| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. суб̣рахмасуд̇д̇аван̣н̣анаа
7. Subrahmasuttavaṇṇanā
98. суб̣рахмаад̇и д̇асса д̣̇звабуд̇д̇асса наамам̣. д̇асса сад̇т̇у санд̇игуубасан̇гаманасса гааран̣ам̣ д̣̇ассзнд̇о ‘‘со гираа’’д̇иаад̣̇имааха. д̇ад̣̇зва согам̣ д̇асса д̣̇звабуд̇д̇асса адтуббад̇д̇и. ажчараасан̇гхабаривуд̇од̇и сахассамад̇д̇зна ажчараасан̇гхзна баривуд̇о. нанд̣̇анагийл̣иганд̇и нанд̣̇анаванагийл̣игам̣. хад̇т̇ам̣ ааг̇ажчад̇ийд̇и хад̇т̇аг̇аяхубаг̇о ход̇и. г̇ант̇знд̇ийд̇и зд̇т̇а маалаавзтанамби кид̣д̣аабасуд̇ад̇ааяаад̇и д̣̇адтаб̣б̣ам̣. ан̃н̃ат̇аа бубпааниязва д̇ааяа д̇ааяа жид̇д̇асса васзна маалаабхаавзна хад̇т̇ам̣ убаг̇ажчанд̇ийд̇и. убажчзд̣̇агагаммавасзнаад̇и д̇асмим̣ д̣̇звалогз ааяусзсз сад̇и зва д̇асса бана убагхаад̇агасса лад̣̇д̇хогаасасса баабагаммасса васзна. ‘‘бахааро’’д̇и д̣̇ивасасса д̇ад̇ияо бхааг̇о вужжад̇и, д̇асмаа згаббахаарзнзваад̇и згавзлааяамзваад̇и ад̇т̇о.
98.Subrahmāti tassa devaputtassa nāmaṃ. Tassa satthu santikūpasaṅkamanassa kāraṇaṃ dassento ‘‘so kirā’’tiādimāha. Tadeva sokaṃ tassa devaputtassa aṭṭhuppatti. Accharāsaṅghaparivutoti sahassamattena accharāsaṅghena parivuto. Nandanakīḷikanti nandanavanakīḷikaṃ. Hatthaṃ āgacchatīti hatthagayhupago hoti. Ganthentīti ettha mālāveṭhanampi khiḍḍāpasutatāyāti daṭṭhabbaṃ. Aññathā pupphāniyeva tāya tāya cittassa vasena mālābhāvena hatthaṃ upagacchantīti. Upacchedakakammavasenāti tasmiṃ devaloke āyusese sati eva tassa pana upaghātakassa laddhokāsassa pāpakammassa vasena. ‘‘Pahāro’’ti divasassa tatiyo bhāgo vuccati, tasmā ekappahārenevāti ekavelāyamevāti attho.
бияавад̇т̇угасогзнаад̇и бияавад̇т̇унимид̇д̇агзна согзна. руббамаанод̇и бийл̣ияамаано. сад̇д̇амз д̣̇ивасзд̇и мануссаг̇ан̣анааяа сад̇д̇амз д̣̇ивасз. д̇ад̇т̇зваад̇и д̇асмим̣язва нираяз ниб̣б̣ад̇д̇ид̇аб̣б̣ам̣ иминаа д̇аахи жа сахзва буб̣б̣з д̇асса баабагаммасса гад̇ад̇д̇аа. руббийд̇и жид̇д̇асанд̇аасам̣ аабаж̇ж̇и. нид̣̇д̇хамид̇унд̇и нийхарид̇ум̣ абанзд̇ум̣. сад̇т̇у санд̇игам̣ г̇анд̇ваад̇и д̇аахи бан̃жасад̇аахи ажчараахи сад̣̇д̇хим̣ бхаг̇авад̇о санд̇игам̣ г̇анд̇ваа.
Piyavatthukasokenāti piyavatthunimittakena sokena. Ruppamānoti pīḷiyamāno. Sattame divaseti manussagaṇanāya sattame divase. Tatthevāti tasmiṃyeva niraye nibbattitabbaṃ iminā tāhi ca saheva pubbe tassa pāpakammassa katattā. Ruppīti cittasantāsaṃ āpajji. Niddhamitunti nīharituṃ apanetuṃ. Satthu santikaṃ gantvāti tāhi pañcasatāhi accharāhi saddhiṃ bhagavato santikaṃ gantvā.
ид̣̇анд̇и ад̇д̇ано жид̇д̇ам̣ д̣̇ассзд̇и аасаннабажжагкабхаавад̇о. нижжанд̇и сад̣̇аа. свааяам̣ нижжад̇т̇о ад̇хиббааяавасзна г̇ахзд̇аб̣б̣од̇и д̇ад̇т̇а бахаад̇аб̣б̣ам̣ г̇ахзд̇аб̣б̣ан̃жа д̣̇ассзнд̇о ‘‘д̣̇звалогз’’д̇иаад̣̇имааха. на г̇ахзд̇аб̣б̣о хзд̇убавад̇д̇ид̇о буб̣б̣з д̇асса уд̇раасасса абхаавад̇о. д̇зсууд̇и д̣̇угкзсу. д̇аани хи хзд̇убажжаязхи гад̇д̇аб̣б̣ад̇о г̇аат̇ааяам̣ ‘‘гижчзсуу’’д̇и вуд̇д̇аани. гижчзсууд̇и ваа гижчанимид̇д̇ам̣. яаасан̃хи баяог̇авибад̇д̇ийнам̣ васзнасса д̇аани д̣̇угкаани уббаж̇ж̇зяяум̣, д̇ам̣нимид̇д̇анд̇и ад̇т̇о. д̇аа хи асса баяог̇авибад̇д̇ияо г̇ад̇ивибад̇д̇ияо сад̇т̇у санд̇игам̣ убаг̇аманзна хааязяяум̣. ниб̣б̣ад̇д̇аанам̣ д̣̇идтаанийд̇и ниб̣б̣ад̇д̇аанам̣ васзна д̣̇идтаани д̣̇угкаани. д̇зсу жа д̣̇угкзсу. саб̣б̣ад̇т̇а нимид̇д̇ад̇т̇з бхуммам̣. д̣аяхамаано вияа жид̇д̇асанд̇аабзна.
Idantiattano cittaṃ dasseti āsannapaccakkhabhāvato. Niccanti sadā. Svāyaṃ niccattho adhippāyavasena gahetabboti tattha pahātabbaṃ gahetabbañca dassento ‘‘devaloke’’tiādimāha. Na gahetabbo hetupavattito pubbe tassa utrāsassa abhāvato. Tesūti dukkhesu. Tāni hi hetupaccayehi kattabbato gāthāyaṃ ‘‘kicchesū’’ti vuttāni. Kicchesūti vā kicchanimittaṃ. Yāsañhi payogavipattīnaṃ vasenassa tāni dukkhāni uppajjeyyuṃ, taṃnimittanti attho. Tā hi assa payogavipattiyo gativipattiyo satthu santikaṃ upagamanena hāyeyyuṃ. Nibbattānaṃ diṭṭhānīti nibbattānaṃ vasena diṭṭhāni dukkhāni. Tesu ca dukkhesu. Sabbattha nimittatthe bhummaṃ. Ḍayhamāno viya cittasantāpena.
жад̇д̇аариби сажжаани б̣уж̇жхад̇и бадивиж̇жхад̇ийд̇и б̣од̇хи, сад̇иаад̣̇ид̇хаммасаамаг̇г̇ий, д̇асмаа б̣ож̇жхаа б̣од̇хид̇о. саа бана б̣од̇хи бхааванаагаарзнзва бавад̇д̇ад̇и, ан̃н̃ад̇расад̣̇д̣̇аяог̇зна жа ‘‘б̣ож̇жхаа’’д̇и ниссаггаважананд̇и д̇ад̣̇ад̇т̇ам̣ д̣̇ассзнд̇о мун̃жид̇ваабад̣̇ам̣ абзгкид̇ваа ‘‘б̣ож̇жхан̇г̇абхаавана’’нд̇и ааха. д̇абог̇ун̣анд̇и д̇худ̇ад̇хаммамааха. со хи д̇ан̣хаалолуббасса д̇абанад̇о д̇або, саяам̣ г̇ун̣асабхаавад̇д̇аа г̇ун̣асанниссаяад̇о жа г̇ун̣анд̇и. д̇знааха ‘‘д̇худ̇ан̇г̇асан̇каад̇ам̣ д̇абог̇ун̣а’’нд̇и. саб̣б̣з сан̇каараг̇ад̇аа ниссаж̇ж̇ийяанд̇и зд̇т̇аад̇и саб̣б̣аниссаг̇г̇о, асан̇кад̇ад̇хаад̇ууд̇и ааха ‘‘саб̣б̣аниссаг̇г̇аад̇и ниб̣б̣аанад̇о’’д̇и.
Cattāripi saccāni bujjhati paṭivijjhatīti bodhi, satiādidhammasāmaggī, tasmā bojjhā bodhito. Sā pana bodhi bhāvanākāreneva pavattati, aññatrasaddayogena ca ‘‘bojjhā’’ti nissakkavacananti tadatthaṃ dassento muñcitvāpadaṃ apekkhitvā ‘‘bojjhaṅgabhāvana’’nti āha. Tapoguṇanti dhutadhammamāha. So hi taṇhāloluppassa tapanato tapo, sayaṃ guṇasabhāvattā guṇasannissayato ca guṇanti. Tenāha ‘‘dhutaṅgasaṅkhātaṃ tapoguṇa’’nti. Sabbe saṅkhāragatā nissajjīyanti etthāti sabbanissaggo, asaṅkhatadhātūti āha ‘‘sabbanissaggāti nibbānato’’ti.
инд̣̇рияасам̣варова батамам̣ взд̣̇ид̇аб̣б̣о бадибад̇д̇иггамавасзна д̇ассзва батамад̇д̇аа. д̇ам̣ бана бадибад̇д̇иггамам̣ д̣̇ассзд̇ум̣ ‘‘инд̣̇рияасам̣варз хий’’д̇иаад̣̇имааха. ниббарияааяад̇о маг̇г̇абарияаабаннаа зва б̣ож̇жхан̇г̇аад̇и ааха ‘‘сахавибассанааяа б̣ож̇жхан̇г̇з’’д̇и. д̇ассаад̇и д̇ат̇аабхаавзна д̇асса яог̇ино. яасмаа д̣̇звабуд̇д̇асса сад̇т̇аа д̇ам̣ г̇аат̇ам̣ вад̇ваа убари жа сажжаани багаасзси, д̇асмаа вуд̇д̇ам̣ ‘‘бхаг̇аваа жад̇усажжавасзна д̣̇зсанам̣ винивад̇д̇зсий’’д̇и. д̣̇звабуд̇д̇о сод̇аабад̇д̇ипалз бад̇идтахийд̇и гаамам̣ д̇ассзва висзсаад̇хиг̇амо ид̇хааг̇ад̇о, бан̃жасад̇амад̇д̇аахи бана ажчараахи сад̣̇д̇хим̣ сод̇аабад̇д̇ипалз бад̇идтахийд̇и взд̣̇ид̇аб̣б̣ам̣. д̇знааха махаасад̇ибадтаанасуд̇д̇аван̣н̣анааяам̣ (д̣̇ий. ни. адта. 2.373; ма. ни. адта. 1.106) ‘‘со д̣̇зсанаабарияосаанз бан̃жахи ажчараасад̇зхи сад̣̇д̇хим̣ сод̇аабад̇д̇ипалз бад̇идтааяа д̇ам̣ самбад̇д̇им̣ т̇ааварам̣ гад̇ваа д̣̇звалогамзва аг̇амаасий’’д̇и.
Indriyasaṃvarovapaṭhamaṃ veditabbo paṭipattikkamavasena tasseva paṭhamattā. Taṃ pana paṭipattikkamaṃ dassetuṃ ‘‘indriyasaṃvare hī’’tiādimāha. Nippariyāyato maggapariyāpannā eva bojjhaṅgāti āha ‘‘sahavipassanāya bojjhaṅge’’ti. Tassāti tathābhāvena tassa yogino. Yasmā devaputtassa satthā taṃ gāthaṃ vatvā upari ca saccāni pakāsesi, tasmā vuttaṃ ‘‘bhagavā catusaccavasena desanaṃ vinivattesī’’ti. Devaputto sotāpattiphale patiṭṭhahīti kāmaṃ tasseva visesādhigamo idhāgato, pañcasatamattāhi pana accharāhi saddhiṃ sotāpattiphale patiṭṭhahīti veditabbaṃ. Tenāha mahāsatipaṭṭhānasuttavaṇṇanāyaṃ (dī. ni. aṭṭha. 2.373; ma. ni. aṭṭha. 1.106) ‘‘so desanāpariyosāne pañcahi accharāsatehi saddhiṃ sotāpattiphale patiṭṭhāya taṃ sampattiṃ thāvaraṃ katvā devalokameva agamāsī’’ti.
суб̣рахмасуд̇д̇аван̣н̣анаа нидтид̇аа.
Subrahmasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. суб̣рахмасуд̇д̇ам̣ • 7. Subrahmasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. суб̣рахмасуд̇д̇аван̣н̣анаа • 7. Subrahmasuttavaṇṇanā
