| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
7. ஸூசிதா³யகத்தே²ரஅபதா³னவண்ணனா
7. Sūcidāyakattheraapadānavaṇṇanā
திங்ஸகப்பஸஹஸ்ஸம்ஹீதிஆதி³கங் ஆயஸ்மதோ ஸூசிதா³யகத்தே²ரஸ்ஸ அபதா³னங். அயம்பி புரிமஜினவரேஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ ஸுமேத⁴ஸ்ஸ ப⁴க³வதோ காலே ஏகஸ்மிங் குலகே³ஹே நிப்³ப³த்தோ வுத்³தி⁴மன்வாய ப⁴க³வதோ சீவரகம்மங் காதுங் பஞ்ச ஸூசியோ அதா³ஸி. ஸோ தேன புஞ்ஞேன தே³வமனுஸ்ஸேஸு புஞ்ஞமனுப⁴வித்வா விசரந்தோ உப்பன்னுப்பன்னப⁴வே திக்க²பஞ்ஞோ ஹுத்வா பாகடோ இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸீதி³த்வா பப்³ப³ஜந்தோ திக்க²பஞ்ஞதாய கு²ரக்³கே³யேவ அரஹத்தங் பாபுணி.
Tiṃsakappasahassamhītiādikaṃ āyasmato sūcidāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle ekasmiṃ kulagehe nibbatto vuddhimanvāya bhagavato cīvarakammaṃ kātuṃ pañca sūciyo adāsi. So tena puññena devamanussesu puññamanubhavitvā vicaranto uppannuppannabhave tikkhapañño hutvā pākaṭo imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajanto tikkhapaññatāya khuraggeyeva arahattaṃ pāpuṇi.
30. ஸோ அபரபா⁴கே³ புஞ்ஞங் பச்சவெக்க²ந்தோ தங் தி³ஸ்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ திங்ஸகப்பஸஹஸ்ஸம்ஹீதிஆதி³மாஹ. அந்தரந்தரங் பனெத்த² ஸுவிஞ்ஞெய்யமேவ.
30. So aparabhāge puññaṃ paccavekkhanto taṃ disvā somanassajāto pubbacaritāpadānaṃ pakāsento tiṃsakappasahassamhītiādimāha. Antarantaraṃ panettha suviññeyyameva.
31. பஞ்சஸூசீ மயா தி³ன்னாதி எத்த² ஸூசதி சி²த்³த³ங் கரோதி விஜ்ஜ²தீதி ஸூசி, பஞ்சமத்தா ஸூசீ பஞ்சஸூசீ மயா தி³ன்னாதி அத்தோ². ஸேஸங் ஸுவிஞ்ஞெய்யமேவாதி.
31.Pañcasūcī mayā dinnāti ettha sūcati chiddaṃ karoti vijjhatīti sūci, pañcamattā sūcī pañcasūcī mayā dinnāti attho. Sesaṃ suviññeyyamevāti.
ஸூசிதா³யகத்தே²ரஅபதா³னவண்ணனா ஸமத்தா.
Sūcidāyakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 7. ஸூசிதா³யகத்தே²ரஅபதா³னங் • 7. Sūcidāyakattheraapadānaṃ
