| Library / Tipiṭaka / ཏིཔིཊཀ • Tipiṭaka / ཨིཏིཝུཏྟཀ-ཨཊྛཀཐཱ • Itivuttaka-aṭṭhakathā |
༦. སུཙརིཏསུཏྟཝཎྞནཱ
6. Sucaritasuttavaṇṇanā
༦༥. ཚཊྛེ སུཊྛུ ཙརིཏཱནི, སུནྡརཱནི ཝཱ ཙརིཏཱནི སུཙརིཏཱནི། ཀཱཡེན སུཙརིཏཾ, ཀཱཡཏོ ཝཱ པཝཏྟཾ སུཙརིཏཾ ཀཱཡསུཙརིཏཾ། སེསེསུཔི ཨེསེཝ ནཡོ། ཨིདྷཱཔི པན པཉྙཏྟིཝསེན, ཀམྨཔཐཝསེན ཙཱཏི དུཝིདྷཱ ཀཐཱ། ཏཏྠ ཀཱཡདྭཱརེ པཉྙཏྟསིཀྑཱཔདསྶ ཨཝཱིཏིཀྐམོ ཀཱཡསུཙརིཏཾ, ཝཙཱིདྭཱརེ པཉྙཏྟསིཀྑཱཔདསྶ ཨཝཱིཏིཀྐམོ ཝཙཱིསུཙརིཏཾ, ཨུབྷཡཏྠ པཉྙཏྟསྶ ཨཝཱིཏིཀྐམོ མནོསུཙརིཏནྟི ཨཡཾ པཉྙཏྟིཀཐཱ། པཱཎཱཏིཔཱཏཱདཱིཧི པན ཝིརམནྟསྶ ཨུཔྤནྣཱ ཏིསྶོ ཙེཏནཱཔི ཝིརཏིཡོཔི ཀཱཡསུཙརིཏཾ, མུསཱཝཱདཱདཱིཧི ཝིརམནྟསྶ ཙཏསྶོ ཙེཏནཱཔི ཝིརཏིཡོཔི ཝཙཱིསུཙརིཏཾ, ཨནབྷིཛ྄ཛྷཱ, ཨབྱཱཔཱདོ, སམྨཱདིཊྛཱིཏི ཏཡོ ཙེཏནཱསམྤཡུཏྟདྷམྨཱ མནོསུཙརིཏནྟི ཨཡཾ ཀམྨཔཐཀཐཱ། སེསཾ ཝུཏྟནཡམེཝ།
65. Chaṭṭhe suṭṭhu caritāni, sundarāni vā caritāni sucaritāni. Kāyena sucaritaṃ, kāyato vā pavattaṃ sucaritaṃ kāyasucaritaṃ. Sesesupi eseva nayo. Idhāpi pana paññattivasena, kammapathavasena cāti duvidhā kathā. Tattha kāyadvāre paññattasikkhāpadassa avītikkamo kāyasucaritaṃ, vacīdvāre paññattasikkhāpadassa avītikkamo vacīsucaritaṃ, ubhayattha paññattassa avītikkamo manosucaritanti ayaṃ paññattikathā. Pāṇātipātādīhi pana viramantassa uppannā tisso cetanāpi viratiyopi kāyasucaritaṃ, musāvādādīhi viramantassa catasso cetanāpi viratiyopi vacīsucaritaṃ, anabhijjhā, abyāpādo, sammādiṭṭhīti tayo cetanāsampayuttadhammā manosucaritanti ayaṃ kammapathakathā. Sesaṃ vuttanayameva.
ཚཊྛསུཏྟཝཎྞནཱ ནིཊྛིཏཱ།
Chaṭṭhasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨིཏིཝུཏྟཀཔཱལི༹ • Itivuttakapāḷi / ༦. སུཙརིཏསུཏྟཾ • 6. Sucaritasuttaṃ
