātāhaṃ, upajīvāmi tāvade.
‘‘наахам̣ гобзми ааж̇ийвам̣, жаж̇амааноби ж̇ийвид̇ам̣;
‘‘Nāhaṃ kopemi ājīvaṃ, cajamānopi jīvitaṃ;
аараад̇хзми сагам̣ жид̇д̇ам̣, виваж̇ж̇зми анзсанам̣.
Ārādhemi sakaṃ cittaṃ, vivajjemi anesanaṃ.
‘‘рааг̇уубасам̣хид̇ам̣ жид̇д̇ам̣, яад̣̇аа уббаж̇ж̇ад̇з мама;
‘‘Rāgūpasaṃhitaṃ cittaṃ, yadā uppajjate mama;
саяам̣ва бажжавзгкаами, згаг̇г̇о д̇ам̣ д̣̇амзмахам̣.
Sayaṃva paccavekkhāmi, ekaggo taṃ damemahaṃ.
‘‘раж̇ж̇асз раж̇ж̇анийяз жа, д̣̇уссанийяз жа д̣̇уссасз;
‘‘Rajjase rajjanīye ca, dussanīye ca dussase;
муяхасз моханийяз жа, нигкамассу ванаа д̇увам̣.
Muyhase mohanīye ca, nikkhamassu vanā tuvaṃ.
‘‘висуд̣̇д̇хаанам̣ аяам̣ ваасо, ниммалаанам̣ д̇абассинам̣;
‘‘Visuddhānaṃ ayaṃ vāso, nimmalānaṃ tapassinaṃ;
маа ко висуд̣̇д̇хам̣ д̣̇уусзси, нигкамассу ванаа д̇увам̣.
Mā kho visuddhaṃ dūsesi, nikkhamassu vanā tuvaṃ.
‘‘аг̇аариго бхавид̇ваана, яад̣̇аа буд̇д̇ам̣ лабхиссаси;
‘‘Agāriko bhavitvāna, yadā puttaṃ labhissasi;
убхоби маа вираад̇хзси, нигкамассу ванаа д̇увам̣.
Ubhopi mā virādhesi, nikkhamassu vanā tuvaṃ.
‘‘чаваалаад̇ам̣ яат̇аа гадтам̣, на гважи гижжагаарагам̣;
‘‘Chavālātaṃ yathā kaṭṭhaṃ, na kvaci kiccakārakaṃ;
нзва г̇аамз аран̃н̃з ваа, на хи д̇ам̣ гадтасаммад̇ам̣.
Neva gāme araññe vā, na hi taṃ kaṭṭhasammataṃ.
‘‘чаваалаад̇уубамо д̇вам̣ си, на г̇ихий нааби сан̃н̃ад̇о;
‘‘Chavālātūpamo tvaṃ si, na gihī nāpi saññato;
убхад̇о муд̇д̇аго аж̇ж̇а, нигкамассу ванаа д̇увам̣.
Ubhato muttako ajja, nikkhamassu vanā tuvaṃ.
‘‘сияаа ну ко д̇ава зд̇ам̣, го баж̇аанаад̇и д̇з ид̣̇ам̣;
‘‘Siyā nu kho tava etaṃ, ko pajānāti te idaṃ;
сад̣̇д̇хаад̇хурам̣ вахиси мз, госаж̇ж̇аб̣ахулааяа жа.
Saddhādhuraṃ vahisi me, kosajjabahulāya ca.
‘‘ж̇иг̇ужчиссанд̇и д̇ам̣ вин̃н̃уу, асужим̣ нааг̇ариго яат̇аа;
‘‘Jigucchissanti taṃ viññū, asuciṃ nāgariko yathā;
аагад̣дхид̇ваана исаяо, жод̣̇аяиссанд̇и д̇ам̣ сад̣̇аа.
Ākaḍḍhitvāna isayo, codayissanti taṃ sadā.
‘‘д̇ам̣ вин̃н̃уу бавад̣̇иссанд̇и, самад̇игганд̇асаасанам̣;
‘‘Taṃ viññū pavadissanti, samatikkantasāsanaṃ;
сам̣ваасам̣ алабханд̇о хи, гат̇ам̣ ж̇ийвихиси д̇увам̣.
Saṃvāsaṃ alabhanto hi, kathaṃ jīvihisi tuvaṃ.
‘‘д̇ид̇хаабабхиннам̣ маад̇ан̇г̇ам̣, гун̃ж̇арам̣ садтихааяанам̣;
‘‘Tidhāpabhinnaṃ mātaṅgaṃ, kuñjaraṃ saṭṭhihāyanaṃ;
б̣алий нааг̇о убаг̇анд̇ваа, яуут̇аа нийхарад̇з г̇аж̇ам̣.
Balī nāgo upagantvā, yūthā nīharate gajaṃ.
‘‘яуут̇аа виниссадо санд̇о, сукам̣ саад̇ам̣ на винд̣̇ад̇и;
‘‘Yūthā vinissaṭo santo, sukhaṃ sātaṃ na vindati;
д̣̇угкид̇о вимано ход̇и, баж̇жхааяанд̇о бавзд̇хад̇и.
Dukkhito vimano hoti, pajjhāyanto pavedhati.
‘‘д̇ат̇зва ж̇адилаа д̇амби, нийхариссанд̇и д̣̇уммад̇им̣;
‘‘Tatheva jaṭilā tampi, nīharissanti dummatiṃ;
д̇зхи д̇вам̣ ниссадо санд̇о, сукам̣ саад̇ам̣ на лажчаси.
Tehi tvaṃ nissaṭo santo, sukhaṃ sātaṃ na lacchasi.
‘‘д̣̇иваа ваа яад̣̇и ваа рад̇д̇им̣, согасалласамаббид̇о;
‘‘Divā vā yadi vā rattiṃ, sokasallasamappito;
д̣̇аяхад̇и барил̣аахзна, г̇аж̇о яуут̇аава ниссадо.
Dayhati pariḷāhena, gajo yūthāva nissaṭo.
‘‘ж̇аад̇аруубам̣ яат̇аа гуудам̣, нзва жхааяад̇и гад̇т̇ажи;
‘‘Jātarūpaṃ yathā kūṭaṃ, neva jhāyati katthaci;
д̇ат̇аа сийлавийхино д̇вам̣, на жхааяиссаси гад̇т̇ажи.
Tathā sīlavīhino tvaṃ, na jhāyissasi katthaci.
‘‘аг̇аарам̣ васамааноби, гат̇ам̣ ж̇ийвихиси д̇увам̣;
‘‘Agāraṃ vasamānopi, kathaṃ jīvihisi tuvaṃ;
мад̇д̇игам̣ бзд̇д̇иган̃жааби, над̇т̇и д̇з нихид̇ам̣ д̇ханам̣.
Mattikaṃ pettikañcāpi, natthi te nihitaṃ dhanaṃ.
‘‘саяам̣ гаммам̣ гарид̇ваана, г̇ад̇д̇з сзд̣̇ам̣ баможаяам̣;
‘‘Sayaṃ kammaṃ karitvāna, gatte sedaṃ pamocayaṃ;
звам̣ ж̇ийвихиси г̇зхз, саад̇ху д̇з д̇ам̣ на ружжад̇и.
Evaṃ jīvihisi gehe, sādhu te taṃ na ruccati.
‘‘зваахам̣ д̇ад̇т̇а ваарзми, сам̣гилзсаг̇ад̇ам̣ манам̣;
‘‘Evāhaṃ tattha vāremi, saṃkilesagataṃ manaṃ;
наанаад̇хаммагат̇ам̣ гад̇ваа, баабаа жид̇д̇ам̣ ниваараяим̣.
Nānādhammakathaṃ katvā, pāpā cittaṃ nivārayiṃ.
‘‘звам̣ мз вихаранд̇асса, аббамаад̣̇авихаарино;
‘‘Evaṃ me viharantassa, appamādavihārino;
д̇им̣савассасахассаани, вибинз мз ад̇иггамум̣.
Tiṃsavassasahassāni, vipine me atikkamuṃ.
‘‘аббамаад̣̇арад̇ам̣ д̣̇исваа, уд̇д̇амад̇т̇ам̣ г̇авзсагам̣;
‘‘Appamādarataṃ disvā, uttamatthaṃ gavesakaṃ;
бад̣̇умуд̇д̇арасамб̣уд̣̇д̇хо, ааг̇ажчи мама санд̇игам̣.
Padumuttarasambuddho, āgacchi mama santikaṃ.
‘‘д̇имб̣аруусагаван̣н̣аабхо, аббамзяяо ануубамо;
‘‘Timbarūsakavaṇṇābho, appameyyo anūpamo;
руубзнаасад̣̇исо б̣уд̣̇д̇хо, аагаасз жан̇гамий д̇ад̣̇аа.
Rūpenāsadiso buddho, ākāse caṅkamī tadā.
‘‘супулло сааларааж̇аава, виж̇ж̇ууваб̣бхагхананд̇арз;
‘‘Suphullo sālarājāva, vijjūvabbhaghanantare;
н̃аан̣знаасад̣̇исо б̣уд̣̇д̇хо, аагаасз жан̇гамий д̇ад̣̇аа.
Ñāṇenāsadiso buddho, ākāse caṅkamī tadā.
‘‘сийхарааж̇аавасамбхийд̇о, г̇аж̇арааж̇аава д̣̇аббид̇о;
‘‘Sīharājāvasambhīto, gajarājāva dappito;
лаасийд̇о б̣яаг̇гхарааж̇аава, аагаасз жан̇гамий д̇ад̣̇аа.
Lāsīto byaggharājāva, ākāse caṅkamī tadā.
‘‘син̇гхийнигкасаван̣н̣аабхо, кад̣̇иран̇г̇аарасаннибхо;
‘‘Siṅghīnikkhasavaṇṇābho, khadiraṅgārasannibho;
ман̣и яат̇аа ж̇од̇ирасо, аагаасз жан̇гамий д̇ад̣̇аа.
Maṇi yathā jotiraso, ākāse caṅkamī tadā.
‘‘висуд̣̇д̇хагзлаасанибхо, бун̣н̣амааязва жанд̣̇имаа;
‘‘Visuddhakelāsanibho, puṇṇamāyeva candimā;
маж̇жханхигзва суурияо, аагаасз жан̇гамий д̇ад̣̇аа.
Majjhanhikeva sūriyo, ākāse caṅkamī tadā.
‘‘д̣̇исваа набхз жан̇гаманд̇ам̣, звам̣ жинд̇зсахам̣ д̇ад̣̇аа;
‘‘Disvā nabhe caṅkamantaṃ, evaṃ cintesahaṃ tadā;
д̣̇зво ну ко аяам̣ сад̇д̇о, уд̣̇ааху мануж̇о аяам̣.
Devo nu kho ayaṃ satto, udāhu manujo ayaṃ.
‘‘на мз суд̇о ваа д̣̇идто ваа, махияаа зд̣̇исо наро;
‘‘Na me suto vā diṭṭho vā, mahiyā ediso naro;
аби манд̇абад̣̇ам̣ ад̇т̇и, аяам̣ сад̇т̇аа бхависсад̇и.
Api mantapadaṃ atthi, ayaṃ satthā bhavissati.
‘‘зваахам̣ жинд̇аяид̇ваана, сагам̣ жид̇д̇ам̣ басаад̣̇аяим̣;
‘‘Evāhaṃ cintayitvāna, sakaṃ cittaṃ pasādayiṃ;
наанаабубпан̃жа г̇анд̇хан̃жа, саннибаад̇зсахам̣ д̇ад̣̇аа.
Nānāpupphañca gandhañca, sannipātesahaṃ tadā.
‘‘бубпаасанам̣ бан̃н̃аабзд̇ваа, саад̇хужид̇д̇ам̣ манорамам̣;
‘‘Pupphāsanaṃ paññāpetvā, sādhucittaṃ manoramaṃ;
нарасаарат̇инам̣ аг̇г̇ам̣, ид̣̇ам̣ важанамаб̣равим̣.
Narasārathinaṃ aggaṃ, idaṃ vacanamabraviṃ.
‘‘ид̣̇ам̣ мз аасанам̣ вийра, бан̃н̃ад̇д̇ам̣ д̇аванужчавам̣;
‘‘Idaṃ me āsanaṃ vīra, paññattaṃ tavanucchavaṃ;
хаасаяанд̇о мамам̣ жид̇д̇ам̣, нисийд̣̇а гусумаасанз.
Hāsayanto mamaṃ cittaṃ, nisīda kusumāsane.
‘‘нисийд̣̇и д̇ад̇т̇а бхаг̇аваа, асамбхийд̇ова гзсарий;
‘‘Nisīdi tattha bhagavā, asambhītova kesarī;
сад̇д̇арад̇д̇инд̣̇ивам̣ б̣уд̣̇д̇хо, баварз гусумаасанз.
Sattarattindivaṃ buddho, pavare kusumāsane.
‘‘намассамаано адтаасим̣, сад̇д̇арад̇д̇инд̣̇ивам̣ ахам̣;
‘‘Namassamāno aṭṭhāsiṃ, sattarattindivaṃ ahaṃ;
вудтахид̇ваа самаад̇химхаа, сад̇т̇аа логз ануд̇д̇аро;
Vuṭṭhahitvā samādhimhā, satthā loke anuttaro;
мама гаммам̣ багид̇д̇знд̇о, ид̣̇ам̣ важанамаб̣рави.
Mama kammaṃ pakittento, idaṃ vacanamabravi.
‘‘бхаавзхи б̣уд̣̇д̇хаануссад̇им̣, бхааванаанамануд̇д̇арам̣;
‘‘Bhāvehi buddhānussatiṃ, bhāvanānamanuttaraṃ;
имам̣ сад̇им̣ бхааваяид̇ваа, буураяиссаси маанасам̣.
Imaṃ satiṃ bhāvayitvā, pūrayissasi mānasaṃ.
‘‘д̇им̣сагаббасахассаани , д̣̇звалогз рамиссаси;
‘‘Tiṃsakappasahassāni , devaloke ramissasi;
асийд̇игкад̇д̇ум̣ д̣̇звинд̣̇о, д̣̇звараж̇ж̇ам̣ гариссаси;
Asītikkhattuṃ devindo, devarajjaṃ karissasi;
сахассагкад̇д̇ум̣ жаггавад̇д̇ий, рааж̇аа радтз бхависсаси.
Sahassakkhattuṃ cakkavattī, rājā raṭṭhe bhavissasi.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
анубхоссаси д̇ам̣ саб̣б̣ам̣, б̣уд̣̇д̇хаануссад̇ияаа палам̣.
Anubhossasi taṃ sabbaṃ, buddhānussatiyā phalaṃ.
‘‘бхаваабхавз сам̣саранд̇о, махаабхог̇ам̣ лабхиссаси;
‘‘Bhavābhave saṃsaranto, mahābhogaṃ labhissasi;
бхог̇з д̇з уунад̇аа над̇т̇и, б̣уд̣̇д̇хаануссад̇ияаа палам̣.
Bhoge te ūnatā natthi, buddhānussatiyā phalaṃ.
‘‘габбасад̇асахассамхи, оггаагагуласамбхаво;
‘‘Kappasatasahassamhi, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘асийд̇игодим̣ чад̣д̣зд̇ваа, д̣̇аасз гаммагарз б̣ахуу;
‘‘Asītikoṭiṃ chaḍḍetvā, dāse kammakare bahū;
г̇од̇амасса бхаг̇авад̇о, саасанз баб̣б̣аж̇иссаси.
Gotamassa bhagavato, sāsane pabbajissasi.
‘‘аараад̇хаяид̇ваа самб̣уд̣̇д̇хам̣, г̇од̇амам̣ сагяабун̇г̇авам̣;
‘‘Ārādhayitvā sambuddhaṃ, gotamaṃ sakyapuṅgavaṃ;
субхууд̇и наама наамзна, хзссаси сад̇т̇у сааваго.
Subhūti nāma nāmena, hessasi satthu sāvako.
‘‘бхигкусан̇гхз нисийд̣̇ид̇ваа, д̣̇агкин̣зяяаг̇ун̣амхи д̇ам̣;
‘‘Bhikkhusaṅghe nisīditvā, dakkhiṇeyyaguṇamhi taṃ;
д̇ат̇ааран̣авихаарз жа, д̣̇вийсу аг̇г̇з табзссаси.
Tathāraṇavihāre ca, dvīsu agge ṭhapessasi.
‘‘ид̣̇ам̣ вад̇ваана самб̣уд̣̇д̇хо, ж̇алаж̇уд̇д̇аманаамаго;
‘‘Idaṃ vatvāna sambuddho, jalajuttamanāmako;
набхам̣ аб̣бхуг̇г̇амий вийро, хам̣сарааж̇аава амб̣арз.
Nabhaṃ abbhuggamī vīro, haṃsarājāva ambare.
‘‘саасид̇о логанаат̇зна, намассид̇ваа д̇ат̇ааг̇ад̇ам̣;
‘‘Sāsito lokanāthena, namassitvā tathāgataṃ;
сад̣̇аа бхаавзми муд̣̇ид̇о, б̣уд̣̇д̇хаануссад̇имуд̇д̇амам̣.
Sadā bhāvemi mudito, buddhānussatimuttamaṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣сам̣ аг̇ажчахам̣.
Jahitvā mānusaṃ dehaṃ, tāvatiṃsaṃ agacchahaṃ.
‘‘асийд̇игкад̇д̇ум̣ д̣̇звинд̣̇о, д̣̇звараж̇ж̇амагаараяим̣;
‘‘Asītikkhattuṃ devindo, devarajjamakārayiṃ;
сахассагкад̇д̇ум̣ рааж̇аа жа, жаггавад̇д̇ий ахосахам̣.
Sahassakkhattuṃ rājā ca, cakkavattī ahosahaṃ.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
анубхоми сусамбад̇д̇им̣, б̣уд̣̇д̇хаануссад̇ияаа палам̣.
Anubhomi susampattiṃ, buddhānussatiyā phalaṃ.
‘‘бхаваабхавз сам̣саранд̇о, махаабхог̇ам̣ лабхаамахам̣;
‘‘Bhavābhave saṃsaranto, mahābhogaṃ labhāmahaṃ;
бхог̇з мз уунад̇аа над̇т̇и, б̣уд̣̇д̇хаануссад̇ияаа палам̣.
Bhoge me ūnatā natthi, buddhānussatiyā phalaṃ.
‘‘сад̇асахассид̇о габбз, яам̣ гаммамагарим̣ д̇ад̣̇аа;
‘‘Satasahassito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хаануссад̇ияаа палам̣.
Duggatiṃ nābhijānāmi, buddhānussatiyā phalaṃ.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасана’’нд̇и. –
Chaḷabhiññā sacchikatā, kataṃ buddhassa sāsana’’nti. –
ид̇т̇ам̣ суд̣̇ам̣ ааяасмаа субхууд̇ид̇т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā subhūtitthero imā gāthāyo abhāsitthāti.
звам̣ бана со д̇аавад̇им̣сабхаванз абараабарам̣ уббаж̇ж̇анавасзна д̣̇иб̣б̣асамбад̇д̇им̣ анубхавид̇ваа д̇ад̇о жуд̇о мануссалогз анзгасад̇агкад̇д̇ум̣ жаггавад̇д̇ирааж̇аа жа бад̣̇зсарааж̇аа жа худ̇ваа ул̣аарам̣ мануссасамбад̇д̇им̣ анубхавид̇ваа ат̇а амхаагам̣ бхаг̇авад̇о гаалз саавад̇т̇ияам̣ суманасздтисса г̇зхз анаат̇абин̣д̣игасса ганидто худ̇ваа ниб̣б̣ад̇д̇и ‘‘субхууд̇ий’’д̇исса наамам̣ ахоси.
Evaṃ pana so tāvatiṃsabhavane aparāparaṃ uppajjanavasena dibbasampattiṃ anubhavitvā tato cuto manussaloke anekasatakkhattuṃ cakkavattirājā ca padesarājā ca hutvā uḷāraṃ manussasampattiṃ anubhavitvā atha amhākaṃ bhagavato kāle sāvatthiyaṃ sumanaseṭṭhissa gehe anāthapiṇḍikassa kaniṭṭho hutvā nibbatti ‘‘subhūtī’’tissa nāmaṃ ahosi.
д̇зна жа самаязна амхаагам̣ бхаг̇аваа логз уббаж̇ж̇ид̇ваа бавад̇д̇аварад̇хаммажагго анубуб̣б̣зна рааж̇аг̇ахам̣ г̇анд̇ваа д̇ад̇т̇а взл̣уванабадиг̇г̇ахан̣аад̣̇инаа логаануг̇г̇ахам̣ гаронд̇о рааж̇аг̇ахам̣ убаниссааяа сийд̇аванз вихарад̇и. д̇ад̣̇аа анаат̇абин̣д̣иго сздти саавад̇т̇ияам̣ удтаанагабхан̣д̣ам̣ г̇ахзд̇ваа ад̇д̇ано сахааяасса рааж̇аг̇ахасздтино гхарам̣ г̇ад̇о б̣уд̣̇д̇хуббаад̣̇ам̣ суд̇ваа сад̇т̇аарам̣ сийд̇аванз вихаранд̇ам̣ убасан̇гамид̇ваа батамад̣̇ассанзнзва сод̇аабад̇д̇ипалз бад̇идтааяа сад̇т̇аарам̣ саавад̇т̇им̣ ааг̇аманад̇т̇ааяа яаажид̇ваа д̇ад̇о бан̃жажад̇д̇аалийсаяож̇анз маг̇г̇з яож̇анз яож̇анз сад̇асахассабарижжааг̇зна вихаарз бад̇идтаабзд̇ваа саавад̇т̇ияам̣ рааж̇амаанзна адтагарийсаббамаан̣ам̣ ж̇зд̇асса рааж̇агумаарасса уяяаанабхуумим̣ годисант̇аарзна гин̣ид̇ваа д̇ад̇т̇а бхаг̇авад̇о вихаарам̣ гаарзд̇ваа ад̣̇ааси. вихаарабариг̇г̇ахан̣ад̣̇ивасз аяам̣ субхууд̇игудумб̣иго анаат̇абин̣д̣игасздтинаа сад̣̇д̇хим̣ г̇анд̇ваа д̇хаммам̣ сун̣анд̇о сад̣̇д̇хам̣ бадилабхид̇ваа баб̣б̣аж̇и . со убасамбаж̇ж̇ид̇ваа д̣̇вз маад̇игаа баг̇ун̣аа гад̇ваа гаммадтаанам̣ гат̇аабзд̇ваа аран̃н̃з саман̣ад̇хаммам̣ гаронд̇о мзд̇д̇аажхаанабаад̣̇агам̣ вибассанам̣ вад̣дхзд̇ваа арахад̇д̇ам̣ баабун̣и. со д̇хаммам̣ д̣̇зсзнд̇о яасмаа сад̇т̇аараа д̣̇зсид̇анияаамзна анод̣̇иссагам̣ гад̇ваа д̇хаммам̣ д̣̇зсзд̇и. д̇асмаа аран̣авихаарийнам̣ аг̇г̇о наама ж̇аад̇о. бин̣д̣ааяа жаранд̇о гхарз гхарз мзд̇д̇аажхаанам̣ самаабаж̇ж̇ид̇ваа вудтааяа бхигкам̣ бадиг̇г̇ан̣хаад̇и ‘‘звам̣ д̣̇ааяагаанам̣ махабпалам̣ бхависсад̇ий’’д̇и. д̇асмаа д̣̇агкин̣зяяаанам̣ аг̇г̇о наама ж̇аад̇о. д̇знааха бхаг̇аваа – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ аран̣авихаарийнам̣ яад̣̇ид̣̇ам̣ субхууд̇и, д̣̇агкин̣зяяаанам̣ яад̣̇ид̣̇ам̣ субхууд̇ий’’д̇и (а. ни. 1.198, 201). звамаяам̣ махаат̇зро арахад̇д̇з бад̇идтааяа ад̇д̇анаа буурид̇абаарамийнам̣ паласса мад̇т̇агам̣ бад̇ваа логз абхин̃н̃аад̇о абхилагкид̇о худ̇ваа б̣ахуж̇анахид̇ааяа ж̇анабад̣̇ажааригам̣ жаранд̇о анубуб̣б̣зна рааж̇аг̇ахам̣ аг̇амааси.
Tena ca samayena amhākaṃ bhagavā loke uppajjitvā pavattavaradhammacakko anupubbena rājagahaṃ gantvā tattha veḷuvanapaṭiggahaṇādinā lokānuggahaṃ karonto rājagahaṃ upanissāya sītavane viharati. Tadā anāthapiṇḍiko seṭṭhi sāvatthiyaṃ uṭṭhānakabhaṇḍaṃ gahetvā attano sahāyassa rājagahaseṭṭhino gharaṃ gato buddhuppādaṃ sutvā satthāraṃ sītavane viharantaṃ upasaṅkamitvā paṭhamadassaneneva sotāpattiphale patiṭṭhāya satthāraṃ sāvatthiṃ āgamanatthāya yācitvā tato pañcacattālīsayojane magge yojane yojane satasahassapariccāgena vihāre patiṭṭhāpetvā sāvatthiyaṃ rājamānena aṭṭhakarīsappamāṇaṃ jetassa rājakumārassa uyyānabhūmiṃ koṭisanthārena kiṇitvā tattha bhagavato vihāraṃ kāretvā adāsi. Vihārapariggahaṇadivase ayaṃ subhūtikuṭumbiko anāthapiṇḍikaseṭṭhinā saddhiṃ gantvā dhammaṃ suṇanto saddhaṃ paṭilabhitvā pabbaji . So upasampajjitvā dve mātikā paguṇā katvā kammaṭṭhānaṃ kathāpetvā araññe samaṇadhammaṃ karonto mettājhānapādakaṃ vipassanaṃ vaḍḍhetvā arahattaṃ pāpuṇi. So dhammaṃ desento yasmā satthārā desitaniyāmena anodissakaṃ katvā dhammaṃ deseti. Tasmā araṇavihārīnaṃ aggo nāma jāto. Piṇḍāya caranto ghare ghare mettājhānaṃ samāpajjitvā vuṭṭhāya bhikkhaṃ paṭiggaṇhāti ‘‘evaṃ dāyakānaṃ mahapphalaṃ bhavissatī’’ti. Tasmā dakkhiṇeyyānaṃ aggo nāma jāto. Tenāha bhagavā – ‘‘etadaggaṃ, bhikkhave, mama sāvakānaṃ bhikkhūnaṃ araṇavihārīnaṃ yadidaṃ subhūti, dakkhiṇeyyānaṃ yadidaṃ subhūtī’’ti (a. ni. 1.198, 201). Evamayaṃ mahāthero arahatte patiṭṭhāya attanā pūritapāramīnaṃ phalassa matthakaṃ patvā loke abhiññāto abhilakkhito hutvā bahujanahitāya janapadacārikaṃ caranto anupubbena rājagahaṃ agamāsi.
рааж̇аа б̣имб̣исааро т̇зрасса ааг̇аманам̣ суд̇ваа убасан̇гамид̇ваа ванд̣̇ид̇ваа ‘‘ид̇хзва, бханд̇з, васат̇аа’’д̇и вад̇ваа ‘‘ниваасанадтаанам̣ гариссаамий’’д̇и багганд̇о виссари. т̇зро сзнаасанам̣ алабханд̇о аб̣бхогаасз вийд̇инаамзси. т̇зрасса аанубхаавзна д̣̇зво на вассад̇и. мануссаа авудтид̇ааяа убад̣̇д̣̇уд̇аа ран̃н̃о нивзсанад̣̇ваарз уггудтимагам̣су. рааж̇аа ‘‘гзна ну ко гааран̣зна д̣̇зво на вассад̇ий’’д̇и виймам̣санд̇о ‘‘т̇зрасса аб̣бхогаасаваасзна ман̃н̃з на вассад̇ий’’д̇и жинд̇зд̇ваа д̇асса бан̣н̣агудим̣ гаараабзд̇ваа ‘‘имиссаа, бханд̇з, бан̣н̣агудияаа васат̇аа’’д̇и вад̇ваа ванд̣̇ид̇ваа баггаами. т̇зро гудигам̣ бависид̇ваа д̇ин̣асант̇аарагз баллан̇гзна нисийд̣̇и. д̇ад̣̇аа бана д̣̇зво т̇огам̣ т̇огам̣ пусааяад̇и, на саммаа д̇хаарам̣ ануббавзжчад̇и. ат̇а т̇зро логасса авудтигабхаяам̣ висамид̇угаамо ад̇д̇ано аж̇жхад̇д̇игаб̣аахиравад̇т̇угасса бариссаяасса абхаавам̣ бавзд̣̇знд̇о –
Rājā bimbisāro therassa āgamanaṃ sutvā upasaṅkamitvā vanditvā ‘‘idheva, bhante, vasathā’’ti vatvā ‘‘nivāsanaṭṭhānaṃ karissāmī’’ti pakkanto vissari. Thero senāsanaṃ alabhanto abbhokāse vītināmesi. Therassa ānubhāvena devo na vassati. Manussā avuṭṭhitāya upaddutā rañño nivesanadvāre ukkuṭṭhimakaṃsu. Rājā ‘‘kena nu kho kāraṇena devo na vassatī’’ti vīmaṃsanto ‘‘therassa abbhokāsavāsena maññe na vassatī’’ti cintetvā tassa paṇṇakuṭiṃ kārāpetvā ‘‘imissā, bhante, paṇṇakuṭiyā vasathā’’ti vatvā vanditvā pakkāmi. Thero kuṭikaṃ pavisitvā tiṇasanthārake pallaṅkena nisīdi. Tadā pana devo thokaṃ thokaṃ phusāyati, na sammā dhāraṃ anuppavecchati. Atha thero lokassa avuṭṭhikabhayaṃ visamitukāmo attano ajjhattikabāhiravatthukassa parissayassa abhāvaṃ pavedento –
1.
1.
‘‘чаннаа мз гудигаа сукаа ниваад̇аа, васса д̣̇зва яат̇аасукам̣;
‘‘Channā me kuṭikā sukhā nivātā, vassa deva yathāsukhaṃ;
жид̇д̇ам̣ мз сусамаахид̇ам̣ вимуд̇д̇ам̣, аад̇аабий вихараами васса д̣̇зваа’’д̇и. –
Cittaṃ me susamāhitaṃ vimuttaṃ, ātāpī viharāmi vassa devā’’ti. –
г̇аат̇амааха.
Gāthamāha.
д̇ад̇т̇а чанна-сад̣̇д̣̇о д̇аава ‘‘чаннаа саа гумааригаа имасса гумаарагасса’’ (баараа. 296) ‘‘нажчаннам̣ наббад̇ирууба’’нд̇иаад̣̇ийсу (баараа. 383) бад̇ируубз ааг̇ад̇о. ‘‘чаннам̣ д̇взва, паг̇г̇ун̣а, пассааяад̇анаана’’нд̇иаад̣̇ийсу важанависидтз сан̇кяаависзсз. ‘‘чаннамад̇ивассад̇и, вивадам̣ наад̇ивассад̇ий’’д̇иаад̣̇ийсу (уд̣̇аа. 45; жуул̣ава. 385) г̇ахан̣з. ‘‘гяаахам̣ д̇з нажчанноби гариссаамий’’д̇иаад̣̇ийсу ниваасанабаарубанз ‘‘ааяасмаа чанно анаажаарам̣ аажарад̇ий’’д̇иаад̣̇ийсу (баараа. 424) бан̃н̃ад̇д̇ияам̣. ‘‘саб̣б̣ажчаннам̣ саб̣б̣абарижчаннам̣ (баажи. 52, 54), чаннаа гуди аахид̇о г̇иний’’д̇и (су. ни. 18) жа аад̣̇ийсу д̇ин̣аад̣̇ийхи чаад̣̇анз. ид̇хааби д̇ин̣аад̣̇ийхи чаад̣̇анзязва д̣̇адтаб̣б̣о, д̇асмаа д̇ин̣зна ваа бан̣н̣зна ваа чаннаа яат̇аа на вассад̇и вассод̣̇агабад̇анам̣ на ход̇и на овассад̇и, звам̣ саммад̣̇зва чаад̣̇ид̇аад̇и ад̇т̇о.
Tattha channa-saddo tāva ‘‘channā sā kumārikā imassa kumārakassa’’ (pārā. 296) ‘‘nacchannaṃ nappatirūpa’’ntiādīsu (pārā. 383) patirūpe āgato. ‘‘Channaṃ tveva, phagguṇa, phassāyatanāna’’ntiādīsu vacanavisiṭṭhe saṅkhyāvisese. ‘‘Channamativassati, vivaṭaṃ nātivassatī’’tiādīsu (udā. 45; cūḷava. 385) gahaṇe. ‘‘Kyāhaṃ te nacchannopi karissāmī’’tiādīsu nivāsanapārupane ‘‘āyasmā channo anācāraṃ ācaratī’’tiādīsu (pārā. 424) paññattiyaṃ. ‘‘Sabbacchannaṃ sabbaparicchannaṃ (pāci. 52, 54), channā kuṭi āhito ginī’’ti (su. ni. 18) ca ādīsu tiṇādīhi chādane. Idhāpi tiṇādīhi chādaneyeva daṭṭhabbo, tasmā tiṇena vā paṇṇena vā channā yathā na vassati vassodakapatanaṃ na hoti na ovassati, evaṃ sammadeva chāditāti attho.
мз-сад̣̇д̣̇о ‘‘гижчзна мз ад̇хиг̇ад̇ам̣, халам̣ д̣̇аани багаасид̇у’’нд̇иаад̣̇ийсу (махаава. 8; д̣̇ий. ни. 2.65; ма. ни. 1.281; 2.337; сам̣. ни. 1.172) гаран̣з ааг̇ад̇о, маяаад̇и ад̇т̇о. ‘‘д̇асса мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇уу’’д̇иаад̣̇ийсу (сам̣. ни. 3.182; а. ни. 4.257) самбад̣̇аанз, маяханд̇и ад̇т̇о. ‘‘буб̣б̣зва мз, бхигкавз, самб̣од̇хаа анабхисамб̣уд̣̇д̇хасса б̣од̇хисад̇д̇ассзва сад̇о’’аад̣̇ийсу (ма. ни. 1.206; сам̣. ни. 4.14) саамиад̇т̇з ааг̇ад̇о. ид̇хааби саамиад̇т̇з зва д̣̇адтаб̣б̣о, мамаад̇и ад̇т̇о. гин̃жааби кийн̣аасаваанам̣ мамааяид̇аб̣б̣ам̣ наама гин̃жи над̇т̇и логад̇хаммзхи анубалид̇д̇абхаавад̇о, логасаман̃н̃аавасзна бана д̇зсамби ‘‘ахам̣ мамаа’’д̇и вохаарамад̇д̇ам̣ ход̇и. д̇знааха бхаг̇аваа – ‘‘гинд̇и мз саавагаа д̇хаммад̣̇ааяаад̣̇аа бхавзяяум̣, но аамисад̣̇ааяаад̣̇аа’’д̇и (ма. ни. 1.29).
Me-saddo ‘‘kicchena me adhigataṃ, halaṃ dāni pakāsitu’’ntiādīsu (mahāva. 8; dī. ni. 2.65; ma. ni. 1.281; 2.337; saṃ. ni. 1.172) karaṇe āgato, mayāti attho. ‘‘Tassa me, bhante, bhagavā saṃkhittena dhammaṃ desetū’’tiādīsu (saṃ. ni. 3.182; a. ni. 4.257) sampadāne, mayhanti attho. ‘‘Pubbeva me, bhikkhave, sambodhā anabhisambuddhassa bodhisattasseva sato’’ādīsu (ma. ni. 1.206; saṃ. ni. 4.14) sāmiatthe āgato. Idhāpi sāmiatthe eva daṭṭhabbo, mamāti attho. Kiñcāpi khīṇāsavānaṃ mamāyitabbaṃ nāma kiñci natthi lokadhammehi anupalittabhāvato, lokasamaññāvasena pana tesampi ‘‘ahaṃ mamā’’ti vohāramattaṃ hoti. Tenāha bhagavā – ‘‘kinti me sāvakā dhammadāyādā bhaveyyuṃ, no āmisadāyādā’’ti (ma. ni. 1.29).
гудигаад̇и бана маад̇угужчиби гараж̇агааяоби д̇ин̣аад̣̇ижчад̣̇ано бад̇иссаяоби вужжад̇и. д̇ат̇аа хи –
Kuṭikāti pana mātukucchipi karajakāyopi tiṇādicchadano patissayopi vuccati. Tathā hi –
‘‘маад̇арам̣ гудигам̣ б̣рууси, бхарияам̣ б̣рууси гулаавагам̣;
‘‘Mātaraṃ kuṭikaṃ brūsi, bhariyaṃ brūsi kulāvakaṃ;
буд̇д̇з санд̇аанагз б̣рууси, д̇ан̣хаа мз б̣рууси б̣анд̇хана’’нд̇и. (сам̣. ни. 1.19) –
Putte santānake brūsi, taṇhā me brūsi bandhana’’nti. (saṃ. ni. 1.19) –
аад̣̇ийсу маад̇угужчи ‘‘гудигаа’’д̇и вуд̇д̇аа.
Ādīsu mātukucchi ‘‘kuṭikā’’ti vuttā.
‘‘адтиган̇галагудигз , мам̣санхаарубасиб̣б̣ид̇з;
‘‘Aṭṭhikaṅkalakuṭike , maṃsanhārupasibbite;
д̇хирад̇т̇у буурз д̣̇уг̇г̇анд̇хз, бараг̇ад̇д̇з мамааяасий’’д̇и. (т̇зраг̇аа. 1153) –
Dhiratthu pūre duggandhe, paragatte mamāyasī’’ti. (theragā. 1153) –
аад̣̇ийсу гзсаад̣̇исамуухабхууд̇о гараж̇агааяо. ‘‘гассабасса бхаг̇авад̇о бхаг̇ини гуди овассад̇и’’ (ма. ни. 2.291) ‘‘гуди наама уллид̇д̇аа ваа ход̇и авалид̇д̇аа ваа’’д̇иаад̣̇ийсу (баараа. 349) д̇ин̣ачад̣̇анабад̇иссаяо. ид̇хааби со зва взд̣̇ид̇аб̣б̣о бан̣н̣асаалааяа ад̇хиббзд̇ад̇д̇аа. гуди зва хи гудигаа, абаагадагуди ‘‘гудигаа’’д̇и вуд̇д̇аа.
Ādīsu kesādisamūhabhūto karajakāyo. ‘‘Kassapassa bhagavato bhagini kuṭi ovassati’’ (ma. ni. 2.291) ‘‘kuṭi nāma ullittā vā hoti avalittā vā’’tiādīsu (pārā. 349) tiṇachadanapatissayo. Idhāpi so eva veditabbo paṇṇasālāya adhippetattā. Kuṭi eva hi kuṭikā, apākaṭakuṭi ‘‘kuṭikā’’ti vuttā.
сука-сад̣̇д̣̇о бана ‘‘вибидтигад̇ваана сукам̣ д̣̇укан̃жа, буб̣б̣зва жа соманассад̣̇оманасса’’нд̇иаад̣̇ийсу (су. ни. 67) сукавзд̣̇анааяам̣ ааг̇ад̇о. ‘‘суко б̣уд̣̇д̇хаанамуббаад̣̇о, сукаа сад̣̇д̇хаммад̣̇зсанаа’’д̇иаад̣̇ийсу (д̇ха. ба. 194) сукамуулз. ‘‘сукассзд̇ам̣, бхигкавз, ад̇хиважанам̣ яад̣̇ид̣̇ам̣ бун̃н̃ааний’’д̇иаад̣̇ийсу (а. ни. 7.62; ид̇иву. 22) сукахзд̇умхи. ‘‘яасмаа жа, ко, махаали, руубам̣ сукам̣ сукаанубад̇ид̇ам̣ сукаавагганд̇а’’нд̇иаад̣̇ийсу (сам̣. ни. 3.60) сукаарамман̣з, ‘‘д̣̇идтад̇хаммасукавихаараа зд̇з, жунд̣̇а, арияасса винаяз’’д̇иаад̣̇ийсу (ма. ни. 1.82) аб̣яаабаж̇ж̇з. ‘‘ниб̣б̣аанам̣ барамам̣ сука’’нд̇иаад̣̇ийсу (ма. ни. 2.215; д̇ха. ба. 203-204) ниб̣б̣аанз. ‘‘яааван̃жид̣̇ам̣, бхигкавз, на сугарам̣ агкаанзна баабун̣ид̇ум̣ яаава сукаа саг̇г̇аа’’д̇иаад̣̇ийсу (ма. ни. 3.225) сукаббажжаяадтаанз. ‘‘соваг̇г̇игам̣ сукавибаагам̣ саг̇г̇асам̣вад̇д̇анига’’нд̇иаад̣̇ийсу (д̣̇ий. ни. 1.163; сам̣. ни. 1.130) идтз, бияаманаабзд̇и ад̇т̇о. ид̇хааби идтз сукаббажжаяз ваа д̣̇адтаб̣б̣о. саа хи гуди анд̇о б̣ахи жа манаабабхаавзна самбаад̣̇ид̇аа ниваасанапаасуд̇ааяа ‘‘сукаа’’д̇и вуд̇д̇аа. д̇ат̇аа наад̇исийд̇анаад̇иун̣хад̇ааяа уд̇усукасамбад̇д̇ияог̇зна гааяигажзд̇асигасукасса бажжаяабхаавад̇о.
Sukha-saddo pana ‘‘vipiṭṭhikatvāna sukhaṃ dukhañca, pubbeva ca somanassadomanassa’’ntiādīsu (su. ni. 67) sukhavedanāyaṃ āgato. ‘‘Sukho buddhānamuppādo, sukhā saddhammadesanā’’tiādīsu (dha. pa. 194) sukhamūle. ‘‘Sukhassetaṃ, bhikkhave, adhivacanaṃ yadidaṃ puññānī’’tiādīsu (a. ni. 7.62; itivu. 22) sukhahetumhi. ‘‘Yasmā ca, kho, mahāli, rūpaṃ sukhaṃ sukhānupatitaṃ sukhāvakkanta’’ntiādīsu (saṃ. ni. 3.60) sukhārammaṇe, ‘‘diṭṭhadhammasukhavihārā ete, cunda, ariyassa vinaye’’tiādīsu (ma. ni. 1.82) abyāpajje. ‘‘Nibbānaṃ paramaṃ sukha’’ntiādīsu (ma. ni. 2.215; dha. pa. 203-204) nibbāne. ‘‘Yāvañcidaṃ, bhikkhave, na sukaraṃ akkhānena pāpuṇituṃ yāva sukhā saggā’’tiādīsu (ma. ni. 3.225) sukhappaccayaṭṭhāne. ‘‘Sovaggikaṃ sukhavipākaṃ saggasaṃvattanika’’ntiādīsu (dī. ni. 1.163; saṃ. ni. 1.130) iṭṭhe, piyamanāpeti attho. Idhāpi iṭṭhe sukhappaccaye vā daṭṭhabbo. Sā hi kuṭi anto bahi ca manāpabhāvena sampāditā nivāsanaphāsutāya ‘‘sukhā’’ti vuttā. Tathā nātisītanātiuṇhatāya utusukhasampattiyogena kāyikacetasikasukhassa paccayabhāvato.
ниваад̇аад̇и аваад̇аа, пусид̇аг̇г̇ал̣абихид̇аваад̇абаанад̇д̇аа ваад̇абариссаяарахид̇аад̇и ад̇т̇о. ид̣̇ам̣ д̇ассаа гудигаа сукабхаававибхааванам̣. саваад̇з хи сзнаасанз уд̇усаббааяо на лаб̣бхад̇и, ниваад̇з со лаб̣бхад̇ийд̇и. вассаад̇и бавасса саммаа д̇хаарам̣ ануббавзжча. д̣̇зваад̇и аяам̣ д̣̇зва-сад̣̇д̣̇о ‘‘имаани д̇з, д̣̇зва, жад̇ураасийд̇и наг̇арасахассаани гусавад̇ийрааж̇ад̇хааниббамукаани, зд̇т̇а , д̣̇зва, чанд̣̇ам̣ ж̇анзхи ж̇ийвид̇з абзгка’’нд̇иаад̣̇ийсу (д̣̇ий. ни. 2.266) саммуд̇ид̣̇звз кад̇д̇ияз ааг̇ад̇о. ‘‘жаад̇умахаарааж̇игаа д̣̇зваа ван̣н̣аванд̇о сукаб̣ахулаа’’д̇иаад̣̇ийсу (д̣̇ий. ни. 3.337) убабад̇д̇ид̣̇звзсу. ‘‘д̇асса д̣̇зваад̇ид̣̇звасса, саасанам̣ саб̣б̣ад̣̇ассино’’д̇иаад̣̇ийсу висуд̣̇д̇хид̣̇звзсу . висуд̣̇д̇хид̣̇зваанан̃хи бхаг̇авад̇о ад̇ид̣̇звабхаавз вуд̇д̇з ид̇арзсам̣ вуд̇д̇о зва ход̇и. ‘‘вид̣̇д̇хз виг̇ад̇авалаахагз д̣̇звз’’д̇иаад̣̇ийсу (ма. ни. 1.486; сам̣. ни. 1.110; ид̇иву. 27) аагаасз. ‘‘д̣̇зво жа гаалзна гаалам̣ на саммаа д̇хаарам̣ ануббавзжчад̇ий’’д̇иаад̣̇ийсу (а. ни. 4.70) мзгхз баж̇ж̇уннз ваа. ид̇хааби мзгхз баж̇ж̇уннз ваа д̣̇адтаб̣б̣о. вассаад̇и хи д̇з аан̣аабзнд̇о т̇зро аалабад̇и. яат̇аасуканд̇и яат̇ааружим̣. д̇ава вассанзна маяхам̣ б̣аахиро бариссаяо над̇т̇и, д̇асмаа яат̇аагаамам̣ вассаад̇и вассуубаж̇ийвисад̇д̇з ануг̇г̇ан̣ханд̇о вад̣̇ад̇и.
Nivātāti avātā, phusitaggaḷapihitavātapānattā vātaparissayarahitāti attho. Idaṃ tassā kuṭikā sukhabhāvavibhāvanaṃ. Savāte hi senāsane utusappāyo na labbhati, nivāte so labbhatīti. Vassāti pavassa sammā dhāraṃ anuppaveccha. Devāti ayaṃ deva-saddo ‘‘imāni te, deva, caturāsīti nagarasahassāni kusavatīrājadhānippamukhāni, ettha , deva, chandaṃ janehi jīvite apekkha’’ntiādīsu (dī. ni. 2.266) sammutideve khattiye āgato. ‘‘Cātumahārājikā devā vaṇṇavanto sukhabahulā’’tiādīsu (dī. ni. 3.337) upapattidevesu. ‘‘Tassa devātidevassa, sāsanaṃ sabbadassino’’tiādīsu visuddhidevesu . Visuddhidevānañhi bhagavato atidevabhāve vutte itaresaṃ vutto eva hoti. ‘‘Viddhe vigatavalāhake deve’’tiādīsu (ma. ni. 1.486; saṃ. ni. 1.110; itivu. 27) ākāse. ‘‘Devo ca kālena kālaṃ na sammā dhāraṃ anuppavecchatī’’tiādīsu (a. ni. 4.70) meghe pajjunne vā. Idhāpi meghe pajjunne vā daṭṭhabbo. Vassāti hi te āṇāpento thero ālapati. Yathāsukhanti yathāruciṃ. Tava vassanena mayhaṃ bāhiro parissayo natthi, tasmā yathākāmaṃ vassāti vassūpajīvisatte anuggaṇhanto vadati.
ид̣̇аани аб̣бханд̇арз бариссаяаабхаавам̣ д̣̇ассзнд̇о ‘‘жид̇д̇а’’нд̇иаад̣̇имааха. д̇ад̇т̇а жид̇д̇ам̣ мз сусамаахид̇анд̇и мама жид̇д̇ам̣ судту ад̇ивияа саммаа саммад̣̇зва згаг̇г̇абхаавзна аарамман̣з табид̇ам̣. д̇ан̃жа ко на нийваран̣аад̣̇ивигкамбханамад̇д̇зна; аби жа ко вимуд̇д̇ам̣ орамбхааг̇ияауд̣̇д̇хам̣бхааг̇ияасан̇г̇ахзхи саб̣б̣асам̣яож̇анзхи саб̣б̣агилзсад̇хаммад̇о жа висзсзна вимуд̇д̇ам̣, самужчзд̣̇аббахаанавасзна бадибассад̣̇д̇хиббахаанавасзна д̇з баж̇ахид̇ваа тид̇анд̇и ад̇т̇о. аад̇аабийд̇и вийрияаваа. паласамаабад̇д̇иад̇т̇ам̣ вибассанаарамбхавасзна д̣̇идтад̇хаммасукавихаарад̇т̇ан̃жа аарад̣̇д̇хавийрияо худ̇ваа вихараами, д̣̇иб̣б̣авихаараад̣̇ийхи ад̇д̇абхаавам̣ бавад̇д̇зми, на бана гилзсаббахаанад̇т̇ам̣, бахаад̇аб̣б̣ассзва абхаавад̇од̇и ад̇хиббааяо. ‘‘яат̇аа бана б̣аахирабариссаяаабхаавзна, д̣̇зва, маяаа д̇вам̣ вассанз нияож̇ид̇о, звам̣ аб̣бханд̇арабариссаяаабхаавзнабий’’д̇и д̣̇ассзнд̇о бунаби ‘‘васса, д̣̇зваа’’д̇и ааха.
Idāni abbhantare parissayābhāvaṃ dassento ‘‘citta’’ntiādimāha. Tattha cittaṃ me susamāhitanti mama cittaṃ suṭṭhu ativiya sammā sammadeva ekaggabhāvena ārammaṇe ṭhapitaṃ. Tañca kho na nīvaraṇādivikkhambhanamattena; api ca kho vimuttaṃ orambhāgiyauddhaṃbhāgiyasaṅgahehi sabbasaṃyojanehi sabbakilesadhammato ca visesena vimuttaṃ, samucchedappahānavasena paṭipassaddhippahānavasena te pajahitvā ṭhitanti attho. Ātāpīti vīriyavā. Phalasamāpattiatthaṃ vipassanārambhavasena diṭṭhadhammasukhavihāratthañca āraddhavīriyo hutvā viharāmi, dibbavihārādīhi attabhāvaṃ pavattemi, na pana kilesappahānatthaṃ, pahātabbasseva abhāvatoti adhippāyo. ‘‘Yathā pana bāhiraparissayābhāvena, deva, mayā tvaṃ vassane niyojito, evaṃ abbhantaraparissayābhāvenapī’’ti dassento punapi ‘‘vassa, devā’’ti āha.
абаро наяо чаннаад̇и чаад̣̇ид̇аа бихид̇аа. гудигаад̇и ад̇д̇абхааво. со хи ‘‘анзгааваяавасса самуд̣̇ааяасса авиж̇ж̇аанийваран̣асса, бхигкавз, буг̇г̇аласса д̇ан̣хаасам̣яуд̇д̇асса аяан̃жзва гааяо самуд̣̇ааг̇ад̇о, б̣ахид̣̇д̇хаа жа наамарууба’’нд̇иаад̣̇ийсу (сам̣. ни. 2.19) гааяод̇и ааг̇ад̇о. ‘‘син̃жа, бхигку, имам̣ наавам̣ , сид̇д̇аа д̇з лахумзссад̇ий’’д̇иаад̣̇ийсу (д̇ха. ба. 66) нааваад̇и ааг̇ад̇о. ‘‘г̇ахагаарага д̣̇идтоси, г̇ахагуудам̣ висан̇кад̇а’’нд̇и (д̇ха. ба. 154) жа аад̣̇ийсу г̇аханд̇и ааг̇ад̇о. ‘‘сад̇д̇о г̇ухааяам̣ б̣ахунаабхичанно, д̇идтам̣ наро моханасмим̣ баг̇аал̣хо’’д̇иаад̣̇ийсу (су. ни. 778) г̇ухаад̇и ааг̇ад̇о. ‘‘нзлан̇г̇о сзд̇абажчаад̣̇о, згааро вад̇д̇ад̇ий рат̇о’’д̇иаад̣̇ийсу (уд̣̇аа. 65) рат̇од̇и ааг̇ад̇о. ‘‘буна г̇зхам̣ на гаахасий’’д̇иаад̣̇ийсу (д̇ха. ба. 154) г̇зханд̇и ааг̇ад̇о. ‘‘вивадаа гуди ниб̣б̣уд̇о г̇иний’’д̇иаад̣̇ийсу (су. ни. 19) гудийд̇и ааг̇ад̇о. д̇асмаа ид̇хааби со ‘‘гудигаа’’д̇и вуд̇д̇о. ад̇д̇абхааво хи гадтаад̣̇ийни бадижжа лаб̣бхамаанаа г̇зханаамигаа гудигаа вияа адтиаад̣̇исан̃н̃ид̇з бат̇авийд̇хаад̇уаад̣̇игз пассаад̣̇игз жа бадижжа лаб̣бхамаано ‘‘гудигаа’’д̇и вуд̇д̇о, жид̇д̇амаггадасса ниваасабхаавад̇о жа. яат̇ааха –
Aparo nayo channāti chāditā pihitā. Kuṭikāti attabhāvo. So hi ‘‘anekāvayavassa samudāyassa avijjānīvaraṇassa, bhikkhave, puggalassa taṇhāsaṃyuttassa ayañceva kāyo samudāgato, bahiddhā ca nāmarūpa’’ntiādīsu (saṃ. ni. 2.19) kāyoti āgato. ‘‘Siñca, bhikkhu, imaṃ nāvaṃ , sittā te lahumessatī’’tiādīsu (dha. pa. 66) nāvāti āgato. ‘‘Gahakāraka diṭṭhosi, gahakūṭaṃ visaṅkhata’’nti (dha. pa. 154) ca ādīsu gahanti āgato. ‘‘Satto guhāyaṃ bahunābhichanno, tiṭṭhaṃ naro mohanasmiṃ pagāḷho’’tiādīsu (su. ni. 778) guhāti āgato. ‘‘Nelaṅgo setapacchādo, ekāro vattatī ratho’’tiādīsu (udā. 65) rathoti āgato. ‘‘Puna gehaṃ na kāhasī’’tiādīsu (dha. pa. 154) gehanti āgato. ‘‘Vivaṭā kuṭi nibbuto ginī’’tiādīsu (su. ni. 19) kuṭīti āgato. Tasmā idhāpi so ‘‘kuṭikā’’ti vutto. Attabhāvo hi kaṭṭhādīni paṭicca labbhamānā gehanāmikā kuṭikā viya aṭṭhiādisaññite pathavīdhātuādike phassādike ca paṭicca labbhamāno ‘‘kuṭikā’’ti vutto, cittamakkaṭassa nivāsabhāvato ca. Yathāha –
‘‘адтиган̇галагудивзсаа, маггадаавасат̇о ид̇и;
‘‘Aṭṭhikaṅkalakuṭivesā, makkaṭāvasatho iti;
маггадо бан̃жад̣̇ваарааяа, гудигааяа басаггияа;
Makkaṭo pañcadvārāya, kuṭikāya pasakkiya;
д̣̇ваарзнаанубарияаад̇и, гхаддаяанд̇о бунаббуна’’нд̇и жа.
Dvārenānupariyāti, ghaṭṭayanto punappuna’’nti ca.
саа банзсаа ад̇д̇абхаавагудигаа т̇зрасса д̇ин̣н̣ам̣ чаннам̣ адтаннан̃жа асам̣варад̣̇ваараанам̣ васзна самад̇и виж̇жханагасса рааг̇аад̣̇иавассуд̇асса бан̃н̃ааяа сам̣вуд̇ад̇д̇аа саммад̣̇зва бихид̇ад̇д̇аа ‘‘чаннаа’’д̇и вуд̇д̇аа. д̇знааха бхаг̇аваа – ‘‘сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и (су. ни. 1041). вуд̇д̇анаязна чаннад̇д̇аа зва гилзсад̣̇угкаабхаавад̇о нираамисасукасаман̇г̇ид̇ааяа жа сукаа сукаббад̇д̇аа, д̇ад̇о зва жа ниваад̇аа нихад̇амаанамад̣̇ат̇амбхасаарамбхад̇ааяа ниваад̇авуд̇д̇игаа. аяан̃жа наяо ‘‘маяхам̣ на сам̣гилзсад̇хаммаанам̣ сам̣варан̣амад̇д̇зна сид̣̇д̇хо, ат̇а ко аг̇г̇амаг̇г̇асамаад̇хинаа судту самаахид̇ажид̇д̇ад̇ааяа жзва аг̇г̇амаг̇г̇абан̃н̃ааяа саб̣б̣асам̣яож̇анзхи виббамуд̇д̇ажид̇д̇ад̇ааяа жаа’’д̇и д̣̇ассзнд̇о ааха ‘‘жид̇д̇ам̣ мз сусамаахид̇ам̣ вимуд̇д̇а’’нд̇и. звам̣бхууд̇о жа ‘‘ид̣̇аанаахам̣ гад̇агаран̣ийяо’’д̇и на аббоссугго хоми, ат̇а ко аад̇аабий вихараами, сад̣̇звагасса логасса хид̇асукуубасам̣хаарз уссаахаж̇аад̇о бхигкаажаарагаалзби анугхарам̣ б̣рахмавихаарзнзва вихараами. д̇асмаа д̇вамби, д̣̇зва, баж̇ж̇унна маяхам̣ бияам̣ гаад̇угаамад̇ааяаби вассуубаж̇ийвийнам̣ сад̇д̇аанам̣ анугамбааяаби васса саммаа д̇хаарам̣ ануббавзжчаад̇и звамзд̇т̇а ад̇т̇о д̣̇адтаб̣б̣о.
Sā panesā attabhāvakuṭikā therassa tiṇṇaṃ channaṃ aṭṭhannañca asaṃvaradvārānaṃ vasena samati vijjhanakassa rāgādiavassutassa paññāya saṃvutattā sammadeva pihitattā ‘‘channā’’ti vuttā. Tenāha bhagavā – ‘‘sotānaṃ saṃvaraṃ brūmi, paññāyete pidhīyare’’ti (su. ni. 1041). Vuttanayena channattā eva kilesadukkhābhāvato nirāmisasukhasamaṅgitāya ca sukhā sukhappattā, tato eva ca nivātā nihatamānamadathambhasārambhatāya nivātavuttikā. Ayañca nayo ‘‘mayhaṃ na saṃkilesadhammānaṃ saṃvaraṇamattena siddho, atha kho aggamaggasamādhinā suṭṭhu samāhitacittatāya ceva aggamaggapaññāya sabbasaṃyojanehi vippamuttacittatāya cā’’ti dassento āha ‘‘cittaṃ me susamāhitaṃ vimutta’’nti. Evaṃbhūto ca ‘‘idānāhaṃ katakaraṇīyo’’ti na appossukko homi, atha kho ātāpī viharāmi, sadevakassa lokassa hitasukhūpasaṃhāre ussāhajāto bhikkhācārakālepi anugharaṃ brahmavihāreneva viharāmi. Tasmā tvampi, deva, pajjunna mayhaṃ piyaṃ kātukāmatāyapi vassūpajīvīnaṃ sattānaṃ anukampāyapi vassa sammā dhāraṃ anuppavecchāti evamettha attho daṭṭhabbo.
зд̇т̇а жа т̇зро ‘‘чаннаа мз гудигаа сукаа ниваад̇аа’’д̇и иминаа логияалогуд̇д̇арабхзд̣̇ам̣ ад̇д̇ано ад̇хисийласигкам̣ д̣̇ассзд̇и. ‘‘жид̇д̇ам̣ мз сусамаахид̇а’’нд̇и иминаа ад̇хижид̇д̇асигкам̣. ‘‘вимуд̇д̇а’’нд̇и иминаа ад̇хибан̃н̃аасигкам̣. ‘‘аад̇аабий вихараамий’’д̇и иминаа д̣̇идтад̇хаммасукавихаарам̣. ат̇а ваа ‘‘чаннаа мз гудигаа сукаа ниваад̇аа’’д̇и иминаа анимид̇д̇авихаарам̣ д̣̇ассзд̇и гилзсавассабид̇хаанамукзна нижжаад̣̇инимид̇д̇уг̇гхааданад̣̇ийбанад̇о. ‘‘жид̇д̇ам̣ мз сусамаахид̇а’’нд̇и иминаа аббан̣ихид̇авихаарам̣. ‘‘вимуд̇д̇а’’нд̇и иминаа сун̃н̃ад̇авихаарам̣. ‘‘аад̇аабий вихараамий’’д̇и иминаа д̇зсам̣ д̇ин̣н̣ам̣ вихаараанам̣ ад̇хиг̇амуубааяам̣. батамзна ваа д̣̇осаббахаанам̣, д̣̇уд̇иязна рааг̇аббахаанам̣, д̇ад̇иязна мохаббахаанам̣. д̇ат̇аа д̣̇уд̇иязна батамад̣̇уд̇иязхи ваа д̇хаммавихаарасамбад̇д̇ияо д̣̇ассзд̇и. д̇ад̇иязна вимуд̇д̇исамбад̇д̇ияо. ‘‘аад̇аабий вихараамий’’д̇и иминаа барахид̇абадибад̇д̇ияам̣ ад̇анд̣̇ид̇абхаавам̣ д̣̇ассзд̇ийд̇и д̣̇адтаб̣б̣ам̣.
Ettha ca thero ‘‘channā me kuṭikā sukhā nivātā’’ti iminā lokiyalokuttarabhedaṃ attano adhisīlasikkhaṃ dasseti. ‘‘Cittaṃ me susamāhita’’nti iminā adhicittasikkhaṃ. ‘‘Vimutta’’nti iminā adhipaññāsikkhaṃ. ‘‘Ātāpī viharāmī’’ti iminā diṭṭhadhammasukhavihāraṃ. Atha vā ‘‘channā me kuṭikā sukhā nivātā’’ti iminā animittavihāraṃ dasseti kilesavassapidhānamukhena niccādinimittugghāṭanadīpanato. ‘‘Cittaṃ me susamāhita’’nti iminā appaṇihitavihāraṃ. ‘‘Vimutta’’nti iminā suññatavihāraṃ. ‘‘Ātāpī viharāmī’’ti iminā tesaṃ tiṇṇaṃ vihārānaṃ adhigamūpāyaṃ. Paṭhamena vā dosappahānaṃ, dutiyena rāgappahānaṃ, tatiyena mohappahānaṃ. Tathā dutiyena paṭhamadutiyehi vā dhammavihārasampattiyo dasseti. Tatiyena vimuttisampattiyo. ‘‘Ātāpī viharāmī’’ti iminā parahitapaṭipattiyaṃ atanditabhāvaṃ dassetīti daṭṭhabbaṃ.
звам̣ ‘‘яат̇аанаамаа’’д̇и г̇аат̇ааяа вуд̇д̇аанам̣ д̇хаммавихаараад̣̇ийнам̣ имааяа г̇аат̇ааяа д̣̇ассид̇ад̇д̇аа д̇ад̇т̇а ад̣̇ассид̇зсу наамаг̇од̇д̇зсу наамам̣ д̣̇ассзд̇ум̣ ‘‘ид̇т̇ам̣ суд̣̇а’’нд̇иаад̣̇и вуд̇д̇ам̣. яз хи т̇зраа наамамад̇д̇зна баагадаа, д̇з наамзна, яз г̇од̇д̇амад̇д̇зна баагадаа, д̇з г̇од̇д̇зна, яз убхаяат̇аа баагадаа, д̇з убхаязнаби д̣̇ассисса’’нд̇и. аяам̣ бана т̇зро наамзна абхилагкид̇о, на д̇ат̇аа г̇од̇д̇знаад̇и ‘‘ид̇т̇ам̣ суд̣̇ам̣ ааяасмаа субхууд̇ий’’д̇и вуд̇д̇ам̣. д̇ад̇т̇а ид̇т̇анд̇и ид̣̇ам̣ багаарам̣, иминаа аагаарзнаад̇и ад̇т̇о. суд̣̇анд̇и су ид̣̇ам̣, санд̇хивасзна игааралобо. сууд̇и жа нибаад̇амад̇д̇ам̣, ид̣̇ам̣ г̇аат̇анд̇и яож̇анаа. ааяасмаад̇и бияаважанамзд̇ам̣ г̇аруг̇ааравасаббад̇иссаважанамзд̇ам̣. субхууд̇ийд̇и наамагид̇д̇анам̣. со хи сарийрасамбад̇д̇ияааби д̣̇ассанийяо баасаад̣̇иго, г̇ун̣асамбад̇д̇ияааби. ид̇и сунд̣̇арааяа сарийрааваяававибхууд̇ияаа сийласамбад̇д̇ияаад̣̇ивибхууд̇ияаа жа саманнааг̇ад̇ад̇д̇аа субхууд̇ийд̇и бан̃н̃ааяид̇т̇а сийласаараад̣̇ит̇ираг̇ун̣аяог̇ад̇о т̇зро. абхаасид̇т̇аад̇и гат̇зси. гасмаа банзд̇з махаат̇зраа ад̇д̇ано г̇ун̣з багаасзнд̇ийд̇и? иминаа д̣̇ийгхзна ад̣̇д̇хунаа анад̇хиг̇ад̇абуб̣б̣ам̣ барамаг̇амбхийрам̣ ад̇ивияа санд̇ам̣ бан̣ийд̇ам̣ ад̇д̇анаа ад̇хиг̇ад̇ам̣ логуд̇д̇арад̇хаммам̣ бажжавзгкид̇ваа бийд̇ивзг̇асамуссаахид̇ауд̣̇аанавасзна саасанасса нияяаанигабхаававибхааванавасзна жа барамаббижчаа арияаа ад̇д̇ано г̇ун̣з багаасзнд̇и, яат̇аа д̇ам̣ логанаат̇о б̣од̇ханзяяааж̇жхаасаяавасзна ‘‘д̣̇асаб̣аласаманнааг̇ад̇о, бхигкавз, д̇ат̇ааг̇ад̇о жад̇увзсаараж̇ж̇ависаарад̣̇о’’д̇иаад̣̇инаа ад̇д̇ано г̇ун̣з багаасзд̇и, звамаяам̣ т̇зрасса ан̃н̃ааб̣яаагаран̣аг̇аат̇аа ход̇ийд̇и.
Evaṃ ‘‘yathānāmā’’ti gāthāya vuttānaṃ dhammavihārādīnaṃ imāya gāthāya dassitattā tattha adassitesu nāmagottesu nāmaṃ dassetuṃ ‘‘itthaṃ suda’’ntiādi vuttaṃ. Ye hi therā nāmamattena pākaṭā, te nāmena, ye gottamattena pākaṭā, te gottena, ye ubhayathā pākaṭā, te ubhayenapi dassissa’’nti. Ayaṃ pana thero nāmena abhilakkhito, na tathā gottenāti ‘‘itthaṃ sudaṃ āyasmā subhūtī’’ti vuttaṃ. Tattha itthanti idaṃ pakāraṃ, iminā ākārenāti attho. Sudanti su idaṃ, sandhivasena ikāralopo. Sūti ca nipātamattaṃ, idaṃ gāthanti yojanā. Āyasmāti piyavacanametaṃ garugāravasappatissavacanametaṃ. Subhūtīti nāmakittanaṃ. So hi sarīrasampattiyāpi dassanīyo pāsādiko, guṇasampattiyāpi. Iti sundarāya sarīrāvayavavibhūtiyā sīlasampattiyādivibhūtiyā ca samannāgatattā subhūtīti paññāyittha sīlasārādithiraguṇayogato thero. Abhāsitthāti kathesi. Kasmā panete mahātherā attano guṇe pakāsentīti? Iminā dīghena addhunā anadhigatapubbaṃ paramagambhīraṃ ativiya santaṃ paṇītaṃ attanā adhigataṃ lokuttaradhammaṃ paccavekkhitvā pītivegasamussāhitaudānavasena sāsanassa niyyānikabhāvavibhāvanavasena ca paramappicchā ariyā attano guṇe pakāsenti, yathā taṃ lokanātho bodhaneyyaajjhāsayavasena ‘‘dasabalasamannāgato, bhikkhave, tathāgato catuvesārajjavisārado’’tiādinā attano guṇe pakāseti, evamayaṃ therassa aññābyākaraṇagāthā hotīti.
барамад̇т̇ад̣̇ийбанияаа т̇зраг̇аат̇аасам̣ван̣н̣анааяа
Paramatthadīpaniyā theragāthāsaṃvaṇṇanāya
субхууд̇ид̇т̇зраг̇аат̇ааван̣н̣анаа нидтид̇аа.
Subhūtittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. субхууд̇ид̇т̇зраг̇аат̇аа • 1. Subhūtittheragāthā
