| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. ஸுசரிதஸுத்தங்
2. Sucaritasuttaṃ
551. ஸாவத்தி²னிதா³னங். ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘கோ நு கோ², ப⁴ந்தே, ஹேது, கோ பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா வலாஹககாயிகானங் தே³வானங் ஸஹப்³யதங் உபபஜ்ஜதீ’’தி? ‘‘இத⁴, பி⁴க்கு², ஏகச்சோ காயேன ஸுசரிதங் சரதி, வாசாய ஸுசரிதங் சரதி, மனஸா ஸுசரிதங் சரதி. தஸ்ஸ ஸுதங் ஹோதி – ‘வலாஹககாயிகா தே³வா தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா வலாஹககாயிகானங் தே³வானங் ஸஹப்³யதங் உபபஜ்ஜெய்ய’ந்தி. ஸோ காயஸ்ஸ பே⁴தா³ பரங் மரணா வலாஹககாயிகானங் தே³வானங் ஸஹப்³யதங் உபபஜ்ஜதி. அயங் கோ², பி⁴க்கு², ஹேது, அயங் பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா வலாஹககாயிகானங் தே³வானங் ஸஹப்³யதங் உபபஜ்ஜதீ’’தி. து³தியங்.
551. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā valāhakakāyikānaṃ devānaṃ sahabyataṃ upapajjatī’’ti? ‘‘Idha, bhikkhu, ekacco kāyena sucaritaṃ carati, vācāya sucaritaṃ carati, manasā sucaritaṃ carati. Tassa sutaṃ hoti – ‘valāhakakāyikā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā valāhakakāyikānaṃ devānaṃ sahabyataṃ upapajjeyya’nti. So kāyassa bhedā paraṃ maraṇā valāhakakāyikānaṃ devānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā valāhakakāyikānaṃ devānaṃ sahabyataṃ upapajjatī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 11. வலாஹகஸங்யுத்தவண்ணனா • 11. Valāhakasaṃyuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 11. வலாஹகஸங்யுத்தவண்ணனா • 11. Valāhakasaṃyuttavaṇṇanā
