| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
320. සුච්‌චජජාතකං (4-2-10)
320. Succajajātakaṃ (4-2-10)
77.
77.
සුච්‌චජං වත නච්‌චජි, වාචාය අදදං ගිරිං;
Succajaṃ vata naccaji, vācāya adadaṃ giriṃ;
කිං හිතස්‌ස චජන්‌තස්‌ස, වාචාය අදද පබ්‌බතං.
Kiṃ hitassa cajantassa, vācāya adada pabbataṃ.
78.
78.
යඤ්‌හි කයිරා තඤ්‌හි වදෙ, යං න කයිරා න තං වදෙ;
Yañhi kayirā tañhi vade, yaṃ na kayirā na taṃ vade;
අකරොන්‌තං භාසමානං, පරිජානන්‌ති පණ්‌ඩිතා.
Akarontaṃ bhāsamānaṃ, parijānanti paṇḍitā.
79.
79.
රාජපුත්‌ත නමො ත්‍යත්‌ථු, සච්‌චෙ ධම්‌මෙ ඨිතො චසි;
Rājaputta namo tyatthu, sacce dhamme ṭhito casi;
යස්‌ස තෙ බ්‍යසනං පත්‌තො, සච්‌චස්‌මිං රමතෙ මනො.
Yassa te byasanaṃ patto, saccasmiṃ ramate mano.
80.
80.
යා දලිද්‌දී දලිද්‌දස්‌ස, අඩ්‌ඪා අඩ්‌ඪස්‌ස කිත්‌තිම 1;
Yā daliddī daliddassa, aḍḍhā aḍḍhassa kittima 2;
සා හිස්‌ස පරමා භරියා, සහිරඤ්‌ඤස්‌ස ඉත්‌ථියොති.
Sā hissa paramā bhariyā, sahiraññassa itthiyoti.
සුච්‌චජජාතකං දසමං.
Succajajātakaṃ dasamaṃ.
පුචිමන්‌දවග්‌ගො දුතියො.
Pucimandavaggo dutiyo.
තස්‌සුද්‌දානං –
Tassuddānaṃ –
අථ චොර සකස්‌සප ඛන්‌තීවරො, දුජ්‌ජීවිතතා ච වරා ඵරුසා;
Atha cora sakassapa khantīvaro, dujjīvitatā ca varā pharusā;
අථ සස මතඤ්‌ච වසන්‌ත සුඛං, සුච්‌චජංවතනච්‌චජිනා ච දසාති.
Atha sasa matañca vasanta sukhaṃ, succajaṃvatanaccajinā ca dasāti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [320] 10. සුච්‌චජජාතකවණ්‌ණනා • [320] 10. Succajajātakavaṇṇanā
