| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ಸೂಚಿದಾಯಕತ್ಥೇರಅಪದಾನಂ
7. Sūcidāyakattheraapadānaṃ
೩೦.
30.
‘‘ತಿಂಸಕಪ್ಪಸಹಸ್ಸಮ್ಹಿ, ಸಮ್ಬುದ್ಧೋ ಲೋಕನಾಯಕೋ।
‘‘Tiṃsakappasahassamhi, sambuddho lokanāyako;
ಸುಮೇಧೋ ನಾಮ ನಾಮೇನ, ಬಾತ್ತಿಂಸವರಲಕ್ಖಣೋ॥
Sumedho nāma nāmena, bāttiṃsavaralakkhaṇo.
೩೧.
31.
‘‘ತಸ್ಸ ಕಞ್ಚನವಣ್ಣಸ್ಸ, ದ್ವಿಪದಿನ್ದಸ್ಸ ತಾದಿನೋ।
‘‘Tassa kañcanavaṇṇassa, dvipadindassa tādino;
ಪಞ್ಚ ಸೂಚೀ ಮಯಾ ದಿನ್ನಾ, ಸಿಬ್ಬನತ್ಥಾಯ ಚೀವರಂ॥
Pañca sūcī mayā dinnā, sibbanatthāya cīvaraṃ.
೩೨.
32.
‘‘ತೇನೇವ ಸೂಚಿದಾನೇನ, ನಿಪುಣತ್ಥವಿಪಸ್ಸಕಂ।
‘‘Teneva sūcidānena, nipuṇatthavipassakaṃ;
ತಿಕ್ಖಂ ಲಹುಞ್ಚ ಫಾಸುಞ್ಚ, ಞಾಣಂ ಮೇ ಉದಪಜ್ಜಥ॥
Tikkhaṃ lahuñca phāsuñca, ñāṇaṃ me udapajjatha.
೩೩.
33.
‘‘ಕಿಲೇಸಾ ಝಾಪಿತಾ ಮಯ್ಹಂ, ಭವಾ ಸಬ್ಬೇ ಸಮೂಹತಾ।
‘‘Kilesā jhāpitā mayhaṃ, bhavā sabbe samūhatā;
ಧಾರೇಮಿ ಅನ್ತಿಮಂ ದೇಹಂ, ಸಮ್ಮಾಸಮ್ಬುದ್ಧಸಾಸನೇ॥
Dhāremi antimaṃ dehaṃ, sammāsambuddhasāsane.
೩೪.
34.
‘‘ದ್ವಿಪದಾಧಿಪತೀ ನಾಮ, ರಾಜಾನೋ ಚತುರೋ ಅಹುಂ।
‘‘Dvipadādhipatī nāma, rājāno caturo ahuṃ;
ಸತ್ತರತನಸಮ್ಪನ್ನಾ, ಚಕ್ಕವತ್ತೀ ಮಹಬ್ಬಲಾ॥
Sattaratanasampannā, cakkavattī mahabbalā.
೩೫.
35.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸೂಚಿದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā sūcidāyako thero imā gāthāyo abhāsitthāti.
ಸೂಚಿದಾಯಕತ್ಥೇರಸ್ಸಾಪದಾನಂ ಸತ್ತಮಂ।
Sūcidāyakattherassāpadānaṃ sattamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೭. ಸೂಚಿದಾಯಕತ್ಥೇರಅಪದಾನವಣ್ಣನಾ • 7. Sūcidāyakattheraapadānavaṇṇanā
