| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. суужид̣̇ааяагад̇т̇зраабад̣̇аанаван̣н̣анаа
4. Sūcidāyakattheraapadānavaṇṇanā
гаммаарохам̣ бурз аасинд̇иаад̣̇игам̣ ааяасмад̇о суужид̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анд̇аранд̇араа гусалаб̣ийж̇аани буурзнд̇о вибассисса бхаг̇авад̇о гаалз анд̇аранд̇араа гад̇зна згзна гаммажчид̣̇д̣̇зна гаммаарагулз ниб̣б̣ад̇д̇о вуд̣̇д̇химанвааяа сагасиббзсу нибпад̇д̇им̣ бад̇д̇о сад̇т̇у д̇хаммад̣̇зсанам̣ суд̇ваа басаннамаанасо жийварасиб̣б̣анад̇т̇ааяа суужид̣̇аанамад̣̇ааси, д̇зна бун̃н̃зна д̣̇иб̣б̣асамбад̇д̇им̣ анубхавид̇ваа абарабхааг̇з мануссзсу уббанно жаггавад̇д̇аад̣̇аяо самбад̇д̇ияо жа анубхаванд̇о уббаннуббаннабхавз д̇игкабан̃н̃о важ̇ийран̃аан̣о ахоси. со гамзна имасмим̣ б̣уд̣̇д̇хуббаад̣̇з ниб̣б̣ад̇д̇о вуд̣̇д̇хиббад̇д̇о махад̣̇д̇хано сад̣̇д̇хааж̇аад̇о д̇игкабан̃н̃о ахоси. со згад̣̇ивасам̣ сад̇т̇у д̇хаммад̣̇зсанам̣ суд̇ваа д̇хаммаанусаарзна н̃аан̣ам̣ бзсзд̇ваа нисиннаасанзязва арахаа ахоси.
Kammārohaṃ pure āsintiādikaṃ āyasmato sūcidāyakattherassa apadānaṃ. Ayampi purimabuddhesu katādhikāro antarantarā kusalabījāni pūrento vipassissa bhagavato kāle antarantarā katena ekena kammacchiddena kammārakule nibbatto vuddhimanvāya sakasippesu nipphattiṃ patto satthu dhammadesanaṃ sutvā pasannamānaso cīvarasibbanatthāya sūcidānamadāsi, tena puññena dibbasampattiṃ anubhavitvā aparabhāge manussesu uppanno cakkavattādayo sampattiyo ca anubhavanto uppannuppannabhave tikkhapañño vajīrañāṇo ahosi. So kamena imasmiṃ buddhuppāde nibbatto vuddhippatto mahaddhano saddhājāto tikkhapañño ahosi. So ekadivasaṃ satthu dhammadesanaṃ sutvā dhammānusārena ñāṇaṃ pesetvā nisinnāsaneyeva arahā ahosi.
19. со арахаа самаано ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о гаммаарохам̣ бурз аасинд̇иаад̣̇имааха. д̇ад̇т̇а гаммаарод̇и аяогаммалохагаммаад̣̇инаа гаммзна ж̇ийвад̇и рухад̇и вуд̣̇д̇хим̣ вируул̣хим̣ аабаж̇ж̇ад̇ийд̇и гаммааро, буб̣б̣з бун̃н̃агаран̣агаалз гаммааро аасим̣ ахосинд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
19. So arahā samāno attano pubbakammaṃ saritvā somanassajāto pubbacaritāpadānaṃ pakāsento kammārohaṃ pure āsintiādimāha. Tattha kammāroti ayokammalohakammādinā kammena jīvati ruhati vuddhiṃ virūḷhiṃ āpajjatīti kammāro, pubbe puññakaraṇakāle kammāro āsiṃ ahosinti attho. Sesaṃ sabbattha uttānamevāti.
суужид̣̇ааяагад̇т̇зраабад̣̇аанаван̣н̣анаа самад̇д̇аа.
Sūcidāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. суужид̣̇ааяагад̇т̇зраабад̣̇аанам̣ • 4. Sūcidāyakattheraapadānaṃ
