| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. สูจิทายกเตฺถรอปทานํ
7. Sūcidāyakattheraapadānaṃ
๓๐.
30.
‘‘ติํสกปฺปสหสฺสมฺหิ, สมฺพุโทฺธ โลกนายโก;
‘‘Tiṃsakappasahassamhi, sambuddho lokanāyako;
สุเมโธ นาม นาเมน, พาตฺติํสวรลกฺขโณฯ
Sumedho nāma nāmena, bāttiṃsavaralakkhaṇo.
๓๑.
31.
‘‘ตสฺส กญฺจนวณฺณสฺส, ทฺวิปทินฺทสฺส ตาทิโน;
‘‘Tassa kañcanavaṇṇassa, dvipadindassa tādino;
ปญฺจ สูจี มยา ทินฺนา, สิพฺพนตฺถาย จีวรํฯ
Pañca sūcī mayā dinnā, sibbanatthāya cīvaraṃ.
๓๒.
32.
‘‘เตเนว สูจิทาเนน, นิปุณตฺถวิปสฺสกํ;
‘‘Teneva sūcidānena, nipuṇatthavipassakaṃ;
ติกฺขํ ลหุญฺจ ผาสุญฺจ, ญาณํ เม อุทปชฺชถฯ
Tikkhaṃ lahuñca phāsuñca, ñāṇaṃ me udapajjatha.
๓๓.
33.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๓๔.
34.
‘‘ทฺวิปทาธิปตี นาม, ราชาโน จตุโร อหุํ;
‘‘Dvipadādhipatī nāma, rājāno caturo ahuṃ;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๓๕.
35.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา สูจิทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā sūcidāyako thero imā gāthāyo abhāsitthāti.
สูจิทายกเตฺถรสฺสาปทานํ สตฺตมํฯ
Sūcidāyakattherassāpadānaṃ sattamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๗. สูจิทายกเตฺถรอปทานวณฺณนา • 7. Sūcidāyakattheraapadānavaṇṇanā
