| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೪. ಸೂಚಿದಾಯಕತ್ಥೇರಅಪದಾನವಣ್ಣನಾ
4. Sūcidāyakattheraapadānavaṇṇanā
ಕಮ್ಮಾರೋಹಂ ಪುರೇ ಆಸಿನ್ತಿಆದಿಕಂ ಆಯಸ್ಮತೋ ಸೂಚಿದಾಯಕತ್ಥೇರಸ್ಸ ಅಪದಾನಂ। ಅಯಮ್ಪಿ ಪುರಿಮಬುದ್ಧೇಸು ಕತಾಧಿಕಾರೋ ಅನ್ತರನ್ತರಾ ಕುಸಲಬೀಜಾನಿ ಪೂರೇನ್ತೋ ವಿಪಸ್ಸಿಸ್ಸ ಭಗವತೋ ಕಾಲೇ ಅನ್ತರನ್ತರಾ ಕತೇನ ಏಕೇನ ಕಮ್ಮಚ್ಛಿದ್ದೇನ ಕಮ್ಮಾರಕುಲೇ ನಿಬ್ಬತ್ತೋ ವುದ್ಧಿಮನ್ವಾಯ ಸಕಸಿಪ್ಪೇಸು ನಿಪ್ಫತ್ತಿಂ ಪತ್ತೋ ಸತ್ಥು ಧಮ್ಮದೇಸನಂ ಸುತ್ವಾ ಪಸನ್ನಮಾನಸೋ ಚೀವರಸಿಬ್ಬನತ್ಥಾಯ ಸೂಚಿದಾನಮದಾಸಿ, ತೇನ ಪುಞ್ಞೇನ ದಿಬ್ಬಸಮ್ಪತ್ತಿಂ ಅನುಭವಿತ್ವಾ ಅಪರಭಾಗೇ ಮನುಸ್ಸೇಸು ಉಪ್ಪನ್ನೋ ಚಕ್ಕವತ್ತಾದಯೋ ಸಮ್ಪತ್ತಿಯೋ ಚ ಅನುಭವನ್ತೋ ಉಪ್ಪನ್ನುಪ್ಪನ್ನಭವೇ ತಿಕ್ಖಪಞ್ಞೋ ವಜೀರಞಾಣೋ ಅಹೋಸಿ। ಸೋ ಕಮೇನ ಇಮಸ್ಮಿಂ ಬುದ್ಧುಪ್ಪಾದೇ ನಿಬ್ಬತ್ತೋ ವುದ್ಧಿಪ್ಪತ್ತೋ ಮಹದ್ಧನೋ ಸದ್ಧಾಜಾತೋ ತಿಕ್ಖಪಞ್ಞೋ ಅಹೋಸಿ। ಸೋ ಏಕದಿವಸಂ ಸತ್ಥು ಧಮ್ಮದೇಸನಂ ಸುತ್ವಾ ಧಮ್ಮಾನುಸಾರೇನ ಞಾಣಂ ಪೇಸೇತ್ವಾ ನಿಸಿನ್ನಾಸನೇಯೇವ ಅರಹಾ ಅಹೋಸಿ।
Kammārohaṃ pure āsintiādikaṃ āyasmato sūcidāyakattherassa apadānaṃ. Ayampi purimabuddhesu katādhikāro antarantarā kusalabījāni pūrento vipassissa bhagavato kāle antarantarā katena ekena kammacchiddena kammārakule nibbatto vuddhimanvāya sakasippesu nipphattiṃ patto satthu dhammadesanaṃ sutvā pasannamānaso cīvarasibbanatthāya sūcidānamadāsi, tena puññena dibbasampattiṃ anubhavitvā aparabhāge manussesu uppanno cakkavattādayo sampattiyo ca anubhavanto uppannuppannabhave tikkhapañño vajīrañāṇo ahosi. So kamena imasmiṃ buddhuppāde nibbatto vuddhippatto mahaddhano saddhājāto tikkhapañño ahosi. So ekadivasaṃ satthu dhammadesanaṃ sutvā dhammānusārena ñāṇaṃ pesetvā nisinnāsaneyeva arahā ahosi.
೧೯. ಸೋ ಅರಹಾ ಸಮಾನೋ ಅತ್ತನೋ ಪುಬ್ಬಕಮ್ಮಂ ಸರಿತ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಕಾಸೇನ್ತೋ ಕಮ್ಮಾರೋಹಂ ಪುರೇ ಆಸಿನ್ತಿಆದಿಮಾಹ। ತತ್ಥ ಕಮ್ಮಾರೋತಿ ಅಯೋಕಮ್ಮಲೋಹಕಮ್ಮಾದಿನಾ ಕಮ್ಮೇನ ಜೀವತಿ ರುಹತಿ ವುದ್ಧಿಂ ವಿರೂಳ್ಹಿಂ ಆಪಜ್ಜತೀತಿ ಕಮ್ಮಾರೋ, ಪುಬ್ಬೇ ಪುಞ್ಞಕರಣಕಾಲೇ ಕಮ್ಮಾರೋ ಆಸಿಂ ಅಹೋಸಿನ್ತಿ ಅತ್ಥೋ। ಸೇಸಂ ಸಬ್ಬತ್ಥ ಉತ್ತಾನಮೇವಾತಿ।
19. So arahā samāno attano pubbakammaṃ saritvā somanassajāto pubbacaritāpadānaṃ pakāsento kammārohaṃ pure āsintiādimāha. Tattha kammāroti ayokammalohakammādinā kammena jīvati ruhati vuddhiṃ virūḷhiṃ āpajjatīti kammāro, pubbe puññakaraṇakāle kammāro āsiṃ ahosinti attho. Sesaṃ sabbattha uttānamevāti.
ಸೂಚಿದಾಯಕತ್ಥೇರಅಪದಾನವಣ್ಣನಾ ಸಮತ್ತಾ।
Sūcidāyakattheraapadānavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೪. ಸೂಚಿದಾಯಕತ್ಥೇರಅಪದಾನಂ • 4. Sūcidāyakattheraapadānaṃ
