| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೭. ಸೂಚಿದಾಯಕತ್ಥೇರಅಪದಾನವಣ್ಣನಾ
7. Sūcidāyakattheraapadānavaṇṇanā
ತಿಂಸಕಪ್ಪಸಹಸ್ಸಮ್ಹೀತಿಆದಿಕಂ ಆಯಸ್ಮತೋ ಸೂಚಿದಾಯಕತ್ಥೇರಸ್ಸ ಅಪದಾನಂ। ಅಯಮ್ಪಿ ಪುರಿಮಜಿನವರೇಸು ಕತಾಧಿಕಾರೋ ತತ್ಥ ತತ್ಥ ಭವೇ ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ಸುಮೇಧಸ್ಸ ಭಗವತೋ ಕಾಲೇ ಏಕಸ್ಮಿಂ ಕುಲಗೇಹೇ ನಿಬ್ಬತ್ತೋ ವುದ್ಧಿಮನ್ವಾಯ ಭಗವತೋ ಚೀವರಕಮ್ಮಂ ಕಾತುಂ ಪಞ್ಚ ಸೂಚಿಯೋ ಅದಾಸಿ। ಸೋ ತೇನ ಪುಞ್ಞೇನ ದೇವಮನುಸ್ಸೇಸು ಪುಞ್ಞಮನುಭವಿತ್ವಾ ವಿಚರನ್ತೋ ಉಪ್ಪನ್ನುಪ್ಪನ್ನಭವೇ ತಿಕ್ಖಪಞ್ಞೋ ಹುತ್ವಾ ಪಾಕಟೋ ಇಮಸ್ಮಿಂ ಬುದ್ಧುಪ್ಪಾದೇ ಏಕಸ್ಮಿಂ ಕುಲಗೇಹೇ ನಿಬ್ಬತ್ತೋ ವುದ್ಧಿಮನ್ವಾಯ ಸತ್ಥರಿ ಪಸೀದಿತ್ವಾ ಪಬ್ಬಜನ್ತೋ ತಿಕ್ಖಪಞ್ಞತಾಯ ಖುರಗ್ಗೇಯೇವ ಅರಹತ್ತಂ ಪಾಪುಣಿ।
Tiṃsakappasahassamhītiādikaṃ āyasmato sūcidāyakattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto sumedhassa bhagavato kāle ekasmiṃ kulagehe nibbatto vuddhimanvāya bhagavato cīvarakammaṃ kātuṃ pañca sūciyo adāsi. So tena puññena devamanussesu puññamanubhavitvā vicaranto uppannuppannabhave tikkhapañño hutvā pākaṭo imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajanto tikkhapaññatāya khuraggeyeva arahattaṃ pāpuṇi.
೩೦. ಸೋ ಅಪರಭಾಗೇ ಪುಞ್ಞಂ ಪಚ್ಚವೇಕ್ಖನ್ತೋ ತಂ ದಿಸ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ತಿಂಸಕಪ್ಪಸಹಸ್ಸಮ್ಹೀತಿಆದಿಮಾಹ। ಅನ್ತರನ್ತರಂ ಪನೇತ್ಥ ಸುವಿಞ್ಞೇಯ್ಯಮೇವ।
30. So aparabhāge puññaṃ paccavekkhanto taṃ disvā somanassajāto pubbacaritāpadānaṃ pakāsento tiṃsakappasahassamhītiādimāha. Antarantaraṃ panettha suviññeyyameva.
೩೧. ಪಞ್ಚಸೂಚೀ ಮಯಾ ದಿನ್ನಾತಿ ಏತ್ಥ ಸೂಚತಿ ಛಿದ್ದಂ ಕರೋತಿ ವಿಜ್ಝತೀತಿ ಸೂಚಿ, ಪಞ್ಚಮತ್ತಾ ಸೂಚೀ ಪಞ್ಚಸೂಚೀ ಮಯಾ ದಿನ್ನಾತಿ ಅತ್ಥೋ। ಸೇಸಂ ಸುವಿಞ್ಞೇಯ್ಯಮೇವಾತಿ।
31.Pañcasūcī mayā dinnāti ettha sūcati chiddaṃ karoti vijjhatīti sūci, pañcamattā sūcī pañcasūcī mayā dinnāti attho. Sesaṃ suviññeyyamevāti.
ಸೂಚಿದಾಯಕತ್ಥೇರಅಪದಾನವಣ್ಣನಾ ಸಮತ್ತಾ।
Sūcidāyakattheraapadānavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೭. ಸೂಚಿದಾಯಕತ್ಥೇರಅಪದಾನಂ • 7. Sūcidāyakattheraapadānaṃ
