| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. සූචිදායකත්‌ථෙරඅපදානං
7. Sūcidāyakattheraapadānaṃ
30.
30.
‘‘තිංසකප්‌පසහස්‌සම්‌හි, සම්‌බුද්‌ධො ලොකනායකො;
‘‘Tiṃsakappasahassamhi, sambuddho lokanāyako;
සුමෙධො නාම නාමෙන, බාත්‌තිංසවරලක්‌ඛණො.
Sumedho nāma nāmena, bāttiṃsavaralakkhaṇo.
31.
31.
‘‘තස්‌ස කඤ්‌චනවණ්‌ණස්‌ස, ද්‌විපදින්‌දස්‌ස තාදිනො;
‘‘Tassa kañcanavaṇṇassa, dvipadindassa tādino;
පඤ්‌ච සූචී මයා දින්‌නා, සිබ්‌බනත්‌ථාය චීවරං.
Pañca sūcī mayā dinnā, sibbanatthāya cīvaraṃ.
32.
32.
‘‘තෙනෙව සූචිදානෙන, නිපුණත්‌ථවිපස්‌සකං;
‘‘Teneva sūcidānena, nipuṇatthavipassakaṃ;
තික්‌ඛං ලහුඤ්‌ච ඵාසුඤ්‌ච, ඤාණං මෙ උදපජ්‌ජථ.
Tikkhaṃ lahuñca phāsuñca, ñāṇaṃ me udapajjatha.
33.
33.
‘‘කිලෙසා ඣාපිතා මය්‌හං, භවා සබ්‌බෙ සමූහතා;
‘‘Kilesā jhāpitā mayhaṃ, bhavā sabbe samūhatā;
ධාරෙමි අන්‌තිමං දෙහං, සම්‌මාසම්‌බුද්‌ධසාසනෙ.
Dhāremi antimaṃ dehaṃ, sammāsambuddhasāsane.
34.
34.
‘‘ද්‌විපදාධිපතී නාම, රාජානො චතුරො අහුං;
‘‘Dvipadādhipatī nāma, rājāno caturo ahuṃ;
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
35.
35.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සූචිදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sūcidāyako thero imā gāthāyo abhāsitthāti.
සූචිදායකත්‌ථෙරස්‌සාපදානං සත්‌තමං.
Sūcidāyakattherassāpadānaṃ sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 7. සූචිදායකත්‌ථෙරඅපදානවණ්‌ණනා • 7. Sūcidāyakattheraapadānavaṇṇanā
