| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
4. ஸூசிதா³யகத்தே²ரஅபதா³னவண்ணனா
4. Sūcidāyakattheraapadānavaṇṇanā
கம்மாரோஹங் புரே ஆஸிந்திஆதி³கங் ஆயஸ்மதோ ஸூசிதா³யகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ அந்தரந்தரா குஸலபீ³ஜானி பூரெந்தோ விபஸ்ஸிஸ்ஸ ப⁴க³வதோ காலே அந்தரந்தரா கதேன ஏகேன கம்மச்சி²த்³தே³ன கம்மாரகுலே நிப்³ப³த்தோ வுத்³தி⁴மன்வாய ஸகஸிப்பேஸு நிப்ப²த்திங் பத்தோ ஸத்து² த⁴ம்மதே³ஸனங் ஸுத்வா பஸன்னமானஸோ சீவரஸிப்³ப³னத்தா²ய ஸூசிதா³னமதா³ஸி, தேன புஞ்ஞேன தி³ப்³ப³ஸம்பத்திங் அனுப⁴வித்வா அபரபா⁴கே³ மனுஸ்ஸேஸு உப்பன்னோ சக்கவத்தாத³யோ ஸம்பத்தியோ ச அனுப⁴வந்தோ உப்பன்னுப்பன்னப⁴வே திக்க²பஞ்ஞோ வஜீரஞாணோ அஹோஸி. ஸோ கமேன இமஸ்மிங் பு³த்³து⁴ப்பாதே³ நிப்³ப³த்தோ வுத்³தி⁴ப்பத்தோ மஹத்³த⁴னோ ஸத்³தா⁴ஜாதோ திக்க²பஞ்ஞோ அஹோஸி. ஸோ ஏகதி³வஸங் ஸத்து² த⁴ம்மதே³ஸனங் ஸுத்வா த⁴ம்மானுஸாரேன ஞாணங் பேஸெத்வா நிஸின்னாஸனேயேவ அரஹா அஹோஸி.
Kammārohaṃ pure āsintiādikaṃ āyasmato sūcidāyakattherassa apadānaṃ. Ayampi purimabuddhesu katādhikāro antarantarā kusalabījāni pūrento vipassissa bhagavato kāle antarantarā katena ekena kammacchiddena kammārakule nibbatto vuddhimanvāya sakasippesu nipphattiṃ patto satthu dhammadesanaṃ sutvā pasannamānaso cīvarasibbanatthāya sūcidānamadāsi, tena puññena dibbasampattiṃ anubhavitvā aparabhāge manussesu uppanno cakkavattādayo sampattiyo ca anubhavanto uppannuppannabhave tikkhapañño vajīrañāṇo ahosi. So kamena imasmiṃ buddhuppāde nibbatto vuddhippatto mahaddhano saddhājāto tikkhapañño ahosi. So ekadivasaṃ satthu dhammadesanaṃ sutvā dhammānusārena ñāṇaṃ pesetvā nisinnāsaneyeva arahā ahosi.
19. ஸோ அரஹா ஸமானோ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ கம்மாரோஹங் புரே ஆஸிந்திஆதி³மாஹ. தத்த² கம்மாரோதி அயோகம்மலோஹகம்மாதி³னா கம்மேன ஜீவதி ருஹதி வுத்³தி⁴ங் விரூள்ஹிங் ஆபஜ்ஜதீதி கம்மாரோ, புப்³பே³ புஞ்ஞகரணகாலே கம்மாரோ ஆஸிங் அஹோஸிந்தி அத்தோ². ஸேஸங் ஸப்³ப³த்த² உத்தானமேவாதி.
19. So arahā samāno attano pubbakammaṃ saritvā somanassajāto pubbacaritāpadānaṃ pakāsento kammārohaṃ pure āsintiādimāha. Tattha kammāroti ayokammalohakammādinā kammena jīvati ruhati vuddhiṃ virūḷhiṃ āpajjatīti kammāro, pubbe puññakaraṇakāle kammāro āsiṃ ahosinti attho. Sesaṃ sabbattha uttānamevāti.
ஸூசிதா³யகத்தே²ரஅபதா³னவண்ணனா ஸமத்தா.
Sūcidāyakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 4. ஸூசிதா³யகத்தே²ரஅபதா³னங் • 4. Sūcidāyakattheraapadānaṃ
